| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
2. ид̣̇д̇хигат̇аа
2. Iddhikathā
9. гаа ид̣̇д̇хи? гад̇и ид̣̇д̇хияо? ид̣̇д̇хияаа гад̇и бхуумияо, гад̇и баад̣̇аа, гад̇и бад̣̇аани, гад̇и муулаани? гаа ид̣̇д̇хийд̇и? иж̇жханадтзна ид̣̇д̇хи. гад̇и ид̣̇д̇хияод̇и? д̣̇аса ид̣̇д̇хияо. ид̣̇д̇хияаа гад̇и бхуумияод̇и? ид̣̇д̇хияаа жад̇ассо бхуумияо, жад̇д̇ааро баад̣̇аа, адта бад̣̇аани, сол̣аса муулаани.
9. Kā iddhi? Kati iddhiyo? Iddhiyā kati bhūmiyo, kati pādā, kati padāni, kati mūlāni? Kā iddhīti? Ijjhanaṭṭhena iddhi. Kati iddhiyoti? Dasa iddhiyo. Iddhiyā kati bhūmiyoti? Iddhiyā catasso bhūmiyo, cattāro pādā, aṭṭha padāni, soḷasa mūlāni.
10. гад̇амаа д̣̇аса ид̣̇д̇хияо? ад̇хидтаанаа ид̣̇д̇хи, вигуб̣б̣анаа ид̣̇д̇хи, маномаяаа ид̣̇д̇хи, н̃аан̣авибпаараа ид̣̇д̇хи, самаад̇хивибпаараа ид̣̇д̇хи, арияаа ид̣̇д̇хи, гаммавибаагаж̇аа ид̣̇д̇хи, бун̃н̃авад̇о ид̣̇д̇хи, виж̇ж̇аамаяаа ид̣̇д̇хи, д̇ад̇т̇а д̇ад̇т̇а саммаа баяог̇абажжаяаа 1 иж̇жханадтзна ид̣̇д̇хи.
10. Katamā dasa iddhiyo? Adhiṭṭhānā iddhi, vikubbanā iddhi, manomayā iddhi, ñāṇavipphārā iddhi, samādhivipphārā iddhi, ariyā iddhi, kammavipākajā iddhi, puññavato iddhi, vijjāmayā iddhi, tattha tattha sammā payogapaccayā 2 ijjhanaṭṭhena iddhi.
ид̣̇д̇хияаа гад̇амаа жад̇ассо бхуумияо? вивзгаж̇аабхууми батамам̣ жхаанам̣, бийд̇исукабхууми д̣̇уд̇ияам̣ жхаанам̣, убзгкаасукабхууми д̇ад̇ияам̣ жхаанам̣, ад̣̇угкамасукаабхууми жад̇уд̇т̇ам̣ жхаанам̣. ид̣̇д̇хияаа имаа жад̇ассо бхуумияо ид̣̇д̇хилаабхааяа ид̣̇д̇хибадилаабхааяа ид̣̇д̇хивигуб̣б̣анад̇ааяа ид̣̇д̇хивисавид̇ааяа ид̣̇д̇хивасийбхаавааяа ид̣̇д̇хивзсаараж̇ж̇ааяа сам̣вад̇д̇анд̇ийд̇и.
Iddhiyā katamā catasso bhūmiyo? Vivekajābhūmi paṭhamaṃ jhānaṃ, pītisukhabhūmi dutiyaṃ jhānaṃ, upekkhāsukhabhūmi tatiyaṃ jhānaṃ, adukkhamasukhābhūmi catutthaṃ jhānaṃ. Iddhiyā imā catasso bhūmiyo iddhilābhāya iddhipaṭilābhāya iddhivikubbanatāya iddhivisavitāya iddhivasībhāvāya iddhivesārajjāya saṃvattantīti.
ид̣̇д̇хияаа гад̇амз жад̇д̇ааро баад̣̇аа? ид̇ха бхигку чанд̣̇асамаад̇хибад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и, жид̇д̇асамаад̇хибад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и, вийрияасамаад̇хибад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и, виймам̣саасамаад̇хибад̇хаанасан̇каарасаманнааг̇ад̇ам̣ ид̣̇д̇хибаад̣̇ам̣ бхаавзд̇и. ид̣̇д̇хияаа имз жад̇д̇ааро баад̣̇аа ид̣̇д̇хилаабхааяа ид̣̇д̇хибадилаабхааяа ид̣̇д̇хивигуб̣б̣анад̇ааяа ид̣̇д̇хивисавид̇ааяа ид̣̇д̇хивасийбхаавааяа ид̣̇д̇хивзсаараж̇ж̇ааяа сам̣вад̇д̇анд̇ийд̇и.
Iddhiyā katame cattāro pādā? Idha bhikkhu chandasamādhipadhānasaṅkhārasamannāgataṃ iddhipādaṃ bhāveti, cittasamādhipadhānasaṅkhārasamannāgataṃ iddhipādaṃ bhāveti, vīriyasamādhipadhānasaṅkhārasamannāgataṃ iddhipādaṃ bhāveti, vīmaṃsāsamādhipadhānasaṅkhārasamannāgataṃ iddhipādaṃ bhāveti. Iddhiyā ime cattāro pādā iddhilābhāya iddhipaṭilābhāya iddhivikubbanatāya iddhivisavitāya iddhivasībhāvāya iddhivesārajjāya saṃvattantīti.
ид̣̇д̇хияаа гад̇амаани адта бад̣̇аани? чанд̣̇ам̣ жз бхигку ниссааяа лабхад̇и самаад̇хим̣, лабхад̇и жид̇д̇асса згаг̇г̇ад̇ам̣. чанд̣̇о на самаад̇хи, самаад̇хи на чанд̣̇о. ан̃н̃о чанд̣̇о, ан̃н̃о самаад̇хи. вийрияам̣ жз бхигку ниссааяа лабхад̇и самаад̇хим̣, лабхад̇и жид̇д̇асса згаг̇г̇ад̇ам̣. вийрияам̣ на самаад̇хи, самаад̇хи на вийрияам̣. ан̃н̃ам̣ вийрияам̣, ан̃н̃о самаад̇хи. жид̇д̇ам̣ жз бхигку ниссааяа лабхад̇и самаад̇хим̣, лабхад̇и жид̇д̇асса згаг̇г̇ад̇ам̣. жид̇д̇ам̣ на самаад̇хи, самаад̇хи на жид̇д̇ам̣. ан̃н̃ам̣ жид̇д̇ам̣, ан̃н̃о самаад̇хи. виймам̣сам̣ жз бхигку ниссааяа лабхад̇и самаад̇хим̣, лабхад̇и жид̇д̇асса згаг̇г̇ад̇ам̣. виймам̣саа на самаад̇хи, самаад̇хи на виймам̣саа. ан̃н̃аа виймам̣саа, ан̃н̃о самаад̇хи. ид̣̇д̇хияаа имаани адта бад̣̇аани ид̣̇д̇хилаабхааяа ид̣̇д̇хибадилаабхааяа ид̣̇д̇хивигуб̣б̣анад̇ааяа ид̣̇д̇хивисавид̇ааяа ид̣̇д̇хивасийбхаавааяа ид̣̇д̇хивзсаараж̇ж̇ааяа сам̣вад̇д̇анд̇ийд̇и.
Iddhiyā katamāni aṭṭha padāni? Chandaṃ ce bhikkhu nissāya labhati samādhiṃ, labhati cittassa ekaggataṃ. Chando na samādhi, samādhi na chando. Añño chando, añño samādhi. Vīriyaṃ ce bhikkhu nissāya labhati samādhiṃ, labhati cittassa ekaggataṃ. Vīriyaṃ na samādhi, samādhi na vīriyaṃ. Aññaṃ vīriyaṃ, añño samādhi. Cittaṃ ce bhikkhu nissāya labhati samādhiṃ, labhati cittassa ekaggataṃ. Cittaṃ na samādhi, samādhi na cittaṃ. Aññaṃ cittaṃ, añño samādhi. Vīmaṃsaṃ ce bhikkhu nissāya labhati samādhiṃ, labhati cittassa ekaggataṃ. Vīmaṃsā na samādhi, samādhi na vīmaṃsā. Aññā vīmaṃsā, añño samādhi. Iddhiyā imāni aṭṭha padāni iddhilābhāya iddhipaṭilābhāya iddhivikubbanatāya iddhivisavitāya iddhivasībhāvāya iddhivesārajjāya saṃvattantīti.
