| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੨੧. ਏਕવੀਸਤਿਮવਗ੍ਗੋ
21. Ekavīsatimavaggo
(੨੦੩) ੪. ਇਦ੍ਧਿਕਥਾ
(203) 4. Iddhikathā
੮੮੩. ਅਤ੍ਥਿ ਅਧਿਪ੍ਪਾਯਇਦ੍ਧਿ ਬੁਦ੍ਧਾਨਂ વਾ ਸਾવਕਾਨਂ વਾਤਿ? ਆਮਨ੍ਤਾ। ‘‘ਨਿਚ੍ਚਪਣ੍ਣਾ ਰੁਕ੍ਖਾ ਹੋਨ੍ਤੂ’’ਤਿ – ਅਤ੍ਥਿ ਅਧਿਪ੍ਪਾਯਇਦ੍ਧਿ ਬੁਦ੍ਧਾਨਂ વਾ ਸਾવਕਾਨਂ વਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਨਿਚ੍ਚਪੁਪ੍ਫਾ ਰੁਕ੍ਖਾ ਹੋਨ੍ਤੁ…ਪੇ॰… ਨਿਚ੍ਚਫਲਿਕਾ ਰੁਕ੍ਖਾ ਹੋਨ੍ਤੁ… ਨਿਚ੍ਚਂ ਜੁਣ੍ਹਂ ਹੋਤੁ… ਨਿਚ੍ਚਂ ਖੇਮਂ ਹੋਤੁ… ਨਿਚ੍ਚਂ ਸੁਭਿਕ੍ਖਂ ਹੋਤੁ… ‘‘ਨਿਚ੍ਚਂ ਸੁવਤ੍ਥਿ 1 ਹੋਤੂ’’ਤਿ – ਅਤ੍ਥਿ ਅਧਿਪ੍ਪਾਯਇਦ੍ਧਿ ਬੁਦ੍ਧਾਨਂ વਾ ਸਾવਕਾਨਂ વਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
883. Atthi adhippāyaiddhi buddhānaṃ vā sāvakānaṃ vāti? Āmantā. ‘‘Niccapaṇṇā rukkhā hontū’’ti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe… niccapupphā rukkhā hontu…pe… niccaphalikā rukkhā hontu… niccaṃ juṇhaṃ hotu… niccaṃ khemaṃ hotu… niccaṃ subhikkhaṃ hotu… ‘‘niccaṃ suvatthi 2 hotū’’ti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe….
ਅਤ੍ਥਿ ਅਧਿਪ੍ਪਾਯਇਦ੍ਧਿ ਬੁਦ੍ਧਾਨਂ વਾ ਸਾવਕਾਨਂ વਾਤਿ? ਆਮਨ੍ਤਾ । ‘‘ਉਪ੍ਪਨ੍ਨੋ ਫਸ੍ਸੋ ਮਾ ਨਿਰੁਜ੍ਝੀ’’ਤਿ – ਅਤ੍ਥਿ ਅਧਿਪ੍ਪਾਯਇਦ੍ਧਿ ਬੁਦ੍ਧਾਨਂ વਾ ਸਾવਕਾਨਂ વਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Atthi adhippāyaiddhi buddhānaṃ vā sāvakānaṃ vāti? Āmantā . ‘‘Uppanno phasso mā nirujjhī’’ti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe….
ਉਪ੍ਪਨ੍ਨਾ વੇਦਨਾ…ਪੇ॰… ਸਞ੍ਞਾ… ਚੇਤਨਾ… ਚਿਤ੍ਤਂ… ਸਦ੍ਧਾ… વੀਰਿਯਂ… ਸਤਿ… ਸਮਾਧਿ…ਪੇ॰… ਪਞ੍ਞਾ ਮਾ ਨਿਰੁਜ੍ਝੀਤਿ – ਅਤ੍ਥਿ ਅਧਿਪ੍ਪਾਯਇਦ੍ਧਿ ਬੁਦ੍ਧਾਨਂ વਾ ਸਾવਕਾਨਂ વਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Uppannā vedanā…pe… saññā… cetanā… cittaṃ… saddhā… vīriyaṃ… sati… samādhi…pe… paññā mā nirujjhīti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe….
ਅਤ੍ਥਿ ਅਧਿਪ੍ਪਾਯਇਦ੍ਧਿ ਬੁਦ੍ਧਾਨਂ વਾ ਸਾવਕਾਨਂ વਾਤਿ? ਆਮਨ੍ਤਾ। ‘‘ਰੂਪਂ ਨਿਚ੍ਚਂ ਹੋਤੂ’’ਤਿ – ਅਤ੍ਥਿ ਅਧਿਪ੍ਪਾਯਇਦ੍ਧਿ… વੇਦਨਾ…ਪੇ॰… ਸਞ੍ਞਾ…ਪੇ॰… ਸਙ੍ਖਾਰਾ…ਪੇ॰… ‘‘વਿਞ੍ਞਾਣਂ ਨਿਚ੍ਚਂ ਹੋਤੂ’’ਤਿ – ਅਤ੍ਥਿ ਅਧਿਪ੍ਪਾਯਇਦ੍ਧਿ ਬੁਦ੍ਧਾਨਂ વਾ ਸਾવਕਾਨਂ વਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Atthi adhippāyaiddhi buddhānaṃ vā sāvakānaṃ vāti? Āmantā. ‘‘Rūpaṃ niccaṃ hotū’’ti – atthi adhippāyaiddhi… vedanā…pe… saññā…pe… saṅkhārā…pe… ‘‘viññāṇaṃ niccaṃ hotū’’ti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe….
