| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৫. ইদ্ধিপদেসসুত্তং
5. Iddhipadesasuttaṃ
৮১৭. ‘‘যে হি কেচি, ভিক্খৰে, অতীতমদ্ধানং সমণা ৰা ব্রাহ্মণা ৰা ইদ্ধিপদেসং অভিনিপ্ফাদেসুং সব্বে তে চতুন্নং ইদ্ধিপাদানং ভাৰিতত্তা বহুলীকতত্তা। যে হি কেচি , ভিক্খৰে, অনাগতমদ্ধানং সমণা ৰা ব্রাহ্মণা ৰা ইদ্ধিপদেসং অভিনিপ্ফাদেস্সন্তি সব্বে তে চতুন্নং ইদ্ধিপাদানং ভাৰিতত্তা বহুলীকতত্তা। যে হি কেচি, ভিক্খৰে, এতরহি সমণা ৰা ব্রাহ্মণা ৰা ইদ্ধিপদেসং অভিনিপ্ফাদেন্তি সব্বে তে চতুন্নং ইদ্ধিপাদানং ভাৰিতত্তা বহুলীকতত্তা।
817. ‘‘Ye hi keci, bhikkhave, atītamaddhānaṃ samaṇā vā brāhmaṇā vā iddhipadesaṃ abhinipphādesuṃ sabbe te catunnaṃ iddhipādānaṃ bhāvitattā bahulīkatattā. Ye hi keci , bhikkhave, anāgatamaddhānaṃ samaṇā vā brāhmaṇā vā iddhipadesaṃ abhinipphādessanti sabbe te catunnaṃ iddhipādānaṃ bhāvitattā bahulīkatattā. Ye hi keci, bhikkhave, etarahi samaṇā vā brāhmaṇā vā iddhipadesaṃ abhinipphādenti sabbe te catunnaṃ iddhipādānaṃ bhāvitattā bahulīkatattā.
‘‘কতমেসং চতুন্নং? ইধ, ভিক্খৰে, ভিক্খু ছন্দসমাধিপ্পধানসঙ্খারসমন্নাগতং ইদ্ধিপাদং ভাৰেতি, ৰীরিযসমাধি…পে॰… চিত্তসমাধি…পে॰… ৰীমংসাসমাধিপ্পধানসঙ্খারসমন্নাগতং ইদ্ধিপাদং ভাৰেতি। যে হি কেচি, ভিক্খৰে, অতীতমদ্ধানং সমণা ৰা ব্রাহ্মণা ৰা ইদ্ধিপদেসং অভিনিপ্ফাদেসুং, সব্বে তে ইমেসংযেৰ চতুন্নং ইদ্ধিপাদানং ভাৰিতত্তা বহুলীকতত্তা। যে হি কেচি, ভিক্খৰে, অনাগতমদ্ধানং সমণা ৰা ব্রাহ্মণা ৰা ইদ্ধিপদেসং অভিনিপ্ফাদেস্সন্তি, সব্বে তে ইমেসংযেৰ চতুন্নং ইদ্ধিপাদানং ভাৰিতত্তা বহুলীকতত্তা। যে হি কেচি, ভিক্খৰে, এতরহি সমণা ৰা ব্রাহ্মণা ৰা ইদ্ধিপদেসং অভিনিপ্ফাদেন্তি, সব্বে তে ইমেসংযেৰ চতুন্নং ইদ্ধিপাদানং ভাৰিতত্তা বহুলীকতত্তা’’তি। পঞ্চমং।
‘‘Katamesaṃ catunnaṃ? Idha, bhikkhave, bhikkhu chandasamādhippadhānasaṅkhārasamannāgataṃ iddhipādaṃ bhāveti, vīriyasamādhi…pe… cittasamādhi…pe… vīmaṃsāsamādhippadhānasaṅkhārasamannāgataṃ iddhipādaṃ bhāveti. Ye hi keci, bhikkhave, atītamaddhānaṃ samaṇā vā brāhmaṇā vā iddhipadesaṃ abhinipphādesuṃ, sabbe te imesaṃyeva catunnaṃ iddhipādānaṃ bhāvitattā bahulīkatattā. Ye hi keci, bhikkhave, anāgatamaddhānaṃ samaṇā vā brāhmaṇā vā iddhipadesaṃ abhinipphādessanti, sabbe te imesaṃyeva catunnaṃ iddhipādānaṃ bhāvitattā bahulīkatattā. Ye hi keci, bhikkhave, etarahi samaṇā vā brāhmaṇā vā iddhipadesaṃ abhinipphādenti, sabbe te imesaṃyeva catunnaṃ iddhipādānaṃ bhāvitattā bahulīkatattā’’ti. Pañcamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৫. ইদ্ধিপদেসসুত্তৰণ্ণনা • 5. Iddhipadesasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৫. ইদ্ধিপদেসসুত্তৰণ্ণনা • 5. Iddhipadesasuttavaṇṇanā
