| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
2. දුතියවග්‌ගො
2. Dutiyavaggo
1-2. ඉච්‌ඡානඞ්‌ගලසුත්‌තාදිවණ්‌ණනා
1-2. Icchānaṅgalasuttādivaṇṇanā
987-988. දුතියවග්‌ගස්‌ස පඨමෙ එවං බ්‍යාකරෙය්‍යාථාති කස්‌මා අත්‌තනො විහාරසමාපත්‌තිං ආචික්‌ඛති? උපාරම්‌භමොචනත්‌ථං. සචෙ හි තෙ ‘‘න ජානාමා’’ති වදෙය්‍යුං, අථ නෙසං තිත්‌ථියා ‘‘තුම්‌හෙ ‘අසුකසමාපත්‌තියා නාම නො සත්‌ථා තෙමාසං විහාසී’තිපි න ජානාථ, අථ කස්‌මා නං උපට්‌ඨහන්‌තා විහරථා’’ති උපාරම්‌භං ආරොපෙය්‍යුං, තතො මොචනත්‌ථං එවමාහ.
987-988. Dutiyavaggassa paṭhame evaṃ byākareyyāthāti kasmā attano vihārasamāpattiṃ ācikkhati? Upārambhamocanatthaṃ. Sace hi te ‘‘na jānāmā’’ti vadeyyuṃ, atha nesaṃ titthiyā ‘‘tumhe ‘asukasamāpattiyā nāma no satthā temāsaṃ vihāsī’tipi na jānātha, atha kasmā naṃ upaṭṭhahantā viharathā’’ti upārambhaṃ āropeyyuṃ, tato mocanatthaṃ evamāha.
අථ කස්‌මා යථා අඤ්‌ඤත්‌ථ ‘‘සතොව අස්‌සසති, දීඝං වා අස්‌සසන්‌තො’’ති (දී. නි. 2.374; ම. නි. 1.107; සං. නි. 5.977) එව-වාකාරො වුත්‌තො. එවං ඉධ න වුත්‌තොති? එකන්‌තසන්‌තත්‌තා. අඤ්‌ඤෙසඤ්‌හි අස්‌සාසො වා පාකටො හොති පස්‌සාසො වා, භගවතො උභයම්‌පෙතං පාකටමෙව නිච්‌චං උපට්‌ඨිතස්‌සතිතායාති එකන්‌තසන්‌තත්‌තා න වුත්‌තො. අථ ‘‘සික්‌ඛාමී’’ති අවත්‌වා කස්‌මා ‘‘අස්‌සසාමී’’ති එත්‌තකමෙව වුත්‌තන්‌ති? සික්‌ඛිතබ්‌බාභාවා. සත්‌ත හි සෙඛා සික්‌ඛිතබ්‌බභාවා සෙඛා නාම, ඛීණාසවා සික්‌ඛිතබ්‌බාභාවා අසෙඛා නාම, තථාගතා අසික්‌ඛිතබ්‌බා අසෙක්‌ඛා නාම නත්‌ථි තෙසං සික්‌ඛිතබ්‌බකිච්‌චන්‌ති සික්‌ඛිතබ්‌බාභාවා න වුත්‌තං. දුතියං උත්‌තානමෙව.
Atha kasmā yathā aññattha ‘‘satova assasati, dīghaṃ vā assasanto’’ti (dī. ni. 2.374; ma. ni. 1.107; saṃ. ni. 5.977) eva-vākāro vutto. Evaṃ idha na vuttoti? Ekantasantattā. Aññesañhi assāso vā pākaṭo hoti passāso vā, bhagavato ubhayampetaṃ pākaṭameva niccaṃ upaṭṭhitassatitāyāti ekantasantattā na vutto. Atha ‘‘sikkhāmī’’ti avatvā kasmā ‘‘assasāmī’’ti ettakameva vuttanti? Sikkhitabbābhāvā. Satta hi sekhā sikkhitabbabhāvā sekhā nāma, khīṇāsavā sikkhitabbābhāvā asekhā nāma, tathāgatā asikkhitabbā asekkhā nāma natthi tesaṃ sikkhitabbakiccanti sikkhitabbābhāvā na vuttaṃ. Dutiyaṃ uttānameva.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya
1. ඉච්‌ඡානඞ්‌ගලසුත්‌තං • 1. Icchānaṅgalasuttaṃ
2. කඞ්‌ඛෙය්‍යසුත්‌තං • 2. Kaṅkheyyasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1-2. ඉච්‌ඡානඞ්‌ගලසුත්‌තාදිවණ්‌ණනා • 1-2. Icchānaṅgalasuttādivaṇṇanā
