| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
6. இத³ங் து³க்க²ந்திகதா²வண்ணனா
6. Idaṃ dukkhantikathāvaṇṇanā
618-820. இதா³னி இத³ங் து³க்க²ந்திகதா² நாம ஹோதி. தத்த² யேஸங் ‘‘லோகுத்தரமக்³க³க்க²ணே யோகா³வசரோ இத³ங் து³க்க²ந்தி வாசங் பா⁴ஸதி, ஏவமஸ்ஸ இத³ங் து³க்க²ந்தி வாசங் பா⁴ஸதோ ச இத³ங் து³க்க²ந்தி ஞாணங் பவத்ததீ’’தி லத்³தி⁴, ஸெய்யதா²பி அந்த⁴கானங்; தே ஸந்தா⁴ய புச்சா² ஸகவாதி³ஸ்ஸ, மக்³க³க்க²ணே ததா² வாசாபா⁴ஸனங் ஞாணப்பவத்திஞ்ச ஸந்தா⁴ய படிஞ்ஞா இதரஸ்ஸ. யஸ்மா பன ஸோ ஸேஸஸச்சபடிஸங்யுத்தங் வாசங் புது²ஜ்ஜனோவ பா⁴ஸதி , ந ச தஸ்ஸ ததா² ஞாணப்பவத்தீதி இச்ச²தி, தஸ்மா ஸமுத³யாதி³பஞ்ஹேஸு படிக்கி²பதி. ரூபங் அனிச்சந்திஆதி³ து³க்க²பரியாயத³ஸ்ஸனவஸேன வுத்தங். இதரோ பன ஸகஸமயே தாதி³ஸங் வோஹாரங் அபஸ்ஸந்தோ படிக்கி²பதி. இதி ச த³ந்தி சாதிஆதி³ யதி³ தஸ்ஸ து³க்கே² ஞாணங் பவத்ததி, இ-கார த³ங்-கார து³-கார க²-காரேஸு படிபாடியா சதூஹி ஞாணேஹி பவத்திதப்³ப³ந்தி த³ஸ்ஸேதுங் வுத்தங். இதரோ பன ததா² ந இச்ச²தி, தஸ்மா படிக்கி²பதி.
618-620. Idāni idaṃ dukkhantikathā nāma hoti. Tattha yesaṃ ‘‘lokuttaramaggakkhaṇe yogāvacaro idaṃ dukkhanti vācaṃ bhāsati, evamassa idaṃ dukkhanti vācaṃ bhāsato ca idaṃ dukkhanti ñāṇaṃ pavattatī’’ti laddhi, seyyathāpi andhakānaṃ; te sandhāya pucchā sakavādissa, maggakkhaṇe tathā vācābhāsanaṃ ñāṇappavattiñca sandhāya paṭiññā itarassa. Yasmā pana so sesasaccapaṭisaṃyuttaṃ vācaṃ puthujjanova bhāsati , na ca tassa tathā ñāṇappavattīti icchati, tasmā samudayādipañhesu paṭikkhipati. Rūpaṃ aniccantiādi dukkhapariyāyadassanavasena vuttaṃ. Itaro pana sakasamaye tādisaṃ vohāraṃ apassanto paṭikkhipati. Iti ca danti cātiādi yadi tassa dukkhe ñāṇaṃ pavattati, i-kāra daṃ-kāra du-kāra kha-kāresu paṭipāṭiyā catūhi ñāṇehi pavattitabbanti dassetuṃ vuttaṃ. Itaro pana tathā na icchati, tasmā paṭikkhipati.
இத³ங் து³க்க²ந்திகதா²வண்ணனா.
Idaṃ dukkhantikathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (111) 6. இத³ங் து³க்க²ந்திகதா² • (111) 6. Idaṃ dukkhantikathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 6. இத³ங்து³க்க²ந்திகதா²வண்ணனா • 6. Idaṃdukkhantikathāvaṇṇanā
