| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੩. ਇਦ੍ਧਿਪਾਦવਾਰੋ
3. Iddhipādavāro
੪੨. ‘‘‘ਅਯਂ ਛਨ੍ਦਸਮਾਧਿਪਧਾਨਸਙ੍ਖਾਰਸਮਨ੍ਨਾਗਤੋ ਇਦ੍ਧਿਪਾਦੋ’ਤਿ ਮੇ , ਭਿਕ੍ਖવੇ ਪੁਬ੍ਬੇ ਅਨਨੁਸ੍ਸੁਤੇਸੁ ਧਮ੍ਮੇਸੁ ਚਕ੍ਖੁਂ ਉਦਪਾਦਿ…ਪੇ॰… ਆਲੋਕੋ ਉਦਪਾਦਿ। ‘ਸੋ ਖੋ ਪਨਾਯਂ ਛਨ੍ਦਸਮਾਧਿਪਧਾਨਸਙ੍ਖਾਰਸਮਨ੍ਨਾਗਤੋ ਇਦ੍ਧਿਪਾਦੋ ਭਾવੇਤਬ੍ਬੋ’ਤਿ ਮੇ, ਭਿਕ੍ਖવੇ…ਪੇ॰… ਭਾવਿਤੋਤਿ ਮੇ, ਭਿਕ੍ਖવੇ, ਪੁਬ੍ਬੇ ਅਨਨੁਸ੍ਸੁਤੇਸੁ ਧਮ੍ਮੇਸੁ ਚਕ੍ਖੁਂ ਉਦਪਾਦਿ…ਪੇ॰… ਆਲੋਕੋ ਉਦਪਾਦਿ।
42. ‘‘‘Ayaṃ chandasamādhipadhānasaṅkhārasamannāgato iddhipādo’ti me , bhikkhave pubbe ananussutesu dhammesu cakkhuṃ udapādi…pe… āloko udapādi. ‘So kho panāyaṃ chandasamādhipadhānasaṅkhārasamannāgato iddhipādo bhāvetabbo’ti me, bhikkhave…pe… bhāvitoti me, bhikkhave, pubbe ananussutesu dhammesu cakkhuṃ udapādi…pe… āloko udapādi.
‘‘ਅਯਂ વੀਰਿਯਸਮਾਧਿ…ਪੇ॰… ਅਯਂ ਚਿਤ੍ਤਸਮਾਧਿ…ਪੇ॰… ਅਯਂ વੀਮਂਸਾਸਮਾਧਿਪਧਾਨਸਙ੍ਖਾਰਸਮਨ੍ਨਾਗਤੋ ਇਦ੍ਧਿਪਾਦੋਤਿ ਮੇ, ਭਿਕ੍ਖવੇ, ਪੁਬ੍ਬੇ ਅਨਨੁਸ੍ਸੁਤੇਸੁ ਧਮ੍ਮੇਸੁ ਚਕ੍ਖੁਂ ਉਦਪਾਦਿ…ਪੇ॰… ਆਲੋਕੋ ਉਦਪਾਦਿ। ਸੋ ਖੋ ਪਨਾਯਂ વੀਮਂਸਾਸਮਾਧਿਪਧਾਨਸਙ੍ਖਾਰਸਮਨ੍ਨਾਗਤੋ ਇਦ੍ਧਿਪਾਦੋ ਭਾવੇਤਬ੍ਬੋਤਿ ਮੇ, ਭਿਕ੍ਖવੇ…ਪੇ॰… ਭਾવਿਤੋਤਿ ਮੇ, ਭਿਕ੍ਖવੇ, ਪੁਬ੍ਬੇ ਅਨਨੁਸ੍ਸੁਤੇਸੁ ਧਮ੍ਮੇਸੁ ਚਕ੍ਖੁਂ ਉਦਪਾਦਿ…ਪੇ॰… ਆਲੋਕੋ ਉਦਪਾਦਿ’’।
‘‘Ayaṃ vīriyasamādhi…pe… ayaṃ cittasamādhi…pe… ayaṃ vīmaṃsāsamādhipadhānasaṅkhārasamannāgato iddhipādoti me, bhikkhave, pubbe ananussutesu dhammesu cakkhuṃ udapādi…pe… āloko udapādi. So kho panāyaṃ vīmaṃsāsamādhipadhānasaṅkhārasamannāgato iddhipādo bhāvetabboti me, bhikkhave…pe… bhāvitoti me, bhikkhave, pubbe ananussutesu dhammesu cakkhuṃ udapādi…pe… āloko udapādi’’.
