| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੧. ਏਕਾਦਸਮવਗ੍ਗੋ
11. Ekādasamavaggo
(੧੧੨) ੭. ਇਦ੍ਧਿਬਲਕਥਾ
(112) 7. Iddhibalakathā
੬੨੧. ਇਦ੍ਧਿਬਲੇਨ ਸਮਨ੍ਨਾਗਤੋ ਕਪ੍ਪਂ ਤਿਟ੍ਠੇਯ੍ਯਾਤਿ? ਆਮਨ੍ਤਾ। ਇਦ੍ਧਿਮਯਿਕੋ ਸੋ ਆਯੁ, ਇਦ੍ਧਿਮਯਿਕਾ ਸਾ ਗਤਿ, ਇਦ੍ਧਿਮਯਿਕੋ ਸੋ ਅਤ੍ਤਭਾવਪ੍ਪਟਿਲਾਭੋਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
621. Iddhibalena samannāgato kappaṃ tiṭṭheyyāti? Āmantā. Iddhimayiko so āyu, iddhimayikā sā gati, iddhimayiko so attabhāvappaṭilābhoti? Na hevaṃ vattabbe…pe….
ਇਦ੍ਧਿਬਲੇਨ ਸਮਨ੍ਨਾਗਤੋ ਕਪ੍ਪਂ ਤਿਟ੍ਠੇਯ੍ਯਾਤਿ? ਆਮਨ੍ਤਾ। ਅਤੀਤਂ ਕਪ੍ਪਂ ਤਿਟ੍ਠੇਯ੍ਯ, ਅਨਾਗਤਂ ਕਪ੍ਪਂ ਤਿਟ੍ਠੇਯ੍ਯਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਇਦ੍ਧਿਬਲੇਨ ਸਮਨ੍ਨਾਗਤੋ ਕਪ੍ਪਂ ਤਿਟ੍ਠੇਯ੍ਯਾਤਿ? ਆਮਨ੍ਤਾ। ਦ੍વੇ ਕਪ੍ਪੇ ਤਿਟ੍ਠੇਯ੍ਯ, ਤਯੋ ਕਪ੍ਪੇ ਤਿਟ੍ਠੇਯ੍ਯ, ਚਤ੍ਤਾਰੋ ਕਪ੍ਪੇ ਤਿਟ੍ਠੇਯ੍ਯਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਇਦ੍ਧਿਬਲੇਨ ਸਮਨ੍ਨਾਗਤੋ ਕਪ੍ਪਂ ਤਿਟ੍ਠੇਯ੍ਯਾਤਿ? ਆਮਨ੍ਤਾ। ਸਤਿ ਜੀવਿਤੇ ਜੀવਿਤਾવਸੇਸੇ ਤਿਟ੍ਠੇਯ੍ਯ, ਅਸਤਿ ਜੀવਿਤੇ ਜੀવਿਤਾવਸੇਸੇ ਤਿਟ੍ਠੇਯ੍ਯਾਤਿ? ਸਤਿ ਜੀવਿਤੇ ਜੀવਿਤਾવਸੇਸੇ ਤਿਟ੍ਠੇਯ੍ਯਾਤਿ। ਹਞ੍ਚਿ ਸਤਿ ਜੀવਿਤੇ ਜੀવਿਤਾવਸੇਸੇ ਤਿਟ੍ਠੇਯ੍ਯ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਇਦ੍ਧਿਬਲੇਨ ਸਮਨ੍ਨਾਗਤੋ ਕਪ੍ਪਂ ਤਿਟ੍ਠੇਯ੍ਯਾ’’ਤਿ। ਅਸਤਿ ਜੀવਿਤੇ ਜੀવਿਤਾવਸੇਸੇ ਤਿਟ੍ਠੇਯ੍ਯਾਤਿ, ਮਤੋ ਤਿਟ੍ਠੇਯ੍ਯ, ਕਾਲਙ੍ਕਤੋ ਤਿਟ੍ਠੇਯ੍ਯਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Iddhibalena samannāgato kappaṃ tiṭṭheyyāti? Āmantā. Atītaṃ kappaṃ tiṭṭheyya, anāgataṃ kappaṃ tiṭṭheyyāti? Na hevaṃ vattabbe…pe… iddhibalena samannāgato kappaṃ tiṭṭheyyāti? Āmantā. Dve kappe tiṭṭheyya, tayo kappe tiṭṭheyya, cattāro kappe tiṭṭheyyāti? Na hevaṃ vattabbe…pe… iddhibalena samannāgato kappaṃ tiṭṭheyyāti? Āmantā. Sati jīvite jīvitāvasese tiṭṭheyya, asati jīvite jīvitāvasese tiṭṭheyyāti? Sati jīvite jīvitāvasese tiṭṭheyyāti. Hañci sati jīvite jīvitāvasese tiṭṭheyya, no ca vata re vattabbe – ‘‘iddhibalena samannāgato kappaṃ tiṭṭheyyā’’ti. Asati jīvite jīvitāvasese tiṭṭheyyāti, mato tiṭṭheyya, kālaṅkato tiṭṭheyyāti? Na hevaṃ vattabbe…pe….
