| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
4. хум̣хун̇гасуд̇д̇аван̣н̣анаа
4. Huṃhuṅkasuttavaṇṇanā
4. жад̇уд̇т̇з аж̇абааланиг̇род̇хзд̇и д̇асса гира чааяааяам̣ аж̇абаалаа г̇анд̇ваа нисийд̣̇анд̇и, д̇знасса ‘‘аж̇абааланиг̇род̇хо’’д̇взва наамам̣ уд̣̇абаад̣̇и. гзжи бана ‘‘яасмаа д̇ад̇т̇а взд̣̇з саж̇жхааяид̇ум̣ асамад̇т̇аа махаллагаб̣раахман̣аа баагаарабаригкзбаяуд̇д̇аани нивзсанаани гад̇ваа саб̣б̣з васим̣су, д̇асмаа аж̇абааланиг̇род̇ход̇и наамам̣ ж̇аад̇а’’нд̇и вад̣̇анд̇и. д̇ад̇рааяам̣ важанад̇т̇о – на ж̇абанд̇ийд̇и аж̇абаа, манд̇аанам̣ анаж̇жхааяагаад̇и ад̇т̇о, аж̇абаа ланд̇и аад̣̇ияанд̇и ниваасам̣ зд̇т̇аад̇и аж̇абаалод̇и. яасмаа ваа маж̇жханхигз самаяз анд̇о бавидтз аж̇з ад̇д̇ано чааяааяа баалзд̇и рагкад̇и, д̇асмаа ‘аж̇абаало’д̇исса наамам̣ руул̣ханд̇и абарз. саб̣б̣ат̇ааби наамамзд̇ам̣ д̇асса ругкасса, д̇асса самийбз. самийбад̇т̇з хи зд̇ам̣ бхуммам̣ ‘‘аж̇абааланиг̇род̇хз’’д̇и.
4. Catutthe ajapālanigrodheti tassa kira chāyāyaṃ ajapālā gantvā nisīdanti, tenassa ‘‘ajapālanigrodho’’tveva nāmaṃ udapādi. Keci pana ‘‘yasmā tattha vede sajjhāyituṃ asamatthā mahallakabrāhmaṇā pākāraparikkhepayuttāni nivesanāni katvā sabbe vasiṃsu, tasmā ajapālanigrodhoti nāmaṃ jāta’’nti vadanti. Tatrāyaṃ vacanattho – na japantīti ajapā, mantānaṃ anajjhāyakāti attho, ajapā lanti ādiyanti nivāsaṃ etthāti ajapāloti. Yasmā vā majjhanhike samaye anto paviṭṭhe aje attano chāyāya pāleti rakkhati, tasmā ‘ajapālo’tissa nāmaṃ rūḷhanti apare. Sabbathāpi nāmametaṃ tassa rukkhassa, tassa samīpe. Samīpatthe hi etaṃ bhummaṃ ‘‘ajapālanigrodhe’’ti.
вимуд̇д̇исукабадисам̣взд̣̇ийд̇и д̇ад̇раби д̇хаммам̣ вижинанд̇о вимуд̇д̇исукан̃жа бадисам̣взд̣̇знд̇о нисийд̣̇и. б̣од̇хиругкад̇о бурад̇т̇имад̣̇исаабхааг̇з зса ругко ход̇и. сад̇д̇ааханд̇и жа ид̣̇ам̣ на баллан̇гасад̇д̇аахад̇о ананд̇арасад̇д̇аахам̣. бхаг̇аваа хи баллан̇гасад̇д̇аахад̇о абарааниби д̇ийн̣и сад̇д̇аахаани б̣од̇хисамийбзязва вийд̇инаамзси.
Vimuttisukhapaṭisaṃvedīti tatrapi dhammaṃ vicinanto vimuttisukhañca paṭisaṃvedento nisīdi. Bodhirukkhato puratthimadisābhāge esa rukkho hoti. Sattāhanti ca idaṃ na pallaṅkasattāhato anantarasattāhaṃ. Bhagavā hi pallaṅkasattāhato aparānipi tīṇi sattāhāni bodhisamīpeyeva vītināmesi.
