| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༨. ཧིརཱིསུཏྟཝཎྞནཱ
8. Hirīsuttavaṇṇanā
༡༨. ནིསེདྷེཏཱིཏི ནིཝཱརེཏི པཝཏྟིཏུཾ ན དེཏི། པུཙྪཏི དེཝཏཱ། ཨཔཧརནྟོཏི ཨཔནེནྟོ, ཡཐཱ སབྦེན སབྦཾ ཨཀྐོསཝཏྠུ ན ཧོཏི, ཨེཝཾ པརིཧརནྟོཏི ཨཏྠོ། བུཛ྄ཛྷཏི སཱརཐིཝིདྷཾ། ཨཏྟནི ནིཔཱཏཾ ན དེཏི, ཨཱཛཱནཱིཡོ ཧི ཡུཏྟཾ པཛཱནཱཏི། ཨབྷཱུཏེན ཨབྷཱུཏཀྐོསེན པརིམུཏྟོ ནཱམ ནཏྠི བཱལཱནཉྩ ཛནཱནཾ པརཱཔཝཱདེ ཡུཏྟཔཡུཏྟབྷཱཝཏོ། ཏེནཱཧ བྷགཝཱ –
18.Nisedhetīti nivāreti pavattituṃ na deti. Pucchati devatā. Apaharantoti apanento, yathā sabbena sabbaṃ akkosavatthu na hoti, evaṃ pariharantoti attho. Bujjhati sārathividhaṃ. Attani nipātaṃ na deti, ājānīyo hi yuttaṃ pajānāti. Abhūtena abhūtakkosena parimutto nāma natthi bālānañca janānaṃ parāpavāde yuttapayuttabhāvato. Tenāha bhagavā –
‘‘ནིནྡནྟི ཏུཎྷིམཱསཱིནཾ, ནིནྡནྟི བཧུབྷཱཎིནཾ།
‘‘Nindanti tuṇhimāsīnaṃ, nindanti bahubhāṇinaṃ;
མིཏབྷཱཎིམྤི ནིནྡནྟི, ནཏྠི ལོཀེ ཨནིནྡིཏོ’’ཏི༎ (དྷ॰ པ॰ ༢༢༧)།
Mitabhāṇimpi nindanti, natthi loke anindito’’ti. (dha. pa. 227);
ཏནུཡཱཏི ཝཱ ཀཏིཔཡཱ། ཏེནཱཧ ‘‘ཨཔྤཀཱ’’ཏི། སདཱ སཏཱཏི ཧིརིནིསེདྷབྷཱཝེ ཀཱརཎཝཙནཾ། པཔྤུཡྻཱཏི པཏྭཱ ཨདྷིགནྟྭཱ། ཝཱནཏོ ནིཀྑནྟཏྟཱ ནིབྦཱནཾ, ཨསངྑཏདྷཱཏུ།
Tanuyāti vā katipayā. Tenāha ‘‘appakā’’ti. Sadā satāti hirinisedhabhāve kāraṇavacanaṃ. Pappuyyāti patvā adhigantvā. Vānato nikkhantattā nibbānaṃ, asaṅkhatadhātu.
ཧིརཱིསུཏྟཝཎྞནཱ ནིཊྛིཏཱ།
Hirīsuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༨. ཧིརཱིསུཏྟཾ • 8. Hirīsuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༨. ཧིརཱིསུཏྟཝཎྞནཱ • 8. Hirīsuttavaṇṇanā
