| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੪. ਇਦ੍ਧਿਕਥਾવਣ੍ਣਨਾ
4. Iddhikathāvaṇṇanā
੮੮੩-੮੮੪. ਇਦਾਨਿ ਇਦ੍ਧਿਕਥਾ ਨਾਮ ਹੋਤਿ। ਤਤ੍ਥ ਇਦ੍ਧਿ ਨਾਮੇਸਾ ਕਤ੍ਥਚਿ ਇਜ੍ਝਤਿ, ਕਤ੍ਥਚਿ ਨ ਇਜ੍ਝਤਿ, ਅਨਿਚ੍ਚਾਦੀਨਂ ਨਿਚ੍ਚਾਦਿਕਰਣੇ ਏਕਨ੍ਤੇਨੇવ ਨ ਇਜ੍ਝਤਿ। ਸਭਾਗਸਨ੍ਤਤਿਂ ਪਨ ਪਰਿવਤ੍ਤੇਤ੍વਾ વਿਸਭਾਗਸਨ੍ਤਤਿਕਰਣੇ વਾ ਸਭਾਗਸਨ੍ਤਤਿવਸੇਨੇવ ਚਿਰਤਰਪ੍ਪવਤ੍ਤਨੇ વਾ ਯੇਸਂ ਅਤ੍ਥਾਯ ਕਰਿਯਤਿ, ਤੇਸਂ ਪੁਞ੍ਞਾਦੀਨਿ ਕਾਰਣਾਨਿ ਨਿਸ੍ਸਾਯ ਕਤ੍ਥਚਿ ਇਜ੍ਝਤਿ, ਭਿਕ੍ਖੂਨਂ ਅਤ੍ਥਾਯ ਪਾਨੀਯਸ੍ਸ ਸਪ੍ਪਿਖੀਰਾਦਿਕਰਣੇ વਿਯ ਮਹਾਧਾਤੁਨਿਧਾਨੇ ਦੀਪਾਦੀਨਂ ਚਿਰਸਨ੍ਤਾਨਪ੍ਪવਤ੍ਤਨੇ વਿਯ ਚਾਤਿ ਇਦਂ ਸਕਸਮਯੇ ਸਨ੍ਨਿਟ੍ਠਾਨਂ। ਯਂ ਪਨ ਆਯਸ੍ਮਾ ਪਿਲਿਨ੍ਦવਚ੍ਛੋ ਰਞ੍ਞੋ ਪਾਸਾਦਂ ਸੁવਣ੍ਣਨ੍ਤ੍વੇવ ਅਧਿਮੁਚ੍ਚਿ, ਤਂ ਨਿਸ੍ਸਾਯ ਯੇਸਂ ‘‘ਅਤ੍ਥਿ ਅਧਿਪ੍ਪਾਯਇਦ੍ਧੀ’’ਤਿ ਲਦ੍ਧਿ, ਸੇਯ੍ਯਥਾਪਿ ਅਨ੍ਧਕਾਨਂ; ਤੇ ਸਨ੍ਧਾਯ ਅਤ੍ਥਿ ਅਧਿਪ੍ਪਾਯਇਦ੍ਧੀਤਿ ਪੁਚ੍ਛਾ ਸਕવਾਦਿਸ੍ਸ। ਤਤ੍ਥ ਅਧਿਪ੍ਪਾਯਇਦ੍ਧੀਤਿ ਅਧਿਪ੍ਪਾਯਇਦ੍ਧਿ, ਯਥਾਧਿਪ੍ਪਾਯਂ ਇਜ੍ਝਨਇਦ੍ਧੀਤਿ ਅਤ੍ਥੋ। ਆਮਨ੍ਤਾਤਿ ਲਦ੍ਧਿਮਤ੍ਤੇ ਠਤ੍વਾ ਪਟਿਞ੍ਞਾ ਪਰવਾਦਿਸ੍ਸ। ਅਥ ਨਂ ਅਨਿਚ੍ਚਾਦੀਨਂ ਨਿਚ੍ਚਾਦਿਤਾਯ ਅਨੁਯੁਞ੍ਜਿਤੁਂ ਨਿਚ੍ਚਪਣ੍ਣਾ ਰੁਕ੍ਖਾ ਹੋਨ੍ਤੂਤਿਆਦਿਮਾਹ। ਸੇਸਮੇਤ੍ਥ ਉਤ੍ਤਾਨਤ੍ਥਮੇવ। ਲਦ੍ਧਿਪਤਿਟ੍ਠਾਪਨੇ ਸੁવਣ੍ਣੋ ਚ ਪਨਾਸੀਤਿ ਰਞ੍ਞੋ ਪੁਞ੍ਞੂਪਨਿਸ੍ਸਯੇਨ ਆਸਿ, ਨ ਕੇવਲਂ ਥੇਰਸ੍ਸ ਅਧਿਪ੍ਪਾਯੇਨੇવ। ਤਸ੍ਮਾ ਅਸਾਧਕਮੇਤਨ੍ਤਿ।
883-884. Idāni iddhikathā nāma hoti. Tattha iddhi nāmesā katthaci ijjhati, katthaci na ijjhati, aniccādīnaṃ niccādikaraṇe ekanteneva na ijjhati. Sabhāgasantatiṃ pana parivattetvā visabhāgasantatikaraṇe vā sabhāgasantativaseneva ciratarappavattane vā yesaṃ atthāya kariyati, tesaṃ puññādīni kāraṇāni nissāya katthaci ijjhati, bhikkhūnaṃ atthāya pānīyassa sappikhīrādikaraṇe viya mahādhātunidhāne dīpādīnaṃ cirasantānappavattane viya cāti idaṃ sakasamaye sanniṭṭhānaṃ. Yaṃ pana āyasmā pilindavaccho rañño pāsādaṃ suvaṇṇantveva adhimucci, taṃ nissāya yesaṃ ‘‘atthi adhippāyaiddhī’’ti laddhi, seyyathāpi andhakānaṃ; te sandhāya atthi adhippāyaiddhīti pucchā sakavādissa. Tattha adhippāyaiddhīti adhippāyaiddhi, yathādhippāyaṃ ijjhanaiddhīti attho. Āmantāti laddhimatte ṭhatvā paṭiññā paravādissa. Atha naṃ aniccādīnaṃ niccāditāya anuyuñjituṃ niccapaṇṇā rukkhā hontūtiādimāha. Sesamettha uttānatthameva. Laddhipatiṭṭhāpane suvaṇṇo ca panāsīti rañño puññūpanissayena āsi, na kevalaṃ therassa adhippāyeneva. Tasmā asādhakametanti.
ਇਦ੍ਧਿਕਥਾવਣ੍ਣਨਾ।
Iddhikathāvaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi / (੨੦੩) ੪. ਇਦ੍ਧਿਕਥਾ • (203) 4. Iddhikathā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੪. ਇਦ੍ਧਿਕਥਾવਣ੍ਣਨਾ • 4. Iddhikathāvaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੪. ਇਦ੍ਧਿਕਥਾવਣ੍ਣਨਾ • 4. Iddhikathāvaṇṇanā
