| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) |
೮. ಹಿರೀಸುತ್ತವಣ್ಣನಾ
8. Hirīsuttavaṇṇanā
೧೮. ನಿಸೇಧೇತೀತಿ ನಿವಾರೇತಿ ಪವತ್ತಿತುಂ ನ ದೇತಿ। ಪುಚ್ಛತಿ ದೇವತಾ। ಅಪಹರನ್ತೋತಿ ಅಪನೇನ್ತೋ, ಯಥಾ ಸಬ್ಬೇನ ಸಬ್ಬಂ ಅಕ್ಕೋಸವತ್ಥು ನ ಹೋತಿ, ಏವಂ ಪರಿಹರನ್ತೋತಿ ಅತ್ಥೋ। ಬುಜ್ಝತಿ ಸಾರಥಿವಿಧಂ। ಅತ್ತನಿ ನಿಪಾತಂ ನ ದೇತಿ, ಆಜಾನೀಯೋ ಹಿ ಯುತ್ತಂ ಪಜಾನಾತಿ। ಅಭೂತೇನ ಅಭೂತಕ್ಕೋಸೇನ ಪರಿಮುತ್ತೋ ನಾಮ ನತ್ಥಿ ಬಾಲಾನಞ್ಚ ಜನಾನಂ ಪರಾಪವಾದೇ ಯುತ್ತಪಯುತ್ತಭಾವತೋ। ತೇನಾಹ ಭಗವಾ –
18.Nisedhetīti nivāreti pavattituṃ na deti. Pucchati devatā. Apaharantoti apanento, yathā sabbena sabbaṃ akkosavatthu na hoti, evaṃ pariharantoti attho. Bujjhati sārathividhaṃ. Attani nipātaṃ na deti, ājānīyo hi yuttaṃ pajānāti. Abhūtena abhūtakkosena parimutto nāma natthi bālānañca janānaṃ parāpavāde yuttapayuttabhāvato. Tenāha bhagavā –
‘‘ನಿನ್ದನ್ತಿ ತುಣ್ಹಿಮಾಸೀನಂ, ನಿನ್ದನ್ತಿ ಬಹುಭಾಣಿನಂ।
‘‘Nindanti tuṇhimāsīnaṃ, nindanti bahubhāṇinaṃ;
ಮಿತಭಾಣಿಮ್ಪಿ ನಿನ್ದನ್ತಿ, ನತ್ಥಿ ಲೋಕೇ ಅನಿನ್ದಿತೋ’’ತಿ॥ (ಧ॰ ಪ॰ ೨೨೭)।
Mitabhāṇimpi nindanti, natthi loke anindito’’ti. (dha. pa. 227);
ತನುಯಾತಿ ವಾ ಕತಿಪಯಾ। ತೇನಾಹ ‘‘ಅಪ್ಪಕಾ’’ತಿ। ಸದಾ ಸತಾತಿ ಹಿರಿನಿಸೇಧಭಾವೇ ಕಾರಣವಚನಂ। ಪಪ್ಪುಯ್ಯಾತಿ ಪತ್ವಾ ಅಧಿಗನ್ತ್ವಾ। ವಾನತೋ ನಿಕ್ಖನ್ತತ್ತಾ ನಿಬ್ಬಾನಂ, ಅಸಙ್ಖತಧಾತು।
Tanuyāti vā katipayā. Tenāha ‘‘appakā’’ti. Sadā satāti hirinisedhabhāve kāraṇavacanaṃ. Pappuyyāti patvā adhigantvā. Vānato nikkhantattā nibbānaṃ, asaṅkhatadhātu.
ಹಿರೀಸುತ್ತವಣ್ಣನಾ ನಿಟ್ಠಿತಾ।
Hirīsuttavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೮. ಹಿರೀಸುತ್ತಂ • 8. Hirīsuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) / ೮. ಹಿರೀಸುತ್ತವಣ್ಣನಾ • 8. Hirīsuttavaṇṇanā