੬੨੨. ਇਦ੍ਧਿਬਲੇਨ ਸਮਨ੍ਨਾਗਤੋ ਕਪ੍ਪਂ ਤਿਟ੍ਠੇਯ੍ਯਾਤਿ? ਆਮਨ੍ਤਾ। ਉਪ੍ਪਨ੍ਨੋ ਫਸ੍ਸੋ ਮਾ ਨਿਰੁਜ੍ਝੀਤਿ ਲਬ੍ਭਾ ਇਦ੍ਧਿਯਾ ਪਗ੍ਗਹੇਤੁਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਉਪ੍ਪਨ੍ਨਾ વੇਦਨਾ…ਪੇ॰… ਉਪ੍ਪਨ੍ਨਾ ਸਞ੍ਞਾ …ਪੇ॰… ਉਪ੍ਪਨ੍ਨਾ ਚੇਤਨਾ…ਪੇ॰… ਉਪ੍ਪਨ੍ਨਂ ਚਿਤ੍ਤਂ… ਉਪ੍ਪਨ੍ਨਾ ਸਦ੍ਧਾ… ਉਪ੍ਪਨ੍ਨਂ વੀਰਿਯਂ… ਉਪ੍ਪਨ੍ਨਾ ਸਤਿ… ਉਪ੍ਪਨ੍ਨੋ ਸਮਾਧਿ …ਪੇ॰… ਉਪ੍ਪਨ੍ਨਾ ਪਞ੍ਞਾ ਮਾ ਨਿਰੁਜ੍ਝੀਤਿ ਲਬ੍ਭਾ ਇਦ੍ਧਿਯਾ ਪਗ੍ਗਹੇਤੁਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
622. Iddhibalena samannāgato kappaṃ tiṭṭheyyāti? Āmantā. Uppanno phasso mā nirujjhīti labbhā iddhiyā paggahetunti? Na hevaṃ vattabbe…pe… uppannā vedanā…pe… uppannā saññā …pe… uppannā cetanā…pe… uppannaṃ cittaṃ… uppannā saddhā… uppannaṃ vīriyaṃ… uppannā sati… uppanno samādhi …pe… uppannā paññā mā nirujjhīti labbhā iddhiyā paggahetunti? Na hevaṃ vattabbe…pe….
ਇਦ੍ਧਿਬਲੇਨ ਸਮਨ੍ਨਾਗਤੋ ਕਪ੍ਪਂ ਤਿਟ੍ਠੇਯ੍ਯਾਤਿ? ਆਮਨ੍ਤਾ। ਰੂਪਂ ਨਿਚ੍ਚਂ ਹੋਤੂਤਿ ਲਬ੍ਭਾ ਇਦ੍ਧਿਯਾ ਪਗ੍ਗਹੇਤੁਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… વੇਦਨਾ…ਪੇ॰… ਸਞ੍ਞਾ… ਸਙ੍ਖਾਰਾ… વਿਞ੍ਞਾਣਂ ਨਿਚ੍ਚਂ ਹੋਤੂਤਿ ਲਬ੍ਭਾ ਇਦ੍ਧਿਯਾ ਪਗ੍ਗਹੇਤੁਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Iddhibalena samannāgato kappaṃ tiṭṭheyyāti? Āmantā. Rūpaṃ niccaṃ hotūti labbhā iddhiyā paggahetunti? Na hevaṃ vattabbe…pe… vedanā…pe… saññā… saṅkhārā… viññāṇaṃ niccaṃ hotūti labbhā iddhiyā paggahetunti? Na hevaṃ vattabbe…pe….
