| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
2. து³தியவக்³கோ³
2. Dutiyavaggo
1-2. இச்சா²னங்க³லஸுத்தாதி³வண்ணனா
1-2. Icchānaṅgalasuttādivaṇṇanā
987-988. து³தியவக்³க³ஸ்ஸ பட²மே ஏவங் ப்³யாகரெய்யாதா²தி கஸ்மா அத்தனோ விஹாரஸமாபத்திங் ஆசிக்க²தி? உபாரம்ப⁴மோசனத்த²ங். ஸசே ஹி தே ‘‘ந ஜானாமா’’தி வதெ³ய்யுங், அத² நேஸங் தித்தி²யா ‘‘தும்ஹே ‘அஸுகஸமாபத்தியா நாம நோ ஸத்தா² தேமாஸங் விஹாஸீ’திபி ந ஜானாத², அத² கஸ்மா நங் உபட்ட²ஹந்தா விஹரதா²’’தி உபாரம்ப⁴ங் ஆரோபெய்யுங், ததோ மோசனத்த²ங் ஏவமாஹ.
987-988. Dutiyavaggassa paṭhame evaṃ byākareyyāthāti kasmā attano vihārasamāpattiṃ ācikkhati? Upārambhamocanatthaṃ. Sace hi te ‘‘na jānāmā’’ti vadeyyuṃ, atha nesaṃ titthiyā ‘‘tumhe ‘asukasamāpattiyā nāma no satthā temāsaṃ vihāsī’tipi na jānātha, atha kasmā naṃ upaṭṭhahantā viharathā’’ti upārambhaṃ āropeyyuṃ, tato mocanatthaṃ evamāha.
அத² கஸ்மா யதா² அஞ்ஞத்த² ‘‘ஸதோவ அஸ்ஸஸதி, தீ³க⁴ங் வா அஸ்ஸஸந்தோ’’தி (தீ³॰ நி॰ 2.374; ம॰ நி॰ 1.107; ஸங்॰ நி॰ 5.977) ஏவ-வாகாரோ வுத்தோ. ஏவங் இத⁴ ந வுத்தோதி? ஏகந்தஸந்தத்தா. அஞ்ஞேஸஞ்ஹி அஸ்ஸாஸோ வா பாகடோ ஹோதி பஸ்ஸாஸோ வா, ப⁴க³வதோ உப⁴யம்பேதங் பாகடமேவ நிச்சங் உபட்டி²தஸ்ஸதிதாயாதி ஏகந்தஸந்தத்தா ந வுத்தோ. அத² ‘‘ஸிக்கா²மீ’’தி அவத்வா கஸ்மா ‘‘அஸ்ஸஸாமீ’’தி எத்தகமேவ வுத்தந்தி? ஸிக்கி²தப்³பா³பா⁴வா. ஸத்த ஹி ஸேகா² ஸிக்கி²தப்³ப³பா⁴வா ஸேகா² நாம, கீ²ணாஸவா ஸிக்கி²தப்³பா³பா⁴வா அஸேகா² நாம, ததா²க³தா அஸிக்கி²தப்³பா³ அஸெக்கா² நாம நத்தி² தேஸங் ஸிக்கி²தப்³ப³கிச்சந்தி ஸிக்கி²தப்³பா³பா⁴வா ந வுத்தங். து³தியங் உத்தானமேவ.
Atha kasmā yathā aññattha ‘‘satova assasati, dīghaṃ vā assasanto’’ti (dī. ni. 2.374; ma. ni. 1.107; saṃ. ni. 5.977) eva-vākāro vutto. Evaṃ idha na vuttoti? Ekantasantattā. Aññesañhi assāso vā pākaṭo hoti passāso vā, bhagavato ubhayampetaṃ pākaṭameva niccaṃ upaṭṭhitassatitāyāti ekantasantattā na vutto. Atha ‘‘sikkhāmī’’ti avatvā kasmā ‘‘assasāmī’’ti ettakameva vuttanti? Sikkhitabbābhāvā. Satta hi sekhā sikkhitabbabhāvā sekhā nāma, khīṇāsavā sikkhitabbābhāvā asekhā nāma, tathāgatā asikkhitabbā asekkhā nāma natthi tesaṃ sikkhitabbakiccanti sikkhitabbābhāvā na vuttaṃ. Dutiyaṃ uttānameva.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya
1. இச்சா²னங்க³லஸுத்தங் • 1. Icchānaṅgalasuttaṃ
2. கங்கெ²ய்யஸுத்தங் • 2. Kaṅkheyyasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1-2. இச்சா²னங்க³லஸுத்தாதி³வண்ணனா • 1-2. Icchānaṅgalasuttādivaṇṇanā