ид̣̇д̇хияаа гад̇амаани сол̣аса муулаани? анонад̇ам̣ 3 жид̇д̇ам̣ госаж̇ж̇з на ин̃ж̇ад̇ийд̇и – аанзн̃ж̇ам̣. ануннад̇ам̣ 4 жид̇д̇ам̣ уд̣̇д̇хажжз на ин̃ж̇ад̇ийд̇и – аанзн̃ж̇ам̣. анабхинад̇ам̣ жид̇д̇ам̣ рааг̇з на ин̃ж̇ад̇ийд̇и – аанзн̃ж̇ам̣. анабанад̇ам̣ жид̇д̇ам̣ б̣яаабаад̣̇з на ин̃ж̇ад̇ийд̇и – аанзн̃ж̇ам̣. аниссид̇ам̣ жид̇д̇ам̣ д̣̇идтияаа на ин̃ж̇ад̇ийд̇и – аанзн̃ж̇ам̣. аббадиб̣ад̣̇д̇хам̣ жид̇д̇ам̣ чанд̣̇арааг̇з на ин̃ж̇ад̇ийд̇и – аанзн̃ж̇ам̣. виббамуд̇д̇ам̣ жид̇д̇ам̣ гаамарааг̇з на ин̃ж̇ад̇ийд̇и – аанзн̃ж̇ам̣ . висан̃н̃уд̇д̇ам̣ жид̇д̇ам̣ гилзсз на ин̃ж̇ад̇ийд̇и – аанзн̃ж̇ам̣. вимарияаад̣̇игад̇ам̣ жид̇д̇ам̣ гилзсамарияаад̣̇з на ин̃ж̇ад̇ийд̇и – аанзн̃ж̇ам̣. згад̇д̇аг̇ад̇ам̣ 5 жид̇д̇ам̣ наанад̇д̇агилзсзхи 6 на ин̃ж̇ад̇ийд̇и – аанзн̃ж̇ам̣. сад̣̇д̇хааяа бариг̇г̇ахид̇ам̣ жид̇д̇ам̣ ассад̣̇д̇хияз на ин̃ж̇ад̇ийд̇и – аанзн̃ж̇ам̣. вийриязна бариг̇г̇ахид̇ам̣ жид̇д̇ам̣ госаж̇ж̇з на ин̃ж̇ад̇ийд̇и – аанзн̃ж̇ам̣. сад̇ияаа бариг̇г̇ахид̇ам̣ жид̇д̇ам̣ бамаад̣̇з на ин̃ж̇ад̇ийд̇и – аанзн̃ж̇ам̣. самаад̇хинаа бариг̇г̇ахид̇ам̣ жид̇д̇ам̣ уд̣̇д̇хажжз на ин̃ж̇ад̇ийд̇и – аанзн̃ж̇ам̣. бан̃н̃ааяа бариг̇г̇ахид̇ам̣ жид̇д̇ам̣ авиж̇ж̇ааяа на ин̃ж̇ад̇ийд̇и – аанзн̃ж̇ам̣. обхаасаг̇ад̇ам̣ жид̇д̇ам̣ авиж̇ж̇анд̇хагаарз на ин̃ж̇ад̇ийд̇и – аанзн̃ж̇ам̣. ид̣̇д̇хияаа имаани сол̣аса муулаани ид̣̇д̇хилаабхааяа ид̣̇д̇хибадилаабхааяа ид̣̇д̇хивигуб̣б̣анад̇ааяа ид̣̇д̇хивисавид̇ааяа ид̣̇д̇хивасийбхаавааяа ид̣̇д̇хивзсаараж̇ж̇ааяа сам̣вад̇д̇анд̇ийд̇и.
Iddhiyā katamāni soḷasa mūlāni? Anonataṃ 7 cittaṃ kosajje na iñjatīti – āneñjaṃ. Anunnataṃ 8 cittaṃ uddhacce na iñjatīti – āneñjaṃ. Anabhinataṃ cittaṃ rāge na iñjatīti – āneñjaṃ. Anapanataṃ cittaṃ byāpāde na iñjatīti – āneñjaṃ. Anissitaṃ cittaṃ diṭṭhiyā na iñjatīti – āneñjaṃ. Appaṭibaddhaṃ cittaṃ chandarāge na iñjatīti – āneñjaṃ. Vippamuttaṃ cittaṃ kāmarāge na iñjatīti – āneñjaṃ . Visaññuttaṃ cittaṃ kilese na iñjatīti – āneñjaṃ. Vimariyādikataṃ cittaṃ kilesamariyāde na iñjatīti – āneñjaṃ. Ekattagataṃ 9 cittaṃ nānattakilesehi 10 na iñjatīti – āneñjaṃ. Saddhāya pariggahitaṃ cittaṃ assaddhiye na iñjatīti – āneñjaṃ. Vīriyena pariggahitaṃ cittaṃ kosajje na iñjatīti – āneñjaṃ. Satiyā pariggahitaṃ cittaṃ pamāde na iñjatīti – āneñjaṃ. Samādhinā pariggahitaṃ cittaṃ uddhacce na iñjatīti – āneñjaṃ. Paññāya pariggahitaṃ cittaṃ avijjāya na iñjatīti – āneñjaṃ. Obhāsagataṃ cittaṃ avijjandhakāre na iñjatīti – āneñjaṃ. Iddhiyā imāni soḷasa mūlāni iddhilābhāya iddhipaṭilābhāya iddhivikubbanatāya iddhivisavitāya iddhivasībhāvāya iddhivesārajjāya saṃvattantīti.
д̣̇асаид̣̇д̇хинид̣̇д̣̇зсо
Dasaiddhiniddeso
10. гад̇амаа ад̇хидтаанаа ид̣̇д̇хи? ид̇ха бхигку анзгавихид̇ам̣ ид̣̇д̇хивид̇хам̣ бажжанубход̇и – згоби худ̇ваа б̣ахуд̇хаа ход̇и, б̣ахуд̇хааби худ̇ваа зго ход̇и; аавибхаавам̣ д̇иробхаавам̣; д̇ирогуддам̣ д̇иробаагаарам̣ д̇иробаб̣б̣ад̇ам̣ асаж̇ж̇амаано г̇ажчад̇и, сзяяат̇ааби аагаасз. бат̇авияааби уммуж̇ж̇анимуж̇ж̇ам̣ гарод̇и, сзяяат̇ааби уд̣̇агз. уд̣̇агзби абхиж̇ж̇амаанз 11 г̇ажчад̇и, сзяяат̇ааби бат̇авияам̣. аагаасзби баллан̇гзна гамад̇и, сзяяат̇ааби багкий сагун̣о. имзби жанд̣̇имасуурияз звам̣махид̣̇д̇хигз звам̣махаанубхаавз баан̣инаа бараамасад̇и баримаж̇ж̇ад̇и. яаава б̣рахмалогааби гааязна васам̣ вад̇д̇зд̇ийд̇и.
10. Katamā adhiṭṭhānā iddhi? Idha bhikkhu anekavihitaṃ iddhividhaṃ paccanubhoti – ekopi hutvā bahudhā hoti, bahudhāpi hutvā eko hoti; āvibhāvaṃ tirobhāvaṃ; tirokuṭṭaṃ tiropākāraṃ tiropabbataṃ asajjamāno gacchati, seyyathāpi ākāse. Pathaviyāpi ummujjanimujjaṃ karoti, seyyathāpi udake. Udakepi abhijjamāne 12 gacchati, seyyathāpi pathaviyaṃ. Ākāsepi pallaṅkena kamati, seyyathāpi pakkhī sakuṇo. Imepi candimasūriye evaṃmahiddhike evaṃmahānubhāve pāṇinā parāmasati parimajjati. Yāva brahmalokāpi kāyena vasaṃ vattetīti.
