| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
3. ид̣̇д̇хибаад̣̇авааро
3. Iddhipādavāro
32. ‘‘аяам̣ чанд̣̇асамаад̇хибад̇хаанасан̇каарасаманнааг̇ад̇о ид̣̇д̇хибаад̣̇од̇и мз, бхигкавз, буб̣б̣з анануссуд̇зсу д̇хаммзсу жагкум̣ уд̣̇абаад̣̇и…бз… аалого уд̣̇абаад̣̇и. со ко банааяам̣ чанд̣̇асамаад̇хибад̇хаанасан̇каарасаманнааг̇ад̇о ид̣̇д̇хибаад̣̇о бхаавзд̇аб̣б̣од̇и мз, бхигкавз…бз… бхаавид̇од̇и мз, бхигкавз, буб̣б̣з анануссуд̇зсу д̇хаммзсу жагкум̣ уд̣̇абаад̣̇и…бз… аалого уд̣̇абаад̣̇и.
32. ‘‘Ayaṃ chandasamādhipadhānasaṅkhārasamannāgato iddhipādoti me, bhikkhave, pubbe ananussutesu dhammesu cakkhuṃ udapādi…pe… āloko udapādi. So kho panāyaṃ chandasamādhipadhānasaṅkhārasamannāgato iddhipādo bhāvetabboti me, bhikkhave…pe… bhāvitoti me, bhikkhave, pubbe ananussutesu dhammesu cakkhuṃ udapādi…pe… āloko udapādi.
‘‘аяам̣ вийрияасамаад̇хи…бз… аяам̣ жид̇д̇асамаад̇хи…бз… аяам̣ виймам̣саасамаад̇хибад̇хаанасан̇каарасаманнааг̇ад̇о ид̣̇д̇хибаад̣̇од̇и мз, бхигкавз, буб̣б̣з анануссуд̇зсу д̇хаммзсу жагкум̣ уд̣̇абаад̣̇и…бз… аалого уд̣̇абаад̣̇и. со ко банааяам̣ виймам̣саасамаад̇хибад̇хаанасан̇каарасаманнааг̇ад̇о ид̣̇д̇хибаад̣̇о бхаавзд̇аб̣б̣од̇и мз, бхигкавз, буб̣б̣з анануссуд̇зсу д̇хаммзсу жагкум̣ уд̣̇абаад̣̇и…бз… аалого уд̣̇абаад̣̇и’’.
‘‘Ayaṃ vīriyasamādhi…pe… ayaṃ cittasamādhi…pe… ayaṃ vīmaṃsāsamādhipadhānasaṅkhārasamannāgato iddhipādoti me, bhikkhave, pubbe ananussutesu dhammesu cakkhuṃ udapādi…pe… āloko udapādi. So kho panāyaṃ vīmaṃsāsamādhipadhānasaṅkhārasamannāgato iddhipādo bhāvetabboti me, bhikkhave, pubbe ananussutesu dhammesu cakkhuṃ udapādi…pe… āloko udapādi’’.
[га] ‘‘‘аяам̣ чанд̣̇асамаад̇хибад̇хаанасан̇каарасаманнааг̇ад̇о ид̣̇д̇хибаад̣̇о’д̇и буб̣б̣з анануссуд̇зсу д̇хаммзсу жагкум̣ уд̣̇абаад̣̇и…бз… аалого уд̣̇абаад̣̇и…бз… со ко банааяам̣ чанд̣̇асамаад̇хибад̇хаанасан̇каарасаманнааг̇ад̇о ид̣̇д̇хибаад̣̇о бхаавзд̇аб̣б̣од̇и…бз… бхаавид̇од̇и буб̣б̣з анануссуд̇зсу д̇хаммзсу жагкум̣ уд̣̇абаад̣̇и, н̃аан̣ам̣ уд̣̇абаад̣̇и, бан̃н̃аа уд̣̇абаад̣̇и, виж̇ж̇аа уд̣̇абаад̣̇и, аалого уд̣̇абаад̣̇и’’.
[Ka] ‘‘‘ayaṃ chandasamādhipadhānasaṅkhārasamannāgato iddhipādo’ti pubbe ananussutesu dhammesu cakkhuṃ udapādi…pe… āloko udapādi…pe… so kho panāyaṃ chandasamādhipadhānasaṅkhārasamannāgato iddhipādo bhāvetabboti…pe… bhāvitoti pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi’’.
