| Library / Tipiṭaka / ཏིཔིཊཀ • Tipiṭaka / ཀཐཱཝཏྠུཔཱལི༹ • Kathāvatthupāḷi |
༢༡. ཨེཀཝཱིསཏིམཝགྒོ
21. Ekavīsatimavaggo
(༢༠༣) ༤. ཨིདྡྷིཀཐཱ
(203) 4. Iddhikathā
༨༨༣. ཨཏྠི ཨདྷིཔྤཱཡཨིདྡྷི བུདྡྷཱནཾ ཝཱ སཱཝཀཱནཾ ཝཱཏི? ཨཱམནྟཱ། ‘‘ནིཙྩཔཎྞཱ རུཀྑཱ ཧོནྟཱུ’’ཏི – ཨཏྠི ཨདྷིཔྤཱཡཨིདྡྷི བུདྡྷཱནཾ ཝཱ སཱཝཀཱནཾ ཝཱཏི? ན ཧེཝཾ ཝཏྟབྦེ…པེ॰… ནིཙྩཔུཔྥཱ རུཀྑཱ ཧོནྟུ…པེ॰… ནིཙྩཕལིཀཱ རུཀྑཱ ཧོནྟུ… ནིཙྩཾ ཛུཎྷཾ ཧོཏུ… ནིཙྩཾ ཁེམཾ ཧོཏུ… ནིཙྩཾ སུབྷིཀྑཾ ཧོཏུ… ‘‘ནིཙྩཾ སུཝཏྠི 1 ཧོཏཱུ’’ཏི – ཨཏྠི ཨདྷིཔྤཱཡཨིདྡྷི བུདྡྷཱནཾ ཝཱ སཱཝཀཱནཾ ཝཱཏི? ན ཧེཝཾ ཝཏྟབྦེ…པེ॰…།
883. Atthi adhippāyaiddhi buddhānaṃ vā sāvakānaṃ vāti? Āmantā. ‘‘Niccapaṇṇā rukkhā hontū’’ti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe… niccapupphā rukkhā hontu…pe… niccaphalikā rukkhā hontu… niccaṃ juṇhaṃ hotu… niccaṃ khemaṃ hotu… niccaṃ subhikkhaṃ hotu… ‘‘niccaṃ suvatthi 2 hotū’’ti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe….
ཨཏྠི ཨདྷིཔྤཱཡཨིདྡྷི བུདྡྷཱནཾ ཝཱ སཱཝཀཱནཾ ཝཱཏི? ཨཱམནྟཱ ། ‘‘ཨུཔྤནྣོ ཕསྶོ མཱ ནིརུཛ྄ཛྷཱི’’ཏི – ཨཏྠི ཨདྷིཔྤཱཡཨིདྡྷི བུདྡྷཱནཾ ཝཱ སཱཝཀཱནཾ ཝཱཏི? ན ཧེཝཾ ཝཏྟབྦེ…པེ॰…།
Atthi adhippāyaiddhi buddhānaṃ vā sāvakānaṃ vāti? Āmantā . ‘‘Uppanno phasso mā nirujjhī’’ti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe….
ཨུཔྤནྣཱ ཝེདནཱ…པེ॰… སཉྙཱ… ཙེཏནཱ… ཙིཏྟཾ… སདྡྷཱ… ཝཱིརིཡཾ… སཏི… སམཱདྷི…པེ॰… པཉྙཱ མཱ ནིརུཛ྄ཛྷཱིཏི – ཨཏྠི ཨདྷིཔྤཱཡཨིདྡྷི བུདྡྷཱནཾ ཝཱ སཱཝཀཱནཾ ཝཱཏི? ན ཧེཝཾ ཝཏྟབྦེ…པེ॰…།
Uppannā vedanā…pe… saññā… cetanā… cittaṃ… saddhā… vīriyaṃ… sati… samādhi…pe… paññā mā nirujjhīti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe….
ཨཏྠི ཨདྷིཔྤཱཡཨིདྡྷི བུདྡྷཱནཾ ཝཱ སཱཝཀཱནཾ ཝཱཏི? ཨཱམནྟཱ། ‘‘རཱུཔཾ ནིཙྩཾ ཧོཏཱུ’’ཏི – ཨཏྠི ཨདྷིཔྤཱཡཨིདྡྷི… ཝེདནཱ…པེ॰… སཉྙཱ…པེ॰… སངྑཱརཱ…པེ॰… ‘‘ཝིཉྙཱཎཾ ནིཙྩཾ ཧོཏཱུ’’ཏི – ཨཏྠི ཨདྷིཔྤཱཡཨིདྡྷི བུདྡྷཱནཾ ཝཱ སཱཝཀཱནཾ ཝཱཏི? ན ཧེཝཾ ཝཏྟབྦེ…པེ॰…།
Atthi adhippāyaiddhi buddhānaṃ vā sāvakānaṃ vāti? Āmantā. ‘‘Rūpaṃ niccaṃ hotū’’ti – atthi adhippāyaiddhi… vedanā…pe… saññā…pe… saṅkhārā…pe… ‘‘viññāṇaṃ niccaṃ hotū’’ti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe….
