| Library / Tipiṭaka / д̇ибидага • Tipiṭaka / вибхан̇г̇а-мууладийгаа • Vibhaṅga-mūlaṭīkā |
9. ид̣̇д̇хибаад̣̇авибхан̇г̇о
9. Iddhipādavibhaṅgo
1. суд̇д̇анд̇абхааж̇анийяаван̣н̣анаа
1. Suttantabhājanīyavaṇṇanā
431. ид̣̇д̇хи-сад̣̇д̣̇асса батамо гад̇д̇уад̇т̇о, д̣̇уд̇ияо гаран̣ад̇т̇о вуд̇д̇о, баад̣̇а-сад̣̇д̣̇асса зго гаран̣амзвад̇т̇о вуд̇д̇о. баж̇ж̇ид̇аб̣б̣аава ид̣̇д̇хи вуд̇д̇аа, на жа иж̇жханд̇ий баж̇ж̇ид̇аб̣б̣аа жа ид̣̇д̇хи баж̇ж̇анагаран̣зна баад̣̇зна самаанаад̇хигаран̣аа ход̇ийд̇и ‘‘батамзнад̇т̇зна ид̣̇д̇хи зва баад̣̇о ид̣̇д̇хибаад̣̇о’’д̇и на саггаа вад̇д̇ум̣, д̇ат̇аа ид̣̇д̇хигирияаагаран̣зна саад̇хзд̇аб̣б̣аа жа вуд̣̇д̇хисан̇каад̇аа ид̣̇д̇хи баж̇ж̇анагирияаагаран̣зна баж̇ж̇ид̇аб̣б̣аад̇и д̣̇виннам̣ гаран̣аанам̣ на асамаанаад̇хигаран̣ад̇аа самбхавад̇ийд̇и ‘‘д̣̇уд̇иязнад̇т̇зна ид̣̇д̇хияаа баад̣̇о ид̣̇д̇хибаад̣̇о’’д̇и жа на саггаа вад̇д̇ум̣, д̇асмаа батамзнад̇т̇зна ид̣̇д̇хияаа баад̣̇о ид̣̇д̇хибаад̣̇о, д̣̇уд̇иязнад̇т̇зна ид̣̇д̇хи зва баад̣̇о ид̣̇д̇хибаад̣̇од̇и звам̣ яож̇анаа яуж̇ж̇ад̇и.
431. Iddhi-saddassa paṭhamo kattuattho, dutiyo karaṇattho vutto, pāda-saddassa eko karaṇamevattho vutto. Pajjitabbāva iddhi vuttā, na ca ijjhantī pajjitabbā ca iddhi pajjanakaraṇena pādena samānādhikaraṇā hotīti ‘‘paṭhamenatthena iddhi eva pādo iddhipādo’’ti na sakkā vattuṃ, tathā iddhikiriyākaraṇena sādhetabbā ca vuddhisaṅkhātā iddhi pajjanakiriyākaraṇena pajjitabbāti dvinnaṃ karaṇānaṃ na asamānādhikaraṇatā sambhavatīti ‘‘dutiyenatthena iddhiyā pādo iddhipādo’’ti ca na sakkā vattuṃ, tasmā paṭhamenatthena iddhiyā pādo iddhipādo, dutiyenatthena iddhi eva pādo iddhipādoti evaṃ yojanā yujjati.
‘‘чанд̣̇ам̣ жз…бз… аяам̣ вужжад̇и чанд̣̇асамаад̇хий’’д̇и имааяа баал̣ияаа чанд̣̇аад̇хибад̇и самаад̇хи чанд̣̇асамаад̇хийд̇и ад̇хибад̇и-сад̣̇д̣̇алобам̣ гад̇ваа самаасо вуд̇д̇од̇и вин̃н̃ааяад̇и, ад̇хибад̇и-сад̣̇д̣̇ад̇т̇ад̣̇ассанавасзна бана ‘‘чанд̣̇ахзд̇уго чанд̣̇аад̇хиго ваа самаад̇хи чанд̣̇асамаад̇хий’’д̇и адтагат̇ааяам̣ вуд̇д̇анд̇и взд̣̇ид̇аб̣б̣ам̣. бад̇хаанабхууд̇аад̇и вийрияабхууд̇аад̇и гзжи вад̣̇анд̇и. сан̇кад̇асан̇каараад̣̇инивад̇д̇анад̇т̇ан̃хи бад̇хаанаг̇г̇ахан̣анд̇и. ат̇а ваа д̇ам̣ д̇ам̣ висзсам̣ сан̇карод̇ийд̇и сан̇кааро, саб̣б̣ам̣ вийрияам̣. д̇ад̇т̇а жад̇угижжасаад̇хагад̇о ан̃н̃асса нивад̇д̇анад̇т̇ам̣ бад̇хаанаг̇г̇ахан̣анд̇и бад̇хаанабхууд̇аа сздтабхууд̇аад̇и ад̇т̇о. жад̇уб̣б̣ид̇хасса бана вийрияасса ад̇хиббзд̇ад̇д̇аа б̣ахуважананид̣̇д̣̇зсо гад̇о. ад̇хидтаанадтзнаад̇и д̣̇увид̇хад̇т̇ааяаби ид̣̇д̇хияаа ад̇хидтаанад̇т̇зна. баад̣̇абхууд̇анд̇и иминаа висум̣ самаасаяож̇анаавасзна бана яо буб̣б̣з ид̣̇д̇хибаад̣̇ад̇т̇о баад̣̇а-сад̣̇д̣̇асса убааяад̇т̇ад̇ам̣ г̇ахзд̇ваа яат̇ааяуд̇д̇о вуд̇д̇о, со вагкамаанаанам̣ бадилаабхабуб̣б̣абхааг̇аанам̣ гад̇д̇угаран̣ид̣̇д̇хибхаавам̣, уд̇д̇аражуул̣абхааж̇анийяз ваа вуд̇д̇зхи чанд̣̇аад̣̇ийхи ид̣̇д̇хибаад̣̇зхи саад̇хзд̇аб̣б̣ааяа ид̣̇д̇хияаа гад̇д̇ид̣̇д̇хибхаавам̣, чанд̣̇аад̣̇ийнан̃жа гаран̣ид̣̇д̇хибхаавам̣ санд̇хааяа вуд̇д̇од̇и взд̣̇ид̇аб̣б̣о.
‘‘Chandaṃ ce…pe… ayaṃ vuccati chandasamādhī’’ti imāya pāḷiyā chandādhipati samādhi chandasamādhīti adhipati-saddalopaṃ katvā samāso vuttoti viññāyati, adhipati-saddatthadassanavasena pana ‘‘chandahetuko chandādhiko vā samādhi chandasamādhī’’ti aṭṭhakathāyaṃ vuttanti veditabbaṃ. Padhānabhūtāti vīriyabhūtāti keci vadanti. Saṅkhatasaṅkhārādinivattanatthañhi padhānaggahaṇanti. Atha vā taṃ taṃ visesaṃ saṅkharotīti saṅkhāro, sabbaṃ vīriyaṃ. Tattha catukiccasādhakato aññassa nivattanatthaṃ padhānaggahaṇanti padhānabhūtā seṭṭhabhūtāti attho. Catubbidhassa pana vīriyassa adhippetattā bahuvacananiddeso kato. Adhiṭṭhānaṭṭhenāti duvidhatthāyapi iddhiyā adhiṭṭhānatthena. Pādabhūtanti iminā visuṃ samāsayojanāvasena pana yo pubbe iddhipādattho pāda-saddassa upāyatthataṃ gahetvā yathāyutto vutto, so vakkhamānānaṃ paṭilābhapubbabhāgānaṃ kattukaraṇiddhibhāvaṃ, uttaracūḷabhājanīye vā vuttehi chandādīhi iddhipādehi sādhetabbāya iddhiyā kattiddhibhāvaṃ, chandādīnañca karaṇiddhibhāvaṃ sandhāya vuttoti veditabbo.
