| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
(7) 2. භූමිචාලවග්‌ගො
(7) 2. Bhūmicālavaggo
1. ඉච්‌ඡාසුත්‌තවණ්‌ණනා
1. Icchāsuttavaṇṇanā
61. සත්‌තමස්‌ස පඨමෙ පවිවිත්‌තස්‌සාති කායවිවෙකෙන විවිත්‌තස්‌ස. නිරායත්‌තවුත්‌තිනොති කත්‌ථචි අනායත්‌තවුත්‌තිනො විපස්‌සනාකම්‌මිකස්‌ස. ලාභායාති චතුපච්‌චයලාභාය. සොචී ච පරිදෙවී චාති සොකී ච පරිදෙවී ච. සොචිච්‌ච පරිදෙවිච්‌චාතිපි පාඨො. චුතො ච සද්‌ධම්‌මාති තංඛණංයෙව විපස්‌සනාසද්‌ධම්‌මා චුතො. ඉමස්‌මිං සුත්‌තෙ වට්‌ටවිවට්‌ටං කථිතං.
61. Sattamassa paṭhame pavivittassāti kāyavivekena vivittassa. Nirāyattavuttinoti katthaci anāyattavuttino vipassanākammikassa. Lābhāyāti catupaccayalābhāya. Socī ca paridevī cāti sokī ca paridevī ca. Socicca parideviccātipi pāṭho. Cuto ca saddhammāti taṃkhaṇaṃyeva vipassanāsaddhammā cuto. Imasmiṃ sutte vaṭṭavivaṭṭaṃ kathitaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 1. ඉච්‌ඡාසුත්‌තං • 1. Icchāsuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-5. ඉච්‌ඡාසුත්‌තාදිවණ්‌ණනා • 1-5. Icchāsuttādivaṇṇanā