ид̇хаад̇и имиссаа д̣̇идтияаа имиссаа канд̇ияаа имиссаа ружияаа имасмим̣ аад̣̇ааяз имасмим̣ д̇хаммз имасмим̣ винаяз имасмим̣ д̇хаммавинаяз имасмим̣ бааважанз имасмим̣ б̣рахмажарияз имасмим̣ сад̇т̇усаасанз. д̇зна вужжад̇и – ‘‘ид̇хаа’’д̇и. бхигкууд̇и бут̇уж̇ж̇анагаляаан̣аго ваа ход̇и бхигку сзко ваа арахаа ваа агуббад̇хаммо. анзгавихид̇ам̣ ид̣̇д̇хивид̇хам̣ бажжанубход̇ийд̇и наанаббагаарам̣ ид̣̇д̇хивид̇хам̣ бажжанубход̇и. згоби худ̇ваа б̣ахуд̇хаа ход̇ийд̇и багад̇ияаа зго б̣ахугам̣ ааваж̇ж̇ад̇и, сад̇ам̣ ваа сахассам̣ ваа сад̇асахассам̣ ваа ааваж̇ж̇ад̇и. ааваж̇ж̇ид̇ваа н̃аан̣зна ад̇хидтаад̇и – ‘‘б̣ахуло хомий’’д̇и 13. б̣ахуло ход̇и. яат̇ааяасмаа жуул̣абант̇аго 14 згоби худ̇ваа б̣ахуд̇хаа ход̇и, звамзвам̣ со ид̣̇д̇химаа жзд̇овасиббад̇д̇о згоби худ̇ваа б̣ахуд̇хаа ход̇и. б̣ахуд̇хааби худ̇ваа зго ход̇ийд̇и багад̇ияаа б̣ахуго згам̣ ааваж̇ж̇ад̇и; ааваж̇ж̇ид̇ваа н̃аан̣зна ад̇хидтаад̇и – ‘‘зго хомий’’д̇и. зго ход̇и. яат̇ааяасмаа жуул̣абант̇аго б̣ахуд̇хааби худ̇ваа зго ход̇и, звамзвам̣ со ид̣̇д̇химаа жзд̇овасиббад̇д̇о б̣ахуд̇хааби худ̇ваа зго ход̇и.
Idhāti imissā diṭṭhiyā imissā khantiyā imissā ruciyā imasmiṃ ādāye imasmiṃ dhamme imasmiṃ vinaye imasmiṃ dhammavinaye imasmiṃ pāvacane imasmiṃ brahmacariye imasmiṃ satthusāsane. Tena vuccati – ‘‘idhā’’ti. Bhikkhūti puthujjanakalyāṇako vā hoti bhikkhu sekho vā arahā vā akuppadhammo. Anekavihitaṃ iddhividhaṃ paccanubhotīti nānappakāraṃ iddhividhaṃ paccanubhoti. Ekopi hutvā bahudhā hotīti pakatiyā eko bahukaṃ āvajjati, sataṃ vā sahassaṃ vā satasahassaṃ vā āvajjati. Āvajjitvā ñāṇena adhiṭṭhāti – ‘‘bahulo homī’’ti 15. Bahulo hoti. Yathāyasmā cūḷapanthako 16 ekopi hutvā bahudhā hoti, evamevaṃ so iddhimā cetovasippatto ekopi hutvā bahudhā hoti. Bahudhāpi hutvā eko hotīti pakatiyā bahuko ekaṃ āvajjati; āvajjitvā ñāṇena adhiṭṭhāti – ‘‘eko homī’’ti. Eko hoti. Yathāyasmā cūḷapanthako bahudhāpi hutvā eko hoti, evamevaṃ so iddhimā cetovasippatto bahudhāpi hutvā eko hoti.
11. аавибхааванд̇и гзнажи анаавадам̣ ход̇и аббадижчаннам̣ вивадам̣ баагадам̣. д̇иробхааванд̇и гзнажи аавадам̣ ход̇и бадижчаннам̣ бихид̇ам̣ бадигуж̇ж̇ид̇ам̣. д̇ирогуддам̣ д̇иробаагаарам̣ д̇иробаб̣б̣ад̇ам̣ асаж̇ж̇амаано г̇ажчад̇и, сзяяат̇ааби аагаасзд̇и багад̇ияаа аагаасагасин̣асамаабад̇д̇ияаа лаабхий ход̇и. д̇ирогуддам̣ д̇иробаагаарам̣ д̇иробаб̣б̣ад̇ам̣ ааваж̇ж̇ад̇и. ааваж̇ж̇ид̇ваа н̃аан̣зна ад̇хидтаад̇и – ‘‘аагаасо ход̇уу’’д̇и. аагаасо ход̇и. д̇ирогуддам̣ д̇иробаагаарам̣ д̇иробаб̣б̣ад̇ам̣ асаж̇ж̇амаано г̇ажчад̇и. яат̇аа мануссаа багад̇ияаа анид̣̇д̇химанд̇о гзнажи анаавадз абаригкид̇д̇з асаж̇ж̇амаанаа г̇ажчанд̇и, звамзвам̣ со ид̣̇д̇химаа жзд̇овасиббад̇д̇о д̇ирогуддам̣ д̇иробаагаарам̣ д̇иробаб̣б̣ад̇ам̣ асаж̇ж̇амаано г̇ажчад̇и, сзяяат̇ааби аагаасз.
11.Āvibhāvanti kenaci anāvaṭaṃ hoti appaṭicchannaṃ vivaṭaṃ pākaṭaṃ. Tirobhāvanti kenaci āvaṭaṃ hoti paṭicchannaṃ pihitaṃ paṭikujjitaṃ. Tirokuṭṭaṃtiropākāraṃ tiropabbataṃ asajjamāno gacchati, seyyathāpiākāseti pakatiyā ākāsakasiṇasamāpattiyā lābhī hoti. Tirokuṭṭaṃ tiropākāraṃ tiropabbataṃ āvajjati. Āvajjitvā ñāṇena adhiṭṭhāti – ‘‘ākāso hotū’’ti. Ākāso hoti. Tirokuṭṭaṃ tiropākāraṃ tiropabbataṃ asajjamāno gacchati. Yathā manussā pakatiyā aniddhimanto kenaci anāvaṭe aparikkhitte asajjamānā gacchanti, evamevaṃ so iddhimā cetovasippatto tirokuṭṭaṃ tiropākāraṃ tiropabbataṃ asajjamāno gacchati, seyyathāpi ākāse.
бат̇авияааби уммуж̇ж̇анимуж̇ж̇ам̣ гарод̇и, сзяяат̇ааби уд̣̇агзд̇и багад̇ияаа аабогасин̣асамаабад̇д̇ияаа лаабхий ход̇и. бат̇авим̣ ааваж̇ж̇ад̇и. ааваж̇ж̇ид̇ваа н̃аан̣зна ад̇хидтаад̇и – ‘‘уд̣̇агам̣ ход̇уу’’д̇и. уд̣̇агам̣ ход̇и. со бат̇авияаа уммуж̇ж̇анимуж̇ж̇ам̣ гарод̇и. яат̇аа мануссаа багад̇ияаа анид̣̇д̇химанд̇о уд̣̇агз уммуж̇ж̇анимуж̇ж̇ам̣ гаронд̇и, звамзвам̣ со ид̣̇д̇химаа жзд̇овасиббад̇д̇о бат̇авияаа уммуж̇ж̇анимуж̇ж̇ам̣ гарод̇и, сзяяат̇ааби уд̣̇агз.