д̇ад̇рааяам̣ анубуб̣б̣игат̇аа – бхаг̇авад̇и гира саммаасамб̣од̇хим̣ бад̇ваа сад̇д̇аахам̣ згабаллан̇гзна нисиннз ‘‘на бхаг̇аваа вудтаад̇и, гинну ко ан̃н̃зби б̣уд̣̇д̇хад̇д̇агараа д̇хаммаа ад̇т̇ий’’д̇и згажжаанам̣ д̣̇звад̇аанам̣ ган̇каа уд̣̇абаад̣̇и. ат̇а бхаг̇аваа адтамз д̣̇ивасз самаабад̇д̇ид̇о вудтааяа д̣̇звад̇аанам̣ ган̇кам̣ н̃ад̇ваа ган̇каавид̇хаманад̇т̇ам̣ аагаасз уббад̇ид̇ваа яамагабаадихаарияам̣ д̣̇ассзд̇ваа д̇аасам̣ ган̇кам̣ вид̇хамзд̇ваа баллан̇гад̇о ийсагам̣ баажийнаниссид̇з уд̇д̇арад̣̇исаабхааг̇з тад̇ваа жад̇д̇аари асан̇кязяяаани габбасад̇асахассан̃жа убажид̇аанам̣ баарамийнам̣ б̣алаад̇хиг̇амадтаанам̣ баллан̇гам̣ б̣од̇хиругкан̃жа анимисзхи жагкуухи ологаяамаано сад̇д̇аахам̣ вийд̇инаамзси, д̇ам̣ таанам̣ анимисажзд̇ияам̣ наама ж̇аад̇ам̣. ат̇а баллан̇гасса жа тид̇адтаанасса жа анд̇араа бурад̇т̇имад̇о жа бажчимад̇о жа ааяад̇з рад̇анажан̇гамз жан̇гаманд̇о сад̇д̇аахам̣ вийд̇инаамзси, д̇ам̣ рад̇анажан̇гамажзд̇ияам̣ наама ж̇аад̇ам̣. д̇ад̇о бажчимад̣̇исаабхааг̇з д̣̇звад̇аа рад̇анагхарам̣ маабаяим̣су , д̇ад̇т̇а баллан̇гзна нисийд̣̇ид̇ваа абхид̇хаммабидагам̣ висзсад̇о ананд̇анаяам̣ саманд̇абадтаанам̣ вижинанд̇о сад̇д̇аахам̣ вийд̇инаамзси, д̇ам̣ таанам̣ рад̇анагхаражзд̇ияам̣ наама ж̇аад̇ам̣. звам̣ б̣од̇хисамийбзязва жад̇д̇аари сад̇д̇аахаани вийд̇инаамзд̇ваа бан̃жамз сад̇д̇аахз б̣од̇хиругкад̇о аж̇абааланиг̇род̇хам̣ убасан̇гамид̇ваа д̇асса муулз баллан̇гзна нисийд̣̇и.
