| Library / Tipiṭaka / তিপিটক • Tipiṭaka / কথাৰত্থুপাল়ি • Kathāvatthupāḷi |
২১. একৰীসতিমৰগ্গো
21. Ekavīsatimavaggo
(২০৩) ৪. ইদ্ধিকথা
(203) 4. Iddhikathā
৮৮৩. অত্থি অধিপ্পাযইদ্ধি বুদ্ধানং ৰা সাৰকানং ৰাতি? আমন্তা। ‘‘নিচ্চপণ্ণা রুক্খা হোন্তূ’’তি – অত্থি অধিপ্পাযইদ্ধি বুদ্ধানং ৰা সাৰকানং ৰাতি? ন হেৰং ৰত্তব্বে…পে॰… নিচ্চপুপ্ফা রুক্খা হোন্তু…পে॰… নিচ্চফলিকা রুক্খা হোন্তু… নিচ্চং জুণ্হং হোতু… নিচ্চং খেমং হোতু… নিচ্চং সুভিক্খং হোতু… ‘‘নিচ্চং সুৰত্থি 1 হোতূ’’তি – অত্থি অধিপ্পাযইদ্ধি বুদ্ধানং ৰা সাৰকানং ৰাতি? ন হেৰং ৰত্তব্বে…পে॰…।
883. Atthi adhippāyaiddhi buddhānaṃ vā sāvakānaṃ vāti? Āmantā. ‘‘Niccapaṇṇā rukkhā hontū’’ti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe… niccapupphā rukkhā hontu…pe… niccaphalikā rukkhā hontu… niccaṃ juṇhaṃ hotu… niccaṃ khemaṃ hotu… niccaṃ subhikkhaṃ hotu… ‘‘niccaṃ suvatthi 2 hotū’’ti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe….
অত্থি অধিপ্পাযইদ্ধি বুদ্ধানং ৰা সাৰকানং ৰাতি? আমন্তা । ‘‘উপ্পন্নো ফস্সো মা নিরুজ্ঝী’’তি – অত্থি অধিপ্পাযইদ্ধি বুদ্ধানং ৰা সাৰকানং ৰাতি? ন হেৰং ৰত্তব্বে…পে॰…।
Atthi adhippāyaiddhi buddhānaṃ vā sāvakānaṃ vāti? Āmantā . ‘‘Uppanno phasso mā nirujjhī’’ti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe….
উপ্পন্না ৰেদনা…পে॰… সঞ্ঞা… চেতনা… চিত্তং… সদ্ধা… ৰীরিযং… সতি… সমাধি…পে॰… পঞ্ঞা মা নিরুজ্ঝীতি – অত্থি অধিপ্পাযইদ্ধি বুদ্ধানং ৰা সাৰকানং ৰাতি? ন হেৰং ৰত্তব্বে…পে॰…।
Uppannā vedanā…pe… saññā… cetanā… cittaṃ… saddhā… vīriyaṃ… sati… samādhi…pe… paññā mā nirujjhīti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe….
অত্থি অধিপ্পাযইদ্ধি বুদ্ধানং ৰা সাৰকানং ৰাতি? আমন্তা। ‘‘রূপং নিচ্চং হোতূ’’তি – অত্থি অধিপ্পাযইদ্ধি… ৰেদনা…পে॰… সঞ্ঞা…পে॰… সঙ্খারা…পে॰… ‘‘ৰিঞ্ঞাণং নিচ্চং হোতূ’’তি – অত্থি অধিপ্পাযইদ্ধি বুদ্ধানং ৰা সাৰকানং ৰাতি? ন হেৰং ৰত্তব্বে…পে॰…।
Atthi adhippāyaiddhi buddhānaṃ vā sāvakānaṃ vāti? Āmantā. ‘‘Rūpaṃ niccaṃ hotū’’ti – atthi adhippāyaiddhi… vedanā…pe… saññā…pe… saṅkhārā…pe… ‘‘viññāṇaṃ niccaṃ hotū’’ti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe….
অত্থি অধিপ্পাযইদ্ধি বুদ্ধানং ৰা সাৰকানং ৰাতি? আমন্তা। ‘‘জাতিধম্মা সত্তা মা জাযিংসূ’’তি অত্থি…পে॰… ‘‘জরাধম্মা সত্তা মা জীরিংসূ’’তি…পে॰… ‘‘ব্যাধিধম্মা সত্তা মা ব্যাধিযিংসূ’’তি…পে॰… ‘‘মরণধম্মা সত্তা মা মীযিংসূ’’তি – অত্থি অধিপ্পাযইদ্ধি বুদ্ধানং ৰা সাৰকানং ৰাতি? ন হেৰং ৰত্তব্বে…পে॰…।
Atthi adhippāyaiddhi buddhānaṃ vā sāvakānaṃ vāti? Āmantā. ‘‘Jātidhammā sattā mā jāyiṃsū’’ti atthi…pe… ‘‘jarādhammā sattā mā jīriṃsū’’ti…pe… ‘‘byādhidhammā sattā mā byādhiyiṃsū’’ti…pe… ‘‘maraṇadhammā sattā mā mīyiṃsū’’ti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe….
৮৮৪. ন ৰত্তব্বং – ‘‘অত্থি অধিপ্পাযইদ্ধি বুদ্ধানং ৰা সাৰকানং ৰা’’তি? আমন্তা । ননু আযস্মা পিলিন্দৰচ্ছো রঞ্ঞো মাগধস্স সেনিযস্স বিম্বিসারস্স পাসাদং ‘‘সুৰণ্ণ’’ন্ত্ৰেৰ অধিমুচ্চি, সুৰণ্ণো চ পন আসীতি 3? আমন্তা। হঞ্চি আযস্মা পিলিন্দৰচ্ছো রঞ্ঞো মাগধস্স সেনিযস্স বিম্বিসারস্স পাসাদং সুৰণ্ণন্ত্ৰেৰ অধিমুচ্চি, সুৰণ্ণো চ পন আসি, তেন ৰত রে ৰত্তব্বে – ‘‘অত্থি অধিপ্পাযইদ্ধি বুদ্ধানং ৰা সাৰকানং ৰা’’তি।
884. Na vattabbaṃ – ‘‘atthi adhippāyaiddhi buddhānaṃ vā sāvakānaṃ vā’’ti? Āmantā . Nanu āyasmā pilindavaccho rañño māgadhassa seniyassa bimbisārassa pāsādaṃ ‘‘suvaṇṇa’’ntveva adhimucci, suvaṇṇo ca pana āsīti 4? Āmantā. Hañci āyasmā pilindavaccho rañño māgadhassa seniyassa bimbisārassa pāsādaṃ suvaṇṇantveva adhimucci, suvaṇṇo ca pana āsi, tena vata re vattabbe – ‘‘atthi adhippāyaiddhi buddhānaṃ vā sāvakānaṃ vā’’ti.
ইদ্ধিকথা নিট্ঠিতা।
Iddhikathā niṭṭhitā.
Footnotes:
Related texts:
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ৪. ইদ্ধিকথাৰণ্ণনা • 4. Iddhikathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৪. ইদ্ধিকথাৰণ্ণনা • 4. Iddhikathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৪. ইদ্ধিকথাৰণ্ণনা • 4. Iddhikathāvaṇṇanā
