| Library / Tipiṭaka / д̇ибидага • Tipiṭaka / вибхан̇г̇а-анудийгаа • Vibhaṅga-anuṭīkā |
9. ид̣̇д̇хибаад̣̇авибхан̇г̇о
9. Iddhipādavibhaṅgo
1. суд̇д̇анд̇абхааж̇анийяаван̣н̣анаа
1. Suttantabhājanīyavaṇṇanā
431. батамо гад̇д̇уад̇т̇о ‘‘иж̇жхад̇ийд̇и ид̣̇д̇хий’’д̇и. д̣̇уд̇ияо гаран̣ад̇т̇о ‘‘иж̇жханд̇и зд̇ааяаа’’д̇и. баж̇ж̇ид̇аб̣б̣аа ид̣̇д̇хи вуд̇д̇аа ‘‘ид̣̇д̇хим̣ баж̇ж̇анд̇и баабун̣анд̇ий’’д̇и гад̇д̇усаад̇ханасса ид̣̇д̇хисад̣̇д̣̇асса гаран̣асаад̇ханзна баад̣̇асад̣̇д̣̇зна самаанаад̇хигаран̣ад̇ааяа асамбхавад̇о, иж̇жханагасса жа ад̇т̇асса гаран̣абхууд̇зна баад̣̇зна баж̇ж̇ид̇аб̣б̣ад̇д̇аа ‘‘ид̣̇д̇хи зва баад̣̇о’’д̇и сад̣̇д̣̇аяож̇анаа на самбхавад̇ийд̇и имамад̇т̇амааха ‘‘на жа…бз… вад̇д̇у’’нд̇и. ид̣̇д̇хигирияаагаран̣знаад̇и иж̇жханагирияааяа гаран̣абхууд̇зна ад̇т̇зна саад̇хзд̇аб̣б̣аа жа ид̣̇д̇хи баж̇ж̇ид̇аб̣б̣аад̇и яож̇анаа. д̣̇виннам̣ гаран̣аананд̇и иж̇жханабаж̇ж̇анагирияаагаран̣аанам̣ ид̣̇д̇хибаад̣̇ад̇т̇аанам̣. на асамаанаад̇хигаран̣ад̇аа самбхавад̇и бадисзд̇хад̣̇ваяам̣ багад̇ияам̣ табзд̇ийд̇и. д̇асмаад̇и яасмаа батамзнад̇т̇зна самаанаад̇хигаран̣асамаасо, д̣̇уд̇иязна саамиважанасамаасо ид̣̇д̇хибаад̣̇асад̣̇д̣̇аанам̣ на яуж̇ж̇ад̇и, д̇асмаа. яат̇аавуд̇д̇аа ваа батамзнад̇т̇зна самаанаад̇хигаран̣асамаасавасзнзва яож̇анаа яуж̇ж̇ад̇и баад̣̇асса баж̇ж̇амаанагодтаасабхаавад̇о. д̣̇уд̇иязнад̇т̇зна ид̇арасамаасзнзва яож̇анаа яуж̇ж̇ад̇и баад̣̇асса иж̇жханагаран̣уубааяабхаавад̇о.
431. Paṭhamokattuattho ‘‘ijjhatīti iddhī’’ti. Dutiyo karaṇattho ‘‘ijjhanti etāyā’’ti. Pajjitabbā iddhi vuttā ‘‘iddhiṃ pajjanti pāpuṇantī’’ti kattusādhanassa iddhisaddassa karaṇasādhanena pādasaddena samānādhikaraṇatāya asambhavato, ijjhanakassa ca atthassa karaṇabhūtena pādena pajjitabbattā ‘‘iddhi eva pādo’’ti saddayojanā na sambhavatīti imamatthamāha ‘‘na ca…pe… vattu’’nti. Iddhikiriyākaraṇenāti ijjhanakiriyāya karaṇabhūtena atthena sādhetabbā ca iddhi pajjitabbāti yojanā. Dvinnaṃ karaṇānanti ijjhanapajjanakiriyākaraṇānaṃ iddhipādatthānaṃ. Na asamānādhikaraṇatā sambhavati paṭisedhadvayaṃ pakatiyaṃ ṭhapetīti. Tasmāti yasmā paṭhamenatthena samānādhikaraṇasamāso, dutiyena sāmivacanasamāso iddhipādasaddānaṃ na yujjati, tasmā. Yathāvuttā vā paṭhamenatthena samānādhikaraṇasamāsavaseneva yojanā yujjati pādassa pajjamānakoṭṭhāsabhāvato. Dutiyenatthena itarasamāseneva yojanā yujjati pādassa ijjhanakaraṇūpāyabhāvato.
гзжийд̇и д̇хаммасирид̇т̇зрам̣ санд̇хааяа вад̣̇ад̇и. д̣̇увид̇хад̇т̇ааяаад̇и ниб̣б̣ад̇д̇иад̇т̇ааяа, вуд̣̇д̇хиад̇т̇ааяа жа. висунд̇и ‘‘ид̣̇д̇хи зва баад̣̇о ид̣̇д̇хибаад̣̇о’’д̇и имасмаа висум̣. самаасаяож̇анаавасзнаад̇и ‘‘ид̣̇д̇хияаа баад̣̇о ид̣̇д̇хибаад̣̇о’’д̇и звам̣ самаасаяож̇анаавасзна. яат̇ааяуд̇д̇од̇и гад̇д̇угаран̣ад̇т̇зсу яо яо яуд̇д̇о. бадилаабхабуб̣б̣абхааг̇аананд̇и висзсаад̇хиг̇амад̇ам̣буб̣б̣абхааг̇аанам̣ яат̇ааггамам̣ гад̇д̇ид̣̇д̇хигаран̣ид̣̇д̇хибхаавам̣ санд̇хааяа вуд̇д̇од̇и яож̇анаа. уд̇д̇аражуул̣абхааж̇анийяз ‘‘чанд̣̇оязва чанд̣̇ид̣̇д̇хибаад̣̇о, жид̇д̇амзва, вийрияамзва, виймам̣саава виймам̣сид̣̇д̇хибаад̣̇о’’д̇и вуд̇д̇ад̇д̇аа ааха ‘‘уд̇д̇аражуул̣абхааж̇анийяз ваа вуд̇д̇зхи чанд̣̇аад̣̇ийхи ид̣̇д̇хибаад̣̇зхий’’д̇иаад̣̇и.
Kecīti dhammasirittheraṃ sandhāya vadati. Duvidhatthāyāti nibbattiatthāya, vuddhiatthāya ca. Visunti ‘‘iddhi eva pādo iddhipādo’’ti imasmā visuṃ. Samāsayojanāvasenāti ‘‘iddhiyā pādo iddhipādo’’ti evaṃ samāsayojanāvasena. Yathāyuttoti kattukaraṇatthesu yo yo yutto. Paṭilābhapubbabhāgānanti visesādhigamataṃpubbabhāgānaṃ yathākkamaṃ kattiddhikaraṇiddhibhāvaṃ sandhāya vuttoti yojanā. Uttaracūḷabhājanīye ‘‘chandoyeva chandiddhipādo, cittameva, vīriyameva, vīmaṃsāva vīmaṃsiddhipādo’’ti vuttattā āha ‘‘uttaracūḷabhājanīye vā vuttehi chandādīhi iddhipādehī’’tiādi.
чанд̣̇ажид̇д̇авиймам̣сид̣̇д̇хибаад̣̇зсу д̇аава яуд̇д̇ам̣ бад̇хаанасан̇каараг̇г̇ахан̣ам̣ абуб̣б̣ад̇д̇аа, вийрияид̣̇д̇хибаад̣̇з бана гат̇анд̇и жод̣̇анам̣ санд̇хааяааха ‘‘вийрияид̣̇д̇хибаад̣̇анид̣̇д̣̇зсз’’д̇иаад̣̇и. яад̣̇и д̣̇взязва саманнааг̇аман̇г̇аани, чанд̣̇аад̣̇аяо гимад̇т̇ияаад̇и ааха ‘‘самаад̇хивисзсанааний’’д̇и. на ид̇ха…бз… вуд̇д̇аа ход̇и ад̇аб̣б̣исзсанад̇д̇аа. яад̣̇иби