Tatrāyaṃ anupubbikathā – bhagavati kira sammāsambodhiṃ patvā sattāhaṃ ekapallaṅkena nisinne ‘‘na bhagavā vuṭṭhāti, kinnu kho aññepi buddhattakarā dhammā atthī’’ti ekaccānaṃ devatānaṃ kaṅkhā udapādi. Atha bhagavā aṭṭhame divase samāpattito vuṭṭhāya devatānaṃ kaṅkhaṃ ñatvā kaṅkhāvidhamanatthaṃ ākāse uppatitvā yamakapāṭihāriyaṃ dassetvā tāsaṃ kaṅkhaṃ vidhametvā pallaṅkato īsakaṃ pācīnanissite uttaradisābhāge ṭhatvā cattāri asaṅkhyeyyāni kappasatasahassañca upacitānaṃ pāramīnaṃ balādhigamaṭṭhānaṃ pallaṅkaṃ bodhirukkhañca animisehi cakkhūhi olokayamāno sattāhaṃ vītināmesi, taṃ ṭhānaṃ animisacetiyaṃ nāma jātaṃ. Atha pallaṅkassa ca ṭhitaṭṭhānassa ca antarā puratthimato ca pacchimato ca āyate ratanacaṅkame caṅkamanto sattāhaṃ vītināmesi, taṃ ratanacaṅkamacetiyaṃ nāma jātaṃ. Tato pacchimadisābhāge devatā ratanagharaṃ māpayiṃsu , tattha pallaṅkena nisīditvā abhidhammapiṭakaṃ visesato anantanayaṃ samantapaṭṭhānaṃ vicinanto sattāhaṃ vītināmesi, taṃ ṭhānaṃ ratanagharacetiyaṃ nāma jātaṃ. Evaṃ bodhisamīpeyeva cattāri sattāhāni vītināmetvā pañcame sattāhe bodhirukkhato ajapālanigrodhaṃ upasaṅkamitvā tassa mūle pallaṅkena nisīdi.
д̇амхаа самаад̇химхаа вудтаасийд̇и д̇ад̇о паласамаабад̇д̇исамаад̇хид̇о яат̇аагаалабарижчзд̣̇ам̣ вудтахи, вудтахид̇ваа жа бана д̇ад̇т̇а звам̣ нисиннз бхаг̇авад̇и зго б̣раахман̣о д̇ам̣ г̇анд̇ваа бан̃хам̣ бужчи. д̇зна вуд̇д̇ам̣ ‘‘ат̇а ко ан̃н̃ад̇аро’’д̇иаад̣̇и. д̇ад̇т̇а ан̃н̃ад̇арод̇и наамаг̇од̇д̇авасзна анабхин̃н̃аад̇о абаагадо зго. хум̣хун̇гаж̇аад̇игод̇и со гира д̣̇идтаман̇г̇алиго маанат̇ад̣̇д̇хо маанавасзна год̇хавасзна жа саб̣б̣ам̣ авогкаж̇аад̇игам̣ бассид̇ваа ж̇иг̇ужчанд̇о ‘‘хум̣ху’’нд̇и гаронд̇о вижарад̇и, д̇асмаа ‘‘хум̣хун̇гаж̇аад̇иго’’д̇и вужжад̇и, ‘‘хухуггаж̇аад̇иго’’д̇иби баато. б̣раахман̣од̇и ж̇аад̇ияаа б̣раахман̣о.
Tamhā samādhimhā vuṭṭhāsīti tato phalasamāpattisamādhito yathākālaparicchedaṃ vuṭṭhahi, vuṭṭhahitvā ca pana tattha evaṃ nisinne bhagavati eko brāhmaṇo taṃ gantvā pañhaṃ pucchi. Tena vuttaṃ ‘‘atha kho aññataro’’tiādi. Tattha aññataroti nāmagottavasena anabhiññāto apākaṭo eko. Huṃhuṅkajātikoti so kira diṭṭhamaṅgaliko mānathaddho mānavasena kodhavasena ca sabbaṃ avokkhajātikaṃ passitvā jigucchanto ‘‘huṃhu’’nti karonto vicarati, tasmā ‘‘huṃhuṅkajātiko’’ti vuccati, ‘‘huhukkajātiko’’tipi pāṭho. Brāhmaṇoti jātiyā brāhmaṇo.