жагкум̣ уд̣̇абаад̣̇ийд̇и – гзнадтзна? н̃аан̣ам̣ уд̣̇абаад̣̇ийд̇и – гзнадтзна? бан̃н̃аа уд̣̇абаад̣̇ийд̇и – гзнадтзна? виж̇ж̇аа уд̣̇абаад̣̇ийд̇и – гзнадтзна? аалого уд̣̇абаад̣̇ийд̇и – гзнадтзна? жагкум̣ уд̣̇абаад̣̇ийд̇и – д̣̇ассанадтзна. н̃аан̣ам̣ уд̣̇абаад̣̇ийд̇и – н̃аад̇адтзна. бан̃н̃аа уд̣̇абаад̣̇ийд̇и – баж̇аананадтзна. виж̇ж̇аа уд̣̇абаад̣̇ийд̇и – бадивзд̇хадтзна. аалого уд̣̇абаад̣̇ийд̇и – обхаасадтзна.
Cakkhuṃ udapādīti – kenaṭṭhena? Ñāṇaṃ udapādīti – kenaṭṭhena? Paññā udapādīti – kenaṭṭhena? Vijjā udapādīti – kenaṭṭhena? Āloko udapādīti – kenaṭṭhena? Cakkhuṃ udapādīti – dassanaṭṭhena. Ñāṇaṃ udapādīti – ñātaṭṭhena. Paññā udapādīti – pajānanaṭṭhena. Vijjā udapādīti – paṭivedhaṭṭhena. Ālokoudapādīti – obhāsaṭṭhena.
жагкум̣ д̇хаммо, н̃аан̣ам̣ д̇хаммо, бан̃н̃аа д̇хаммо, виж̇ж̇аа д̇хаммо, аалого д̇хаммо. имз бан̃жа д̇хаммаа д̇хаммабадисамбхид̣̇ааяа аарамман̣аа жзва хонд̇и г̇ожараа жа. яз д̇ассаа аарамман̣аа д̇з д̇ассаа г̇ожараа. яз д̇ассаа г̇ожараа д̇з д̇ассаа аарамман̣аа. д̇зна вужжад̇и – ‘‘д̇хаммзсу н̃аан̣ам̣ д̇хаммабадисамбхид̣̇аа’’.
Cakkhuṃ dhammo, ñāṇaṃ dhammo, paññā dhammo, vijjā dhammo, āloko dhammo. Ime pañca dhammā dhammapaṭisambhidāya ārammaṇā ceva honti gocarā ca. Ye tassā ārammaṇā te tassā gocarā. Ye tassā gocarā te tassā ārammaṇā. Tena vuccati – ‘‘dhammesu ñāṇaṃ dhammapaṭisambhidā’’.
д̣̇ассанадто ад̇т̇о, н̃аад̇адто ад̇т̇о, баж̇аананадто ад̇т̇о, бадивзд̇хадто ад̇т̇о, обхаасадто ад̇т̇о. имз бан̃жа ад̇т̇аа ад̇т̇абадисамбхид̣̇ааяа аарамман̣аа жзва хонд̇и г̇ожараа жа. яз д̇ассаа аарамман̣аа д̇з д̇ассаа г̇ожараа. яз д̇ассаа г̇ожараа д̇з д̇ассаа аарамман̣аа. д̇зна вужжад̇и – ‘‘ад̇т̇зсу н̃аан̣ам̣ ад̇т̇абадисамбхид̣̇аа’’.
Dassanaṭṭho attho, ñātaṭṭho attho, pajānanaṭṭho attho, paṭivedhaṭṭho attho, obhāsaṭṭho attho. Ime pañca atthā atthapaṭisambhidāya ārammaṇā ceva honti gocarā ca. Ye tassā ārammaṇā te tassā gocarā. Ye tassā gocarā te tassā ārammaṇā. Tena vuccati – ‘‘atthesu ñāṇaṃ atthapaṭisambhidā’’.
бан̃жа д̇хаммз санд̣̇ассзд̇ум̣ б̣яан̃ж̇ананируд̇д̇аабхилаабаа, бан̃жа ад̇т̇з санд̣̇ассзд̇ум̣ б̣яан̃ж̇ананируд̇д̇аабхилаабаа. имаа д̣̇аса нируд̇д̇ияо нируд̇д̇ибадисамбхид̣̇ааяа аарамман̣аа жзва хонд̇и г̇ожараа жа. яз д̇ассаа аарамман̣аа д̇з д̇ассаа г̇ожараа. яз д̇ассаа г̇ожараа д̇з д̇ассаа аарамман̣аа. д̇зна вужжад̇и – ‘‘нируд̇д̇ийсу н̃аан̣ам̣ нируд̇д̇ибадисамбхид̣̇аа’’.