самаад̇хивисзсанасаманнааг̇аман̇г̇ад̣̇ассанад̇т̇ам̣ д̣̇вигкад̇д̇ум̣ вийрияам̣ ааг̇ад̇анд̇и вуд̇д̇ам̣, д̇ам̣ бана ‘‘вийрияасамаад̇хисаманнааг̇ад̇а’’нд̇и зд̇д̇аавад̇ааби сид̣̇д̇хам̣ ход̇и. звам̣ сид̣̇д̇хз сад̇и буна важанам̣ вийрияанд̇арасаб̣бхаавам̣ ну ко д̣̇ийбзд̇ийд̇и гад̣̇аажи аасан̇гзяяаад̇и д̇ад̣̇аасан̇гаанивад̇д̇анад̇т̇ам̣ ‘‘вийрияан̃жаа’’д̇иаад̣̇имааха. чанд̣̇аад̣̇ийхи висидтод̇и чанд̣̇аад̣̇ийнам̣ ад̇хибад̇ибажжаяад̇аависзсзна висидто. д̇знзва хи чанд̣̇аад̣̇имукзнзва ид̣̇д̇хибаад̣̇аа д̣̇зсид̇аа. д̇ат̇аа жа вуд̇д̇ам̣ ‘‘чанд̣̇ам̣ жз бхигку ад̇хибад̇им̣ гарид̇ваа лабхад̇и самаад̇хи’’нд̇иаад̣̇и. д̇ам̣д̇ам̣авассаяанавасзнаад̇и д̇асса д̇асса чанд̣̇асса самаад̇хино авассаяад̇аавасзна, бажжаяависзсад̇ааяаад̇и ад̇т̇о. убааяад̇т̇зна…бз… вуд̇д̇аа ход̇и ад̇хиг̇амуубааяад̇ааби ниссаяабхаавоязваад̇и. ‘‘д̇знзваа’’д̇иаад̣̇инаа яат̇аавуд̇д̇ам̣ чанд̣̇аад̣̇ийнам̣ ид̣̇д̇хибаад̣̇ад̇ам̣ баал̣ияааязва вибхаавзд̇и. д̇ад̇т̇а д̇знзваад̇и чанд̣̇аад̣̇ийнам̣язва убааяад̇т̇абхаавзнзва ид̣̇д̇хибаад̣̇абхаавасса ад̇хиббзд̇ад̇д̇аа. убааяид̣̇д̇хибаад̣̇ад̣̇ассанад̇т̇амзваад̇и чанд̣̇аад̣̇игз д̇хурз ж̇здтагз буб̣б̣ан̇г̇амз гад̇ваа ниб̣б̣ад̇д̇ид̇асамаад̇хи чанд̣̇аад̣̇ийнам̣ ид̣̇д̇хияаа ад̇хиг̇амуубааяад̇аад̣̇ассанам̣ убааяид̣̇д̇хибаад̣̇ад̣̇ассанам̣, д̇ад̣̇ад̇т̇амзва ‘‘д̇ат̇аабхууд̇асса взд̣̇анаагканд̇хо…бз… вин̃н̃аан̣агканд̇хо’’д̇и д̇ад̇т̇а д̇ад̇т̇а баал̣ияам̣ ниссаяид̣̇д̇хибаад̣̇ад̣̇ассанам̣ гад̇ам̣ чанд̣̇аад̣̇ивисидтаанам̣язва взд̣̇анаагканд̇хаад̣̇ийнам̣ ад̇хиббзд̇ад̇д̇аа. зван̃жзд̇ам̣ самбадижчид̇аб̣б̣ам̣. ан̃н̃ат̇аа гзвалам̣ ид̣̇д̇хисамбаяуд̇д̇аанам̣язва канд̇хаанам̣ васзна ид̣̇д̇хибаад̣̇абхаавз г̇аяхамаанз жад̇уб̣б̣ид̇хад̇аа на ход̇и висзсагааран̣аабхаавад̇од̇и ад̇хиббааяо.
