| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൮. ഹിരീസുത്തവണ്ണനാ
8. Hirīsuttavaṇṇanā
൧൮. നിസേധേതീതി നിവാരേതി പവത്തിതും ന ദേതി. പുച്ഛതി ദേവതാ. അപഹരന്തോതി അപനേന്തോ, യഥാ സബ്ബേന സബ്ബം അക്കോസവത്ഥു ന ഹോതി, ഏവം പരിഹരന്തോതി അത്ഥോ. ബുജ്ഝതി സാരഥിവിധം. അത്തനി നിപാതം ന ദേതി, ആജാനീയോ ഹി യുത്തം പജാനാതി. അഭൂതേന അഭൂതക്കോസേന പരിമുത്തോ നാമ നത്ഥി ബാലാനഞ്ച ജനാനം പരാപവാദേ യുത്തപയുത്തഭാവതോ. തേനാഹ ഭഗവാ –
18.Nisedhetīti nivāreti pavattituṃ na deti. Pucchati devatā. Apaharantoti apanento, yathā sabbena sabbaṃ akkosavatthu na hoti, evaṃ pariharantoti attho. Bujjhati sārathividhaṃ. Attani nipātaṃ na deti, ājānīyo hi yuttaṃ pajānāti. Abhūtena abhūtakkosena parimutto nāma natthi bālānañca janānaṃ parāpavāde yuttapayuttabhāvato. Tenāha bhagavā –
‘‘നിന്ദന്തി തുണ്ഹിമാസീനം, നിന്ദന്തി ബഹുഭാണിനം;
‘‘Nindanti tuṇhimāsīnaṃ, nindanti bahubhāṇinaṃ;
മിതഭാണിമ്പി നിന്ദന്തി, നത്ഥി ലോകേ അനിന്ദിതോ’’തി. (ധ॰ പ॰ ൨൨൭);
Mitabhāṇimpi nindanti, natthi loke anindito’’ti. (dha. pa. 227);
തനുയാതി വാ കതിപയാ. തേനാഹ ‘‘അപ്പകാ’’തി. സദാ സതാതി ഹിരിനിസേധഭാവേ കാരണവചനം. പപ്പുയ്യാതി പത്വാ അധിഗന്ത്വാ. വാനതോ നിക്ഖന്തത്താ നിബ്ബാനം, അസങ്ഖതധാതു.
Tanuyāti vā katipayā. Tenāha ‘‘appakā’’ti. Sadā satāti hirinisedhabhāve kāraṇavacanaṃ. Pappuyyāti patvā adhigantvā. Vānato nikkhantattā nibbānaṃ, asaṅkhatadhātu.
ഹിരീസുത്തവണ്ണനാ നിട്ഠിതാ.
Hirīsuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൮. ഹിരീസുത്തം • 8. Hirīsuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൮. ഹിരീസുത്തവണ്ണനാ • 8. Hirīsuttavaṇṇanā