Pañca dhamme sandassetuṃ byañjananiruttābhilāpā, pañca atthe sandassetuṃ byañjananiruttābhilāpā. Imā dasa niruttiyo niruttipaṭisambhidāya ārammaṇā ceva honti gocarā ca. Ye tassā ārammaṇā te tassā gocarā. Ye tassā gocarā te tassā ārammaṇā. Tena vuccati – ‘‘niruttīsu ñāṇaṃ niruttipaṭisambhidā’’.
бан̃жасу д̇хаммзсу н̃аан̣аани, бан̃жасу ад̇т̇зсу н̃аан̣аани, д̣̇асасу нируд̇д̇ийсу н̃аан̣аани. имаани вийсад̇и н̃аан̣аани бадибхаанабадисамбхид̣̇ааяа аарамман̣аа жзва хонд̇и г̇ожараа жа. яз д̇ассаа аарамман̣аа д̇з д̇ассаа г̇ожараа. яз д̇ассаа г̇ожараа д̇з д̇ассаа аарамман̣аа. д̇зна вужжад̇и – ‘‘бадибхаанзсу н̃аан̣ам̣ бадибхаанабадисамбхид̣̇аа’’.
Pañcasu dhammesu ñāṇāni, pañcasu atthesu ñāṇāni, dasasu niruttīsu ñāṇāni. Imāni vīsati ñāṇāni paṭibhānapaṭisambhidāya ārammaṇā ceva honti gocarā ca. Ye tassā ārammaṇā te tassā gocarā. Ye tassā gocarā te tassā ārammaṇā. Tena vuccati – ‘‘paṭibhānesu ñāṇaṃ paṭibhānapaṭisambhidā’’.
чанд̣̇асамаад̇хибад̇хаанасан̇каарасаманнааг̇ад̇з ид̣̇д̇хибаад̣̇з баннараса д̇хаммаа, баннараса ад̇т̇аа, д̇им̣са нируд̇д̇ияо, садти н̃аан̣аани.
Chandasamādhipadhānasaṅkhārasamannāgate iddhipāde pannarasa dhammā, pannarasa atthā, tiṃsa niruttiyo, saṭṭhi ñāṇāni.
[ка-гха] ‘‘аяам̣ вийрияасамаад̇хи…бз… аяам̣ жид̇д̇асамаад̇хи…бз… аяам̣ виймам̣саасамаад̇хибад̇хаанасан̇каарасаманнааг̇ад̇о ид̣̇д̇хибаад̣̇од̇и буб̣б̣з анануссуд̇зсу д̇хаммзсу жагкум̣ уд̣̇абаад̣̇и…бз… аалого уд̣̇абаад̣̇и…бз… со ко банааяам̣ виймам̣саасамаад̇хибад̇хаанасан̇каарасаманнааг̇ад̇о ид̣̇д̇хибаад̣̇о бхаавзд̇аб̣б̣од̇и…бз… бхаавид̇од̇и буб̣б̣з анануссуд̇зсу д̇хаммзсу жагкум̣ уд̣̇абаад̣̇и…бз… аалого уд̣̇абаад̣̇и…бз…’’.
[Kha-gha] ‘‘ayaṃ vīriyasamādhi…pe… ayaṃ cittasamādhi…pe… ayaṃ vīmaṃsāsamādhipadhānasaṅkhārasamannāgato iddhipādoti pubbe ananussutesu dhammesu cakkhuṃ udapādi…pe… āloko udapādi…pe… so kho panāyaṃ vīmaṃsāsamādhipadhānasaṅkhārasamannāgato iddhipādo bhāvetabboti…pe… bhāvitoti pubbe ananussutesu dhammesu cakkhuṃ udapādi…pe… āloko udapādi…pe…’’.
виймам̣саасамаад̇хибад̇хаанасан̇каарасаманнааг̇ад̇з ид̣̇д̇хибаад̣̇з баннараса д̇хаммаа, баннараса ад̇т̇аа, д̇им̣са нируд̇д̇ияо, садти н̃аан̣аани.
Vīmaṃsāsamādhipadhānasaṅkhārasamannāgate iddhipāde pannarasa dhammā, pannarasa atthā, tiṃsa niruttiyo, saṭṭhi ñāṇāni.
жад̇уусу ид̣̇д̇хибаад̣̇зсу садти д̇хаммаа, садти ад̇т̇аа, вийсад̇исад̇анируд̇д̇ияо, жад̇д̇аалийсан̃жа д̣̇вз жа н̃аан̣асад̇аани.
Catūsu iddhipādesu saṭṭhi dhammā, saṭṭhi atthā, vīsatisataniruttiyo, cattālīsañca dve ca ñāṇasatāni.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 2-3. сад̇ибадтаанаваараад̣̇иван̣н̣анаа • 2-3. Satipaṭṭhānavārādivaṇṇanā
