| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៨. ហិរីសុត្តវណ្ណនា
8. Hirīsuttavaṇṇanā
១៨. អដ្ឋមេ ហិរីនិសេធោតិ ហិរិយា អកុសលេ ធម្មេ និសេធេតីតិ ហិរីនិសេធោ។ កោចិ លោកស្មិំ វិជ្ជតីតិ កោចិ ឯវរូបោ វិជ្ជតីតិ បុច្ឆតិ។ យោ និន្ទំ អបពោធតីតិ យោ គរហំ អបហរន្តោ ពុជ្ឈតិ។ អស្សោ ភទ្រោ កសាមិវាតិ យថា ភទ្រោ អស្សាជានីយោ កសំ អបហរន្តោ ពុជ្ឈតិ, បតោទច្ឆាយំ ទិស្វា សំវិជ្ឈន្តោ វិយ កសាយ អត្តនិ និបាតំ ន ទេតិ, ឯវមេវ យោ ភិក្ខុ ភូតស្ស ទសអក្កោសវត្ថុនោ អត្តនិ និបាតំ អទទន្តោ និន្ទំ អបពោធតិ អបហរន្តោ ពុជ្ឈតិ, ឯវរូបោ កោចិ ខីណាសវោ វិជ្ជតីតិ បុច្ឆតិ។ អភូតក្កោសេន បន បរិមុត្តោ នាម នត្ថិ។ តនុយាតិ តនុកា, ហិរិយា អកុសលេ ធម្មេ និសេធេត្វា ចរន្តា ខីណាសវា នាម អប្បកាតិ អត្ថោ។ សទា សតាតិ និច្ចកាលំ សតិវេបុល្លេន សមន្នាគតា។ អន្តំ ទុក្ខស្ស បប្បុយ្យាតិ វដ្ដទុក្ខស្ស កោដិំ អន្តភូតំ និព្ពានំ បាបុណិត្វា។ សេសំ វុត្តនយមេវាតិ។
18. Aṭṭhame hirīnisedhoti hiriyā akusale dhamme nisedhetīti hirīnisedho. Koci lokasmiṃvijjatīti koci evarūpo vijjatīti pucchati. Yo nindaṃ apabodhatīti yo garahaṃ apaharanto bujjhati. Asso bhadro kasāmivāti yathā bhadro assājānīyo kasaṃ apaharanto bujjhati, patodacchāyaṃ disvā saṃvijjhanto viya kasāya attani nipātaṃ na deti, evameva yo bhikkhu bhūtassa dasaakkosavatthuno attani nipātaṃ adadanto nindaṃ apabodhati apaharanto bujjhati, evarūpo koci khīṇāsavo vijjatīti pucchati. Abhūtakkosena pana parimutto nāma natthi. Tanuyāti tanukā, hiriyā akusale dhamme nisedhetvā carantā khīṇāsavā nāma appakāti attho. Sadā satāti niccakālaṃ sativepullena samannāgatā. Antaṃ dukkhassa pappuyyāti vaṭṭadukkhassa koṭiṃ antabhūtaṃ nibbānaṃ pāpuṇitvā. Sesaṃ vuttanayamevāti.
ហិរីសុត្តវណ្ណនា និដ្ឋិតា។
Hirīsuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៨. ហិរីសុត្តំ • 8. Hirīsuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៨. ហិរីសុត្តវណ្ណនា • 8. Hirīsuttavaṇṇanā
