| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
имасмим̣ д̇хаммавинаяз адтажчарияагат̇ааван̣н̣анаа
Imasmiṃ dhammavinaye aṭṭhacchariyakathāvaṇṇanā
385. звамзва код̇и гин̃жааби сад̇т̇аа имасмим̣ д̇хаммавинаяз сол̣асаби б̣аад̇д̇им̣саби д̇ад̇о бхияяоби ажчарияаб̣бхуд̇ад̇хаммз вибхаж̇ид̇ваа д̣̇ассзд̇ум̣ саггод̇и, убамаабхаавзна бана г̇ахид̇аанам̣ адтаннам̣ ануруубавасзна адтзва д̇з убамзд̇аб̣б̣ад̇хаммз вибхаж̇ид̇ваа д̣̇ассанд̇о ‘‘звамзва ко, бхигкавз, имасмим̣ д̇хаммавинаяз адта ажчарияаа аб̣бхуд̇аа д̇хаммаа’’д̇и ааха. д̇ад̇т̇а анубуб̣б̣асигкааяа д̇иссо сигкаа г̇ахид̇аа, анубуб̣б̣агирияааяа д̇зраса д̇худ̇ад̇хаммаа, анубуб̣б̣абадибад̣̇ааяа сад̇д̇а анубассанаа адтаараса махаавибассанаа адтад̇им̣са аарамман̣авибхад̇д̇ияо сад̇д̇ад̇им̣са б̣од̇хибагкияад̇хаммаа жа г̇ахид̇аа. на ааяад̇агзнзва ан̃н̃аабадивзд̇ход̇и ман̣д̣уугасса уббад̇ид̇ваа г̇аманам̣ вияа аад̣̇ид̇ова сийлабууран̣аад̣̇ийни агад̇ваа арахад̇д̇абадивзд̇хо наама над̇т̇и, бадибаадияаа бана сийласамаад̇хибан̃н̃ааяо буурзд̇ваава арахад̇д̇аббад̇д̇ийд̇и ад̇т̇о.
385.Evamevakhoti kiñcāpi satthā imasmiṃ dhammavinaye soḷasapi bāttiṃsapi tato bhiyyopi acchariyabbhutadhamme vibhajitvā dassetuṃ sakkoti, upamābhāvena pana gahitānaṃ aṭṭhannaṃ anurūpavasena aṭṭheva te upametabbadhamme vibhajitvā dassanto ‘‘evameva kho, bhikkhave, imasmiṃ dhammavinaye aṭṭha acchariyā abbhutā dhammā’’ti āha. Tattha anupubbasikkhāya tisso sikkhā gahitā, anupubbakiriyāya terasa dhutadhammā, anupubbapaṭipadāya satta anupassanā aṭṭhārasa mahāvipassanā aṭṭhatiṃsa ārammaṇavibhattiyo sattatiṃsa bodhipakkhiyadhammā ca gahitā. Na āyatakeneva aññāpaṭivedhoti maṇḍūkassa uppatitvā gamanaṃ viya āditova sīlapūraṇādīni akatvā arahattapaṭivedho nāma natthi, paṭipāṭiyā pana sīlasamādhipaññāyo pūretvāva arahattappattīti attho.
мама саавагаад̇и сод̇аабаннаад̣̇игз арияабуг̇г̇алз санд̇хааяа вад̣̇ад̇и. на сам̣васад̇ийд̇и убосат̇агаммаад̣̇ивасзна сам̣ваасам̣ на гарод̇и. угкибад̇ийд̇и абанзд̇и. аарагааваад̇и д̣̇уурз зва. д̇ат̇ааг̇ад̇аббавзд̣̇ид̇зд̇и д̇ат̇ааг̇ад̇зна бхаг̇авад̇аа саавагзсу д̣̇зсид̇з агкаад̇з багаасид̇з. на д̇зна ниб̣б̣аанад̇хаад̇уяаа уунад̇д̇ам̣ ваа буурад̇д̇ам̣ ваад̇и асан̇кязяязби махаагаббз б̣уд̣̇д̇хзсу ануббаж̇ж̇анд̇зсу згасад̇д̇оби бариниб̣б̣аад̇ум̣ на саггод̇и, д̇ад̣̇ааби ‘‘д̇ужчаа ниб̣б̣аанад̇хаад̇уу’’д̇и на саггаа вад̇д̇ум̣, б̣уд̣̇д̇хагаалз бана згзгасмим̣ самааг̇амз асан̇кязяяааби сад̇д̇аа амад̇ам̣ аараад̇хзнд̇и, д̇ад̣̇ааби на саггаа вад̇д̇ум̣ ‘‘буураа ниб̣б̣аанад̇хаад̇уу’’д̇и. вимуд̇д̇ирасод̇и гилзсзхи вимужжанарасо. саб̣б̣аа хи саасанасамбад̇д̇и яаавад̣̇зва анубаад̣̇ааяа аасавзхи жид̇д̇асса вимуд̇д̇ийд̇и ад̇т̇о.
