| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
7. ид̣̇д̇хиб̣алагат̇ааван̣н̣анаа
7. Iddhibalakathāvaṇṇanā
621-624. ид̣̇аани ид̣̇д̇хиб̣алагат̇аа наама ход̇и. д̇ад̇т̇а ид̣̇д̇хибаад̣̇абхааванаанисам̣сасса ад̇т̇ам̣ аяонисо г̇ахзд̇ваа ‘‘ид̣̇д̇хиб̣алзна саманнааг̇ад̇о габбам̣ д̇идтзяяаа’’д̇и язсам̣ лад̣̇д̇хи, сзяяат̇ааби махаасам̣гхигаанам̣; д̇з санд̇хааяа ид̣̇д̇хиб̣алзна саманнааг̇ад̇о габбам̣ д̇идтзяяаад̇и бужчаа сагаваад̣̇исса. д̇ад̇т̇а габбо наама махаагаббо, габбзгад̣̇зсо, ааяугаббод̇и д̇ивид̇хо. ‘‘жад̇д̇ааримаани, бхигкавз, габбасса асан̇кязяяааний’’д̇и (а. ни. 4.156) зд̇т̇а хи махаагаббова габбод̇и вуд̇д̇о. ‘‘б̣рахмагааяигаанам̣ д̣̇зваанам̣ габбо ааяуббамаан̣а’’нд̇и (а. ни. 4.123) зд̇т̇а габбзгад̣̇зсаа. ‘‘габбам̣ нираяамхи бажжад̇и, габбам̣ саг̇г̇амхи мод̣̇ад̇ий’’д̇и (жуул̣ава. 354) зд̇т̇а ааяугаббо. ааяугаббанам̣ ааяувид̇хаанам̣ гаммасса вибаагавасзна ваа вассаг̇ан̣анааяа ваа ааяубарижчзд̣̇од̇и ад̇т̇о. д̇зсу махаагаббам̣ санд̇хааяа бужчад̇и, ид̇аро бадиж̇аанаад̇и.
621-624. Idāni iddhibalakathā nāma hoti. Tattha iddhipādabhāvanānisaṃsassa atthaṃ ayoniso gahetvā ‘‘iddhibalena samannāgato kappaṃ tiṭṭheyyā’’ti yesaṃ laddhi, seyyathāpi mahāsaṃghikānaṃ; te sandhāya iddhibalena samannāgato kappaṃ tiṭṭheyyāti pucchā sakavādissa. Tattha kappo nāma mahākappo, kappekadeso, āyukappoti tividho. ‘‘Cattārimāni, bhikkhave, kappassa asaṅkhyeyyānī’’ti (a. ni. 4.156) ettha hi mahākappova kappoti vutto. ‘‘Brahmakāyikānaṃ devānaṃ kappo āyuppamāṇa’’nti (a. ni. 4.123) ettha kappekadesā. ‘‘Kappaṃ nirayamhi paccati, kappaṃ saggamhi modatī’’ti (cūḷava. 354) ettha āyukappo. Āyukappanaṃ āyuvidhānaṃ kammassa vipākavasena vā vassagaṇanāya vā āyuparicchedoti attho. Tesu mahākappaṃ sandhāya pucchati, itaro paṭijānāti.