ਇਦ੍ਧਿਬਲੇਨ ਸਮਨ੍ਨਾਗਤੋ ਕਪ੍ਪਂ ਤਿਟ੍ਠੇਯ੍ਯਾਤਿ? ਆਮਨ੍ਤਾ। ਜਾਤਿਧਮ੍ਮਾ ਸਤ੍ਤਾ ਮਾ ਜਾਯਿਂਸੂਤਿ ਲਬ੍ਭਾ ਇਦ੍ਧਿਯਾ ਪਗ੍ਗਹੇਤੁਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਜਰਾਧਮ੍ਮਾ ਸਤ੍ਤਾ ਮਾ ਜੀਰਿਂਸੂਤਿ…ਪੇ॰… ਬ੍ਯਾਧਿਧਮ੍ਮਾ ਸਤ੍ਤਾ ਮਾ ਬ੍ਯਾਧਿਯਿਂਸੂਤਿ…ਪੇ॰… ਮਰਣਧਮ੍ਮਾ ਸਤ੍ਤਾ ਮਾ ਮੀਯਿਂਸੂਤਿ ਲਬ੍ਭਾ ਇਦ੍ਧਿਯਾ ਪਗ੍ਗਹੇਤੁਨ੍ਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Iddhibalena samannāgato kappaṃ tiṭṭheyyāti? Āmantā. Jātidhammā sattā mā jāyiṃsūti labbhā iddhiyā paggahetunti? Na hevaṃ vattabbe…pe… jarādhammā sattā mā jīriṃsūti…pe… byādhidhammā sattā mā byādhiyiṃsūti…pe… maraṇadhammā sattā mā mīyiṃsūti labbhā iddhiyā paggahetunti? Na hevaṃ vattabbe…pe….
੬੨੩. ਨ વਤ੍ਤਬ੍ਬਂ – ‘‘ਇਦ੍ਧਿਬਲੇਨ ਸਮਨ੍ਨਾਗਤੋ ਕਪ੍ਪਂ ਤਿਟ੍ਠੇਯ੍ਯਾ’’ਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਯਸ੍ਸ ਕਸ੍ਸਚਿ, ਆਨਨ੍ਦ, ਚਤ੍ਤਾਰੋ ਇਦ੍ਧਿਪਾਦਾ ਭਾવਿਤਾ ਬਹੁਲੀਕਤਾ ਯਾਨੀਕਤਾ વਤ੍ਥੁਕਤਾ ਅਨੁਟ੍ਠਿਤਾ ਪਰਿਚਿਤਾ ਸੁਸਮਾਰਦ੍ਧਾ, ਸੋ ਆਕਙ੍ਖਮਾਨੋ ਕਪ੍ਪਂ વਾ ਤਿਟ੍ਠੇਯ੍ਯ ਕਪ੍ਪਾવਸੇਸਂ વਾ’’ਤਿ 1! ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਇਦ੍ਧਿਬਲੇਨ ਸਮਨ੍ਨਾਗਤੋ ਕਪ੍ਪਂ ਤਿਟ੍ਠੇਯ੍ਯਾਤਿ।
623. Na vattabbaṃ – ‘‘iddhibalena samannāgato kappaṃ tiṭṭheyyā’’ti? Āmantā. Nanu vuttaṃ bhagavatā – ‘‘yassa kassaci, ānanda, cattāro iddhipādā bhāvitā bahulīkatā yānīkatā vatthukatā anuṭṭhitā paricitā susamāraddhā, so ākaṅkhamāno kappaṃ vā tiṭṭheyya kappāvasesaṃ vā’’ti 2! Attheva suttantoti? Āmantā. Tena hi iddhibalena samannāgato kappaṃ tiṭṭheyyāti.
੬੨੪. ਇਦ੍ਧਿਬਲੇਨ ਸਮਨ੍ਨਾਗਤੋ ਕਪ੍ਪਂ ਤਿਟ੍ਠੇਯ੍ਯਾਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਚਤੁਨ੍ਨਂ, ਭਿਕ੍ਖવੇ, ਧਮ੍ਮਾਨਂ ਨਤ੍ਥਿ ਕੋਚਿ ਪਾਟਿਭੋਗੋ ਸਮਣੋ વਾ ਬ੍ਰਾਹ੍ਮਣੋ વਾ ਦੇવੋ વਾ ਮਾਰੋ વਾ ਬ੍ਰਹ੍ਮਾ વਾ ਕੋਚਿ વਾ ਲੋਕਸ੍ਮਿਂ! ਕਤਮੇਸਂ ਚਤੁਨ੍ਨਂ? ਜਰਾਧਮ੍ਮੋ ‘‘ਮਾ ਜੀਰੀ’’ਤਿ ਨਤ੍ਥਿ ਕੋਚਿ ਪਾਟਿਭੋਗੋ ਸਮਣੋ વਾ ਬ੍ਰਾਹ੍ਮਣੋ વਾ ਦੇવੋ વਾ ਮਾਰੋ વਾ ਬ੍ਰਹ੍ਮਾ વਾ ਕੋਚਿ વਾ ਲੋਕਸ੍ਮਿਂ। ਬ੍ਯਾਧਿਧਮ੍ਮੋ ‘‘ਮਾ ਬ੍ਯਾਧਿਯੀ’’ਤਿ…ਪੇ॰… ਮਰਣਧਮ੍ਮੋ ‘‘ਮਾ ਮੀਯੀ’’ਤਿ…ਪੇ॰… ਯਾਨਿ ਖੋ ਪਨ ਤਾਨਿ ਪੁਬ੍ਬੇ ਕਤਾਨਿ ਪਾਪਕਾਨਿ ਕਮ੍ਮਾਨਿ ਸਂਕਿਲੇਸਿਕਾਨਿ ਪੋਨੋਬ੍ਭવਿਕਾਨਿ 3 ਸਦਰਾਨਿ 4 ਦੁਕ੍ਖવਿਪਾਕਾਨਿ ਆਯਤਿਂ ਜਾਤਿਜਰਾਮਰਣਿਯਾਨਿ ਤੇਸਂ વਿਪਾਕੋ ‘‘ਮਾ ਨਿਬ੍ਬਤ੍ਤੀ’’ਤਿ ਨਤ੍ਥਿ ਕੋਚਿ ਪਾਟਿਭੋਗੋ ਸਮਣੋ વਾ ਬ੍ਰਾਹ੍ਮਣੋ વਾ ਦੇવੋ વਾ ਮਾਰੋ વਾ ਬ੍ਰਹ੍ਮਾ વਾ ਕੋਚਿ વਾ ਲੋਕਸ੍ਮਿਂ। ਇਮੇਸਂ ਖੋ, ਭਿਕ੍ਖવੇ, ਚਤੁਨ੍ਨਂ ਧਮ੍ਮਾਨਂ ਨਤ੍ਥਿ ਕੋਚਿ ਪਾਟਿਭੋਗੋ ਸਮਣੋ વਾ ਬ੍ਰਾਹ੍ਮਣੋ વਾ ਦੇવੋ વਾ ਮਾਰੋ વਾ ਬ੍ਰਹ੍ਮਾ વਾ ਕੋਚਿ વਾ ਲੋਕਸ੍ਮਿ’’ਨ੍ਤਿ 5। ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਨ વਤ੍ਤਬ੍ਬਂ – ‘‘ਇਦ੍ਧਿਬਲੇਨ ਸਮਨ੍ਨਾਗਤੋ ਕਪ੍ਪਂ ਤਿਟ੍ਠੇਯ੍ਯਾ’’ਤਿ।
624. Iddhibalena samannāgato kappaṃ tiṭṭheyyāti? Āmantā. Nanu vuttaṃ bhagavatā – ‘‘catunnaṃ, bhikkhave, dhammānaṃ natthi koci pāṭibhogo samaṇo vā brāhmaṇo vā devo vā māro vā brahmā vā koci vā lokasmiṃ! Katamesaṃ catunnaṃ? Jarādhammo ‘‘mā jīrī’’ti natthi koci pāṭibhogo samaṇo vā brāhmaṇo vā devo vā māro vā brahmā vā koci vā lokasmiṃ. Byādhidhammo ‘‘mā byādhiyī’’ti…pe… maraṇadhammo ‘‘mā mīyī’’ti…pe… yāni kho pana tāni pubbe katāni pāpakāni kammāni saṃkilesikāni ponobbhavikāni 6 sadarāni 7 dukkhavipākāni āyatiṃ jātijarāmaraṇiyāni tesaṃ vipāko ‘‘mā nibbattī’’ti natthi koci pāṭibhogo samaṇo vā brāhmaṇo vā devo vā māro vā brahmā vā koci vā lokasmiṃ. Imesaṃ kho, bhikkhave, catunnaṃ dhammānaṃ natthi koci pāṭibhogo samaṇo vā brāhmaṇo vā devo vā māro vā brahmā vā koci vā lokasmi’’nti 8. Attheva suttantoti? Āmantā. Tena hi na vattabbaṃ – ‘‘iddhibalena samannāgato kappaṃ tiṭṭheyyā’’ti.
ਇਦ੍ਧਿਬਲਕਥਾ ਨਿਟ੍ਠਿਤਾ।
Iddhibalakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੭. ਇਦ੍ਧਿਬਲਕਥਾવਣ੍ਣਨਾ • 7. Iddhibalakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੭. ਇਦ੍ਧਿਬਲਕਥਾવਣ੍ਣਨਾ • 7. Iddhibalakathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੭. ਇਦ੍ਧਿਬਲਕਥਾવਣ੍ਣਨਾ • 7. Iddhibalakathāvaṇṇanā