ਅਯਂ ਛਨ੍ਦਸਮਾਧਿਪਧਾਨਸਙ੍ਖਾਰਸਮਨ੍ਨਾਗਤੋ ਇਦ੍ਧਿਪਾਦੋਤਿ ਪੁਬ੍ਬੇ ਅਨਨੁਸ੍ਸੁਤੇਸੁ ਧਮ੍ਮੇਸੁ ਚਕ੍ਖੁਂ ਉਦਪਾਦਿ…ਪੇ॰… ਆਲੋਕੋ ਉਦਪਾਦਿ…ਪੇ॰… ਸੋ ਖੋ ਪਨਾਯਂ ਛਨ੍ਦਸਮਾਧਿਪਧਾਨਸਙ੍ਖਾਰਸਮਨ੍ਨਾਗਤੋ ਇਦ੍ਧਿਪਾਦੋ ਭਾવੇਤਬ੍ਬੋਤਿ…ਪੇ॰… ਭਾવਿਤੋਤਿ ਪੁਬ੍ਬੇ ਅਨਨੁਸ੍ਸੁਤੇਸੁ ਧਮ੍ਮੇਸੁ ਚਕ੍ਖੁਂ ਉਦਪਾਦਿ, ਞਾਣਂ ਉਦਪਾਦਿ, ਪਞ੍ਞਾ ਉਦਪਾਦਿ, વਿਜ੍ਜਾ ਉਦਪਾਦਿ, ਆਲੋਕੋ ਉਦਪਾਦਿ।
Ayaṃ chandasamādhipadhānasaṅkhārasamannāgato iddhipādoti pubbe ananussutesu dhammesu cakkhuṃ udapādi…pe… āloko udapādi…pe… so kho panāyaṃ chandasamādhipadhānasaṅkhārasamannāgato iddhipādo bhāvetabboti…pe… bhāvitoti pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi.
ਚਕ੍ਖੁਂ ਉਦਪਾਦੀਤਿ – ਕੇਨਟ੍ਠੇਨ? ਞਾਣਂ ਉਦਪਾਦੀਤਿ – ਕੇਨਟ੍ਠੇਨ? ਪਞ੍ਞਾ ਉਦਪਾਦੀਤਿ – ਕੇਨਟ੍ਠੇਨ? વਿਜ੍ਜਾ ਉਦਪਾਦੀਤਿ – ਕੇਨਟ੍ਠੇਨ? ਆਲੋਕੋ ਉਦਪਾਦੀਤਿ – ਕੇਨਟ੍ਠੇਨ? ਚਕ੍ਖੁਂ ਉਦਪਾਦੀਤਿ – ਦਸ੍ਸਨਟ੍ਠੇਨ। ਞਾਣਂ ਉਦਪਾਦੀਤਿ – ਞਾਤਟ੍ਠੇਨ। ਪਞ੍ਞਾ ਉਦਪਾਦੀਤਿ – ਪਜਾਨਨਟ੍ਠੇਨ। વਿਜ੍ਜਾ ਉਦਪਾਦੀਤਿ – ਪਟਿવੇਧਟ੍ਠੇਨ। ਆਲੋਕੋ ਉਦਪਾਦੀਤਿ – ਓਭਾਸਟ੍ਠੇਨ।
Cakkhuṃ udapādīti – kenaṭṭhena? Ñāṇaṃ udapādīti – kenaṭṭhena? Paññā udapādīti – kenaṭṭhena? Vijjā udapādīti – kenaṭṭhena? Āloko udapādīti – kenaṭṭhena? Cakkhuṃ udapādīti – dassanaṭṭhena. Ñāṇaṃ udapādīti – ñātaṭṭhena. Paññāudapādīti – pajānanaṭṭhena. Vijjā udapādīti – paṭivedhaṭṭhena. Āloko udapādīti – obhāsaṭṭhena.