ат̇а нам̣ сагаваад̣̇ий ‘‘сажз д̇з ид̣̇д̇хиб̣алзна саманнааг̇ад̇о, ‘яо жирам̣ ж̇ийвад̇и, со вассасад̇ам̣ аббам̣ ваа бхияяо’д̇и (сам̣. ни. 2.143) звам̣ барижчиннаа ааяугаббаа уд̣̇д̇хам̣ махаагаббам̣ ваа махаагаббзгад̣̇зсам̣ ваа ж̇ийвзяяа ид̣̇д̇химаяигзнасса ааяунаа бхавид̇аб̣б̣а’’нд̇и жод̣̇зд̇ум̣ ид̣̇д̇химаяиго со ааяууд̇иаад̣̇имааха. ид̇аро ‘‘ж̇ийвид̇инд̣̇рияам̣ наама ид̣̇д̇химаяигам̣ над̇т̇и, гаммасамудтаанамзваа’’д̇и вуд̇д̇ад̇д̇аа бадигкибад̇и. го банзд̇т̇а ид̣̇д̇химад̇о висзсо, нану анид̣̇д̇химааби ааяугаббам̣ д̇идтзяяаад̇и? аяам̣ висзсо – ид̣̇д̇химаа хи яаавад̇ааяугам̣ ж̇ийвид̇аббавад̇д̇ияаа анд̇арааяагарз д̇хаммз ид̣̇д̇хиб̣алзна бадиб̣аахид̇ваа анд̇араа агааламаран̣ам̣ ниваарзд̇ум̣ саггод̇и, анид̣̇д̇химад̇о зд̇ам̣ б̣алам̣ над̇т̇и. аяамзд̇зсам̣ висзсо.
Atha naṃ sakavādī ‘‘sace te iddhibalena samannāgato, ‘yo ciraṃ jīvati, so vassasataṃ appaṃ vā bhiyyo’ti (saṃ. ni. 2.143) evaṃ paricchinnā āyukappā uddhaṃ mahākappaṃ vā mahākappekadesaṃ vā jīveyya iddhimayikenassa āyunā bhavitabba’’nti codetuṃ iddhimayiko so āyūtiādimāha. Itaro ‘‘jīvitindriyaṃ nāma iddhimayikaṃ natthi, kammasamuṭṭhānamevā’’ti vuttattā paṭikkhipati. Ko panettha iddhimato viseso, nanu aniddhimāpi āyukappaṃ tiṭṭheyyāti? Ayaṃ viseso – iddhimā hi yāvatāyukaṃ jīvitappavattiyā antarāyakare dhamme iddhibalena paṭibāhitvā antarā akālamaraṇaṃ nivāretuṃ sakkoti, aniddhimato etaṃ balaṃ natthi. Ayametesaṃ viseso.
ад̇ийд̇ам̣ анааг̇ад̇анд̇и ид̣̇ам̣ ависзсзна габбам̣ д̇идтзяяаад̇и бадин̃н̃аад̇ад̇д̇аа жод̣̇зд̇и. д̣̇вз габбзд̇иаад̣̇и ‘‘яад̣̇и ид̣̇д̇химаа ж̇ийвид̇абарижчзд̣̇ам̣ ад̇иггамид̇ум̣ саггод̇и, на гзвалам̣ згам̣ анзгзби габбз д̇идтзяяаа’’д̇и жод̣̇анад̇т̇ам̣ вуд̇д̇ам̣. уббанно пассод̇иаад̣̇и на саб̣б̣ам̣ ид̣̇д̇хияаа лаб̣бхад̇и, ид̣̇д̇хияаа ависаяоби ад̇т̇ийд̇и д̣̇ассзд̇ум̣ вуд̇д̇ам̣. сзсамзд̇т̇а уд̇д̇аанад̇т̇амзваад̇и.
Atītaṃ anāgatanti idaṃ avisesena kappaṃ tiṭṭheyyāti paṭiññātattā codeti. Dve kappetiādi ‘‘yadi iddhimā jīvitaparicchedaṃ atikkamituṃ sakkoti, na kevalaṃ ekaṃ anekepi kappe tiṭṭheyyā’’ti codanatthaṃ vuttaṃ. Uppanno phassotiādi na sabbaṃ iddhiyā labbhati, iddhiyā avisayopi atthīti dassetuṃ vuttaṃ. Sesamettha uttānatthamevāti.
ид̣̇д̇хиб̣алагат̇ааван̣н̣анаа.
Iddhibalakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (112) 7. ид̣̇д̇хиб̣алагат̇аа • (112) 7. Iddhibalakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 7. ид̣̇д̇хиб̣алагат̇ааван̣н̣анаа • 7. Iddhibalakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 7. ид̣̇д̇хиб̣алагат̇ааван̣н̣анаа • 7. Iddhibalakathāvaṇṇanā