Chandacittavīmaṃsiddhipādesu tāva yuttaṃ padhānasaṅkhāraggahaṇaṃ apubbattā, vīriyiddhipāde pana kathanti codanaṃ sandhāyāha ‘‘vīriyiddhipādaniddese’’tiādi. Yadi dveyeva samannāgamaṅgāni, chandādayo kimatthiyāti āha ‘‘samādhivisesanānī’’ti. Na idha…pe… vuttā hoti atabbisesanattā. Yadipi samādhivisesanasamannāgamaṅgadassanatthaṃ dvikkhattuṃ vīriyaṃ āgatanti vuttaṃ, taṃ pana ‘‘vīriyasamādhisamannāgata’’nti ettāvatāpi siddhaṃ hoti. Evaṃ siddhe sati puna vacanaṃ vīriyantarasabbhāvaṃ nu kho dīpetīti kadāci āsaṅkeyyāti tadāsaṅkānivattanatthaṃ ‘‘vīriyañcā’’tiādimāha. Chandādīhi visiṭṭhoti chandādīnaṃ adhipatipaccayatāvisesena visiṭṭho. Teneva hi chandādimukheneva iddhipādā desitā. Tathā ca vuttaṃ ‘‘chandaṃ ce bhikkhu adhipatiṃ karitvā labhati samādhi’’ntiādi. Taṃtaṃavassayanavasenāti tassa tassa chandassa samādhino avassayatāvasena, paccayavisesatāyāti attho. Upāyatthena…pe… vuttā hoti adhigamūpāyatāpi nissayabhāvoyevāti. ‘‘Tenevā’’tiādinā yathāvuttaṃ chandādīnaṃ iddhipādataṃ pāḷiyāyeva vibhāveti. Tattha tenevāti chandādīnaṃyeva upāyatthabhāveneva iddhipādabhāvassa adhippetattā. Upāyiddhipādadassanatthamevāti chandādike dhure jeṭṭhake pubbaṅgame katvā nibbattitasamādhi chandādīnaṃ iddhiyā adhigamūpāyatādassanaṃ upāyiddhipādadassanaṃ, tadatthameva ‘‘tathābhūtassa vedanākkhandho…pe… viññāṇakkhandho’’ti tattha tattha pāḷiyaṃ nissayiddhipādadassanaṃ kataṃ chandādivisiṭṭhānaṃyeva vedanākkhandhādīnaṃ adhippetattā. Evañcetaṃ sampaṭicchitabbaṃ. Aññathā kevalaṃ iddhisampayuttānaṃyeva khandhānaṃ vasena iddhipādabhāve gayhamāne catubbidhatā na hoti visesakāraṇābhāvatoti adhippāyo.
433. д̇осанам̣ сад̇т̇у аараад̇ханам̣, сигкааяа ваа. т̇аамабхаавад̇од̇и т̇ирабхаавад̇о. гулаабад̣̇зсз ж̇аад̇имаа буриссаро ход̇ийд̇и ‘‘буб̣б̣ан̇г̇амад̇д̇аа жид̇д̇асса висидтаж̇аад̇исад̣̇исад̇аа’’д̇и вуд̇д̇ам̣. вижааран̣аабан̃н̃аахзд̇угад̇д̇аа манд̇асса виймам̣саасад̣̇исад̇аа сувин̃н̃зяяааваад̇и на уд̣̇д̇хадаа.
433. Tosanaṃ satthu ārādhanaṃ, sikkhāya vā. Thāmabhāvatoti thirabhāvato. Kulāpadese jātimā purissaro hotīti ‘‘pubbaṅgamattā cittassa visiṭṭhajātisadisatā’’ti vuttaṃ. Vicāraṇāpaññāhetukattā mantassa vīmaṃsāsadisatā suviññeyyāvāti na uddhaṭā.
чанд̣̇аад̣̇игзд̇и чанд̣̇асамаад̇хибад̇хаанасан̇каараа, вийрияажид̇д̇авиймам̣саасамаад̇хибад̇хаанасан̇каараад̇и имз д̇аяо д̇аяо д̇хаммз. абхзд̣̇ад̇о бхзд̣̇ам̣ агад̇ваа абхинд̣̇ид̇ваа ид̣̇д̇хибхаавасааман̃н̃зна, ид̣̇д̇хибаад̣̇абхаавасааман̃н̃зна жа сан̇г̇ан̣хид̇ваа. д̇знааха ‘‘самбин̣д̣зд̇ваа’’д̇и. бхзд̣̇анам̣ ваа самбхзд̣̇анам̣ миссийгаран̣анд̇и ааха ‘‘амиссзд̇ваа’’д̇и. д̇ат̇аа хи ‘‘сзсаа бана самбаяуд̇д̇агаа жад̇д̇ааро канд̇хаа ид̣̇д̇хибаад̣̇ааязваа’’д̇и (вибха. адта. 433) ид̣̇д̇хиид̣̇д̇хибаад̣̇з амиссзд̇вааби гат̇ид̇ам̣. висзсзнаад̇и бхзд̣̇зна жад̇уусу ид̣̇д̇хибаад̣̇зсу асаммиссабхаавзна аавзн̣игад̇д̇аа. аавзн̣игаа хи чанд̣̇аад̣̇аяо д̇асса д̇асса ид̣̇д̇хибаад̣̇асса. ависзсзнаад̇и абхзд̣̇зна, жад̇урид̣̇д̇хибаад̣̇асаад̇хааран̣абхаавзнаад̇и ад̇т̇о.