ਚਕ੍ਖੁਂ ਧਮ੍ਮੋ, ਦਸ੍ਸਨਟ੍ਠੋ ਅਤ੍ਥੋ। ਞਾਣਂ ਧਮ੍ਮੋ, ਞਾਤਟ੍ਠੋ ਅਤ੍ਥੋ। ਪਞ੍ਞਾ ਧਮ੍ਮੋ, ਪਜਾਨਨਟ੍ਠੋ ਅਤ੍ਥੋ। વਿਜ੍ਜਾ ਧਮ੍ਮੋ, ਪਟਿવੇਧਟ੍ਠੋ ਅਤ੍ਥੋ। ਆਲੋਕੋ ਧਮ੍ਮੋ, ਓਭਾਸਟ੍ਠੋ ਅਤ੍ਥੋ। ਇਮੇ ਪਞ੍ਚ ਧਮ੍ਮਾ ਪਞ੍ਚ ਅਤ੍ਥਾ ਛਨ੍ਦવਤ੍ਥੁਕਾ ਇਦ੍ਧਿਪਾਦવਤ੍ਥੁਕਾ ਇਦ੍ਧਿਪਾਦਾਰਮ੍ਮਣਾ ਇਦ੍ਧਿਪਾਦਗੋਚਰਾ ਇਦ੍ਧਿਪਾਦਸਙ੍ਗਹਿਤਾ ਇਦ੍ਧਿਪਾਦਪਰਿਯਾਪਨ੍ਨਾ ਇਦ੍ਧਿਪਾਦੇ ਸਮੁਦਾਗਤਾ ਇਦ੍ਧਿਪਾਦੇ ਠਿਤਾ ਇਦ੍ਧਿਪਾਦੇ ਪਤਿਟ੍ਠਿਤਾ।
Cakkhuṃ dhammo, dassanaṭṭho attho. Ñāṇaṃ dhammo, ñātaṭṭho attho. Paññā dhammo, pajānanaṭṭho attho. Vijjā dhammo, paṭivedhaṭṭho attho. Āloko dhammo, obhāsaṭṭho attho. Ime pañca dhammā pañca atthā chandavatthukā iddhipādavatthukā iddhipādārammaṇā iddhipādagocarā iddhipādasaṅgahitā iddhipādapariyāpannā iddhipāde samudāgatā iddhipāde ṭhitā iddhipāde patiṭṭhitā.
ਧਮ੍ਮਚਕ੍ਕਨ੍ਤਿ ਕੇਨਟ੍ਠੇਨ ਧਮ੍ਮਚਕ੍ਕਂ? ਧਮ੍ਮਞ੍ਚ ਪવਤ੍ਤੇਤਿ ਚਕ੍ਕਞ੍ਚਾਤਿ – ਧਮ੍ਮਚਕ੍ਕਂ। ਚਕ੍ਕਞ੍ਚ ਪવਤ੍ਤੇਤਿ ਧਮ੍ਮਞ੍ਚਾਤਿ – ਧਮ੍ਮਚਕ੍ਕਂ। ਧਮ੍ਮੇਨ ਪવਤ੍ਤੇਤੀਤਿ – ਧਮ੍ਮਚਕ੍ਕਂ। ਧਮ੍ਮਚਰਿਯਾਯ ਪવਤ੍ਤੇਤੀਤਿ – ਧਮ੍ਮਚਕ੍ਕਂ। ਧਮ੍ਮੇ ਠਿਤੋ ਪવਤ੍ਤੇਤੀਤਿ – ਧਮ੍ਮਚਕ੍ਕਂ। ਧਮ੍ਮੇ ਪਤਿਟ੍ਠਿਤੋ ਪવਤ੍ਤੇਤੀਤਿ – ਧਮ੍ਮਚਕ੍ਕਂ। ਧਮ੍ਮੇ ਪਤਿਟ੍ਠਾਪੇਨ੍ਤੋ ਪવਤ੍ਤੇਤੀਤਿ – ਧਮ੍ਮਚਕ੍ਕਂ। ਧਮ੍ਮੇ વਸਿਪ੍ਪਤ੍ਤੋ ਪવਤ੍ਤੇਤੀਤਿ – ਧਮ੍ਮਚਕ੍ਕਂ। ਧਮ੍ਮੇ વਸਿਂ ਪਾਪੇਨ੍ਤੋ ਪવਤ੍ਤੇਤੀਤਿ – ਧਮ੍ਮਚਕ੍ਕਂ। ਧਮ੍ਮੇ ਪਾਰਮਿਪ੍ਪਤ੍ਤੋ ਪવਤ੍ਤੇਤੀਤਿ – ਧਮ੍ਮਚਕ੍ਕਂ। ਧਮ੍ਮੇ ਪਾਰਮਿਂ ਪਾਪੇਨ੍ਤੋ ਪવਤ੍ਤੇਤੀਤਿ – ਧਮ੍ਮਚਕ੍ਕਂ…ਪੇ॰… ਧਮ੍ਮਂ ਅਪਚਾਯਮਾਨੋ ਪવਤ੍ਤੇਤੀਤਿ – ਧਮ੍ਮਚਕ੍ਕਂ। ਧਮ੍ਮਦ੍ਧਜੋ ਪવਤ੍ਤੇਤੀਤਿ – ਧਮ੍ਮਚਕ੍ਕਂ। ਧਮ੍ਮਕੇਤੁ ਪવਤ੍ਤੇਤੀਤਿ – ਧਮ੍ਮਚਕ੍ਕਂ। ਧਮ੍ਮਾਧਿਪਤੇਯ੍ਯੋ ਪવਤ੍ਤੇਤੀਤਿ – ਧਮ੍ਮਚਕ੍ਕਂ। ਤਂ ਖੋ ਪਨ ਧਮ੍ਮਚਕ੍ਕਂ ਅਪ੍ਪਟਿવਤ੍ਤਿਯਂ ਸਮਣੇਨ વਾ ਬ੍ਰਾਹ੍ਮਣੇਨ વਾ ਦੇવੇਨ વਾ ਮਾਰੇਨ વਾ ਬ੍ਰਹ੍ਮੁਨਾ વਾ ਕੇਨਚਿ વਾ ਲੋਕਸ੍ਮਿਨ੍ਤਿ – ਧਮ੍ਮਚਕ੍ਕਂ।
Dhammacakkanti kenaṭṭhena dhammacakkaṃ? Dhammañca pavatteti cakkañcāti – dhammacakkaṃ. Cakkañca pavatteti dhammañcāti – dhammacakkaṃ. Dhammena pavattetīti – dhammacakkaṃ. Dhammacariyāya pavattetīti – dhammacakkaṃ. Dhamme ṭhito pavattetīti – dhammacakkaṃ. Dhamme patiṭṭhito pavattetīti – dhammacakkaṃ. Dhamme patiṭṭhāpento pavattetīti – dhammacakkaṃ. Dhamme vasippatto pavattetīti – dhammacakkaṃ. Dhamme vasiṃ pāpento pavattetīti – dhammacakkaṃ. Dhamme pāramippatto pavattetīti – dhammacakkaṃ. Dhamme pāramiṃ pāpento pavattetīti – dhammacakkaṃ…pe… dhammaṃ apacāyamāno pavattetīti – dhammacakkaṃ. Dhammaddhajo pavattetīti – dhammacakkaṃ. Dhammaketu pavattetīti – dhammacakkaṃ. Dhammādhipateyyo pavattetīti – dhammacakkaṃ. Taṃ kho pana dhammacakkaṃ appaṭivattiyaṃ samaṇena vā brāhmaṇena vā devena vā mārena vā brahmunā vā kenaci vā lokasminti – dhammacakkaṃ.