ਅਤ੍ਥਿ ਅਧਿਪ੍ਪਾਯਇਦ੍ਧਿ ਬੁਦ੍ਧਾਨਂ વਾ ਸਾવਕਾਨਂ વਾਤਿ? ਆਮਨ੍ਤਾ। ‘‘ਜਾਤਿਧਮ੍ਮਾ ਸਤ੍ਤਾ ਮਾ ਜਾਯਿਂਸੂ’’ਤਿ ਅਤ੍ਥਿ…ਪੇ॰… ‘‘ਜਰਾਧਮ੍ਮਾ ਸਤ੍ਤਾ ਮਾ ਜੀਰਿਂਸੂ’’ਤਿ…ਪੇ॰… ‘‘ਬ੍ਯਾਧਿਧਮ੍ਮਾ ਸਤ੍ਤਾ ਮਾ ਬ੍ਯਾਧਿਯਿਂਸੂ’’ਤਿ…ਪੇ॰… ‘‘ਮਰਣਧਮ੍ਮਾ ਸਤ੍ਤਾ ਮਾ ਮੀਯਿਂਸੂ’’ਤਿ – ਅਤ੍ਥਿ ਅਧਿਪ੍ਪਾਯਇਦ੍ਧਿ ਬੁਦ੍ਧਾਨਂ વਾ ਸਾવਕਾਨਂ વਾਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Atthi adhippāyaiddhi buddhānaṃ vā sāvakānaṃ vāti? Āmantā. ‘‘Jātidhammā sattā mā jāyiṃsū’’ti atthi…pe… ‘‘jarādhammā sattā mā jīriṃsū’’ti…pe… ‘‘byādhidhammā sattā mā byādhiyiṃsū’’ti…pe… ‘‘maraṇadhammā sattā mā mīyiṃsū’’ti – atthi adhippāyaiddhi buddhānaṃ vā sāvakānaṃ vāti? Na hevaṃ vattabbe…pe….
੮੮੪. ਨ વਤ੍ਤਬ੍ਬਂ – ‘‘ਅਤ੍ਥਿ ਅਧਿਪ੍ਪਾਯਇਦ੍ਧਿ ਬੁਦ੍ਧਾਨਂ વਾ ਸਾવਕਾਨਂ વਾ’’ਤਿ? ਆਮਨ੍ਤਾ । ਨਨੁ ਆਯਸ੍ਮਾ ਪਿਲਿਨ੍ਦવਚ੍ਛੋ ਰਞ੍ਞੋ ਮਾਗਧਸ੍ਸ ਸੇਨਿਯਸ੍ਸ ਬਿਮ੍ਬਿਸਾਰਸ੍ਸ ਪਾਸਾਦਂ ‘‘ਸੁવਣ੍ਣ’’ਨ੍ਤ੍વੇવ ਅਧਿਮੁਚ੍ਚਿ, ਸੁવਣ੍ਣੋ ਚ ਪਨ ਆਸੀਤਿ 3? ਆਮਨ੍ਤਾ। ਹਞ੍ਚਿ ਆਯਸ੍ਮਾ ਪਿਲਿਨ੍ਦવਚ੍ਛੋ ਰਞ੍ਞੋ ਮਾਗਧਸ੍ਸ ਸੇਨਿਯਸ੍ਸ ਬਿਮ੍ਬਿਸਾਰਸ੍ਸ ਪਾਸਾਦਂ ਸੁવਣ੍ਣਨ੍ਤ੍વੇવ ਅਧਿਮੁਚ੍ਚਿ, ਸੁવਣ੍ਣੋ ਚ ਪਨ ਆਸਿ, ਤੇਨ વਤ ਰੇ વਤ੍ਤਬ੍ਬੇ – ‘‘ਅਤ੍ਥਿ ਅਧਿਪ੍ਪਾਯਇਦ੍ਧਿ ਬੁਦ੍ਧਾਨਂ વਾ ਸਾવਕਾਨਂ વਾ’’ਤਿ।
884. Na vattabbaṃ – ‘‘atthi adhippāyaiddhi buddhānaṃ vā sāvakānaṃ vā’’ti? Āmantā . Nanu āyasmā pilindavaccho rañño māgadhassa seniyassa bimbisārassa pāsādaṃ ‘‘suvaṇṇa’’ntveva adhimucci, suvaṇṇo ca pana āsīti 4? Āmantā. Hañci āyasmā pilindavaccho rañño māgadhassa seniyassa bimbisārassa pāsādaṃ suvaṇṇantveva adhimucci, suvaṇṇo ca pana āsi, tena vata re vattabbe – ‘‘atthi adhippāyaiddhi buddhānaṃ vā sāvakānaṃ vā’’ti.
ਇਦ੍ਧਿਕਥਾ ਨਿਟ੍ਠਿਤਾ।
Iddhikathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੪. ਇਦ੍ਧਿਕਥਾવਣ੍ਣਨਾ • 4. Iddhikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੪. ਇਦ੍ਧਿਕਥਾવਣ੍ਣਨਾ • 4. Iddhikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੪. ਇਦ੍ਧਿਕਥਾવਣ੍ਣਨਾ • 4. Iddhikathāvaṇṇanā