Chandādiketi chandasamādhipadhānasaṅkhārā, vīriyacittavīmaṃsāsamādhipadhānasaṅkhārāti ime tayo tayo dhamme. Abhedato bhedaṃ akatvā abhinditvā iddhibhāvasāmaññena, iddhipādabhāvasāmaññena ca saṅgaṇhitvā. Tenāha ‘‘sampiṇḍetvā’’ti. Bhedanaṃ vā sambhedanaṃ missīkaraṇanti āha ‘‘amissetvā’’ti. Tathā hi ‘‘sesā pana sampayuttakā cattāro khandhā iddhipādāyevā’’ti (vibha. aṭṭha. 433) iddhiiddhipāde amissetvāpi kathitaṃ. Visesenāti bhedena catūsu iddhipādesu asammissabhāvena āveṇikattā. Āveṇikā hi chandādayo tassa tassa iddhipādassa. Avisesenāti abhedena, caturiddhipādasādhāraṇabhāvenāti attho.
чанд̣̇ид̣̇д̇хибаад̣̇асамаад̇хид̣̇д̇хибаад̣̇аад̣̇аяод̇и аад̣̇и-сад̣̇д̣̇зна бад̇хаанасан̇каарам̣, вийрияажид̇д̇авиймам̣саа жа сан̇г̇ан̣хаад̇и. баад̣̇од̇и д̇зхи самбаяуд̇д̇ам̣ жад̇угканд̇хамааха. ‘‘чанд̣̇ид̣̇д̇хибаад̣̇з бависанд̇ий’’д̇иаад̣̇инаа висидтзсвзва бавзсам̣ авад̇ваа. жад̇уусууд̇и чанд̣̇о, самаад̇хи, бад̇хаанасан̇каараа, д̇ам̣самбаяуд̇д̇аа канд̇хаад̇и звам̣ жад̇уусу. чанд̣̇ахзд̇уго, чанд̣̇аад̇хиго ваа самаад̇хи ад̇хиббзд̇од̇и ааха ‘‘чанд̣̇авад̇о го самаад̇хи на иж̇жхиссад̇ий’’д̇и. ид̇ийд̇и звам̣ анзна багаарзна, яам̣ самаад̇хибхааванаамукам̣. самаад̇хибхааванаануяог̇зна бхаавид̇аа канд̇хаа самаад̇хибхаавид̇аа.
Chandiddhipādasamādhiddhipādādayoti ādi-saddena padhānasaṅkhāraṃ, vīriyacittavīmaṃsā ca saṅgaṇhāti. Pādoti tehi sampayuttaṃ catukkhandhamāha. ‘‘Chandiddhipāde pavisantī’’tiādinā visiṭṭhesveva pavesaṃ avatvā. Catūsūti chando, samādhi, padhānasaṅkhārā, taṃsampayuttā khandhāti evaṃ catūsu. Chandahetuko, chandādhiko vā samādhi adhippetoti āha ‘‘chandavato ko samādhi na ijjhissatī’’ti. Itīti evaṃ anena pakārena, yaṃ samādhibhāvanāmukhaṃ. Samādhibhāvanānuyogena bhāvitā khandhā samādhibhāvitā.
‘‘яз хий’’д̇иаад̣̇инаа ‘‘абхинавам̣ над̇т̇ий’’д̇и сан̇кзбад̇о вуд̇д̇ам̣ виварад̇и. д̇ин̣н̣анд̇и чанд̣̇асамаад̇хибад̇хаанасан̇каараанам̣. ид̣̇анд̇и ‘‘имз хи д̇аяо’’д̇иаад̣̇иважанам̣. буримассаад̇и ‘‘чанд̣̇о самаад̇хий’’д̇иаад̣̇иважанасса. гааран̣абхаавзнаад̇и саад̇ханабхаавзна. д̇знаад̇и ‘‘имз хи д̇аяо д̇хаммаа’’д̇иаад̣̇иважанзна. яасмаа чанд̣̇аад̣̇аяо д̇аяо д̇хаммаа ан̃н̃аман̃н̃ам̣, самбаяуд̇д̇агаанан̃жа ниссаяабхаавзна бавад̇д̇анд̇и, д̇асмаа д̇зсамби ид̣̇д̇хибаад̣̇абхааво вуд̇д̇о. со бана ниссаяабхааво самбаяог̇аавинаабхаавийд̇и ааха ‘‘д̇ад̣̇анд̇ог̇ад̇хад̇д̇аа’’д̇и, самбаяуд̇д̇аганд̇ог̇ад̇хад̇д̇аад̇и ад̇т̇о. чанд̣̇аад̣̇ийнам̣ вияа самбаяуд̇д̇агканд̇хаанам̣ сабхаавад̇о ид̣̇д̇хибхааво над̇т̇ийд̇и ааха ‘‘ид̣̇д̇хибхаавабарияааяо ад̇т̇ий’’д̇и. д̇зна вуд̇д̇ам̣ ‘‘сзсаа самбаяуд̇д̇агаа…бз… на ад̇д̇ано сабхаавзнаа’’д̇и. згад̣̇зсассаад̇и чанд̣̇аад̣̇ийнам̣. жад̇уннамби канд̇хаанам̣, чанд̣̇аад̣̇ийнам̣ ваа жад̇уннам̣. бунабийд̇и ‘‘самбаяуд̇д̇агаа банаа’’д̇иаад̣̇им̣ санд̇хааяааха. иминаа жад̇угканд̇хад̇ад̣̇згад̣̇зсаанам̣ ид̣̇д̇хибхаавад̣̇ийбанзна.