ਸਦ੍ਧਿਨ੍ਦ੍ਰਿਯਂ ਧਮ੍ਮੋ। ਤਂ ਧਮ੍ਮਂ ਪવਤ੍ਤੇਤੀਤਿ – ਧਮ੍ਮਚਕ੍ਕਂ…ਪੇ॰… ਅਮਤੋਗਧਂ ਨਿਬ੍ਬਾਨਂ ਪਰਿਯੋਸਾਨਟ੍ਠੇਨ ਧਮ੍ਮੋ। ਤਂ ਧਮ੍ਮਂ ਪવਤ੍ਤੇਤੀਤਿ – ਧਮ੍ਮਚਕ੍ਕਂ।
Saddhindriyaṃ dhammo. Taṃ dhammaṃ pavattetīti – dhammacakkaṃ…pe… amatogadhaṃ nibbānaṃ pariyosānaṭṭhena dhammo. Taṃ dhammaṃ pavattetīti – dhammacakkaṃ.
ਅਯਂ વੀਰਿਯਸਮਾਧਿਪਧਾਨਸਙ੍ਖਾਰਸਮਨ੍ਨਾਗਤੋ ਇਦ੍ਧਿਪਾਦੋਤਿ ਪੁਬ੍ਬੇ ਅਨਨੁਸ੍ਸੁਤੇਸੁ ਧਮ੍ਮੇਸੁ ਚਕ੍ਖੁਂ ਉਦਪਾਦਿ…ਪੇ॰… ਆਲੋਕੋ ਉਦਪਾਦਿ…ਪੇ॰… ਸੋ ਖੋ ਪਨਾਯਂ વੀਰਿਯਸਮਾਧਿਪਧਾਨਸਙ੍ਖਾਰਸਮਨ੍ਨਾਗਤੋ ਇਦ੍ਧਿਪਾਦੋ ਭਾવੇਤਬ੍ਬੋਤਿ…ਪੇ॰… ਭਾવਿਤੋਤਿ ਪੁਬ੍ਬੇ ਅਨਨੁਸ੍ਸੁਤੇਸੁ ਧਮ੍ਮੇਸੁ ਚਕ੍ਖੁਂ ਉਦਪਾਦਿ…ਪੇ॰… ਆਲੋਕੋ ਉਦਪਾਦਿ।
Ayaṃ vīriyasamādhipadhānasaṅkhārasamannāgato iddhipādoti pubbe ananussutesu dhammesu cakkhuṃ udapādi…pe… āloko udapādi…pe… so kho panāyaṃ vīriyasamādhipadhānasaṅkhārasamannāgato iddhipādo bhāvetabboti…pe… bhāvitoti pubbe ananussutesu dhammesu cakkhuṃ udapādi…pe… āloko udapādi.
ਚਕ੍ਖੁਂ ਉਦਪਾਦੀਤਿ – ਕੇਨਟ੍ਠੇਨ…ਪੇ॰… ਆਲੋਕੋ ਉਦਪਾਦੀਤਿ – ਕੇਨਟ੍ਠੇਨ? ਚਕ੍ਖੁਂ ਉਦਪਾਦੀਤਿ – ਦਸ੍ਸਨਟ੍ਠੇਨ…ਪੇ॰… ਆਲੋਕੋ ਉਦਪਾਦੀਤਿ – ਓਭਾਸਟ੍ਠੇਨ।
Cakkhuṃ udapādīti – kenaṭṭhena…pe… āloko udapādīti – kenaṭṭhena? Cakkhuṃ udapādīti – dassanaṭṭhena…pe… āloko udapādīti – obhāsaṭṭhena.