Mamasāvakāti sotāpannādike ariyapuggale sandhāya vadati. Na saṃvasatīti uposathakammādivasena saṃvāsaṃ na karoti. Ukkhipatīti apaneti. Ārakāvāti dūre eva. Tathāgatappavediteti tathāgatena bhagavatā sāvakesu desite akkhāte pakāsite. Na tena nibbānadhātuyā ūnattaṃ vā pūrattaṃ vāti asaṅkhyeyyepi mahākappe buddhesu anuppajjantesu ekasattopi parinibbātuṃ na sakkoti, tadāpi ‘‘tucchā nibbānadhātū’’ti na sakkā vattuṃ, buddhakāle pana ekekasmiṃ samāgame asaṅkhyeyyāpi sattā amataṃ ārādhenti, tadāpi na sakkā vattuṃ ‘‘pūrā nibbānadhātū’’ti. Vimuttirasoti kilesehi vimuccanaraso. Sabbā hi sāsanasampatti yāvadeva anupādāya āsavehi cittassa vimuttīti attho.
рад̇анаанийд̇и рад̇иж̇ананадтзна рад̇анаани. сад̇ибадтаанаад̣̇аяо хи бхаавияамаанаа буб̣б̣абхааг̇зби анзгавид̇хам̣ бийд̇ибаамож̇ж̇ам̣ ниб̣б̣ад̇д̇знд̇и, баг̇зва абарабхааг̇з. вуд̇д̇ан̃хзд̇ам̣ –
Ratanānīti ratijananaṭṭhena ratanāni. Satipaṭṭhānādayo hi bhāviyamānā pubbabhāgepi anekavidhaṃ pītipāmojjaṃ nibbattenti, pageva aparabhāge. Vuttañhetaṃ –
‘‘яад̇о яад̇о саммасад̇и, канд̇хаанам̣ уд̣̇аяаб̣б̣аяам̣;
‘‘Yato yato sammasati, khandhānaṃ udayabbayaṃ;
лабхад̇ий бийд̇ибаамож̇ж̇ам̣, амад̇ам̣ д̇ам̣ виж̇аанад̇а’’нд̇и. (д̇ха. ба. 374);
Labhatī pītipāmojjaṃ, amataṃ taṃ vijānata’’nti. (dha. pa. 374);
логияарад̇ананимид̇д̇ам̣ бана бийд̇ибаамож̇ж̇ам̣ на д̇асса галабхааг̇амби аг̇гхад̇и. абижа –
Lokiyaratananimittaṃ pana pītipāmojjaṃ na tassa kalabhāgampi agghati. Apica –
жид̇д̇ийгад̇ам̣ махаг̇гхан̃жа, ад̇улам̣ д̣̇уллабхад̣̇ассанам̣;
Cittīkataṃ mahagghañca, atulaṃ dullabhadassanaṃ;
аномасад̇д̇абарибхог̇ам̣, рад̇ананд̇и бавужжад̇и. (д̣̇ий. ни. адта. 2.33);
Anomasattaparibhogaṃ, ratananti pavuccati. (dī. ni. aṭṭha. 2.33);
яад̣̇и жа жид̇д̇ийгад̇аад̣̇ибхаавзна рад̇анам̣ наама ход̇и, сад̇ибадтаанаад̣̇ийнан̃н̃зва бхууд̇о рад̇анабхааво. б̣од̇хибагкияад̇хаммаанан̃хи со аанубхааво, яам̣ саавагаа саавагабаарамийн̃аан̣ам̣, бажжзгасамб̣уд̣̇д̇хаа бажжзгаб̣од̇хин̃аан̣ам̣, саммаасамб̣уд̣̇д̇хаа саммаасамб̣од̇хим̣ ад̇хиг̇ажчанд̇и аасаннагааран̣ад̇д̇аа. барамбарагааран̣ан̃хи д̣̇аанаад̣̇иубаниссаяод̇и звам̣ рад̇иж̇ананадтзна жид̇д̇ийгад̇аад̣̇иад̇т̇зна жа рад̇анабхааво б̣од̇хибагкияад̇хаммаанам̣ саад̇исаяо. д̇зна вуд̇д̇ам̣ ‘‘д̇ад̇римаани рад̇анаани, сзяяат̇ид̣̇ам̣ – жад̇д̇ааро сад̇ибадтаанаа’’д̇иаад̣̇и.
Yadi ca cittīkatādibhāvena ratanaṃ nāma hoti, satipaṭṭhānādīnaññeva bhūto ratanabhāvo. Bodhipakkhiyadhammānañhi so ānubhāvo, yaṃ sāvakā sāvakapāramīñāṇaṃ, paccekasambuddhā paccekabodhiñāṇaṃ, sammāsambuddhā sammāsambodhiṃ adhigacchanti āsannakāraṇattā. Paramparakāraṇañhi dānādiupanissayoti evaṃ ratijananaṭṭhena cittīkatādiatthena ca ratanabhāvo bodhipakkhiyadhammānaṃ sātisayo. Tena vuttaṃ ‘‘tatrimāni ratanāni, seyyathidaṃ – cattāro satipaṭṭhānā’’tiādi.
аарамман̣з огганд̣̇ид̇ваа убадтаанадтзна бадтаанам̣, сад̇иязва бадтаанам̣ сад̇ибадтаанам̣. аарамман̣асса бана гааяаад̣̇ивасзна жад̇уб̣б̣ид̇хад̇д̇аа вуд̇д̇ам̣ ‘‘жад̇д̇ааро сад̇ибадтаанаа’’д̇и. д̇ат̇аа хи гааяавзд̣̇анаажид̇д̇ад̇хаммзсу субхасуканижжаад̇д̇асан̃н̃аанам̣ бахаанад̇о асубхад̣̇угкаанижжаанад̇д̇абхааваг̇г̇ахан̣ад̇о жа нзсам̣ гааяаанубассанаад̣̇ибхааво вибхад̇д̇о.
Ārammaṇe okkanditvā upaṭṭhānaṭṭhena paṭṭhānaṃ, satiyeva paṭṭhānaṃ satipaṭṭhānaṃ. Ārammaṇassa pana kāyādivasena catubbidhattā vuttaṃ ‘‘cattāro satipaṭṭhānā’’ti. Tathā hi kāyavedanācittadhammesu subhasukhaniccaattasaññānaṃ pahānato asubhadukkhāniccānattabhāvaggahaṇato ca nesaṃ kāyānupassanādibhāvo vibhatto.
саммаа бад̣̇аханд̇и зд̇зна, саяам̣ ваа саммаа бад̣̇ахад̇и, басад̇т̇ам̣ сунд̣̇арам̣ ваа бад̣̇ахананд̇и саммаббад̇хаанам̣, буг̇г̇аласса ваа саммад̣̇зва бад̇хаанабхаавагаран̣ад̇о саммаббад̇хаанам̣, вийрияассзд̇ам̣ ад̇хиважанам̣. д̇амби ануббаннуббаннаанам̣ агусалаанам̣ ануббаад̣̇анабахаанавасзна ануббаннуббаннаанам̣ гусалаанам̣ уббаад̣̇анатаабанавасзна жа жад̇угижжасаад̇хагад̇д̇аа вуд̇д̇ам̣ ‘‘жад̇д̇ааро саммаббад̇хаанаа’’д̇и.
Sammā padahanti etena, sayaṃ vā sammā padahati, pasatthaṃ sundaraṃ vā padahananti sammappadhānaṃ, puggalassa vā sammadeva padhānabhāvakaraṇato sammappadhānaṃ, vīriyassetaṃ adhivacanaṃ. Tampi anuppannuppannānaṃ akusalānaṃ anuppādanapahānavasena anuppannuppannānaṃ kusalānaṃ uppādanaṭhāpanavasena ca catukiccasādhakattā vuttaṃ ‘‘cattāro sammappadhānā’’ti.
