| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. д̣̇уд̇ияаваг̇г̇о
2. Dutiyavaggo
1. ижчаанан̇г̇аласуд̇д̇ам̣
1. Icchānaṅgalasuttaṃ
987. згам̣ самаяам̣ бхаг̇аваа ижчаанан̇г̇алз вихарад̇и ижчаанан̇г̇алаванасан̣д̣з. д̇ад̇ра ко бхаг̇аваа бхигкуу ааманд̇зси – ‘‘ижчаамахам̣, бхигкавз, д̇змаасам̣ бадисаллийяид̇ум̣. наамхи гзнажи убасан̇гамид̇аб̣б̣о, ан̃н̃ад̇ра згзна бин̣д̣абаад̇анийхаарагзнаа’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бадиссуд̇ваа наассуд̇ха гожи бхаг̇аванд̇ам̣ убасан̇гамад̇и, ан̃н̃ад̇ра згзна бин̣д̣абаад̇анийхаарагзна.
987. Ekaṃ samayaṃ bhagavā icchānaṅgale viharati icchānaṅgalavanasaṇḍe. Tatra kho bhagavā bhikkhū āmantesi – ‘‘icchāmahaṃ, bhikkhave, temāsaṃ paṭisallīyituṃ. Nāmhi kenaci upasaṅkamitabbo, aññatra ekena piṇḍapātanīhārakenā’’ti. ‘‘Evaṃ, bhante’’ti kho te bhikkhū bhagavato paṭissutvā nāssudha koci bhagavantaṃ upasaṅkamati, aññatra ekena piṇḍapātanīhārakena.
ат̇а ко бхаг̇аваа д̇асса д̇змаасасса ажжаязна бадисаллаанаа вудтид̇о бхигкуу ааманд̇зси – ‘‘сажз ко, бхигкавз, ан̃н̃ад̇ид̇т̇ияаа бариб̣б̣ааж̇агаа звам̣ бужчзяяум̣ – ‘гад̇амзнаавусо, вихаарзна саман̣о г̇од̇амо вассааваасам̣ б̣ахулам̣ вихаасий’д̇и, звам̣ будтаа д̇умхз, бхигкавз, д̇зсам̣ ан̃н̃ад̇ид̇т̇ияаанам̣ бариб̣б̣ааж̇агаанам̣ звам̣ б̣яаагарзяяаат̇а – ‘аанаабаанассад̇исамаад̇хинаа ко, аавусо, бхаг̇аваа вассааваасам̣ б̣ахулам̣ вихаасий’д̇и. ид̇хаахам̣, бхигкавз, сад̇о ассасаами, сад̇о бассасаами. д̣̇ийгхам̣ ассасанд̇о ‘д̣̇ийгхам̣ ассасаамий’д̇и баж̇аанаами, д̣̇ийгхам̣ бассасанд̇о ‘д̣̇ийгхам̣ бассасаамий’д̇и баж̇аанаами; рассам̣ ассасанд̇о ‘рассам̣ ассасаамий’д̇и баж̇аанаами, рассам̣ бассасанд̇о ‘рассам̣ бассасаамий’д̇и баж̇аанаами; ‘саб̣б̣агааяаббадисам̣взд̣̇ий ассасиссаамий’д̇и баж̇аанаами…бз… ‘бадиниссаг̇г̇аанубассий ассасиссаамий’д̇и баж̇аанаами, ‘бадиниссаг̇г̇аанубассий бассасиссаамий’д̇и баж̇аанаами’’.
Atha kho bhagavā tassa temāsassa accayena paṭisallānā vuṭṭhito bhikkhū āmantesi – ‘‘sace kho, bhikkhave, aññatitthiyā paribbājakā evaṃ puccheyyuṃ – ‘katamenāvuso, vihārena samaṇo gotamo vassāvāsaṃ bahulaṃ vihāsī’ti, evaṃ puṭṭhā tumhe, bhikkhave, tesaṃ aññatitthiyānaṃ paribbājakānaṃ evaṃ byākareyyātha – ‘ānāpānassatisamādhinā kho, āvuso, bhagavā vassāvāsaṃ bahulaṃ vihāsī’ti. Idhāhaṃ, bhikkhave, sato assasāmi, sato passasāmi. Dīghaṃ assasanto ‘dīghaṃ assasāmī’ti pajānāmi, dīghaṃ passasanto ‘dīghaṃ passasāmī’ti pajānāmi; rassaṃ assasanto ‘rassaṃ assasāmī’ti pajānāmi, rassaṃ passasanto ‘rassaṃ passasāmī’ti pajānāmi; ‘sabbakāyappaṭisaṃvedī assasissāmī’ti pajānāmi…pe… ‘paṭinissaggānupassī assasissāmī’ti pajānāmi, ‘paṭinissaggānupassī passasissāmī’ti pajānāmi’’.