‘‘Ye hī’’tiādinā ‘‘abhinavaṃ natthī’’ti saṅkhepato vuttaṃ vivarati. Tiṇṇanti chandasamādhipadhānasaṅkhārānaṃ. Idanti ‘‘ime hi tayo’’tiādivacanaṃ. Purimassāti ‘‘chando samādhī’’tiādivacanassa. Kāraṇabhāvenāti sādhanabhāvena. Tenāti ‘‘ime hi tayo dhammā’’tiādivacanena. Yasmā chandādayo tayo dhammā aññamaññaṃ, sampayuttakānañca nissayabhāvena pavattanti, tasmā tesampi iddhipādabhāvo vutto. So pana nissayabhāvo sampayogāvinābhāvīti āha ‘‘tadantogadhattā’’ti, sampayuttakantogadhattāti attho. Chandādīnaṃ viya sampayuttakkhandhānaṃ sabhāvato iddhibhāvo natthīti āha ‘‘iddhibhāvapariyāyo atthī’’ti. Tena vuttaṃ ‘‘sesā sampayuttakā…pe… na attano sabhāvenā’’ti. Ekadesassāti chandādīnaṃ. Catunnampi khandhānaṃ, chandādīnaṃ vā catunnaṃ. Punapīti ‘‘sampayuttakā panā’’tiādiṃ sandhāyāha. Iminā catukkhandhatadekadesānaṃ iddhibhāvadīpanena.
буб̣б̣з вуд̇д̇ад̇о важанаггамзна ан̃н̃анд̇и ааха ‘‘абуб̣б̣анд̇и гад̇ваа’’д̇и. гзнадтзна ид̣̇д̇хи бадилаабхо, гзнадтзна баад̣̇о буб̣б̣абхааг̇од̇и яат̇ааггамам̣ яож̇анаа. яад̣̇и бад̇идтаанадтзна баад̣̇о, ниссаяид̣̇д̇хибаад̣̇оязва вуд̇д̇о сияаа, на убааяид̣̇д̇хибаад̣̇од̇и ааха ‘‘убааяо жаа’’д̇иаад̣̇и. саб̣б̣ад̇т̇аад̇и суд̇д̇анд̇абхааж̇анийяз, абхид̇хаммабхааж̇анийяз жа. д̇знааха ‘‘суд̇д̇анд̇абхааж̇анийяз хий’’д̇иаад̣̇и. самаад̇хивисзсанабхаавзнаад̇и ‘‘чанд̣̇аад̇хибад̇и, чанд̣̇ахзд̇уго, чанд̣̇аад̇хиго ваа самаад̇хи чанд̣̇асамаад̇хий’’д̇иаад̣̇инаа самаад̇хисса висзсанабхаавзна . ‘‘самаад̇хисзванавасзнаа’’д̇и жа баато. д̇ад̇т̇а самаад̇хисзванавасзнаад̇и чанд̣̇аад̇хигз ад̇хибад̇им̣ гарид̇ваа самаад̇хисса аасзванавасзна. убааяабхууд̇аананд̇и ‘‘чанд̣̇авад̇о жз самаад̇хи иж̇жхад̇и, маяхзва иж̇жхад̇ий’’д̇и самаад̇хиаасзванааяа убааяабхууд̇аанам̣.
Pubbe vuttato vacanakkamena aññanti āha ‘‘apubbanti katvā’’ti. Kenaṭṭhena iddhi paṭilābho, kenaṭṭhena pādo pubbabhāgoti yathākkamaṃ yojanā. Yadi patiṭṭhānaṭṭhena pādo, nissayiddhipādoyeva vutto siyā, na upāyiddhipādoti āha ‘‘upāyo cā’’tiādi. Sabbatthāti suttantabhājanīye, abhidhammabhājanīye ca. Tenāha ‘‘suttantabhājanīye hī’’tiādi. Samādhivisesanabhāvenāti ‘‘chandādhipati, chandahetuko, chandādhiko vā samādhi chandasamādhī’’tiādinā samādhissa visesanabhāvena . ‘‘Samādhisevanavasenā’’ti ca pāṭho. Tattha samādhisevanavasenāti chandādhike adhipatiṃ karitvā samādhissa āsevanavasena. Upāyabhūtānanti ‘‘chandavato ce samādhi ijjhati, mayheva ijjhatī’’ti samādhiāsevanāya upāyabhūtānaṃ.
суд̇д̇анд̇абхааж̇анийяаван̣н̣анаа нидтид̇аа.
Suttantabhājanīyavaṇṇanā niṭṭhitā.
2. абхид̇хаммабхааж̇анийяаван̣н̣анаа
2. Abhidhammabhājanīyavaṇṇanā
444. саад̇хибад̇иваараани адтасад̇аани, д̇зсу бажжзгам̣ жад̇д̇ааро ид̣̇д̇хибаад̣̇аа на самбхаванд̇ийд̇и ааха ‘‘саад̇хибад̇иваараанам̣ барибун̣н̣аанам̣ абхааваа’’д̇и. д̇ад̇т̇а гааран̣амааха ‘‘на хи ад̇хибад̇ийнам̣ ад̇хибад̇аяо виж̇ж̇анд̇ий’’д̇и. яад̣̇и хи ад̇хибад̇ий сияум̣ саад̇хибад̇ийд̇и ид̣̇д̇хибаад̣̇абхзд̣̇зна д̣̇вад̇д̇им̣са наяасад̇аани, суд̣̇д̇хигаани адтаад̇и жад̇д̇аари наяасахассаани бхавзяяум̣, д̇ам̣ бана над̇т̇ийд̇и ад̇хиббааяо. яад̇д̇агаа бана наяаа ид̇ха лаб̣бханд̇и, д̇ам̣ д̣̇ассзд̇ум̣ ‘‘згзгасмим̣ банаа’’д̇иаад̣̇и вуд̇д̇ам̣. суд̣̇д̇хигаани адта наяасад̇аани саад̇хибад̇игааниби адтзваад̇и жад̇уннам̣ маг̇г̇аанам̣ васзна сол̣аса наяасад̇аани.
444. Sādhipativārāni aṭṭhasatāni, tesu paccekaṃ cattāro iddhipādā na sambhavantīti āha ‘‘sādhipativārānaṃ paripuṇṇānaṃ abhāvā’’ti. Tattha kāraṇamāha ‘‘na hi adhipatīnaṃ adhipatayo vijjantī’’ti. Yadi hi adhipatī siyuṃ sādhipatīti iddhipādabhedena dvattiṃsa nayasatāni, suddhikāni aṭṭhāti cattāri nayasahassāni bhaveyyuṃ, taṃ pana natthīti adhippāyo. Yattakā pana nayā idha labbhanti, taṃ dassetuṃ ‘‘ekekasmiṃ panā’’tiādi vuttaṃ. Suddhikāni aṭṭha nayasatāni sādhipatikānipi aṭṭhevāti catunnaṃ maggānaṃ vasena soḷasa nayasatāni.
абхид̇хаммабхааж̇анийяаван̣н̣анаа нидтид̇аа.
Abhidhammabhājanīyavaṇṇanā niṭṭhitā.
