| Library / Tipiṭaka / திபிடக • Tipiṭaka / பஞ்சபகரண-அனுடீகா • Pañcapakaraṇa-anuṭīkā |
7. இத்³தி⁴ப³லகதா²வண்ணனா
7. Iddhibalakathāvaṇṇanā
621-624. யஸ்மிங் ஆயுகப்பே கம்மக்க²யேன மரணங் ஹோதி, தங் ஸந்தா⁴ய வுத்தங் ‘‘கம்மஸ்ஸ விபாகவஸேனா’’தி, யஸ்மிங் பன ஆயுக்க²யேன மரணங் ஹோதி, தங் ஸந்தா⁴ய ‘‘வஸ்ஸக³ணனாயா’’தி. தத்த² ‘‘ந ச தாவ காலங் கரோதி, யாவ ந தங் பாபகம்மங் ப்³யந்தீ ஹோதீ’’தி (ம॰ நி॰ 3.250; அ॰ நி॰ 3.36) வசனதோ யேபு⁴ய்யேன நிரயே கம்மக்க²யேன மரணங் ஹோதீதி ஆஹ ‘‘கம்மஸ்ஸ விபாகவஸேன வாதி நிரயங்வ ஸந்தா⁴ய வுத்த’’ந்தி. ‘‘வஸ்ஸஸதங் வஸ்ஸஸஹஸ்ஸங் வஸ்ஸஸதஸஹஸ்ஸானீ’’திஆதி³னா மனுஸ்ஸானங் தே³வானஞ்ச ஆயுபரிச்சே²த³வசனதோ யேபு⁴ய்யேன தேஸங் ஆயுக்க²யேன மரணங் ஹோதீதி வுத்தங் ‘‘வஸ்ஸக³ணனாய வாதி மனுஸ்ஸே சாதுமஹாராஜிகாதி³தே³வே ச ஸந்தா⁴யா’’தி. ‘‘வுத்த’’ந்தி ஆனெத்வா யோஜேதப்³ப³ங்.
621-624. Yasmiṃ āyukappe kammakkhayena maraṇaṃ hoti, taṃ sandhāya vuttaṃ ‘‘kammassa vipākavasenā’’ti, yasmiṃ pana āyukkhayena maraṇaṃ hoti, taṃ sandhāya ‘‘vassagaṇanāyā’’ti. Tattha ‘‘na ca tāva kālaṃ karoti, yāva na taṃ pāpakammaṃ byantī hotī’’ti (ma. ni. 3.250; a. ni. 3.36) vacanato yebhuyyena niraye kammakkhayena maraṇaṃ hotīti āha ‘‘kammassa vipākavasena vāti nirayaṃva sandhāya vutta’’nti. ‘‘Vassasataṃ vassasahassaṃ vassasatasahassānī’’tiādinā manussānaṃ devānañca āyuparicchedavacanato yebhuyyena tesaṃ āyukkhayena maraṇaṃ hotīti vuttaṃ ‘‘vassagaṇanāya vāti manusse cātumahārājikādideve ca sandhāyā’’ti. ‘‘Vutta’’nti ānetvā yojetabbaṃ.
இத்³தி⁴ப³லகதா²வண்ணனா நிட்டி²தா.
Iddhibalakathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (112) 7. இத்³தி⁴ப³லகதா² • (112) 7. Iddhibalakathā
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 7. இத்³தி⁴ப³லகதா²வண்ணனா • 7. Iddhibalakathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 7. இத்³தி⁴ப³லகதா²வண்ணனா • 7. Iddhibalakathāvaṇṇanā