Pathaviyāpi ummujjanimujjaṃ karoti, seyyathāpi udaketi pakatiyā āpokasiṇasamāpattiyā lābhī hoti. Pathaviṃ āvajjati. Āvajjitvā ñāṇena adhiṭṭhāti – ‘‘udakaṃ hotū’’ti. Udakaṃ hoti. So pathaviyā ummujjanimujjaṃ karoti. Yathā manussā pakatiyā aniddhimanto udake ummujjanimujjaṃ karonti, evamevaṃ so iddhimā cetovasippatto pathaviyā ummujjanimujjaṃ karoti, seyyathāpi udake.
уд̣̇агзби абхиж̇ж̇амаанз г̇ажчад̇и, сзяяат̇ааби бат̇авияанд̇и багад̇ияаа бат̇авийгасин̣асамаабад̇д̇ияаа лаабхий ход̇и. уд̣̇агам̣ ааваж̇ж̇ад̇и. ааваж̇ж̇ид̇ваа н̃аан̣зна ад̇хидтаад̇и – ‘‘бат̇авий ход̇уу’’д̇и. бат̇авий ход̇и. со абхиж̇ж̇амаанз уд̣̇агз г̇ажчад̇и. яат̇аа мануссаа багад̇ияаа анид̣̇д̇химанд̇о абхиж̇ж̇амаанааяа бат̇авияаа г̇ажчанд̇и, звамзвам̣ со ид̣̇д̇химаа жзд̇овасиббад̇д̇о абхиж̇ж̇амаанз уд̣̇агз г̇ажчад̇и, сзяяат̇ааби бат̇авияам̣.
Udakepiabhijjamāne gacchati, seyyathāpi pathaviyanti pakatiyā pathavīkasiṇasamāpattiyā lābhī hoti. Udakaṃ āvajjati. Āvajjitvā ñāṇena adhiṭṭhāti – ‘‘pathavī hotū’’ti. Pathavī hoti. So abhijjamāne udake gacchati. Yathā manussā pakatiyā aniddhimanto abhijjamānāya pathaviyā gacchanti, evamevaṃ so iddhimā cetovasippatto abhijjamāne udake gacchati, seyyathāpi pathaviyaṃ.
аагаасзби баллан̇гзна гамад̇и, сзяяат̇ааби багкий сагун̣од̇и багад̇ияаа бат̇авийгасин̣асамаабад̇д̇ияаа лаабхий ход̇и. аагаасам̣ ааваж̇ж̇ад̇и . ааваж̇ж̇ид̇ваа н̃аан̣зна ад̇хидтаад̇и – ‘‘бат̇авий ход̇уу’’д̇и. бат̇авий ход̇и. со аагаасз анд̇алигкз жан̇гамад̇иби д̇идтад̇иби нисийд̣̇ад̇иби сзяяамби габбзд̇и. яат̇аа мануссаа багад̇ияаа анид̣̇д̇химанд̇о бат̇авияаа жан̇гаманд̇иби д̇идтанд̇иби нисийд̣̇анд̇иби сзяяамби габбзнд̇и, звамзвам̣ со ид̣̇д̇химаа жзд̇овасиббад̇д̇о аагаасз анд̇алигкз жан̇гамад̇иби д̇идтад̇иби нисийд̣̇ад̇иби сзяяамби габбзд̇и, сзяяат̇ааби багкий сагун̣о.
Ākāsepi pallaṅkena kamati, seyyathāpi pakkhī sakuṇoti pakatiyā pathavīkasiṇasamāpattiyā lābhī hoti. Ākāsaṃ āvajjati . Āvajjitvā ñāṇena adhiṭṭhāti – ‘‘pathavī hotū’’ti. Pathavī hoti. So ākāse antalikkhe caṅkamatipi tiṭṭhatipi nisīdatipi seyyampi kappeti. Yathā manussā pakatiyā aniddhimanto pathaviyā caṅkamantipi tiṭṭhantipi nisīdantipi seyyampi kappenti, evamevaṃ so iddhimā cetovasippatto ākāse antalikkhe caṅkamatipi tiṭṭhatipi nisīdatipi seyyampi kappeti, seyyathāpi pakkhī sakuṇo.
12. имзби жанд̣̇имасуурияз звам̣махид̣̇д̇хигз звам̣махаанубхаавз баан̣инаа бараамасад̇и баримаж̇ж̇ад̇ийд̇и ид̇ха со ид̣̇д̇химаа жзд̇овасиббад̇д̇о нисиннаго ваа нибаннаго ваа жанд̣̇имасуурияз ааваж̇ж̇ад̇и. ааваж̇ж̇ид̇ваа н̃аан̣зна ад̇хидтаад̇и – ‘‘хад̇т̇абаасз ход̇уу’’д̇и. хад̇т̇абаасз ход̇и. со нисиннаго ваа нибаннаго ваа жанд̣̇имасуурияз баан̣инаа аамасад̇и бараамасад̇и баримаж̇ж̇ад̇и. яат̇аа мануссаа багад̇ияаа анид̣̇д̇химанд̇о гин̃жид̣̇зва руубаг̇ад̇ам̣ хад̇т̇абаасз аамасанд̇и бараамасанд̇и баримаж̇ж̇анд̇и, звамзвам̣ со ид̣̇д̇химаа жзд̇овасиббад̇д̇о нисиннаго ваа нибаннаго ваа жанд̣̇имасуурияз баан̣инаа аамасад̇и бараамасад̇и баримаж̇ж̇ад̇и.
12.Imepi candimasūriye evaṃmahiddhike evaṃmahānubhāve pāṇinā parāmasati parimajjatīti idha so iddhimā cetovasippatto nisinnako vā nipannako vā candimasūriye āvajjati. Āvajjitvā ñāṇena adhiṭṭhāti – ‘‘hatthapāse hotū’’ti. Hatthapāse hoti. So nisinnako vā nipannako vā candimasūriye pāṇinā āmasati parāmasati parimajjati. Yathā manussā pakatiyā aniddhimanto kiñcideva rūpagataṃ hatthapāse āmasanti parāmasanti parimajjanti, evamevaṃ so iddhimā cetovasippatto nisinnako vā nipannako vā candimasūriye pāṇinā āmasati parāmasati parimajjati.
