| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੬. ਇਦਂ ਦੁਕ੍ਖਨ੍ਤਿਕਥਾવਣ੍ਣਨਾ
6. Idaṃ dukkhantikathāvaṇṇanā
੬੧੮-੮੨੦. ਇਦਾਨਿ ਇਦਂ ਦੁਕ੍ਖਨ੍ਤਿਕਥਾ ਨਾਮ ਹੋਤਿ। ਤਤ੍ਥ ਯੇਸਂ ‘‘ਲੋਕੁਤ੍ਤਰਮਗ੍ਗਕ੍ਖਣੇ ਯੋਗਾવਚਰੋ ਇਦਂ ਦੁਕ੍ਖਨ੍ਤਿ વਾਚਂ ਭਾਸਤਿ, ਏવਮਸ੍ਸ ਇਦਂ ਦੁਕ੍ਖਨ੍ਤਿ વਾਚਂ ਭਾਸਤੋ ਚ ਇਦਂ ਦੁਕ੍ਖਨ੍ਤਿ ਞਾਣਂ ਪવਤ੍ਤਤੀ’’ਤਿ ਲਦ੍ਧਿ, ਸੇਯ੍ਯਥਾਪਿ ਅਨ੍ਧਕਾਨਂ; ਤੇ ਸਨ੍ਧਾਯ ਪੁਚ੍ਛਾ ਸਕવਾਦਿਸ੍ਸ, ਮਗ੍ਗਕ੍ਖਣੇ ਤਥਾ વਾਚਾਭਾਸਨਂ ਞਾਣਪ੍ਪવਤ੍ਤਿਞ੍ਚ ਸਨ੍ਧਾਯ ਪਟਿਞ੍ਞਾ ਇਤਰਸ੍ਸ। ਯਸ੍ਮਾ ਪਨ ਸੋ ਸੇਸਸਚ੍ਚਪਟਿਸਂਯੁਤ੍ਤਂ વਾਚਂ ਪੁਥੁਜ੍ਜਨੋવ ਭਾਸਤਿ , ਨ ਚ ਤਸ੍ਸ ਤਥਾ ਞਾਣਪ੍ਪવਤ੍ਤੀਤਿ ਇਚ੍ਛਤਿ, ਤਸ੍ਮਾ ਸਮੁਦਯਾਦਿਪਞ੍ਹੇਸੁ ਪਟਿਕ੍ਖਿਪਤਿ। ਰੂਪਂ ਅਨਿਚ੍ਚਨ੍ਤਿਆਦਿ ਦੁਕ੍ਖਪਰਿਯਾਯਦਸ੍ਸਨવਸੇਨ વੁਤ੍ਤਂ। ਇਤਰੋ ਪਨ ਸਕਸਮਯੇ ਤਾਦਿਸਂ વੋਹਾਰਂ ਅਪਸ੍ਸਨ੍ਤੋ ਪਟਿਕ੍ਖਿਪਤਿ। ਇਤਿ ਚ ਦਨ੍ਤਿ ਚਾਤਿਆਦਿ ਯਦਿ ਤਸ੍ਸ ਦੁਕ੍ਖੇ ਞਾਣਂ ਪવਤ੍ਤਤਿ, ਇ-ਕਾਰ ਦਂ-ਕਾਰ ਦੁ-ਕਾਰ ਖ-ਕਾਰੇਸੁ ਪਟਿਪਾਟਿਯਾ ਚਤੂਹਿ ਞਾਣੇਹਿ ਪવਤ੍ਤਿਤਬ੍ਬਨ੍ਤਿ ਦਸ੍ਸੇਤੁਂ વੁਤ੍ਤਂ। ਇਤਰੋ ਪਨ ਤਥਾ ਨ ਇਚ੍ਛਤਿ, ਤਸ੍ਮਾ ਪਟਿਕ੍ਖਿਪਤਿ।
618-620. Idāni idaṃ dukkhantikathā nāma hoti. Tattha yesaṃ ‘‘lokuttaramaggakkhaṇe yogāvacaro idaṃ dukkhanti vācaṃ bhāsati, evamassa idaṃ dukkhanti vācaṃ bhāsato ca idaṃ dukkhanti ñāṇaṃ pavattatī’’ti laddhi, seyyathāpi andhakānaṃ; te sandhāya pucchā sakavādissa, maggakkhaṇe tathā vācābhāsanaṃ ñāṇappavattiñca sandhāya paṭiññā itarassa. Yasmā pana so sesasaccapaṭisaṃyuttaṃ vācaṃ puthujjanova bhāsati , na ca tassa tathā ñāṇappavattīti icchati, tasmā samudayādipañhesu paṭikkhipati. Rūpaṃ aniccantiādi dukkhapariyāyadassanavasena vuttaṃ. Itaro pana sakasamaye tādisaṃ vohāraṃ apassanto paṭikkhipati. Iti ca danti cātiādi yadi tassa dukkhe ñāṇaṃ pavattati, i-kāra daṃ-kāra du-kāra kha-kāresu paṭipāṭiyā catūhi ñāṇehi pavattitabbanti dassetuṃ vuttaṃ. Itaro pana tathā na icchati, tasmā paṭikkhipati.
ਇਦਂ ਦੁਕ੍ਖਨ੍ਤਿਕਥਾવਣ੍ਣਨਾ।
Idaṃ dukkhantikathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੧੧੧) ੬. ਇਦਂ ਦੁਕ੍ਖਨ੍ਤਿਕਥਾ • (111) 6. Idaṃ dukkhantikathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੬. ਇਦਂਦੁਕ੍ਖਨ੍ਤਿਕਥਾવਣ੍ਣਨਾ • 6. Idaṃdukkhantikathāvaṇṇanā