3. бан̃хабужчагаван̣н̣анаа
3. Pañhapucchakavaṇṇanā
саяам̣ ж̇здтагабхаавзна бавад̇д̇анад̇о жад̇д̇ааро ад̇хибад̇аяо ан̃н̃аман̃н̃ам̣ г̇арум̣ на гаронд̇и. д̇асмаа ‘‘жад̇д̇ааро ид̣̇д̇хибаад̣̇аа на маг̇г̇аад̇хибад̇ино’’д̇и вуд̇д̇аа. д̇знааха ‘‘ан̃н̃аман̃н̃асса бана ад̇хибад̇аяо на бхаванд̇ий’’д̇и. зд̇амад̇т̇анд̇и ‘‘ад̇хибад̇аяо ан̃н̃аман̃н̃асса ад̇хибад̇ий на бхаванд̇ий’’д̇и зд̇амад̇т̇ам̣. ад̇хибад̇инод̇и ад̇хибад̇и бхавид̇ум̣ самад̇т̇асса. ад̇хибад̇им̣ на гаронд̇ийд̇и ад̇хибад̇им̣ гад̇ваа г̇арум̣ гад̇ваа наббавад̇д̇анд̇и. ад̇хибад̇ийнам̣ сахабхаавзд̇и ад̇хибад̇игижжагаран̣зна сахабавад̇д̇ияам̣. ‘‘авиймам̣саад̇хибад̇игасса маг̇г̇асса абхааваа’’д̇и ид̣̇ам̣ ‘‘ад̇хибад̇ид̇аасамад̇т̇аа д̇хаммаа ад̇хибад̇ибхаавзнзва бавад̇д̇зяяу’’нд̇и д̣̇осааробанавасзнааха, на яат̇аад̇хиг̇ад̇авасзна. ад̇хибад̇ид̇хаммаанан̃хи буб̣б̣аабхисан̇каарз сад̇и ад̇хибад̇ибхаавзна бавад̇д̇и, на ан̃н̃ат̇аад̇и сахабхаавзби д̇ад̣̇абхаавам̣ санд̇хааяа висзсанам̣ на гад̇д̇аб̣б̣ам̣ сияаад̇и саггаа вад̇д̇ум̣. ан̃н̃аман̃н̃аад̇хибад̇игаран̣абхаавзд̇и ан̃н̃аман̃н̃ам̣ ад̇хибад̇им̣ гад̇ваа бавад̇д̇ияам̣. виймам̣саад̇хибад̇игад̇д̇аважананд̇и виймам̣саад̇хибад̇игабхаавасса важанам̣. на вад̇д̇аб̣б̣ам̣ сияаа саб̣б̣зсамби ад̇хибад̇ийнам̣ саад̇хибад̇игад̇д̇аад̇и ад̇хиббааяо. сахабхааво бадигкид̇д̇о зва саад̇хибад̇ибхаавасса анзгам̣сигад̇ааважанад̇о.
Sayaṃ jeṭṭhakabhāvena pavattanato cattāro adhipatayo aññamaññaṃ garuṃ na karonti. Tasmā ‘‘cattāro iddhipādā na maggādhipatino’’ti vuttā. Tenāha ‘‘aññamaññassa pana adhipatayo na bhavantī’’ti. Etamatthanti ‘‘adhipatayo aññamaññassa adhipatī na bhavantī’’ti etamatthaṃ. Adhipatinoti adhipati bhavituṃ samatthassa. Adhipatiṃ na karontīti adhipatiṃ katvā garuṃ katvā nappavattanti. Adhipatīnaṃ sahabhāveti adhipatikiccakaraṇena sahapavattiyaṃ. ‘‘Avīmaṃsādhipatikassa maggassa abhāvā’’ti idaṃ ‘‘adhipatitāsamatthā dhammā adhipatibhāveneva pavatteyyu’’nti dosāropanavasenāha, na yathādhigatavasena. Adhipatidhammānañhi pubbābhisaṅkhāre sati adhipatibhāvena pavatti, na aññathāti sahabhāvepi tadabhāvaṃ sandhāya visesanaṃ na kattabbaṃ siyāti sakkā vattuṃ. Aññamaññādhipatikaraṇabhāveti aññamaññaṃ adhipatiṃ katvā pavattiyaṃ. Vīmaṃsādhipatikattavacananti vīmaṃsādhipatikabhāvassa vacanaṃ. Na vattabbaṃ siyā sabbesampi adhipatīnaṃ sādhipatikattāti adhippāyo. Sahabhāvo paṭikkhitto eva sādhipatibhāvassa anekaṃsikatāvacanato.
бан̃хабужчагаван̣н̣анаа нидтид̇аа.
Pañhapucchakavaṇṇanā niṭṭhitā.
ид̣̇д̇хибаад̣̇авибхан̇г̇аван̣н̣анаа нидтид̇аа.
Iddhipādavibhaṅgavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / вибхан̇г̇абаал̣и • Vibhaṅgapāḷi / 9. ид̣̇д̇хибаад̣̇авибхан̇г̇о • 9. Iddhipādavibhaṅgo
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / саммохавинод̣̇аний-адтагат̇аа • Sammohavinodanī-aṭṭhakathā
1. суд̇д̇анд̇абхааж̇анийяаван̣н̣анаа • 1. Suttantabhājanīyavaṇṇanā
2. абхид̇хаммабхааж̇анийяаван̣н̣анаа • 2. Abhidhammabhājanīyavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / вибхан̇г̇а-мууладийгаа • Vibhaṅga-mūlaṭīkā / 9. ид̣̇д̇хибаад̣̇авибхан̇г̇о • 9. Iddhipādavibhaṅgo