яаава б̣рахмалогааби гааязна васам̣ вад̇д̇зд̇ийд̇и сажз со ид̣̇д̇химаа жзд̇овасиббад̇д̇о б̣рахмалогам̣ г̇анд̇угаамо ход̇и, д̣̇уурзби санд̇игз ад̇хидтаад̇и – ‘‘санд̇игз ход̇уу’’д̇и. санд̇игз ход̇и. санд̇игзби д̣̇уурз ад̇хидтаад̇и – ‘‘д̣̇уурз ход̇уу’’д̇и. д̣̇уурз ход̇и. б̣ахугамби т̇огам̣ ад̇хидтаад̇и – ‘‘т̇огам̣ ход̇уу’’д̇и. т̇огам̣ ход̇и. т̇огамби б̣ахугам̣ ад̇хидтаад̇и – ‘‘б̣ахугам̣ ход̇уу’’д̇и. б̣ахугам̣ ход̇и. д̣̇иб̣б̣зна жагкунаа д̇асса б̣рахмуно руубам̣ бассад̇и. д̣̇иб̣б̣ааяа сод̇ад̇хаад̇уяаа д̇асса б̣рахмуно сад̣̇д̣̇ам̣ сун̣аад̇и. жзд̇обарияан̃аан̣зна д̇асса б̣рахмуно жид̇д̇ам̣ баж̇аанаад̇и. сажз со ид̣̇д̇химаа жзд̇овасиббад̇д̇о д̣̇иссамаанзна гааязна б̣рахмалогам̣ г̇анд̇угаамо ход̇и, гааяавасзна жид̇д̇ам̣ барин̣аамзд̇и, гааяавасзна жид̇д̇ам̣ ад̇хидтаад̇и. гааяавасзна жид̇д̇ам̣ барин̣аамзд̇ваа, гааяавасзна жид̇д̇ам̣ ад̇хидтахид̇ваа, сукасан̃н̃ан̃жа лахусан̃н̃ан̃жа оггамид̇ваа д̣̇иссамаанзна гааязна б̣рахмалогам̣ г̇ажчад̇и. сажз со ид̣̇д̇химаа жзд̇овасиббад̇д̇о ад̣̇иссамаанзна гааязна б̣рахмалогам̣ г̇анд̇угаамо ход̇и, жид̇д̇авасзна гааяам̣ барин̣аамзд̇и, жид̇д̇авасзна гааяам̣ ад̇хидтаад̇и. жид̇д̇авасзна гааяам̣ барин̣аамзд̇ваа, жид̇д̇авасзна гааяам̣ ад̇хидтахид̇ваа сукасан̃н̃ан̃жа лахусан̃н̃ан̃жа оггамид̇ваа ад̣̇иссамаанзна гааязна б̣рахмалогам̣ г̇ажчад̇и. со д̇асса б̣рахмуно бурад̇о руубим̣ 17 абхинимминаад̇и маномаяам̣ саб̣б̣ан̇г̇абажжан̇г̇им̣ 18 ахийнинд̣̇рияам̣. сажз со ид̣̇д̇химаа жан̇гамад̇и, ниммид̇оби д̇ад̇т̇а жан̇гамад̇и. сажз со ид̣̇д̇химаа д̇идтад̇и, ниммид̇оби д̇ад̇т̇а д̇идтад̇и. сажз со ид̣̇д̇химаа нисийд̣̇ад̇и, ниммид̇оби д̇ад̇т̇а нисийд̣̇ад̇и. сажз со ид̣̇д̇химаа сзяяам̣ габбзд̇и, ниммид̇оби д̇ад̇т̇а сзяяам̣ габбзд̇и. сажз со ид̣̇д̇химаа д̇хуумааяад̇и, ниммид̇оби д̇ад̇т̇а д̇хуумааяад̇и. сажз со ид̣̇д̇химаа баж̇ж̇алад̇и, ниммид̇оби д̇ад̇т̇а баж̇ж̇алад̇и. сажз со ид̣̇д̇химаа д̇хаммам̣ бхаасад̇и, ниммид̇оби д̇ад̇т̇а д̇хаммам̣ бхаасад̇и. сажз со ид̣̇д̇химаа бан̃хам̣ бужчад̇и, ниммид̇оби д̇ад̇т̇а бан̃хам̣ бужчад̇и. сажз со ид̣̇д̇химаа бан̃хам̣ будто висаж̇ж̇зд̇и, ниммид̇оби д̇ад̇т̇а бан̃хам̣ будто висаж̇ж̇зд̇и. сажз со ид̣̇д̇химаа д̇зна б̣рахмунаа сад̣̇д̇хим̣ санд̇идтад̇и саллабад̇и саагажчам̣ самаабаж̇ж̇ад̇и, ниммид̇оби д̇ад̇т̇а д̇зна б̣рахмунаа сад̣̇д̇хим̣ санд̇идтад̇и саллабад̇и саагажчам̣ самаабаж̇ж̇ад̇и. яан̃н̃ад̣̇зва со ид̣̇д̇химаа гарод̇и, д̇ам̣ д̇ад̣̇зва хи со ниммид̇о гарод̇ийд̇и – аяам̣ ад̇хидтаанаа ид̣̇д̇хи.
Yāva brahmalokāpi kāyena vasaṃ vattetīti sace so iddhimā cetovasippatto brahmalokaṃ gantukāmo hoti, dūrepi santike adhiṭṭhāti – ‘‘santike hotū’’ti. Santike hoti. Santikepi dūre adhiṭṭhāti – ‘‘dūre hotū’’ti. Dūre hoti. Bahukampi thokaṃ adhiṭṭhāti – ‘‘thokaṃ hotū’’ti. Thokaṃ hoti. Thokampi bahukaṃ adhiṭṭhāti – ‘‘bahukaṃ hotū’’ti. Bahukaṃ hoti. Dibbena cakkhunā tassa brahmuno rūpaṃ passati. Dibbāya sotadhātuyā tassa brahmuno saddaṃ suṇāti. Cetopariyañāṇena tassa brahmuno cittaṃ pajānāti. Sace so iddhimā cetovasippatto dissamānena kāyena brahmalokaṃ gantukāmo hoti, kāyavasena cittaṃ pariṇāmeti, kāyavasena cittaṃ adhiṭṭhāti. Kāyavasena cittaṃ pariṇāmetvā, kāyavasena cittaṃ adhiṭṭhahitvā, sukhasaññañca lahusaññañca okkamitvā dissamānena kāyena brahmalokaṃ gacchati. Sace so iddhimā cetovasippatto adissamānena kāyena brahmalokaṃ gantukāmo hoti, cittavasena kāyaṃ pariṇāmeti, cittavasena kāyaṃ adhiṭṭhāti. Cittavasena kāyaṃ pariṇāmetvā, cittavasena kāyaṃ adhiṭṭhahitvā sukhasaññañca lahusaññañca okkamitvā adissamānena kāyena brahmalokaṃ gacchati. So tassa brahmuno purato rūpiṃ 19 abhinimmināti manomayaṃ sabbaṅgapaccaṅgiṃ 20 ahīnindriyaṃ. Sace so iddhimā caṅkamati, nimmitopi tattha caṅkamati. Sace so iddhimā tiṭṭhati, nimmitopi tattha tiṭṭhati. Sace so iddhimā nisīdati, nimmitopi tattha nisīdati. Sace so iddhimā seyyaṃ kappeti, nimmitopi tattha seyyaṃ kappeti. Sace so iddhimā dhūmāyati, nimmitopi tattha dhūmāyati. Sace so iddhimā pajjalati, nimmitopi tattha pajjalati. Sace so iddhimā dhammaṃ bhāsati, nimmitopi tattha dhammaṃ bhāsati. Sace so iddhimā pañhaṃ pucchati, nimmitopi tattha pañhaṃ pucchati. Sace so iddhimā pañhaṃ puṭṭho visajjeti, nimmitopi tattha pañhaṃ puṭṭho visajjeti. Sace so iddhimā tena brahmunā saddhiṃ santiṭṭhati sallapati sākacchaṃ samāpajjati, nimmitopi tattha tena brahmunā saddhiṃ santiṭṭhati sallapati sākacchaṃ samāpajjati. Yaññadeva so iddhimā karoti, taṃ tadeva hi so nimmito karotīti – ayaṃ adhiṭṭhānā iddhi.
13. гад̇амаа вигуб̣б̣анаа ид̣̇д̇хи? сикисса бхаг̇авад̇о арахад̇о саммаасамб̣уд̣̇д̇хасса абхибхуу наама сааваго б̣рахмалогз тид̇о сахассилогад̇хаад̇ум̣ 21 сарзна вин̃н̃аабзси. со д̣̇иссамаанзнаби гааязна д̇хаммам̣ д̣̇зсзси; ад̣̇иссамаанзнаби гааязна д̇хаммам̣ д̣̇зсзси; д̣̇иссамаанзнаби хздтимзна убад̣дхагааязна ад̣̇иссамаанзнаби убаримзна убад̣дхагааязна д̇хаммам̣ д̣̇зсзси. д̣̇иссамаанзнаби убаримзна убад̣дхагааязна, ад̣̇иссамаанзнаби хздтимзна убад̣дхагааязна д̇хаммам̣ д̣̇зсзси. со багад̇иван̣н̣ам̣ виж̇ахид̇ваа гумаарагаван̣н̣ам̣ ваа д̣̇ассзд̇и, нааг̇аван̣н̣ам̣ ваа д̣̇ассзд̇и, субан̣н̣аван̣н̣ам̣ ваа д̣̇ассзд̇и, яагкаван̣н̣ам̣ ваа д̣̇ассзд̇и, инд̣̇аван̣н̣ам̣ ваа 22 д̣̇ассзд̇и, д̣̇зваван̣н̣ам̣ ваа д̣̇ассзд̇и , б̣рахмаван̣н̣ам̣ ваа д̣̇ассзд̇и, самуд̣̇д̣̇аван̣н̣ам̣ ваа д̣̇ассзд̇и, баб̣б̣ад̇аван̣н̣ам̣ ваа д̣̇ассзд̇и, ванаван̣н̣ам̣ ваа д̣̇ассзд̇и, сийхаван̣н̣ам̣ ваа д̣̇ассзд̇и, б̣яаг̇гхаван̣н̣ам̣ ваа д̣̇ассзд̇и, д̣̇ийбиван̣н̣ам̣ ваа д̣̇ассзд̇и, хад̇т̇имби д̣̇ассзд̇и, ассамби д̣̇ассзд̇и, рат̇амби д̣̇ассзд̇и, бад̇д̇имби д̣̇ассзд̇и, вивид̇хамби сзнааб̣яуухам̣ д̣̇ассзд̇ийд̇и – аяам̣ вигуб̣б̣анаа ид̣̇д̇хи.
