| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
4. இத்³தி⁴கதா²வண்ணனா
4. Iddhikathāvaṇṇanā
883-884. இதா³னி இத்³தி⁴கதா² நாம ஹோதி. தத்த² இத்³தி⁴ நாமேஸா கத்த²சி இஜ்ஜ²தி, கத்த²சி ந இஜ்ஜ²தி, அனிச்சாதீ³னங் நிச்சாதி³கரணே ஏகந்தேனேவ ந இஜ்ஜ²தி. ஸபா⁴க³ஸந்ததிங் பன பரிவத்தெத்வா விஸபா⁴க³ஸந்ததிகரணே வா ஸபா⁴க³ஸந்ததிவஸேனேவ சிரதரப்பவத்தனே வா யேஸங் அத்தா²ய கரியதி, தேஸங் புஞ்ஞாதீ³னி காரணானி நிஸ்ஸாய கத்த²சி இஜ்ஜ²தி, பி⁴க்கூ²னங் அத்தா²ய பானீயஸ்ஸ ஸப்பிகீ²ராதி³கரணே விய மஹாதா⁴துனிதா⁴னே தீ³பாதீ³னங் சிரஸந்தானப்பவத்தனே விய சாதி இத³ங் ஸகஸமயே ஸன்னிட்டா²னங். யங் பன ஆயஸ்மா பிலிந்த³வச்சோ² ரஞ்ஞோ பாஸாத³ங் ஸுவண்ணந்த்வேவ அதி⁴முச்சி, தங் நிஸ்ஸாய யேஸங் ‘‘அத்தி² அதி⁴ப்பாயஇத்³தீ⁴’’தி லத்³தி⁴, ஸெய்யதா²பி அந்த⁴கானங்; தே ஸந்தா⁴ய அத்தி² அதி⁴ப்பாயஇத்³தீ⁴தி புச்சா² ஸகவாதி³ஸ்ஸ. தத்த² அதி⁴ப்பாயஇத்³தீ⁴தி அதி⁴ப்பாயஇத்³தி⁴, யதா²தி⁴ப்பாயங் இஜ்ஜ²னஇத்³தீ⁴தி அத்தோ². ஆமந்தாதி லத்³தி⁴மத்தே ட²த்வா படிஞ்ஞா பரவாதி³ஸ்ஸ. அத² நங் அனிச்சாதீ³னங் நிச்சாதி³தாய அனுயுஞ்ஜிதுங் நிச்சபண்ணா ருக்கா² ஹொந்தூதிஆதி³மாஹ. ஸேஸமெத்த² உத்தானத்த²மேவ. லத்³தி⁴பதிட்டா²பனே ஸுவண்ணோ ச பனாஸீதி ரஞ்ஞோ புஞ்ஞூபனிஸ்ஸயேன ஆஸி, ந கேவலங் தே²ரஸ்ஸ அதி⁴ப்பாயேனேவ. தஸ்மா அஸாத⁴கமேதந்தி.
883-884. Idāni iddhikathā nāma hoti. Tattha iddhi nāmesā katthaci ijjhati, katthaci na ijjhati, aniccādīnaṃ niccādikaraṇe ekanteneva na ijjhati. Sabhāgasantatiṃ pana parivattetvā visabhāgasantatikaraṇe vā sabhāgasantativaseneva ciratarappavattane vā yesaṃ atthāya kariyati, tesaṃ puññādīni kāraṇāni nissāya katthaci ijjhati, bhikkhūnaṃ atthāya pānīyassa sappikhīrādikaraṇe viya mahādhātunidhāne dīpādīnaṃ cirasantānappavattane viya cāti idaṃ sakasamaye sanniṭṭhānaṃ. Yaṃ pana āyasmā pilindavaccho rañño pāsādaṃ suvaṇṇantveva adhimucci, taṃ nissāya yesaṃ ‘‘atthi adhippāyaiddhī’’ti laddhi, seyyathāpi andhakānaṃ; te sandhāya atthi adhippāyaiddhīti pucchā sakavādissa. Tattha adhippāyaiddhīti adhippāyaiddhi, yathādhippāyaṃ ijjhanaiddhīti attho. Āmantāti laddhimatte ṭhatvā paṭiññā paravādissa. Atha naṃ aniccādīnaṃ niccāditāya anuyuñjituṃ niccapaṇṇā rukkhā hontūtiādimāha. Sesamettha uttānatthameva. Laddhipatiṭṭhāpane suvaṇṇo ca panāsīti rañño puññūpanissayena āsi, na kevalaṃ therassa adhippāyeneva. Tasmā asādhakametanti.
இத்³தி⁴கதா²வண்ணனா.
Iddhikathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (203) 4. இத்³தி⁴கதா² • (203) 4. Iddhikathā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 4. இத்³தி⁴கதா²வண்ணனா • 4. Iddhikathāvaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 4. இத்³தி⁴கதா²வண்ணனா • 4. Iddhikathāvaṇṇanā