вийрияид̣̇д̇хибаад̣̇анид̣̇д̣̇зсз ‘‘вийрияасамаад̇хибад̇хаанасан̇каарасаманнааг̇ад̇а’’нд̇и д̣̇вигкад̇д̇ум̣ вийрияам̣ ааг̇ад̇ам̣. д̇ад̇т̇а буримам̣ самаад̇хивисзсанам̣ ‘‘вийрияаад̇хибад̇и самаад̇хи вийрияасамаад̇хий’’д̇и, д̣̇уд̇ияам̣ саманнааг̇аман̇г̇ад̣̇ассанам̣. д̣̇взязва хи саб̣б̣ад̇т̇а саманнааг̇аман̇г̇аани самаад̇хи бад̇хаанасан̇кааро жа, чанд̣̇аад̣̇аяо самаад̇хивисзсанаани, бад̇хаанасан̇кааро бана бад̇хаанаважанзнзва висзсид̇о, на чанд̣̇аад̣̇ийхийд̇и на ид̇ха вийрияаад̇хибад̇ид̇аа бад̇хаанасан̇каарасса вуд̇д̇аа ход̇и. вийрияан̃жа самаад̇хим̣ висзсзд̇ваа тид̇амзва саманнааг̇аман̇г̇авасзна бад̇хаанасан̇каараважанзна вуд̇д̇анд̇и нааби д̣̇вийхи вийриязхи саманнааг̇амо вуд̇д̇о ход̇ийд̇и. яасмаа бана чанд̣̇аад̣̇ийхи висидто самаад̇хи, д̇ат̇аа висидтзнзва жа д̇зна самбаяуд̇д̇о бад̇хаанасан̇кааро сзсад̇хаммаа жа, д̇асмаа самаад̇хивисзсанаанам̣ васзна жад̇д̇ааро ид̣̇д̇хибаад̣̇аа вуд̇д̇аа. висзсанабхааво жа чанд̣̇аад̣̇ийнам̣ д̇ам̣д̇ам̣авассаяанавасзна ход̇ийд̇и ‘‘чанд̣̇асамаад̇хи…бз… ид̣̇д̇хибаад̣̇а’’нд̇и зд̇т̇а ниссаяад̇т̇зби баад̣̇а-сад̣̇д̣̇з убааяад̇т̇зна чанд̣̇аад̣̇ийнам̣ ид̣̇д̇хибаад̣̇ад̇аа вуд̇д̇аа ход̇и. д̇знзва уд̇д̇аражуул̣абхааж̇анийяз ‘‘жад̇д̇ааро ид̣̇д̇хибаад̣̇аа чанд̣̇ид̣̇д̇хибаад̣̇о’’д̇иаад̣̇инаа чанд̣̇аад̣̇ийнамзва ид̣̇д̇хибаад̣̇ад̇аа вуд̇д̇аа. бан̃хабужчагз жа ‘‘жад̇д̇ааро ид̣̇д̇хибаад̣̇аа ид̇ха бхигку чанд̣̇асамаад̇хий’’д̇иаад̣̇инаава (вибха. 462) уд̣̇д̣̇зсам̣ гад̇вааби буна чанд̣̇аад̣̇ийнам̣язва гусалаад̣̇ибхааво вибхад̇д̇од̇и. убааяид̣̇д̇хибаад̣̇ад̣̇ассанад̇т̇амзва хи ниссаяид̣̇д̇хибаад̣̇ад̣̇ассанам̣ гад̇ам̣, ан̃н̃ат̇аа жад̇уб̣б̣ид̇хад̇аа на ход̇ийд̇и аяамзд̇т̇а баал̣ивасзна ад̇т̇авинижчаяо взд̣̇ид̇аб̣б̣о.
Vīriyiddhipādaniddese ‘‘vīriyasamādhipadhānasaṅkhārasamannāgata’’nti dvikkhattuṃ vīriyaṃ āgataṃ. Tattha purimaṃ samādhivisesanaṃ ‘‘vīriyādhipati samādhi vīriyasamādhī’’ti, dutiyaṃ samannāgamaṅgadassanaṃ. Dveyeva hi sabbattha samannāgamaṅgāni samādhi padhānasaṅkhāro ca, chandādayo samādhivisesanāni, padhānasaṅkhāro pana padhānavacaneneva visesito, na chandādīhīti na idha vīriyādhipatitā padhānasaṅkhārassa vuttā hoti. Vīriyañca samādhiṃ visesetvā ṭhitameva samannāgamaṅgavasena padhānasaṅkhāravacanena vuttanti nāpi dvīhi vīriyehi samannāgamo vutto hotīti. Yasmā pana chandādīhi visiṭṭho samādhi, tathā visiṭṭheneva ca tena sampayutto padhānasaṅkhāro sesadhammā ca, tasmā samādhivisesanānaṃ vasena cattāro iddhipādā vuttā. Visesanabhāvo ca chandādīnaṃ taṃtaṃavassayanavasena hotīti ‘‘chandasamādhi…pe… iddhipāda’’nti ettha nissayatthepi pāda-sadde upāyatthena chandādīnaṃ iddhipādatā vuttā hoti. Teneva uttaracūḷabhājanīye ‘‘cattāro iddhipādā chandiddhipādo’’tiādinā chandādīnameva iddhipādatā vuttā. Pañhapucchake ca ‘‘cattāro iddhipādā idha bhikkhu chandasamādhī’’tiādināva (vibha. 462) uddesaṃ katvāpi puna chandādīnaṃyeva kusalādibhāvo vibhattoti. Upāyiddhipādadassanatthameva hi nissayiddhipādadassanaṃ kataṃ, aññathā catubbidhatā na hotīti ayamettha pāḷivasena atthavinicchayo veditabbo.
433. рат̇ад̇хурзд̇и рат̇асса бурад̇о. хийнаж̇аад̇иго жан̣д̣аало убадтаанаад̣̇иг̇ун̣аяог̇зби сзнаабад̇идтаанаад̣̇ийни на лабхад̇ийд̇и ааха ‘‘ж̇аад̇им̣ сод̇хзд̇ваа…бз… ж̇аад̇им̣ авассаяад̇ий’’д̇и. аманд̇анийяод̇и хид̇аахид̇аманд̇анз на арахо.
433. Rathadhureti rathassa purato. Hīnajātiko caṇḍālo upaṭṭhānādiguṇayogepi senāpatiṭṭhānādīni na labhatīti āha ‘‘jātiṃ sodhetvā…pe… jātiṃ avassayatī’’ti. Amantanīyoti hitāhitamantane na araho.
радтабаалад̇т̇зро чанд̣̇з сад̇и гат̇ам̣ наануж̇ааниссанд̇ийд̇и сад̇д̇аби бхад̇д̇аани абхун̃ж̇ид̇ваа маад̇аабид̇аро ануж̇аанаабзд̇ваа баб̣б̣аж̇ид̇ваа чанд̣̇амзва авассааяа логуд̇д̇арад̇хаммам̣ ниб̣б̣ад̇д̇зсийд̇и ааха ‘‘радтабаалад̇т̇зро вияаа’’д̇и.
Raṭṭhapālatthero chande sati kathaṃ nānujānissantīti sattapi bhattāni abhuñjitvā mātāpitaro anujānāpetvā pabbajitvā chandameva avassāya lokuttaradhammaṃ nibbattesīti āha ‘‘raṭṭhapālatthero viyā’’ti.
могхарааж̇ад̇т̇зро виймам̣сам̣ авассаяийд̇и д̇асса бхаг̇аваа ‘‘сун̃н̃ад̇о логам̣ авзгкассуу’’д̇и (су. ни. 1125) сун̃н̃ад̇аагат̇ам̣ гат̇зси, бан̃н̃ааниссид̇амаананиг̇г̇ахад̇т̇ан̃жа д̣̇вигкад̇д̇ум̣ бужчид̇о бан̃хам̣ на гат̇зси. д̇ад̇т̇а бунаббунам̣ чанд̣̇уббаад̣̇анам̣ д̇осанам̣ вияа ход̇ийд̇и чанд̣̇асса убадтаанасад̣̇исад̇аа вуд̇д̇аа, т̇аамабхаавад̇о вийрияасса суурад̇д̇асад̣̇исад̇аа, ‘‘чад̣̇ваараад̇хибад̇и рааж̇аа’’д̇и (д̇ха. ба. адта. 2.181 зрагабад̇д̇анааг̇арааж̇авад̇т̇у) важанад̇о буб̣б̣ан̇г̇амад̇д̇аа жид̇д̇асса висидтаж̇аад̇исад̣̇исад̇аа.
Mogharājatthero vīmaṃsaṃ avassayīti tassa bhagavā ‘‘suññato lokaṃ avekkhassū’’ti (su. ni. 1125) suññatākathaṃ kathesi, paññānissitamānaniggahatthañca dvikkhattuṃ pucchito pañhaṃ na kathesi. Tattha punappunaṃ chanduppādanaṃ tosanaṃ viya hotīti chandassa upaṭṭhānasadisatā vuttā, thāmabhāvato vīriyassa sūrattasadisatā, ‘‘chadvārādhipati rājā’’ti (dha. pa. aṭṭha. 2.181 erakapattanāgarājavatthu) vacanato pubbaṅgamattā cittassa visiṭṭhajātisadisatā.
абхзд̣̇ад̇од̇и чанд̣̇аад̣̇игз д̇аяо д̇аяо д̇хаммз самбин̣д̣зд̇ваа, ид̣̇д̇хиид̣̇д̇хибаад̣̇з амиссзд̇ваа ваа гат̇ананд̇и ад̇т̇о. д̇ад̇т̇а чанд̣̇авийрияаад̣̇аяо висзсзна иж̇жханд̇и зд̇ааяаад̇и ид̣̇д̇хийд̇и вужжанд̇и, иж̇жхад̇ийд̇и ид̣̇д̇хийд̇и ависзсзна самаад̇хибад̇хаанасан̇каараабийд̇и.
Abhedatoti chandādike tayo tayo dhamme sampiṇḍetvā, iddhiiddhipāde amissetvā vā kathananti attho. Tattha chandavīriyādayo visesena ijjhanti etāyāti iddhīti vuccanti, ijjhatīti iddhīti avisesena samādhipadhānasaṅkhārāpīti.