13. Katamā vikubbanā iddhi? Sikhissa bhagavato arahato sammāsambuddhassa abhibhū nāma sāvako brahmaloke ṭhito sahassilokadhātuṃ 23 sarena viññāpesi. So dissamānenapi kāyena dhammaṃ desesi; adissamānenapi kāyena dhammaṃ desesi; dissamānenapi heṭṭhimena upaḍḍhakāyena adissamānenapi uparimena upaḍḍhakāyena dhammaṃ desesi. Dissamānenapi uparimena upaḍḍhakāyena, adissamānenapi heṭṭhimena upaḍḍhakāyena dhammaṃ desesi. So pakativaṇṇaṃ vijahitvā kumārakavaṇṇaṃ vā dasseti, nāgavaṇṇaṃ vā dasseti, supaṇṇavaṇṇaṃ vā dasseti, yakkhavaṇṇaṃ vā dasseti, indavaṇṇaṃ vā 24 dasseti, devavaṇṇaṃ vā dasseti , brahmavaṇṇaṃ vā dasseti, samuddavaṇṇaṃ vā dasseti, pabbatavaṇṇaṃ vā dasseti, vanavaṇṇaṃ vā dasseti, sīhavaṇṇaṃ vā dasseti, byagghavaṇṇaṃ vā dasseti, dīpivaṇṇaṃ vā dasseti, hatthimpi dasseti, assampi dasseti, rathampi dasseti, pattimpi dasseti, vividhampi senābyūhaṃ dassetīti – ayaṃ vikubbanā iddhi.
14. гад̇амаа маномаяаа ид̣̇д̇хи? ид̇ха бхигку имамхаа гааяаа ан̃н̃ам̣ гааяам̣ абхинимминаад̇и руубим̣ маномаяам̣ саб̣б̣ан̇г̇абажжан̇г̇им̣ ахийнинд̣̇рияам̣. сзяяат̇ааби бурисо мун̃ж̇амхаа ийсигам̣ баваахзяяа. д̇асса звамасса – ‘‘аяам̣ мун̃ж̇о, аяам̣ ийсигаа. ан̃н̃о мун̃ж̇о, ан̃н̃аа ийсигаа. мун̃ж̇амхаа д̇взва ийсигаа баваал̣хаа’’д̇и. сзяяат̇аа ваа бана бурисо асим̣ госияаа баваахзяяа. д̇асса звамасса – ‘‘аяам̣ аси, аяам̣ госи. ан̃н̃о аси, ан̃н̃аа госи. госияаа д̇взва аси баваал̣хо’’д̇и. сзяяат̇аа ваа бана бурисо ахим̣ гаран̣д̣аа уд̣̇д̇харзяяа. д̇асса звамасса – ‘‘аяам̣ ахи, аяам̣ гаран̣д̣о. ан̃н̃о ахи, ан̃н̃о гаран̣д̣о. гаран̣д̣аа д̇взва ахи уб̣бхад̇о’’д̇и. звамзвам̣ бхигку имамхаа гааяаа ан̃н̃ам̣ гааяам̣ абхинимминаад̇и руубим̣ маномаяам̣ саб̣б̣ан̇г̇абажжан̇г̇им̣ ахийнинд̣̇рияам̣. аяам̣ маномаяаа ид̣̇д̇хи.
14. Katamā manomayā iddhi? Idha bhikkhu imamhā kāyā aññaṃ kāyaṃ abhinimmināti rūpiṃ manomayaṃ sabbaṅgapaccaṅgiṃ ahīnindriyaṃ. Seyyathāpi puriso muñjamhā īsikaṃ pavāheyya. Tassa evamassa – ‘‘ayaṃ muñjo, ayaṃ īsikā. Añño muñjo, aññā īsikā. Muñjamhā tveva īsikā pavāḷhā’’ti. Seyyathā vā pana puriso asiṃ kosiyā pavāheyya. Tassa evamassa – ‘‘ayaṃ asi, ayaṃ kosi. Añño asi, aññā kosi. Kosiyā tveva asi pavāḷho’’ti. Seyyathā vā pana puriso ahiṃ karaṇḍā uddhareyya. Tassa evamassa – ‘‘ayaṃ ahi, ayaṃ karaṇḍo. Añño ahi, añño karaṇḍo. Karaṇḍā tveva ahi ubbhato’’ti. Evamevaṃ bhikkhu imamhā kāyā aññaṃ kāyaṃ abhinimmināti rūpiṃ manomayaṃ sabbaṅgapaccaṅgiṃ ahīnindriyaṃ. Ayaṃ manomayā iddhi.
15. гад̇амаа н̃аан̣авибпаараа ид̣̇д̇хи? анижжаанубассанаа нижжасан̃н̃ааяа бахаанадто иж̇жхад̇ийд̇и – н̃аан̣авибпаараа ид̣̇д̇хи. д̣̇угкаанубассанаа сукасан̃н̃ааяа… анад̇д̇аанубассанаа ад̇д̇асан̃н̃ааяа… ниб̣б̣ид̣̇аанубассанааяа нанд̣̇ияаа… вирааг̇аанубассанааяа рааг̇асса… нирод̇хаанубассанааяа самуд̣̇аяасса… бадиниссаг̇г̇аанубассанааяа аад̣̇аанасса бахаанадто иж̇жхад̇ийд̇и – н̃аан̣авибпаараа ид̣̇д̇хи. ааяасмад̇о б̣аагуласса н̃аан̣авибпаараа ид̣̇д̇хи, ааяасмад̇о сам̣гижжасса н̃аан̣авибпаараа ид̣̇д̇хи, ааяасмад̇о бхууд̇абааласса н̃аан̣авибпаараа ид̣̇д̇хи. аяам̣ н̃аан̣авибпаараа ид̣̇д̇хи.
15. Katamā ñāṇavipphārā iddhi? Aniccānupassanā niccasaññāya pahānaṭṭho ijjhatīti – ñāṇavipphārā iddhi. Dukkhānupassanā sukhasaññāya… anattānupassanā attasaññāya… nibbidānupassanāya nandiyā… virāgānupassanāya rāgassa… nirodhānupassanāya samudayassa… paṭinissaggānupassanāya ādānassa pahānaṭṭho ijjhatīti – ñāṇavipphārā iddhi. Āyasmato bākulassa ñāṇavipphārā iddhi, āyasmato saṃkiccassa ñāṇavipphārā iddhi, āyasmato bhūtapālassa ñāṇavipphārā iddhi. Ayaṃ ñāṇavipphārā iddhi.
