| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
4. саб̣б̣ан̃н̃уд̇ан̃аан̣аваг̇г̇о
4. Sabbaññutañāṇavaggo
1. ид̣̇д̇хигаммавибаагабан̃хо
1. Iddhikammavipākapañho
1. ‘‘бханд̇з нааг̇асзна, бхаасид̇амбзд̇ам̣ бхаг̇авад̇аа ‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ ид̣̇д̇химанд̇аанам̣ яад̣̇ид̣̇ам̣ махаамог̇г̇аллаано’д̇и. буна жа гира со лаг̇ул̣зхи барибот̇ид̇о бхиннасийсо сан̃жун̣н̣ид̇адтимам̣сад̇хаманичиннабариг̇ад̇д̇о бариниб̣б̣уд̇о 1. яад̣̇и, бханд̇з нааг̇асзна, т̇зро махаамог̇г̇аллаано ид̣̇д̇хияаа годим̣ г̇ад̇о, д̇зна хи лаг̇ул̣зхи бот̇ид̇о бариниб̣б̣уд̇од̇и яам̣ важанам̣, д̇ам̣ мижчаа. яад̣̇и лаг̇ул̣зхи барибот̇ид̇о бариниб̣б̣уд̇о, д̇зна хи ид̣̇д̇хияаа годим̣ г̇ад̇од̇и д̇амби важанам̣ мижчаа. гим̣ на самад̇т̇о ид̣̇д̇хияаа ад̇д̇ано убагхаад̇ам̣ абанаяид̇ум̣, сад̣̇звагассаби логасса бадисаран̣ам̣ бхавид̇ум̣ араход̇и? аяамби убхад̇о годиго бан̃хо д̇аваануббад̇д̇о, со д̇аяаа ниб̣б̣аахид̇аб̣б̣о’’д̇и.
1. ‘‘Bhante nāgasena, bhāsitampetaṃ bhagavatā ‘etadaggaṃ, bhikkhave, mama sāvakānaṃ bhikkhūnaṃ iddhimantānaṃ yadidaṃ mahāmoggallāno’ti. Puna ca kira so laguḷehi paripothito bhinnasīso sañcuṇṇitaṭṭhimaṃsadhamanichinnaparigatto parinibbuto 2. Yadi, bhante nāgasena, thero mahāmoggallāno iddhiyā koṭiṃ gato, tena hi laguḷehi pothito parinibbutoti yaṃ vacanaṃ, taṃ micchā. Yadi laguḷehi paripothito parinibbuto, tena hi iddhiyā koṭiṃ gatoti tampi vacanaṃ micchā. Kiṃ na samattho iddhiyā attano upaghātaṃ apanayituṃ, sadevakassapi lokassa paṭisaraṇaṃ bhavituṃ arahoti? Ayampi ubhato koṭiko pañho tavānuppatto, so tayā nibbāhitabbo’’ti.
‘‘бхаасид̇амбзд̇ам̣, махаарааж̇а, бхаг̇авад̇аа ‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ ид̣̇д̇химанд̇аанам̣ яад̣̇ид̣̇ам̣ махаамог̇г̇аллаано’д̇и. ааяасмаа жа махаамог̇г̇аллаано лаг̇ул̣ахад̇о бариниб̣б̣уд̇о, д̇ан̃жа бана гаммаад̇хиг̇г̇ахид̇знаа’’д̇и.
‘‘Bhāsitampetaṃ, mahārāja, bhagavatā ‘etadaggaṃ, bhikkhave, mama sāvakānaṃ bhikkhūnaṃ iddhimantānaṃ yadidaṃ mahāmoggallāno’ti. Āyasmā ca mahāmoggallāno laguḷahato parinibbuto, tañca pana kammādhiggahitenā’’ti.
‘‘нану, бханд̇з нааг̇асзна, ид̣̇д̇химад̇о ид̣̇д̇хивисаяоби гаммавибаагоби д̣̇вз ажинд̇ияаа, ажинд̇иязна ажинд̇ияам̣ абанаяид̇аб̣б̣ам̣. яат̇аа наама, бханд̇з, гзжи палагаамаа габид̇т̇зна габид̇т̇ам̣ бот̇знд̇и, амб̣зна амб̣ам̣ бот̇знд̇и, звамзва ко, бханд̇з нааг̇асзна, ажинд̇иязна ажинд̇ияам̣ бот̇аяид̇ваа абанзд̇аб̣б̣а’’нд̇и? ‘‘ажинд̇ияаанамби, махаарааж̇а, згам̣ ад̇химад̇д̇ам̣ б̣алавад̇арам̣, яат̇аа, махаарааж̇а, махияаа рааж̇аано хонд̇и самаж̇ажжаа, самаж̇ажжаанамби д̇зсам̣ зго саб̣б̣з абхибхавид̇ваа аан̣ам̣ бавад̇д̇зд̇и. звамзва ко, махаарааж̇а, д̇зсам̣ ажинд̇ияаанам̣ гаммавибаагам̣ язва ад̇химад̇д̇ам̣ б̣алавад̇арам̣, гаммавибаагам̣ язва саб̣б̣з абхибхавияа аан̣ам̣ бавад̇д̇зд̇и, гаммаад̇хиг̇г̇ахид̇асса авасзсаа гирияаа огаасам̣ на лабханд̇и.