чанд̣̇ид̣̇д̇хибаад̣̇асамаад̇хид̣̇д̇хибаад̣̇аад̣̇аяо висидтаа, баад̣̇о саб̣б̣ид̣̇д̇хийнам̣ саад̇хааран̣ад̇д̇аа ависидто, д̇асмаа висидтзсвзва бавзсам̣ авад̇ваа ависидтз жа бавзсам̣ вад̇д̇ум̣ яуд̇д̇анд̇и д̣̇ассзд̇ум̣ саб̣б̣ад̇т̇а ‘‘баад̣̇з бад̇идтаад̇иби вад̇д̇ум̣ ваддад̇ий’’д̇и ааха. д̇ад̇т̇зваад̇и чанд̣̇асамаад̇хибад̇хаанасан̇каараид̣̇д̇хибаад̣̇зсу, жад̇уусу чанд̣̇аад̣̇игзсвзваад̇и ад̇т̇о. ‘‘чанд̣̇авад̇о го самаад̇хи на иж̇жхиссад̇ий’’д̇и самаад̇хибхааванаамукзна бхаавид̇аа самаад̇хибхаавид̇аа.
Chandiddhipādasamādhiddhipādādayo visiṭṭhā, pādo sabbiddhīnaṃ sādhāraṇattā avisiṭṭho, tasmā visiṭṭhesveva pavesaṃ avatvā avisiṭṭhe ca pavesaṃ vattuṃ yuttanti dassetuṃ sabbattha ‘‘pāde patiṭṭhātipi vattuṃ vaṭṭatī’’ti āha. Tatthevāti chandasamādhipadhānasaṅkhāraiddhipādesu, catūsu chandādikesvevāti attho. ‘‘Chandavato ko samādhi na ijjhissatī’’ti samādhibhāvanāmukhena bhāvitā samādhibhāvitā.
зд̇т̇а банаад̇и бхзд̣̇агат̇ааяам̣ абхзд̣̇агат̇анад̇о абхинавам̣ над̇т̇ийд̇и ад̇т̇о. яз хи д̇аяо д̇хаммаа абхзд̣̇агат̇ааяам̣ ид̣̇д̇хиид̣̇д̇хибаад̣̇од̇взва вуд̇д̇аа, д̇з зва бхзд̣̇агат̇ааяам̣ ид̣̇д̇хийби хонд̇и ид̣̇д̇хибаад̣̇ааби, сзсаа ид̣̇д̇хибаад̣̇аа зваад̇и звам̣ абхинаваабхаавам̣ д̣̇ассзнд̇о ‘‘чанд̣̇о самаад̇хий’’д̇иаад̣̇имааха. имз хи д̇аяо…бз… на винаа, д̇асмаа сзсаа самбаяуд̇д̇агаа жад̇д̇ааро канд̇хаа д̇зсам̣ д̇ин̣н̣ам̣ иж̇жханзна ид̣̇д̇хи наама бхавзяяум̣, на ад̇д̇ано сабхаавзнаад̇и д̇з ид̣̇д̇хибаад̣̇аа зва хонд̇и, на ид̣̇д̇хийд̇и звамид̣̇ам̣ буримасса гааран̣абхаавзна вуд̇д̇анд̇и взд̣̇ид̇аб̣б̣ам̣. ат̇а ваа д̇ин̣н̣ам̣ ид̣̇д̇хид̇аа ид̣̇д̇хибаад̣̇ад̇аа жа вуд̇д̇аа, сзсаанан̃жа ид̣̇д̇хибаад̣̇ад̇аава, д̇ам̣ саб̣б̣ам̣ саад̇хзд̇ум̣ ‘‘имз хи д̇аяо…бз… на винаа’’д̇и ааха. д̇зна яасмаа иж̇жханд̇и, д̇асмаа ид̣̇д̇хи. иж̇жхамаанаа жа яасмаа самбаяуд̇д̇агзхи сахзва иж̇жханд̇и, на винаа, д̇асмаа самбаяуд̇д̇агаа ид̣̇д̇хибаад̣̇аа, д̇ад̣̇анд̇ог̇ад̇хад̇д̇аа бана д̇з д̇аяо д̇хаммаа ид̣̇д̇хибаад̣̇ааби хонд̇ийд̇и д̣̇ассзд̇и. самбаяуд̇д̇агаанамби бана канд̇хаанам̣ ид̣̇д̇хибхаавабарияааяо ад̇т̇ийд̇и д̣̇ассзд̇ум̣ ‘‘самбаяуд̇д̇агаа банаа’’д̇иаад̣̇имааха. жад̇уусу канд̇хзсу згад̣̇зсасса ид̣̇д̇хид̇аа, жад̇уннамби ‘‘ид̣̇д̇хияаа баад̣̇о ид̣̇д̇хибаад̣̇о’’д̇и иминаа ад̇т̇зна ид̣̇д̇хибаад̣̇ад̇аа, бунаби жад̇уннам̣ канд̇хаанам̣ ‘‘ид̣̇д̇хи зва баад̣̇о ид̣̇д̇хибаад̣̇о’’д̇и иминаа ад̇т̇зна ид̣̇д̇хибаад̣̇ад̇аа жа д̣̇ассид̇аа, на ан̃н̃ассаад̇и гад̇ваа ааха ‘‘на ан̃н̃асса гассажи ад̇хиважана’’нд̇и. иминаа ‘‘ид̣̇д̇хи наама анибпаннаа’’д̇и ид̣̇ам̣ ваад̣̇ам̣ бадисзд̇хзд̇и.
