| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
९-१०. इधलोकिकसुत्तद्वयवण्णना
9-10. Idhalokikasuttadvayavaṇṇanā
४९-५०. नवमे अयं’स लोको आरद्धो होतीति अयमस्स लोको इधलोके करणमत्ताय आरद्धत्ता परिपुण्णत्ता आरद्धो होति परिपुण्णो। सोळसाकारसम्पन्नाति सुत्ते वुत्तेहि अट्ठहि, गाथासु अट्ठहीति सोळसहि आकारेहि समन्नागता, यानि वा अट्ठङ्गानि परम्पि तेसु समादपेतीति एवम्पि सोळसाकारसम्पन्नाति एके। सद्धासीलपञ्ञा पनेत्थ मिस्सिका कथिता। दसमं भिक्खुसङ्घस्स कथितं। सब्बसुत्तेसु पन यं न वुत्तं, तं हेट्ठा आगतनयत्ता उत्तानत्थमेवाति।
49-50. Navame ayaṃ’sa loko āraddho hotīti ayamassa loko idhaloke karaṇamattāya āraddhattā paripuṇṇattā āraddho hoti paripuṇṇo. Soḷasākārasampannāti sutte vuttehi aṭṭhahi, gāthāsu aṭṭhahīti soḷasahi ākārehi samannāgatā, yāni vā aṭṭhaṅgāni parampi tesu samādapetīti evampi soḷasākārasampannāti eke. Saddhāsīlapaññā panettha missikā kathitā. Dasamaṃ bhikkhusaṅghassa kathitaṃ. Sabbasuttesu pana yaṃ na vuttaṃ, taṃ heṭṭhā āgatanayattā uttānatthamevāti.
उपोसथवग्गो पञ्चमो।
Uposathavaggo pañcamo.
पठमपण्णासकं निट्ठितं।
Paṭhamapaṇṇāsakaṃ niṭṭhitaṃ.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya
९. पठमइधलोकिकसुत्तं • 9. Paṭhamaidhalokikasuttaṃ
१०. दुतियइधलोकिकसुत्तं • 10. Dutiyaidhalokikasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ९-१०. पठमइधलोकिकसुत्तादिवण्णना • 9-10. Paṭhamaidhalokikasuttādivaṇṇanā