ཨཏྠི ཨདྷིཔྤཱཡཨིདྡྷི བུདྡྷཱནཾ ཝཱ སཱཝཀཱནཾ ཝཱཏི? ཨཱམནྟཱ། ‘‘ཛཱཏིདྷམྨཱ སཏྟཱ མཱ ཛཱཡིཾསཱུ’’ཏི ཨཏྠི…པེ॰… ‘‘ཛརཱདྷམྨཱ སཏྟཱ མཱ ཛཱིརིཾསཱུ’’ཏི…པེ॰… ‘‘བྱཱདྷིདྷམྨཱ སཏྟཱ མཱ བྱཱདྷིཡིཾསཱུ’’ཏི…པེ॰… ‘‘མརཎདྷམྨཱ སཏྟཱ མཱ མཱིཡིཾསཱུ’’ཏི – ཨཏྠི ཨདྷིཔྤཱཡཨིདྡྷི བུདྡྷཱནཾ ཝཱ སཱཝཀཱནཾ ཝཱཏི? ན ཧེཝཾ ཝཏྟབྦེ…པེ॰…།
Atthi adhippāyaiddhi buddhānaṃ vā sāvakānaṃ vāti? Āmantā. ‘‘Jātidhammā sattā mā jāyiṃsū’’ti atthi…pe… ‘‘jarādhammā sattā mā jīriṃsū’’ti…pe… ‘‘byādhidhammā sattā mā byādhiyiṃsū’’ti…pe… ‘‘maraṇadhammā sattā mā mīyiṃsū’’ti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe….
༨༨༤. ན ཝཏྟབྦཾ – ‘‘ཨཏྠི ཨདྷིཔྤཱཡཨིདྡྷི བུདྡྷཱནཾ ཝཱ སཱཝཀཱནཾ ཝཱ’’ཏི? ཨཱམནྟཱ ། ནནུ ཨཱཡསྨཱ པིལིནྡཝཙྪོ རཉྙོ མཱགདྷསྶ སེནིཡསྶ བིམྦིསཱརསྶ པཱསཱདཾ ‘‘སུཝཎྞ’’ནྟྭེཝ ཨདྷིམུཙྩི, སུཝཎྞོ ཙ པན ཨཱསཱིཏི 3? ཨཱམནྟཱ། ཧཉྩི ཨཱཡསྨཱ པིལིནྡཝཙྪོ རཉྙོ མཱགདྷསྶ སེནིཡསྶ བིམྦིསཱརསྶ པཱསཱདཾ སུཝཎྞནྟྭེཝ ཨདྷིམུཙྩི, སུཝཎྞོ ཙ པན ཨཱསི, ཏེན ཝཏ རེ ཝཏྟབྦེ – ‘‘ཨཏྠི ཨདྷིཔྤཱཡཨིདྡྷི བུདྡྷཱནཾ ཝཱ སཱཝཀཱནཾ ཝཱ’’ཏི།
884. Na vattabbaṃ – ‘‘atthi adhippāyaiddhi buddhānaṃ vā sāvakānaṃ vā’’ti? Āmantā . Nanu āyasmā pilindavaccho rañño māgadhassa seniyassa bimbisārassa pāsādaṃ ‘‘suvaṇṇa’’ntveva adhimucci, suvaṇṇo ca pana āsīti 4? Āmantā. Hañci āyasmā pilindavaccho rañño māgadhassa seniyassa bimbisārassa pāsādaṃ suvaṇṇantveva adhimucci, suvaṇṇo ca pana āsi, tena vata re vattabbe – ‘‘atthi adhippāyaiddhi buddhānaṃ vā sāvakānaṃ vā’’ti.
ཨིདྡྷིཀཐཱ ནིཊྛིཏཱ།
Iddhikathā niṭṭhitā.
Footnotes:
Related texts:
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༤. ཨིདྡྷིཀཐཱཝཎྞནཱ • 4. Iddhikathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༤. ཨིདྡྷིཀཐཱཝཎྞནཱ • 4. Iddhikathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༤. ཨིདྡྷིཀཐཱཝཎྞནཱ • 4. Iddhikathāvaṇṇanā
