| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
2. д̣̇уд̇ияаваг̇г̇о
2. Dutiyavaggo
1-2. ижчаанан̇г̇аласуд̇д̇аад̣̇иван̣н̣анаа
1-2. Icchānaṅgalasuttādivaṇṇanā
987-988. д̣̇уд̇ияаваг̇г̇асса батамз звам̣ б̣яаагарзяяаат̇аад̇и гасмаа ад̇д̇ано вихаарасамаабад̇д̇им̣ аажигкад̇и? убаарамбхаможанад̇т̇ам̣. сажз хи д̇з ‘‘на ж̇аанаамаа’’д̇и вад̣̇зяяум̣, ат̇а нзсам̣ д̇ид̇т̇ияаа ‘‘д̇умхз ‘асугасамаабад̇д̇ияаа наама но сад̇т̇аа д̇змаасам̣ вихаасий’д̇иби на ж̇аанаат̇а, ат̇а гасмаа нам̣ убадтаханд̇аа вихарат̇аа’’д̇и убаарамбхам̣ ааробзяяум̣, д̇ад̇о можанад̇т̇ам̣ звамааха.
987-988. Dutiyavaggassa paṭhame evaṃ byākareyyāthāti kasmā attano vihārasamāpattiṃ ācikkhati? Upārambhamocanatthaṃ. Sace hi te ‘‘na jānāmā’’ti vadeyyuṃ, atha nesaṃ titthiyā ‘‘tumhe ‘asukasamāpattiyā nāma no satthā temāsaṃ vihāsī’tipi na jānātha, atha kasmā naṃ upaṭṭhahantā viharathā’’ti upārambhaṃ āropeyyuṃ, tato mocanatthaṃ evamāha.
ат̇а гасмаа яат̇аа ан̃н̃ад̇т̇а ‘‘сад̇ова ассасад̇и, д̣̇ийгхам̣ ваа ассасанд̇о’’д̇и (д̣̇ий. ни. 2.374; ма. ни. 1.107; сам̣. ни. 5.977) зва-ваагааро вуд̇д̇о. звам̣ ид̇ха на вуд̇д̇од̇и? зганд̇асанд̇ад̇д̇аа. ан̃н̃зсан̃хи ассаасо ваа баагадо ход̇и бассаасо ваа, бхаг̇авад̇о убхаяамбзд̇ам̣ баагадамзва нижжам̣ убадтид̇ассад̇ид̇ааяаад̇и зганд̇асанд̇ад̇д̇аа на вуд̇д̇о. ат̇а ‘‘сигкаамий’’д̇и авад̇ваа гасмаа ‘‘ассасаамий’’д̇и зд̇д̇агамзва вуд̇д̇анд̇и? сигкид̇аб̣б̣аабхааваа. сад̇д̇а хи сзкаа сигкид̇аб̣б̣абхааваа сзкаа наама, кийн̣аасаваа сигкид̇аб̣б̣аабхааваа асзкаа наама, д̇ат̇ааг̇ад̇аа асигкид̇аб̣б̣аа асзгкаа наама над̇т̇и д̇зсам̣ сигкид̇аб̣б̣агижжанд̇и сигкид̇аб̣б̣аабхааваа на вуд̇д̇ам̣. д̣̇уд̇ияам̣ уд̇д̇аанамзва.
Atha kasmā yathā aññattha ‘‘satova assasati, dīghaṃ vā assasanto’’ti (dī. ni. 2.374; ma. ni. 1.107; saṃ. ni. 5.977) eva-vākāro vutto. Evaṃ idha na vuttoti? Ekantasantattā. Aññesañhi assāso vā pākaṭo hoti passāso vā, bhagavato ubhayampetaṃ pākaṭameva niccaṃ upaṭṭhitassatitāyāti ekantasantattā na vutto. Atha ‘‘sikkhāmī’’ti avatvā kasmā ‘‘assasāmī’’ti ettakameva vuttanti? Sikkhitabbābhāvā. Satta hi sekhā sikkhitabbabhāvā sekhā nāma, khīṇāsavā sikkhitabbābhāvā asekhā nāma, tathāgatā asikkhitabbā asekkhā nāma natthi tesaṃ sikkhitabbakiccanti sikkhitabbābhāvā na vuttaṃ. Dutiyaṃ uttānameva.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
1. ижчаанан̇г̇аласуд̇д̇ам̣ • 1. Icchānaṅgalasuttaṃ
2. ган̇кзяяасуд̇д̇ам̣ • 2. Kaṅkheyyasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-2. ижчаанан̇г̇аласуд̇д̇аад̣̇иван̣н̣анаа • 1-2. Icchānaṅgalasuttādivaṇṇanā