16. гад̇амаа самаад̇хивибпаараа ид̣̇д̇хи? батамзна жхаанзна нийваран̣аанам̣ бахаанадто иж̇жхад̇ийд̇и – самаад̇хивибпаараа ид̣̇д̇хи. д̣̇уд̇иязна жхаанзна вид̇аггавижаараанам̣ бахаанадто иж̇жхад̇ийд̇и – самаад̇хивибпаараа ид̣̇д̇хи. д̇ад̇иязна жхаанзна бийд̇ияаа бахаанадто иж̇жхад̇ийд̇и…бз… жад̇уд̇т̇зна жхаанзна сукад̣̇угкаанам̣ бахаанадто иж̇жхад̇ийд̇и…бз… аагаасаанан̃жааяад̇анасамаабад̇д̇ияаа руубасан̃н̃ааяа бадигхасан̃н̃ааяа наанад̇д̇асан̃н̃ааяа бахаанадто иж̇жхад̇ийд̇и…бз… вин̃н̃аан̣ан̃жааяад̇анасамаабад̇д̇ияаа аагаасаанан̃жааяад̇анасан̃н̃ааяа бахаанадто иж̇жхад̇ийд̇и…бз… аагин̃жан̃н̃ааяад̇анасамаабад̇д̇ияаа вин̃н̃аан̣ан̃жааяад̇анасан̃н̃ааяа бахаанадто иж̇жхад̇ийд̇и…бз… нзвасан̃н̃аанаасан̃н̃ааяад̇анасамаабад̇д̇ияаа аагин̃жан̃н̃ааяад̇анасан̃н̃ааяа бахаанадто иж̇жхад̇ийд̇и – самаад̇хивибпаараа ид̣̇д̇хи. ааяасмад̇о саарибуд̇д̇асса самаад̇хивибпаараа ид̣̇д̇хи, ааяасмад̇о сан̃ж̇ийвасса самаад̇хивибпаараа ид̣̇д̇хи , ааяасмад̇о каан̣угон̣д̣ан̃н̃асса самаад̇хивибпаараа ид̣̇д̇хи, уд̇д̇арааяа убаасигааяа самаад̇хивибпаараа ид̣̇д̇хи, саамаавад̇ияаа убаасигааяа самаад̇хивибпаараа ид̣̇д̇хи. аяам̣ самаад̇хивибпаараа ид̣̇д̇хи.
16. Katamā samādhivipphārā iddhi? Paṭhamena jhānena nīvaraṇānaṃ pahānaṭṭho ijjhatīti – samādhivipphārā iddhi. Dutiyena jhānena vitakkavicārānaṃ pahānaṭṭho ijjhatīti – samādhivipphārā iddhi. Tatiyena jhānena pītiyā pahānaṭṭho ijjhatīti…pe… catutthena jhānena sukhadukkhānaṃ pahānaṭṭho ijjhatīti…pe… ākāsānañcāyatanasamāpattiyā rūpasaññāya paṭighasaññāya nānattasaññāya pahānaṭṭho ijjhatīti…pe… viññāṇañcāyatanasamāpattiyā ākāsānañcāyatanasaññāya pahānaṭṭho ijjhatīti…pe… ākiñcaññāyatanasamāpattiyā viññāṇañcāyatanasaññāya pahānaṭṭho ijjhatīti…pe… nevasaññānāsaññāyatanasamāpattiyā ākiñcaññāyatanasaññāya pahānaṭṭho ijjhatīti – samādhivipphārā iddhi. Āyasmato sāriputtassa samādhivipphārā iddhi, āyasmato sañjīvassa samādhivipphārā iddhi , āyasmato khāṇukoṇḍaññassa samādhivipphārā iddhi, uttarāya upāsikāya samādhivipphārā iddhi, sāmāvatiyā upāsikāya samādhivipphārā iddhi. Ayaṃ samādhivipphārā iddhi.
17. гад̇амаа арияаа ид̣̇д̇хи? ид̇ха бхигку 25 сажз ааган̇кад̇и – ‘‘бадигуулз аббадигууласан̃н̃ий вихарзяяа’’нд̇и, аббадигууласан̃н̃ий д̇ад̇т̇а вихарад̇и. сажз ааган̇кад̇и – ‘‘аббадигуулз бадигууласан̃н̃ий вихарзяяа’’нд̇и, бадигууласан̃н̃ий д̇ад̇т̇а вихарад̇и. сажз ааган̇кад̇и – ‘‘бадигуулз жа аббадигуулз жа аббадигууласан̃н̃ий вихарзяяа’’нд̇и, аббадигууласан̃н̃ий д̇ад̇т̇а вихарад̇и. сажз ааган̇кад̇и – ‘‘аббадигуулз жа бадигуулз жа бадигууласан̃н̃ий вихарзяяа’’нд̇и, бадигууласан̃н̃ий д̇ад̇т̇а вихарад̇и. сажз ааган̇кад̇и – ‘‘бадигуулз жа аббадигуулз жа д̇ад̣̇убхаяам̣ абхиниваж̇ж̇зд̇ваа убзгкаго вихарзяяам̣ сад̇о самбаж̇аано’’д̇и, убзгкаго д̇ад̇т̇а вихарад̇и сад̇о самбаж̇аано.
17. Katamā ariyā iddhi? Idha bhikkhu 26 sace ākaṅkhati – ‘‘paṭikūle appaṭikūlasaññī vihareyya’’nti, appaṭikūlasaññī tattha viharati. Sace ākaṅkhati – ‘‘appaṭikūle paṭikūlasaññī vihareyya’’nti, paṭikūlasaññī tattha viharati. Sace ākaṅkhati – ‘‘paṭikūle ca appaṭikūle ca appaṭikūlasaññī vihareyya’’nti, appaṭikūlasaññī tattha viharati. Sace ākaṅkhati – ‘‘appaṭikūle ca paṭikūle ca paṭikūlasaññī vihareyya’’nti, paṭikūlasaññī tattha viharati. Sace ākaṅkhati – ‘‘paṭikūle ca appaṭikūle ca tadubhayaṃ abhinivajjetvā upekkhako vihareyyaṃ sato sampajāno’’ti, upekkhako tattha viharati sato sampajāno.
гат̇ам̣ бадигуулз аббадигууласан̃н̃ий вихарад̇и? анидтасмим̣ вад̇т̇усмим̣ мзд̇д̇ааяа ваа парад̇и, д̇хаад̇уд̇о ваа убасам̣харад̇и. звам̣ бадигуулз аббадигууласан̃н̃ий вихарад̇и.
Kathaṃ paṭikūle appaṭikūlasaññī viharati? Aniṭṭhasmiṃ vatthusmiṃ mettāya vā pharati, dhātuto vā upasaṃharati. Evaṃ paṭikūle appaṭikūlasaññī viharati.
гат̇ам̣ аббадигуулз бадигууласан̃н̃ий вихарад̇и? идтасмим̣ вад̇т̇усмим̣ асубхааяа ваа парад̇и, анижжад̇о ваа убасам̣харад̇и. звам̣ аббадигуулз бадигууласан̃н̃ий вихарад̇и.
Kathaṃ appaṭikūle paṭikūlasaññī viharati? Iṭṭhasmiṃ vatthusmiṃ asubhāya vā pharati, aniccato vā upasaṃharati. Evaṃ appaṭikūle paṭikūlasaññī viharati.
гат̇ам̣ бадигуулз жа аббадигуулз жа аббадигууласан̃н̃ий вихарад̇и? анидтасмин̃жа идтасмин̃жа вад̇т̇усмим̣ мзд̇д̇ааяа ваа парад̇и, д̇хаад̇уд̇о ваа убасам̣харад̇и. звам̣ бадигуулз жа аббадигуулз жа аббадигууласан̃н̃ий вихарад̇и .
Kathaṃ paṭikūle ca appaṭikūle ca appaṭikūlasaññī viharati? Aniṭṭhasmiñca iṭṭhasmiñca vatthusmiṃ mettāya vā pharati, dhātuto vā upasaṃharati. Evaṃ paṭikūle ca appaṭikūle ca appaṭikūlasaññī viharati .