‘‘яан̃хи д̇ам̣, бхигкавз, саммаа вад̣̇амаано вад̣̇зяяа – ‘арияавихааро’ ид̇иби, ‘б̣рахмавихааро’ ид̇иби, ‘д̇ат̇ааг̇ад̇авихааро’ ид̇иби. аанаабаанассад̇исамаад̇хим̣ саммаа вад̣̇амаано вад̣̇зяяа – ‘арияавихааро’ ид̇иби, ‘б̣рахмавихааро’ ид̇иби, ‘д̇ат̇ааг̇ад̇авихааро’ ид̇иби. яз д̇з, бхигкавз, бхигкуу сзкаа аббад̇д̇амаанасаа ануд̇д̇арам̣ яог̇агкзмам̣ бад̇т̇аяамаанаа вихаранд̇и д̇зсам̣ аанаабаанассад̇исамаад̇хи бхаавид̇о б̣ахулийгад̇о аасаваанам̣ каяааяа сам̣вад̇д̇ад̇и. яз жа ко д̇з, бхигкавз, бхигкуу араханд̇о кийн̣аасаваа вусид̇аванд̇о гад̇агаран̣ийяаа охид̇абхаараа ануббад̇д̇асад̣̇ад̇т̇аа баригкийн̣абхавасам̣яож̇анаа саммад̣̇ан̃н̃аа вимуд̇д̇аа д̇зсам̣ аанаабаанассад̇исамаад̇хи бхаавид̇о б̣ахулийгад̇о д̣̇идтад̇хаммасукавихаарааяа жзва сам̣вад̇д̇ад̇и сад̇исамбаж̇ан̃н̃ааяа жа.
‘‘Yañhi taṃ, bhikkhave, sammā vadamāno vadeyya – ‘ariyavihāro’ itipi, ‘brahmavihāro’ itipi, ‘tathāgatavihāro’ itipi. Ānāpānassatisamādhiṃ sammā vadamāno vadeyya – ‘ariyavihāro’ itipi, ‘brahmavihāro’ itipi, ‘tathāgatavihāro’ itipi. Ye te, bhikkhave, bhikkhū sekhā appattamānasā anuttaraṃ yogakkhemaṃ patthayamānā viharanti tesaṃ ānāpānassatisamādhi bhāvito bahulīkato āsavānaṃ khayāya saṃvattati. Ye ca kho te, bhikkhave, bhikkhū arahanto khīṇāsavā vusitavanto katakaraṇīyā ohitabhārā anuppattasadatthā parikkhīṇabhavasaṃyojanā sammadaññā vimuttā tesaṃ ānāpānassatisamādhi bhāvito bahulīkato diṭṭhadhammasukhavihārāya ceva saṃvattati satisampajaññāya ca.
‘‘яан̃хи д̇ам̣, бхигкавз, саммаа вад̣̇амаано вад̣̇зяяа – ‘арияавихааро’ ид̇иби, ‘б̣рахмавихааро’ ид̇иби, ‘д̇ат̇ааг̇ад̇авихааро’ ид̇иби. аанаабаанассад̇исамаад̇хим̣ саммаа вад̣̇амаано вад̣̇зяяа – ‘арияавихааро’ ид̇иби, ‘б̣рахмавихааро’ ид̇иби, ‘д̇ат̇ааг̇ад̇авихааро’ ид̇ибий’’д̇и. батамам̣.
‘‘Yañhi taṃ, bhikkhave, sammā vadamāno vadeyya – ‘ariyavihāro’ itipi, ‘brahmavihāro’ itipi, ‘tathāgatavihāro’ itipi. Ānāpānassatisamādhiṃ sammā vadamāno vadeyya – ‘ariyavihāro’ itipi, ‘brahmavihāro’ itipi, ‘tathāgatavihāro’ itipī’’ti. Paṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1-2. ижчаанан̇г̇аласуд̇д̇аад̣̇иван̣н̣анаа • 1-2. Icchānaṅgalasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1-2. ижчаанан̇г̇аласуд̇д̇аад̣̇иван̣н̣анаа • 1-2. Icchānaṅgalasuttādivaṇṇanā