Ettha panāti bhedakathāyaṃ abhedakathanato abhinavaṃ natthīti attho. Ye hi tayo dhammā abhedakathāyaṃ iddhiiddhipādotveva vuttā, te eva bhedakathāyaṃ iddhīpi honti iddhipādāpi, sesā iddhipādā evāti evaṃ abhinavābhāvaṃ dassento ‘‘chando samādhī’’tiādimāha. Ime hi tayo…pe… na vinā, tasmā sesā sampayuttakā cattāro khandhā tesaṃ tiṇṇaṃ ijjhanena iddhi nāma bhaveyyuṃ, na attano sabhāvenāti te iddhipādā eva honti, na iddhīti evamidaṃ purimassa kāraṇabhāvena vuttanti veditabbaṃ. Atha vā tiṇṇaṃ iddhitā iddhipādatā ca vuttā, sesānañca iddhipādatāva, taṃ sabbaṃ sādhetuṃ ‘‘ime hi tayo…pe… na vinā’’ti āha. Tena yasmā ijjhanti, tasmā iddhi. Ijjhamānā ca yasmā sampayuttakehi saheva ijjhanti, na vinā, tasmā sampayuttakā iddhipādā, tadantogadhattā pana te tayo dhammā iddhipādāpi hontīti dasseti. Sampayuttakānampi pana khandhānaṃ iddhibhāvapariyāyo atthīti dassetuṃ ‘‘sampayuttakā panā’’tiādimāha. Catūsu khandhesu ekadesassa iddhitā, catunnampi ‘‘iddhiyā pādo iddhipādo’’ti iminā atthena iddhipādatā, punapi catunnaṃ khandhānaṃ ‘‘iddhi eva pādo iddhipādo’’ti iminā atthena iddhipādatā ca dassitā, na aññassāti katvā āha ‘‘na aññassakassaci adhivacana’’nti. Iminā ‘‘iddhi nāma anipphannā’’ti idaṃ vādaṃ paṭisedheti.
бадилаабхабуб̣б̣абхааг̇аанам̣ бадилаабхассзва жа ид̣̇д̇хиид̣̇д̇хибаад̣̇ад̇ааважанам̣ абуб̣б̣анд̇и гад̇ваа бужчад̇и ‘‘гзнадтзна ид̣̇д̇хи, гзнадтзна баад̣̇о’’д̇и. бадилаабхо буб̣б̣абхааг̇о жаад̇и важанасзсо. убааяо жа убааяабхаавзнзва ад̇д̇ано паласса бад̇идтаа ход̇ийд̇и ааха ‘‘бад̇идтаанадтзнзва баад̣̇о’’д̇и. чанд̣̇оязва…бз… виймам̣саава виймам̣сид̣̇д̇хибаад̣̇од̇и гат̇ид̇ам̣, д̇асмаа на жад̇д̇ааро канд̇хаа ид̣̇д̇хияаа самаанагаалигаа наанаагкан̣игаа ваа ид̣̇д̇хибаад̣̇аа, ж̇здтагабхууд̇аа бана чанд̣̇аад̣̇аяо зва саб̣б̣ад̇т̇а ид̣̇д̇хибаад̣̇аад̇и аяамзва д̇зсам̣ адтагат̇аажарияаанам̣ ад̇хиббааяо. суд̇д̇анд̇абхааж̇анийяз хи абхид̇хаммабхааж̇анийяз жа самаад̇хивисзсанавасзна д̣̇ассид̇аанам̣ убааяабхууд̇аанам̣ ид̣̇д̇хибаад̣̇аанам̣ баагадагаран̣ад̇т̇ам̣ уд̇д̇аражуул̣абхааж̇анийяам̣ вуд̇д̇анд̇и. гзжийд̇и уд̇д̇аравихаараваасит̇зраа гира.