гат̇ам̣ аббадигуулз жа бадигуулз жа бадигууласан̃н̃ий вихарад̇и? идтасмин̃жа анидтасмин̃жа вад̇т̇усмим̣ асубхааяа ваа парад̇и, анижжад̇о ваа убасам̣харад̇и. звам̣ аббадигуулз жа бадигуулз жа бадигууласан̃н̃ий вихарад̇и.
Kathaṃ appaṭikūle ca paṭikūle ca paṭikūlasaññī viharati? Iṭṭhasmiñca aniṭṭhasmiñca vatthusmiṃ asubhāya vā pharati, aniccato vā upasaṃharati. Evaṃ appaṭikūle ca paṭikūle ca paṭikūlasaññī viharati.
гат̇ам̣ бадигуулз жа аббадигуулз жа д̇ад̣̇убхаяам̣ абхиниваж̇ж̇зд̇ваа убзгкаго вихарад̇и сад̇о самбаж̇аано? ид̇ха бхигку жагкунаа руубам̣ д̣̇исваа нзва сумано ход̇и на д̣̇уммано, убзгкаго вихарад̇и сад̇о самбаж̇аано. сод̇зна сад̣̇д̣̇ам̣ суд̇ваа…бз… гхаанзна г̇анд̇хам̣ гхааяид̇ваа… ж̇ивхааяа расам̣ сааяид̇ваа… гааязна подтаб̣б̣ам̣ пусид̇ваа… манасаа д̇хаммам̣ вин̃н̃ааяа нзва сумано ход̇и на д̣̇уммано, убзгкаго вихарад̇и сад̇о самбаж̇аано. звам̣ бадигуулз жа аббадигуулз жа д̇ад̣̇убхаяам̣ абхиниваж̇ж̇зд̇ваа убзгкаго вихарад̇и сад̇о самбаж̇аано. аяам̣ арияаа ид̣̇д̇хи.
Kathaṃ paṭikūle ca appaṭikūle ca tadubhayaṃ abhinivajjetvāupekkhako viharati sato sampajāno? Idha bhikkhu cakkhunā rūpaṃ disvā neva sumano hoti na dummano, upekkhako viharati sato sampajāno. Sotena saddaṃ sutvā…pe… ghānena gandhaṃ ghāyitvā… jivhāya rasaṃ sāyitvā… kāyena phoṭṭhabbaṃ phusitvā… manasā dhammaṃ viññāya neva sumano hoti na dummano, upekkhako viharati sato sampajāno. Evaṃ paṭikūle ca appaṭikūle ca tadubhayaṃ abhinivajjetvā upekkhako viharati sato sampajāno. Ayaṃ ariyā iddhi.
18. гад̇амаа гаммавибаагаж̇аа ид̣̇д̇хи? саб̣б̣зсам̣ багкийнам̣, саб̣б̣зсам̣ д̣̇зваанам̣, згажжаанам̣ мануссаанам̣, згажжаанам̣ винибаад̇игаанам̣. аяам̣ гаммавибаагаж̇аа ид̣̇д̇хи.
18. Katamā kammavipākajā iddhi? Sabbesaṃ pakkhīnaṃ, sabbesaṃ devānaṃ, ekaccānaṃ manussānaṃ, ekaccānaṃ vinipātikānaṃ. Ayaṃ kammavipākajā iddhi.
гад̇амаа бун̃н̃авад̇о ид̣̇д̇хи? рааж̇аа жаггавад̇д̇ий 27 взхаасам̣ г̇ажчад̇и сад̣̇д̇хим̣ жад̇уран̇г̇инияаа сзнааяа, анд̇амасо ассаб̣анд̇хаг̇обурисз 28 убаад̣̇ааяа. ж̇од̇игасса г̇ахабад̇исса бун̃н̃авад̇о ид̣̇д̇хи, ж̇адиласса г̇ахабад̇исса бун̃н̃авад̇о ид̣̇д̇хи, мзн̣д̣агасса г̇ахабад̇исса бун̃н̃авад̇о ид̣̇д̇хи, гхосид̇асса г̇ахабад̇исса бун̃н̃авад̇о ид̣̇д̇хи, бан̃жаннам̣ махаабун̃н̃аанам̣ бун̃н̃авад̇о ид̣̇д̇хи. аяам̣ бун̃н̃авад̇о ид̣̇д̇хи.
Katamā puññavato iddhi? Rājā cakkavattī 29 vehāsaṃ gacchati saddhiṃ caturaṅginiyā senāya, antamaso assabandhagopurise 30 upādāya. Jotikassa gahapatissa puññavato iddhi, jaṭilassa gahapatissa puññavato iddhi, meṇḍakassa gahapatissa puññavato iddhi, ghositassa gahapatissa puññavato iddhi, pañcannaṃ mahāpuññānaṃ puññavato iddhi. Ayaṃ puññavato iddhi.
гад̇амаа виж̇ж̇аамаяаа ид̣̇д̇хи? виж̇ж̇аад̇хараа виж̇ж̇ам̣ бариж̇аббзд̇ваа взхаасам̣ г̇ажчанд̇и, аагаасз анд̇алигкз хад̇т̇имби д̣̇ассзнд̇и, ассамби д̣̇ассзнд̇и, рат̇амби д̣̇ассзнд̇и, бад̇д̇имби д̣̇ассзнд̇и, вивид̇хамби сзнааб̣яуухам̣ д̣̇ассзнд̇и. аяам̣ виж̇ж̇аамаяаа ид̣̇д̇хи.
Katamā vijjāmayā iddhi? Vijjādharā vijjaṃ parijappetvā vehāsaṃ gacchanti, ākāse antalikkhe hatthimpi dassenti, assampi dassenti, rathampi dassenti, pattimpi dassenti, vividhampi senābyūhaṃ dassenti. Ayaṃ vijjāmayā iddhi.
гат̇ам̣ д̇ад̇т̇а д̇ад̇т̇а саммаа баяог̇абажжаяаа иж̇жханадтзна ид̣̇д̇хи? нзгкаммзна гаамажчанд̣̇асса бахаанадто иж̇жхад̇ийд̇и – д̇ад̇т̇а д̇ад̇т̇а саммаа баяог̇абажжаяаа иж̇жханадтзна ид̣̇д̇хи. аб̣яаабаад̣̇зна б̣яаабаад̣̇асса бахаанадто иж̇жхад̇ийд̇и – д̇ад̇т̇а д̇ад̇т̇а саммаа баяог̇абажжаяаа иж̇жханадтзна ид̣̇д̇хи…бз… арахад̇д̇амаг̇г̇зна саб̣б̣агилзсаанам̣ бахаанадто иж̇жхад̇ийд̇и – д̇ад̇т̇а д̇ад̇т̇а саммаа баяог̇абажжаяаа иж̇жханадтзна ид̣̇д̇хи. звам̣ д̇ад̇т̇а д̇ад̇т̇а саммаа баяог̇абажжаяаа иж̇жханадтзна ид̣̇д̇хи. имаа д̣̇аса ид̣̇д̇хияо.
Kathaṃ tattha tattha sammā payogapaccayā ijjhanaṭṭhena iddhi? Nekkhammena kāmacchandassa pahānaṭṭho ijjhatīti – tattha tattha sammā payogapaccayā ijjhanaṭṭhena iddhi. Abyāpādena byāpādassa pahānaṭṭho ijjhatīti – tattha tattha sammā payogapaccayā ijjhanaṭṭhena iddhi…pe… arahattamaggena sabbakilesānaṃ pahānaṭṭho ijjhatīti – tattha tattha sammā payogapaccayā ijjhanaṭṭhena iddhi. Evaṃ tattha tattha sammā payogapaccayā ijjhanaṭṭhena iddhi. Imā dasa iddhiyo.
ид̣̇д̇хигат̇аа нидтид̇аа.
Iddhikathā niṭṭhitā.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / ид̣̇д̇хигат̇ааван̣н̣анаа • Iddhikathāvaṇṇanā
