| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๘. หิรีสุตฺตวณฺณนา
8. Hirīsuttavaṇṇanā
๑๘. อฎฺฐเม หิรีนิเสโธติ หิริยา อกุสเล ธเมฺม นิเสเธตีติ หิรีนิเสโธฯ โกจิ โลกสฺมิํ วิชฺชตีติ โกจิ เอวรูโป วิชฺชตีติ ปุจฺฉติฯ โย นินฺทํ อปโพธตีติ โย ครหํ อปหรโนฺต พุชฺฌติฯ อโสฺส ภโทฺร กสามิวาติ ยถา ภโทฺร อสฺสาชานีโย กสํ อปหรโนฺต พุชฺฌติ, ปโตทจฺฉายํ ทิสฺวา สํวิชฺฌโนฺต วิย กสาย อตฺตนิ นิปาตํ น เทติ, เอวเมว โย ภิกฺขุ ภูตสฺส ทสอโกฺกสวตฺถุโน อตฺตนิ นิปาตํ อททโนฺต นินฺทํ อปโพธติ อปหรโนฺต พุชฺฌติ, เอวรูโป โกจิ ขีณาสโว วิชฺชตีติ ปุจฺฉติฯ อภูตโกฺกเสน ปน ปริมุโตฺต นาม นตฺถิฯ ตนุยาติ ตนุกา, หิริยา อกุสเล ธเมฺม นิเสเธตฺวา จรนฺตา ขีณาสวา นาม อปฺปกาติ อโตฺถฯ สทา สตาติ นิจฺจกาลํ สติเวปุเลฺลน สมนฺนาคตาฯ อนฺตํ ทุกฺขสฺส ปปฺปุยฺยาติ วฎฺฎทุกฺขสฺส โกฎิํ อนฺตภูตํ นิพฺพานํ ปาปุณิตฺวาฯ เสสํ วุตฺตนยเมวาติฯ
18. Aṭṭhame hirīnisedhoti hiriyā akusale dhamme nisedhetīti hirīnisedho. Koci lokasmiṃvijjatīti koci evarūpo vijjatīti pucchati. Yo nindaṃ apabodhatīti yo garahaṃ apaharanto bujjhati. Asso bhadro kasāmivāti yathā bhadro assājānīyo kasaṃ apaharanto bujjhati, patodacchāyaṃ disvā saṃvijjhanto viya kasāya attani nipātaṃ na deti, evameva yo bhikkhu bhūtassa dasaakkosavatthuno attani nipātaṃ adadanto nindaṃ apabodhati apaharanto bujjhati, evarūpo koci khīṇāsavo vijjatīti pucchati. Abhūtakkosena pana parimutto nāma natthi. Tanuyāti tanukā, hiriyā akusale dhamme nisedhetvā carantā khīṇāsavā nāma appakāti attho. Sadā satāti niccakālaṃ sativepullena samannāgatā. Antaṃ dukkhassa pappuyyāti vaṭṭadukkhassa koṭiṃ antabhūtaṃ nibbānaṃ pāpuṇitvā. Sesaṃ vuttanayamevāti.
หิรีสุตฺตวณฺณนา นิฎฺฐิตาฯ
Hirīsuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๘. หิรีสุตฺตํ • 8. Hirīsuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๘. หิรีสุตฺตวณฺณนา • 8. Hirīsuttavaṇṇanā