язна бхаг̇аваад̇и яассам̣ д̣̇исааяам̣ бхаг̇аваа нисинно. бхуммад̇т̇з хи зд̇ам̣ гаран̣аважанам̣ . язна ваа д̣̇исаабхааг̇зна бхаг̇аваа убасан̇гамид̇аб̣б̣о, д̇зна д̣̇исаабхааг̇зна убасан̇гами. ат̇а ваа язнаад̇и хзд̇уад̇т̇з гаран̣аважанам̣, язна гааран̣зна бхаг̇аваа д̣̇звамануссзхи убасан̇гамид̇аб̣б̣о, д̇зна гааран̣зна убасан̇гамийд̇и ад̇т̇о. гзна жа гааран̣зна бхаг̇аваа убасан̇гамид̇аб̣б̣о? наанаббагаарарог̇ад̣̇угкаабхибийл̣ид̇ад̇д̇аа аад̇урагааязхи махааж̇анзхи махаанубхааво бхисагго вияа рог̇ад̇игижчанад̇т̇ам̣, наанаавид̇хагилзсаб̣яаад̇хибийл̣ид̇ад̇д̇аа аад̇уражид̇д̇зхи д̣̇звамануссзхи гилзсаб̣яаад̇хид̇игижчанад̇т̇ам̣ д̇хаммассаванабан̃хабужчанаад̣̇игааран̣зхи бхаг̇аваа убасан̇гамид̇аб̣б̣о. д̇зна аяамби б̣раахман̣о ад̇д̇ано ган̇кам̣ чинд̣̇ид̇угаамо убасан̇гами.
Yena bhagavāti yassaṃ disāyaṃ bhagavā nisinno. Bhummatthe hi etaṃ karaṇavacanaṃ . Yena vā disābhāgena bhagavā upasaṅkamitabbo, tena disābhāgena upasaṅkami. Atha vā yenāti hetuatthe karaṇavacanaṃ, yena kāraṇena bhagavā devamanussehi upasaṅkamitabbo, tena kāraṇena upasaṅkamīti attho. Kena ca kāraṇena bhagavā upasaṅkamitabbo? Nānappakārarogadukkhābhipīḷitattā āturakāyehi mahājanehi mahānubhāvo bhisakko viya rogatikicchanatthaṃ, nānāvidhakilesabyādhipīḷitattā āturacittehi devamanussehi kilesabyādhitikicchanatthaṃ dhammassavanapañhapucchanādikāraṇehi bhagavā upasaṅkamitabbo. Tena ayampi brāhmaṇo attano kaṅkhaṃ chinditukāmo upasaṅkami.
убасан̇гамид̇ваад̇и убасан̇гаманабарияосаанад̣̇ийбанам̣. ат̇а ваа яам̣ таанам̣ убасан̇гами, д̇ад̇оби бхаг̇авад̇о самийбабхууд̇ам̣ аасаннад̇арам̣ таанам̣ убаг̇анд̇ваад̇и ад̇т̇о. саммод̣̇ийд̇и самам̣ саммаа ваа мод̣̇и, бхаг̇аваа жаанзна, соби бхаг̇авад̇аа ‘‘гажжи бход̇о каманийяам̣ гажжи яаабанийяа’’нд̇иаад̣̇инаа бадисант̇аарагаран̣авасзна самаббавад̇д̇амод̣̇о ахоси. саммод̣̇анийяанд̇и саммод̣̇анаарахам̣ саммод̣̇аж̇ананаяог̇г̇ам̣. гат̇анд̇и гат̇аасаллаабам̣. сааран̣ийяанд̇и сарид̇аб̣б̣аяуд̇д̇ам̣ саад̇хуж̇анзхи бавад̇д̇зд̇аб̣б̣ам̣, гааланд̇арз ваа жинд̇зд̇аб̣б̣ам̣. вийд̇исаарзд̇ваад̇и нидтаабзд̇ваа. згаманд̇анд̇и бхааванабум̣саганид̣̇д̣̇зсо. згасмим̣ таанз, ад̇исаммукаад̣̇игз ча нисаж̇ж̇ад̣̇осз важ̇ж̇зд̇ваа згасмим̣ бад̣̇зсзд̇и ад̇т̇о. зд̇ад̣̇авожаад̇и зд̇ам̣ ид̣̇аани вад̇д̇аб̣б̣ам̣ ‘‘гид̇д̇аавад̇аа ну ко’’д̇иаад̣̇иважанам̣ авожа.