‘‘Nanu, bhante nāgasena, iddhimato iddhivisayopi kammavipākopi dve acintiyā, acintiyena acintiyaṃ apanayitabbaṃ. Yathā nāma, bhante, keci phalakāmā kapitthena kapitthaṃ pothenti, ambena ambaṃ pothenti, evameva kho, bhante nāgasena, acintiyena acintiyaṃ pothayitvā apanetabba’’nti? ‘‘Acintiyānampi, mahārāja, ekaṃ adhimattaṃ balavataraṃ, yathā, mahārāja, mahiyā rājāno honti samajaccā, samajaccānampi tesaṃ eko sabbe abhibhavitvā āṇaṃ pavatteti. Evameva kho, mahārāja, tesaṃ acintiyānaṃ kammavipākaṃ yeva adhimattaṃ balavataraṃ, kammavipākaṃ yeva sabbe abhibhaviya āṇaṃ pavatteti, kammādhiggahitassa avasesā kiriyā okāsaṃ na labhanti.
‘‘ид̇ха бана, махаарааж̇а, гожи бурисо гисмин̃жид̣̇зва багаран̣з абараж̇жхад̇и, на д̇асса маад̇аа ваа бид̇аа ваа бхаг̇иний ваа бхаад̇аро ваа сакий ваа сахааяагаа ваа 3 д̇ааяанд̇и, ат̇а ко рааж̇аа язва д̇ад̇т̇а абхибхавияа аан̣ам̣ бавад̇д̇зд̇и. гим̣ д̇ад̇т̇а гааран̣ам̣? абараад̇хигад̇аа. звамзва ко, махаарааж̇а, д̇зсам̣ ажинд̇ияаанам̣ гаммавибаагам̣ язва ад̇химад̇д̇ам̣ б̣алавад̇арам̣, гаммавибаагам̣ язва саб̣б̣з абхибхавияа аан̣ам̣ бавад̇д̇зд̇и, гаммаад̇хиг̇г̇ахид̇асса авасзсаа гирияаа огаасам̣ на лабханд̇и.
‘‘Idha pana, mahārāja, koci puriso kismiñcideva pakaraṇe aparajjhati, na tassa mātā vā pitā vā bhaginī vā bhātaro vā sakhī vā sahāyakā vā 4 tāyanti, atha kho rājā yeva tattha abhibhaviya āṇaṃ pavatteti. Kiṃ tattha kāraṇaṃ? Aparādhikatā. Evameva kho, mahārāja, tesaṃ acintiyānaṃ kammavipākaṃ yeva adhimattaṃ balavataraṃ, kammavipākaṃ yeva sabbe abhibhaviya āṇaṃ pavatteti, kammādhiggahitassa avasesā kiriyā okāsaṃ na labhanti.
‘‘яат̇аа ваа бана, махаарааж̇а, махияаа д̣̇авад̣аахз самудтид̇з гхадасахассамби уд̣̇агам̣ на саггод̇и ниб̣б̣аабзд̇ум̣, ат̇а ко аг̇г̇и язва д̇ад̇т̇а абхибхавияа аан̣ам̣ бавад̇д̇зд̇и. гим̣ д̇ад̇т̇а гааран̣ам̣? б̣алавад̇аа д̇зж̇асса. звамзва ко, махаарааж̇а, д̇зсам̣ ажинд̇ияаанам̣ гаммавибаагам̣ язва ад̇химад̇д̇ам̣ б̣алавад̇арам̣, гаммавибаагам̣ язва саб̣б̣з абхибхавияа аан̣ам̣ бавад̇д̇зд̇и, гаммаад̇хиг̇г̇ахид̇асса авасзсаа гирияаа огаасам̣ на лабханд̇и, д̇асмаа, махаарааж̇а, ааяасмад̇о махаамог̇г̇аллаанасса гаммаад̇хиг̇г̇ахид̇асса лаг̇ул̣зхи бот̇ияамаанасса ид̣̇д̇хияаа саманнаахааро наахосий’’д̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘Yathā vā pana, mahārāja, mahiyā davaḍāhe samuṭṭhite ghaṭasahassampi udakaṃ na sakkoti nibbāpetuṃ, atha kho aggi yeva tattha abhibhaviya āṇaṃ pavatteti. Kiṃ tattha kāraṇaṃ? Balavatā tejassa. Evameva kho, mahārāja, tesaṃ acintiyānaṃ kammavipākaṃ yeva adhimattaṃ balavataraṃ, kammavipākaṃ yeva sabbe abhibhaviya āṇaṃ pavatteti, kammādhiggahitassa avasesā kiriyā okāsaṃ na labhanti, tasmā, mahārāja, āyasmato mahāmoggallānassa kammādhiggahitassa laguḷehi pothiyamānassa iddhiyā samannāhāro nāhosī’’ti. ‘‘Sādhu, bhante nāgasena, evametaṃ tathā sampaṭicchāmī’’ti.
ид̣̇д̇хигаммавибаагабан̃хо батамо.
Iddhikammavipākapañho paṭhamo.
Footnotes:
