| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੮. ਹਿਰੀਸੁਤ੍ਤવਣ੍ਣਨਾ
8. Hirīsuttavaṇṇanā
੧੮. ਅਟ੍ਠਮੇ ਹਿਰੀਨਿਸੇਧੋਤਿ ਹਿਰਿਯਾ ਅਕੁਸਲੇ ਧਮ੍ਮੇ ਨਿਸੇਧੇਤੀਤਿ ਹਿਰੀਨਿਸੇਧੋ। ਕੋਚਿ ਲੋਕਸ੍ਮਿਂ વਿਜ੍ਜਤੀਤਿ ਕੋਚਿ ਏવਰੂਪੋ વਿਜ੍ਜਤੀਤਿ ਪੁਚ੍ਛਤਿ। ਯੋ ਨਿਨ੍ਦਂ ਅਪਬੋਧਤੀਤਿ ਯੋ ਗਰਹਂ ਅਪਹਰਨ੍ਤੋ ਬੁਜ੍ਝਤਿ। ਅਸ੍ਸੋ ਭਦ੍ਰੋ ਕਸਾਮਿવਾਤਿ ਯਥਾ ਭਦ੍ਰੋ ਅਸ੍ਸਾਜਾਨੀਯੋ ਕਸਂ ਅਪਹਰਨ੍ਤੋ ਬੁਜ੍ਝਤਿ, ਪਤੋਦਚ੍ਛਾਯਂ ਦਿਸ੍વਾ ਸਂવਿਜ੍ਝਨ੍ਤੋ વਿਯ ਕਸਾਯ ਅਤ੍ਤਨਿ ਨਿਪਾਤਂ ਨ ਦੇਤਿ, ਏવਮੇવ ਯੋ ਭਿਕ੍ਖੁ ਭੂਤਸ੍ਸ ਦਸਅਕ੍ਕੋਸવਤ੍ਥੁਨੋ ਅਤ੍ਤਨਿ ਨਿਪਾਤਂ ਅਦਦਨ੍ਤੋ ਨਿਨ੍ਦਂ ਅਪਬੋਧਤਿ ਅਪਹਰਨ੍ਤੋ ਬੁਜ੍ਝਤਿ, ਏવਰੂਪੋ ਕੋਚਿ ਖੀਣਾਸવੋ વਿਜ੍ਜਤੀਤਿ ਪੁਚ੍ਛਤਿ। ਅਭੂਤਕ੍ਕੋਸੇਨ ਪਨ ਪਰਿਮੁਤ੍ਤੋ ਨਾਮ ਨਤ੍ਥਿ। ਤਨੁਯਾਤਿ ਤਨੁਕਾ, ਹਿਰਿਯਾ ਅਕੁਸਲੇ ਧਮ੍ਮੇ ਨਿਸੇਧੇਤ੍વਾ ਚਰਨ੍ਤਾ ਖੀਣਾਸવਾ ਨਾਮ ਅਪ੍ਪਕਾਤਿ ਅਤ੍ਥੋ। ਸਦਾ ਸਤਾਤਿ ਨਿਚ੍ਚਕਾਲਂ ਸਤਿવੇਪੁਲ੍ਲੇਨ ਸਮਨ੍ਨਾਗਤਾ। ਅਨ੍ਤਂ ਦੁਕ੍ਖਸ੍ਸ ਪਪ੍ਪੁਯ੍ਯਾਤਿ વਟ੍ਟਦੁਕ੍ਖਸ੍ਸ ਕੋਟਿਂ ਅਨ੍ਤਭੂਤਂ ਨਿਬ੍ਬਾਨਂ ਪਾਪੁਣਿਤ੍વਾ। ਸੇਸਂ વੁਤ੍ਤਨਯਮੇવਾਤਿ।
18. Aṭṭhame hirīnisedhoti hiriyā akusale dhamme nisedhetīti hirīnisedho. Koci lokasmiṃvijjatīti koci evarūpo vijjatīti pucchati. Yo nindaṃ apabodhatīti yo garahaṃ apaharanto bujjhati. Asso bhadro kasāmivāti yathā bhadro assājānīyo kasaṃ apaharanto bujjhati, patodacchāyaṃ disvā saṃvijjhanto viya kasāya attani nipātaṃ na deti, evameva yo bhikkhu bhūtassa dasaakkosavatthuno attani nipātaṃ adadanto nindaṃ apabodhati apaharanto bujjhati, evarūpo koci khīṇāsavo vijjatīti pucchati. Abhūtakkosena pana parimutto nāma natthi. Tanuyāti tanukā, hiriyā akusale dhamme nisedhetvā carantā khīṇāsavā nāma appakāti attho. Sadā satāti niccakālaṃ sativepullena samannāgatā. Antaṃ dukkhassa pappuyyāti vaṭṭadukkhassa koṭiṃ antabhūtaṃ nibbānaṃ pāpuṇitvā. Sesaṃ vuttanayamevāti.
ਹਿਰੀਸੁਤ੍ਤવਣ੍ਣਨਾ ਨਿਟ੍ਠਿਤਾ।
Hirīsuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਹਿਰੀਸੁਤ੍ਤਂ • 8. Hirīsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. ਹਿਰੀਸੁਤ੍ਤવਣ੍ਣਨਾ • 8. Hirīsuttavaṇṇanā