Upasaṅkamitvāti upasaṅkamanapariyosānadīpanaṃ. Atha vā yaṃ ṭhānaṃ upasaṅkami, tatopi bhagavato samīpabhūtaṃ āsannataraṃ ṭhānaṃ upagantvāti attho. Sammodīti samaṃ sammā vā modi, bhagavā cānena, sopi bhagavatā ‘‘kacci bhoto khamanīyaṃ kacci yāpanīya’’ntiādinā paṭisanthārakaraṇavasena samappavattamodo ahosi. Sammodanīyanti sammodanārahaṃ sammodajananayoggaṃ. Kathanti kathāsallāpaṃ. Sāraṇīyanti saritabbayuttaṃ sādhujanehi pavattetabbaṃ, kālantare vā cintetabbaṃ. Vītisāretvāti niṭṭhāpetvā. Ekamantanti bhāvanapuṃsakaniddeso. Ekasmiṃ ṭhāne, atisammukhādike cha nisajjadose vajjetvā ekasmiṃ padeseti attho. Etadavocāti etaṃ idāni vattabbaṃ ‘‘kittāvatā nu kho’’tiādivacanaṃ avoca.
д̇ад̇т̇а гид̇д̇аавад̇аад̇и гид̇д̇агзна бамаан̣зна. нууд̇и сам̣саяад̇т̇з нибаад̇о. код̇и бад̣̇абууран̣з. бход̇и б̣раахман̣аанам̣ ж̇аад̇исамуд̣̇ааг̇ад̇ам̣ аалабанам̣. д̇ат̇аа хи вуд̇д̇ам̣ – ‘‘бховаад̣̇и наама со ход̇и, сажз ход̇и сагин̃жано’’д̇и (ма. ни. 2.457; д̇ха. ба. 396). г̇од̇амаад̇и бхаг̇аванд̇ам̣ г̇од̇д̇зна аалабад̇и. гат̇ам̣ банааяам̣ б̣раахман̣о самбад̇исамааг̇ад̇о бхаг̇авад̇о г̇од̇д̇ам̣ ж̇аанаад̇ийд̇и? нааяам̣ самбад̇исамааг̇ад̇о, чаб̣б̣ассаани бад̇хаанагаран̣агаалз убадтаханд̇зхи бан̃жаваг̇г̇иязхи сад̣̇д̇хим̣ жарамааноби, абарабхааг̇з д̇ам̣ вад̇ам̣ чад̣д̣зд̇ваа урувзлааяам̣ сзнаниг̇амз зго ад̣̇уд̇ияо худ̇ваа бин̣д̣ааяа жарамааноби д̇зна б̣раахман̣зна д̣̇идтабуб̣б̣о жзва саллабид̇абуб̣б̣о жа. д̇зна со буб̣б̣з бан̃жаваг̇г̇иязхи г̇аяхамаанам̣ бхаг̇авад̇о г̇од̇д̇ам̣ ануссаранд̇о, ‘‘бхо г̇од̇амаа’’д̇и бхаг̇аванд̇ам̣ г̇од̇д̇зна аалабад̇и. яад̇о бадтааяа ваа бхаг̇аваа махаабхинигкаманам̣ нигкаманд̇о аноманад̣̇ийд̇ийрз баб̣б̣аж̇ид̇о, д̇ад̇о бабхуд̇и ‘‘саман̣о г̇од̇амо’’д̇и жанд̣̇о вияа суурияо вияа жа баагадо бан̃н̃аад̇о, на д̇асса г̇од̇д̇аж̇аананз гааран̣ам̣ г̇авзсид̇аб̣б̣ам̣.
