| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
২. দুতিযৰগ্গো
2. Dutiyavaggo
১-২. ইচ্ছানঙ্গলসুত্তাদিৰণ্ণনা
1-2. Icchānaṅgalasuttādivaṇṇanā
৯৮৭-৯৮৮. দুতিযৰগ্গস্স পঠমে এৰং ব্যাকরেয্যাথাতি কস্মা অত্তনো ৰিহারসমাপত্তিং আচিক্খতি? উপারম্ভমোচনত্থং। সচে হি তে ‘‘ন জানামা’’তি ৰদেয্যুং, অথ নেসং তিত্থিযা ‘‘তুম্হে ‘অসুকসমাপত্তিযা নাম নো সত্থা তেমাসং ৰিহাসী’তিপি ন জানাথ, অথ কস্মা নং উপট্ঠহন্তা ৰিহরথা’’তি উপারম্ভং আরোপেয্যুং, ততো মোচনত্থং এৰমাহ।
987-988. Dutiyavaggassa paṭhame evaṃ byākareyyāthāti kasmā attano vihārasamāpattiṃ ācikkhati? Upārambhamocanatthaṃ. Sace hi te ‘‘na jānāmā’’ti vadeyyuṃ, atha nesaṃ titthiyā ‘‘tumhe ‘asukasamāpattiyā nāma no satthā temāsaṃ vihāsī’tipi na jānātha, atha kasmā naṃ upaṭṭhahantā viharathā’’ti upārambhaṃ āropeyyuṃ, tato mocanatthaṃ evamāha.
অথ কস্মা যথা অঞ্ঞত্থ ‘‘সতোৰ অস্সসতি, দীঘং ৰা অস্সসন্তো’’তি (দী॰ নি॰ ২.৩৭৪; ম॰ নি॰ ১.১০৭; সং॰ নি॰ ৫.৯৭৭) এৰ-ৰাকারো ৰুত্তো। এৰং ইধ ন ৰুত্তোতি? একন্তসন্তত্তা। অঞ্ঞেসঞ্হি অস্সাসো ৰা পাকটো হোতি পস্সাসো ৰা, ভগৰতো উভযম্পেতং পাকটমেৰ নিচ্চং উপট্ঠিতস্সতিতাযাতি একন্তসন্তত্তা ন ৰুত্তো। অথ ‘‘সিক্খামী’’তি অৰত্ৰা কস্মা ‘‘অস্সসামী’’তি এত্তকমেৰ ৰুত্তন্তি? সিক্খিতব্বাভাৰা। সত্ত হি সেখা সিক্খিতব্বভাৰা সেখা নাম, খীণাসৰা সিক্খিতব্বাভাৰা অসেখা নাম, তথাগতা অসিক্খিতব্বা অসেক্খা নাম নত্থি তেসং সিক্খিতব্বকিচ্চন্তি সিক্খিতব্বাভাৰা ন ৰুত্তং। দুতিযং উত্তানমেৰ।
Atha kasmā yathā aññattha ‘‘satova assasati, dīghaṃ vā assasanto’’ti (dī. ni. 2.374; ma. ni. 1.107; saṃ. ni. 5.977) eva-vākāro vutto. Evaṃ idha na vuttoti? Ekantasantattā. Aññesañhi assāso vā pākaṭo hoti passāso vā, bhagavato ubhayampetaṃ pākaṭameva niccaṃ upaṭṭhitassatitāyāti ekantasantattā na vutto. Atha ‘‘sikkhāmī’’ti avatvā kasmā ‘‘assasāmī’’ti ettakameva vuttanti? Sikkhitabbābhāvā. Satta hi sekhā sikkhitabbabhāvā sekhā nāma, khīṇāsavā sikkhitabbābhāvā asekhā nāma, tathāgatā asikkhitabbā asekkhā nāma natthi tesaṃ sikkhitabbakiccanti sikkhitabbābhāvā na vuttaṃ. Dutiyaṃ uttānameva.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya
১. ইচ্ছানঙ্গলসুত্তং • 1. Icchānaṅgalasuttaṃ
২. কঙ্খেয্যসুত্তং • 2. Kaṅkheyyasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১-২. ইচ্ছানঙ্গলসুত্তাদিৰণ্ণনা • 1-2. Icchānaṅgalasuttādivaṇṇanā