ਚਕ੍ਖੁਂ ਧਮ੍ਮੋ, ਦਸ੍ਸਨਟ੍ਠੋ ਅਤ੍ਥੋ…ਪੇ॰… ਆਲੋਕੋ ਧਮ੍ਮੋ, ਓਭਾਸਟ੍ਠੋ ਅਤ੍ਥੋ। ਇਮੇ ਪਞ੍ਚ ਧਮ੍ਮਾ ਪਞ੍ਚ ਅਤ੍ਥਾ વੀਰਿਯવਤ੍ਥੁਕਾ ਇਦ੍ਧਿਪਾਦવਤ੍ਥੁਕਾ…ਪੇ॰… ਚਿਤ੍ਤવਤ੍ਥੁਕਾ ਇਦ੍ਧਿਪਾਦવਤ੍ਥੁਕਾ… વੀਮਂਸਾવਤ੍ਥੁਕਾ ਇਦ੍ਧਿਪਾਦવਤ੍ਥੁਕਾ ਇਦ੍ਧਿਪਾਦਾਰਮ੍ਮਣਾ ਇਦ੍ਧਿਪਾਦਗੋਚਰਾ ਇਦ੍ਧਿਪਾਦਸਙ੍ਗਹਿਤਾ ਇਦ੍ਧਿਪਾਦਪਰਿਯਾਪਨ੍ਨਾ ਇਦ੍ਧਿਪਾਦੇ ਸਮੁਦਾਗਤਾ ਇਦ੍ਧਿਪਾਦੇ ਠਿਤਾ ਇਦ੍ਧਿਪਾਦੇ ਪਤਿਟ੍ਠਿਤਾ ।
Cakkhuṃ dhammo, dassanaṭṭho attho…pe… āloko dhammo, obhāsaṭṭho attho. Ime pañca dhammā pañca atthā vīriyavatthukā iddhipādavatthukā…pe… cittavatthukā iddhipādavatthukā… vīmaṃsāvatthukā iddhipādavatthukā iddhipādārammaṇā iddhipādagocarā iddhipādasaṅgahitā iddhipādapariyāpannā iddhipāde samudāgatā iddhipāde ṭhitā iddhipāde patiṭṭhitā .
ਧਮ੍ਮਚਕ੍ਕਨ੍ਤਿ ਕੇਨਟ੍ਠੇਨ ਧਮ੍ਮਚਕ੍ਕਂ? ਧਮ੍ਮਞ੍ਚ ਪવਤ੍ਤੇਤਿ ਚਕ੍ਕਞ੍ਚਾਤਿ – ਧਮ੍ਮਚਕ੍ਕਂ। ਚਕ੍ਕਞ੍ਚ ਪવਤ੍ਤੇਤਿ ਧਮ੍ਮਞ੍ਚਾਤਿ – ਧਮ੍ਮਚਕ੍ਕਂ। ਧਮ੍ਮੇਨ ਪવਤ੍ਤੇਤੀਤਿ – ਧਮ੍ਮਚਕ੍ਕਂ। ਧਮ੍ਮਚਰਿਯਾਯ ਪવਤ੍ਤੇਤੀਤਿ – ਧਮ੍ਮਚਕ੍ਕਂ। ਧਮ੍ਮੇ ਠਿਤੋ ਪવਤ੍ਤੇਤੀਤਿ – ਧਮ੍ਮਚਕ੍ਕਂ। ਧਮ੍ਮੇ ਪਤਿਟ੍ਠਿਤੋ ਪવਤ੍ਤੇਤੀਤਿ – ਧਮ੍ਮਚਕ੍ਕਂ…ਪੇ॰… ਅਮਤੋਗਧਂ ਨਿਬ੍ਬਾਨਂ ਪਰਿਯੋਸਾਨਟ੍ਠੇਨ ਧਮ੍ਮੋ। ਤਂ ਧਮ੍ਮਂ ਪવਤ੍ਤੇਤੀਤਿ – ਧਮ੍ਮਚਕ੍ਕਨ੍ਤਿ।
Dhammacakkanti kenaṭṭhena dhammacakkaṃ? Dhammañca pavatteti cakkañcāti – dhammacakkaṃ. Cakkañca pavatteti dhammañcāti – dhammacakkaṃ. Dhammena pavattetīti – dhammacakkaṃ. Dhammacariyāya pavattetīti – dhammacakkaṃ. Dhamme ṭhito pavattetīti – dhammacakkaṃ. Dhamme patiṭṭhito pavattetīti – dhammacakkaṃ…pe… amatogadhaṃ nibbānaṃ pariyosānaṭṭhena dhammo. Taṃ dhammaṃ pavattetīti – dhammacakkanti.
ਧਮ੍ਮਚਕ੍ਕਕਥਾ ਨਿਟ੍ਠਿਤਾ।
Dhammacakkakathā niṭṭhitā.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ੨-੩. ਸਤਿਪਟ੍ਠਾਨવਾਰਾਦਿવਣ੍ਣਨਾ • 2-3. Satipaṭṭhānavārādivaṇṇanā