Tattha kittāvatāti kittakena pamāṇena. Nūti saṃsayatthe nipāto. Khoti padapūraṇe. Bhoti brāhmaṇānaṃ jātisamudāgataṃ ālapanaṃ. Tathā hi vuttaṃ – ‘‘bhovādi nāma so hoti, sace hoti sakiñcano’’ti (ma. ni. 2.457; dha. pa. 396). Gotamāti bhagavantaṃ gottena ālapati. Kathaṃ panāyaṃ brāhmaṇo sampatisamāgato bhagavato gottaṃ jānātīti? Nāyaṃ sampatisamāgato, chabbassāni padhānakaraṇakāle upaṭṭhahantehi pañcavaggiyehi saddhiṃ caramānopi, aparabhāge taṃ vataṃ chaḍḍetvā uruvelāyaṃ senanigame eko adutiyo hutvā piṇḍāya caramānopi tena brāhmaṇena diṭṭhapubbo ceva sallapitapubbo ca. Tena so pubbe pañcavaggiyehi gayhamānaṃ bhagavato gottaṃ anussaranto, ‘‘bho gotamā’’ti bhagavantaṃ gottena ālapati. Yato paṭṭhāya vā bhagavā mahābhinikkhamanaṃ nikkhamanto anomanadītīre pabbajito, tato pabhuti ‘‘samaṇo gotamo’’ti cando viya sūriyo viya ca pākaṭo paññāto, na tassa gottajānane kāraṇaṃ gavesitabbaṃ.
б̣раахман̣агаран̣аад̇и б̣раахман̣ам̣ гаронд̇ийд̇и б̣раахман̣агаран̣аа, б̣раахман̣абхаавагараад̇и ад̇т̇о. зд̇т̇а жа гид̇д̇аавад̇аад̇и зд̇зна язхи д̇хаммзхи б̣раахман̣о ход̇и, д̇зсам̣ д̇хаммаанам̣ баримаан̣ам̣ бужчад̇и. гад̇амз жа банаад̇и иминаа д̇зсам̣ саруубам̣ бужчад̇и.
Brāhmaṇakaraṇāti brāhmaṇaṃ karontīti brāhmaṇakaraṇā, brāhmaṇabhāvakarāti attho. Ettha ca kittāvatāti etena yehi dhammehi brāhmaṇo hoti, tesaṃ dhammānaṃ parimāṇaṃ pucchati. Katame ca panāti iminā tesaṃ sarūpaṃ pucchati.
зд̇амад̇т̇ам̣ вид̣̇ид̇ваад̇и зд̇ам̣ д̇зна будтасса бан̃хасса сикаабад̇д̇ам̣ ад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси, на бана д̇асса б̣раахман̣асса д̇хаммам̣ д̣̇зсзси. гасмаа? д̇хаммад̣̇зсанааяа абхааж̇анабхаавад̇о. д̇ат̇аа хи д̇асса б̣раахман̣асса имам̣ г̇аат̇ам̣ суд̇ваа на сажжаабхисамаяо ахоси. яат̇аа жа имасса, звам̣ убагасса ааж̇ийвагасса б̣уд̣̇д̇хаг̇ун̣аббагаасанам̣. д̇хаммажаггаббавад̇д̇анад̇о хи буб̣б̣абхааг̇з бхаг̇авад̇аа бхаасид̇ам̣ барзсам̣ сун̣анд̇аанамби д̇абуссабхаллигаанам̣ саран̣ад̣̇аанам̣ вияа ваасанаабхааг̇ияамзва ж̇аад̇ам̣, на сзгкабхааг̇ияам̣, на ниб̣б̣зд̇хабхааг̇ияам̣. зсаа хи д̇хаммад̇аад̇и.
Etamatthaṃ viditvāti etaṃ tena puṭṭhassa pañhassa sikhāpattaṃ atthaṃ viditvā tāyaṃ velāyaṃ imaṃ udānaṃ udānesi, na pana tassa brāhmaṇassa dhammaṃ desesi. Kasmā? Dhammadesanāya abhājanabhāvato. Tathā hi tassa brāhmaṇassa imaṃ gāthaṃ sutvā na saccābhisamayo ahosi. Yathā ca imassa, evaṃ upakassa ājīvakassa buddhaguṇappakāsanaṃ. Dhammacakkappavattanato hi pubbabhāge bhagavatā bhāsitaṃ paresaṃ suṇantānampi tapussabhallikānaṃ saraṇadānaṃ viya vāsanābhāgiyameva jātaṃ, na sekkhabhāgiyaṃ, na nibbedhabhāgiyaṃ. Esā hi dhammatāti.