Paṭilābhapubbabhāgānaṃ paṭilābhasseva ca iddhiiddhipādatāvacanaṃ apubbanti katvā pucchati ‘‘kenaṭṭhena iddhi, kenaṭṭhena pādo’’ti. Paṭilābho pubbabhāgo cāti vacanaseso. Upāyo ca upāyabhāveneva attano phalassa patiṭṭhā hotīti āha ‘‘patiṭṭhānaṭṭheneva pādo’’ti. Chandoyeva…pe… vīmaṃsāva vīmaṃsiddhipādoti kathitaṃ, tasmā na cattāro khandhā iddhiyā samānakālikā nānākkhaṇikā vā iddhipādā, jeṭṭhakabhūtā pana chandādayo eva sabbattha iddhipādāti ayameva tesaṃ aṭṭhakathācariyānaṃ adhippāyo. Suttantabhājanīye hi abhidhammabhājanīye ca samādhivisesanavasena dassitānaṃ upāyabhūtānaṃ iddhipādānaṃ pākaṭakaraṇatthaṃ uttaracūḷabhājanīyaṃ vuttanti. Kecīti uttaravihāravāsitherā kira.
суд̇д̇анд̇абхааж̇анийяаван̣н̣анаа нидтид̇аа.
Suttantabhājanīyavaṇṇanā niṭṭhitā.
2. абхид̇хаммабхааж̇анийяаван̣н̣анаа
2. Abhidhammabhājanīyavaṇṇanā
444. абхид̇хаммабхааж̇анийяз ‘‘ид̣̇д̇хибаад̣̇од̇и д̇ат̇аабхууд̇асса пассо…бз… баг̇г̇аахо авигкзбо’’д̇и (вибха. 447) ид̣̇д̇хиид̣̇д̇хибаад̣̇ад̇т̇ад̣̇ассанад̇т̇ам̣ баг̇г̇аахаавигкзбаа вуд̇д̇аа, жид̇д̇абан̃н̃аа жа сан̇кибид̇ваад̇и. жад̇д̇аари наяасахассаани вибхад̇д̇аанийд̇и ид̣̇ам̣ саад̇хибад̇иваараанам̣ барибун̣н̣аанам̣ абхааваа вижаарзд̇аб̣б̣ам̣. на хи ад̇хибад̇ийнам̣ ад̇хибад̇аяо виж̇ж̇анд̇и, згзгасмим̣ бана ид̣̇д̇хибаад̣̇анид̣̇д̣̇зсз згзго ад̇хибад̇ивааро лаб̣бхад̇ийд̇и сол̣аса сол̣аса наяасад̇аани лаб̣бханд̇и.
444. Abhidhammabhājanīye ‘‘iddhipādoti tathābhūtassa phasso…pe… paggāho avikkhepo’’ti (vibha. 447) iddhiiddhipādatthadassanatthaṃ paggāhāvikkhepā vuttā, cittapaññā ca saṅkhipitvāti. Cattāri nayasahassāni vibhattānīti idaṃ sādhipativārānaṃ paripuṇṇānaṃ abhāvā vicāretabbaṃ. Na hi adhipatīnaṃ adhipatayo vijjanti, ekekasmiṃ pana iddhipādaniddese ekeko adhipativāro labbhatīti soḷasa soḷasa nayasatāni labbhanti.
абхид̇хаммабхааж̇анийяаван̣н̣анаа нидтид̇аа.
Abhidhammabhājanīyavaṇṇanā niṭṭhitā.
3. бан̃хабужчагаван̣н̣анаа
3. Pañhapucchakavaṇṇanā
нану жа жад̇д̇аароби ад̇хибад̇аяо згагкан̣з лаб̣бханд̇и, ан̃н̃аман̃н̃асса бана ад̇хибад̇аяо на бхаванд̇и ‘‘жад̇д̇ааро ид̣̇д̇хибаад̣̇аа на маг̇г̇аад̇хибад̇ино’’д̇и вуд̇д̇ад̇д̇аа. рааж̇абуд̇д̇обамааби хи зд̇амад̇т̇ам̣ д̣̇ийбзд̇ийд̇и? на, згагкан̣з д̣̇уд̇ияасса ад̇хибад̇ино абхаавад̇о зва, ‘‘на маг̇г̇аад̇хибад̇ино’’д̇и вуд̇д̇ад̇д̇аа рааж̇абуд̇д̇обамаа ад̇хибад̇им̣ на гаронд̇ийд̇и имамзвад̇т̇ам̣ д̣̇ийбзд̇и, на ад̇хибад̇ийнам̣ сахабхаавам̣. д̇ам̣ гат̇ам̣ ж̇аанид̇аб̣б̣анд̇и? бадигкид̇д̇ад̇д̇аа. ад̇хибад̇ибажжаяанид̣̇д̣̇зсз хи адтагат̇ааяам̣ (бадтаа. адта. 1.3) вуд̇д̇аа ‘‘гасмаа бана яат̇аа хзд̇убажжаяанид̣̇д̣̇зсз ‘хзд̇уу хзд̇усамбаяуд̇д̇агаана’нд̇и