д̇ад̇т̇а яо б̣раахман̣од̇и яо б̣аахид̇абаабад̇хаммад̇ааяа б̣раахман̣о, на д̣̇идтаман̇г̇алигад̇ааяа хум̣хун̇гаарагасааваад̣̇ибаабад̇хаммаяуд̇д̇о худ̇ваа гзвалам̣ ж̇аад̇имад̇д̇агзна б̣рахман̃н̃ам̣ бадиж̇аанаад̇и. со б̣раахман̣о б̣аахид̇абаабад̇хаммад̇д̇аа хум̣хун̇гаараббахаанзна нихум̣хун̇го, рааг̇аад̣̇игасааваабхаавзна ниггасааво, бхааванаануяог̇аяуд̇д̇ажид̇д̇ад̇ааяа яад̇ад̇д̇о, сийласам̣яамзна ваа сам̣яад̇ажид̇д̇ад̇ааяа яад̇ад̇д̇о, жад̇умаг̇г̇ан̃аан̣асан̇каад̇зхи взд̣̇зхи анд̇ам̣ сан̇каарабарияосаанам̣ ниб̣б̣аанам̣, взд̣̇аанам̣ ваа анд̇ам̣ г̇ад̇ад̇д̇аа взд̣̇анд̇аг̇уу. маг̇г̇аб̣рахмажарияасса вусид̇ад̇д̇аа вусид̇аб̣рахмажарияо, д̇хаммзна со б̣рахмаваад̣̇ам̣ вад̣̇зяяа ‘‘б̣раахман̣о аха’’нд̇и зд̇ам̣ ваад̣̇ам̣ д̇хаммзна н̃ааязна вад̣̇зяяа. яасса сагалалогасанниваасзби гухин̃жи згаарамман̣зби рааг̇уссад̣̇о, д̣̇осуссад̣̇о, мохуссад̣̇о, маануссад̣̇о, д̣̇идтуссад̣̇од̇и имз уссад̣̇аа над̇т̇и, анавасзсам̣ бахийнаад̇и ад̇т̇о.
Tattha yo brāhmaṇoti yo bāhitapāpadhammatāya brāhmaṇo, na diṭṭhamaṅgalikatāya huṃhuṅkārakasāvādipāpadhammayutto hutvā kevalaṃ jātimattakena brahmaññaṃ paṭijānāti. So brāhmaṇo bāhitapāpadhammattā huṃhuṅkārappahānena nihuṃhuṅko, rāgādikasāvābhāvena nikkasāvo, bhāvanānuyogayuttacittatāya yatatto, sīlasaṃyamena vā saṃyatacittatāya yatatto, catumaggañāṇasaṅkhātehi vedehi antaṃ saṅkhārapariyosānaṃ nibbānaṃ, vedānaṃ vā antaṃ gatattā vedantagū. Maggabrahmacariyassa vusitattā vusitabrahmacariyo, dhammena so brahmavādaṃ vadeyya ‘‘brāhmaṇo aha’’nti etaṃ vādaṃ dhammena ñāyena vadeyya. Yassa sakalalokasannivāsepi kuhiñci ekārammaṇepi rāgussado, dosussado, mohussado, mānussado, diṭṭhussadoti ime ussadā natthi, anavasesaṃ pahīnāti attho.
жад̇уд̇т̇асуд̇д̇аван̣н̣анаа нидтид̇аа.
Catutthasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 4. хум̣хун̇гасуд̇д̇ам̣ • 4. Huṃhuṅkasuttaṃ