вуд̇д̇ам̣, звамид̇ха ‘ад̇хибад̇ий ад̇хибад̇исамбаяуд̇д̇агаана’нд̇и авад̇ваа ‘чанд̣̇аад̇хибад̇и чанд̣̇асамбаяуд̇д̇агаана’нд̇иаад̣̇инаа наязна д̣̇зсанаа гад̇аад̇и? згагкан̣з абхаавад̇о’’д̇и. сад̇и жа жад̇уннам̣ ад̇хибад̇ийнам̣ сахабхаавз ‘‘арияамаг̇г̇асаман̇г̇исса виймам̣саад̇хибад̇зяяам̣ маг̇г̇ам̣ бхаавзнд̇ассаа’’д̇и висзсанам̣ на гад̇д̇аб̣б̣ам̣ сияаа авиймам̣саад̇хибад̇игасса маг̇г̇асса абхааваа. чанд̣̇аад̣̇ийнам̣ ан̃н̃аман̃н̃аад̇хибад̇игаран̣абхаавз жа ‘‘виймам̣сам̣ табзд̇ваа д̇ам̣самбаяуд̇д̇о’’д̇иаад̣̇инаа чанд̣̇аад̣̇ийнам̣ виймам̣саад̇хибад̇игад̇д̇аважанам̣ на вад̇д̇аб̣б̣ам̣ сияаа. д̇ат̇аа ‘‘жад̇д̇ааро арияамаг̇г̇аа сияаа маг̇г̇аад̇хибад̇ино, сияаа на вад̇д̇аб̣б̣аа маг̇г̇аад̇хибад̇ино’’д̇и (д̇ха. са. 1429) звамаад̣̇ийхиби ад̇хибад̇ийнам̣ сахабхааво бадигкид̇д̇о зваад̇и.
Nanu ca cattāropi adhipatayo ekakkhaṇe labbhanti, aññamaññassa pana adhipatayo na bhavanti ‘‘cattāro iddhipādā na maggādhipatino’’ti vuttattā. Rājaputtopamāpi hi etamatthaṃ dīpetīti? Na, ekakkhaṇe dutiyassa adhipatino abhāvato eva, ‘‘na maggādhipatino’’ti vuttattā rājaputtopamā adhipatiṃ na karontīti imamevatthaṃ dīpeti, na adhipatīnaṃ sahabhāvaṃ. Taṃ kathaṃ jānitabbanti? Paṭikkhittattā. Adhipatipaccayaniddese hi aṭṭhakathāyaṃ (paṭṭhā. aṭṭha. 1.3) vuttā ‘‘kasmā pana yathā hetupaccayaniddese ‘hetū hetusampayuttakāna’nti vuttaṃ, evamidha ‘adhipatī adhipatisampayuttakāna’nti avatvā ‘chandādhipati chandasampayuttakāna’ntiādinā nayena desanā katāti? Ekakkhaṇe abhāvato’’ti. Sati ca catunnaṃ adhipatīnaṃ sahabhāve ‘‘ariyamaggasamaṅgissa vīmaṃsādhipateyyaṃ maggaṃ bhāventassā’’ti visesanaṃ na kattabbaṃ siyā avīmaṃsādhipatikassa maggassa abhāvā. Chandādīnaṃ aññamaññādhipatikaraṇabhāve ca ‘‘vīmaṃsaṃ ṭhapetvā taṃsampayutto’’tiādinā chandādīnaṃ vīmaṃsādhipatikattavacanaṃ na vattabbaṃ siyā. Tathā ‘‘cattāro ariyamaggā siyā maggādhipatino, siyā na vattabbā maggādhipatino’’ti (dha. sa. 1429) evamādīhipi adhipatīnaṃ sahabhāvo paṭikkhitto evāti.
бан̃хабужчагаван̣н̣анаа нидтид̇аа.
Pañhapucchakavaṇṇanā niṭṭhitā.
ид̣̇д̇хибаад̣̇авибхан̇г̇аван̣н̣анаа нидтид̇аа.
Iddhipādavibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 9. ид̣̇д̇хибаад̣̇авибхан̇г̇о • 9. Iddhipādavibhaṅgo
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / саммохавинод̣̇аний-адтагат̇аа • Sammohavinodanī-aṭṭhakathā
1. суд̇д̇анд̇абхааж̇анийяаван̣н̣анаа • 1. Suttantabhājanīyavaṇṇanā
2. абхид̇хаммабхааж̇анийяаван̣н̣анаа • 2. Abhidhammabhājanīyavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-анудийгаа • Vibhaṅga-anuṭīkā / 9. ид̣̇д̇хибаад̣̇авибхан̇г̇о • 9. Iddhipādavibhaṅgo