иж̇жхад̇ийд̇и ид̣̇д̇хи, самиж̇жхад̇и нибпаж̇ж̇ад̇ийд̇и ад̇т̇о. иж̇жханд̇и д̇ааяа ваа сад̇д̇аа ид̣̇д̇хаа вуд̣̇д̇хаа уггам̣саг̇ад̇аа хонд̇ийд̇и ид̣̇д̇хи. батамзна ад̇т̇зна ид̣̇д̇хи зва баад̣̇о ид̣̇д̇хибаад̣̇о, ид̣̇д̇хигодтаасод̇и ад̇т̇о. д̣̇уд̇иязна ад̇т̇зна ид̣̇д̇хияаа баад̣̇о бад̇идтаа ад̇хиг̇амубааяод̇и ид̣̇д̇хибаад̣̇о. д̇зна хи убаруубаривисзсасан̇каад̇ам̣ ид̣̇д̇хим̣ баж̇ж̇анд̇и баабун̣анд̇и. свааяам̣ ид̣̇д̇хибаад̣̇о яасмаа чанд̣̇аад̣̇игз жад̇д̇ааро ад̇хибад̇ид̇хаммз д̇хурз ж̇здтагз гад̇ваа ниб̣б̣ад̇д̇ийяад̇и, д̇асмаа вуд̇д̇ам̣ ‘‘жад̇д̇ааро ид̣̇д̇хибаад̣̇о’’д̇и.
Ijjhatīti iddhi, samijjhati nipphajjatīti attho. Ijjhanti tāya vā sattā iddhā vuddhā ukkaṃsagatā hontīti iddhi. Paṭhamena atthena iddhi eva pādo iddhipādo, iddhikoṭṭhāsoti attho. Dutiyena atthena iddhiyā pādo patiṭṭhā adhigamupāyoti iddhipādo. Tena hi uparūparivisesasaṅkhātaṃ iddhiṃ pajjanti pāpuṇanti. Svāyaṃ iddhipādo yasmā chandādike cattāro adhipatidhamme dhure jeṭṭhake katvā nibbattīyati, tasmā vuttaṃ ‘‘cattāro iddhipādo’’ti.
бан̃жинд̣̇рияаанийд̇и сад̣̇д̇хаад̣̇ийни бан̃жа инд̣̇рияаани. д̇ад̇т̇а ассад̣̇д̇хияам̣ абхибхавид̇ваа ад̇химогкалагкан̣з инд̣̇адтам̣ гаарзд̇ийд̇и сад̣̇д̇хаа инд̣̇рияам̣. госаж̇ж̇ам̣ абхибхавид̇ваа баг̇г̇ахалагкан̣з, бамаад̣̇ам̣ абхибхавид̇ваа убадтааналагкан̣з, вигкзбам̣ абхибхавид̇ваа авигкзбалагкан̣з, ан̃н̃аан̣ам̣ абхибхавид̇ваа д̣̇ассаналагкан̣з инд̣̇адтам̣ гаарзд̇ийд̇и бан̃н̃аа инд̣̇рияам̣.
Pañcindriyānīti saddhādīni pañca indriyāni. Tattha assaddhiyaṃ abhibhavitvā adhimokkhalakkhaṇe indaṭṭhaṃ kāretīti saddhā indriyaṃ. Kosajjaṃ abhibhavitvā paggahalakkhaṇe, pamādaṃ abhibhavitvā upaṭṭhānalakkhaṇe, vikkhepaṃ abhibhavitvā avikkhepalakkhaṇe, aññāṇaṃ abhibhavitvā dassanalakkhaṇe indaṭṭhaṃ kāretīti paññā indriyaṃ.
д̇ааниязва ассад̣̇д̇хияаад̣̇ийхи анабхибхаванийяад̇о агамбияадтзна самбаяуд̇д̇ад̇хаммзсу т̇ирабхаавзна жа б̣алаани взд̣̇ид̇аб̣б̣аани.
Tāniyeva assaddhiyādīhi anabhibhavanīyato akampiyaṭṭhena sampayuttadhammesu thirabhāvena ca balāni veditabbāni.
сад̇д̇а б̣ож̇жхан̇г̇аад̇и б̣од̇хияаа, б̣од̇хисса ваа ан̇г̇аад̇и б̣ож̇жхан̇г̇аа. яаа хи зсаа д̇хаммасаамаг̇г̇ий, яааяа логуд̇д̇арамаг̇г̇агкан̣з уббаж̇ж̇амаанааяа лийнуд̣̇д̇хажжабад̇идтаанааяууханагаамасукад̇д̇агиламат̇аануяог̇аужчзд̣̇асассад̇аабхинивзсаад̣̇ийнам̣ анзгзсам̣ убад̣̇д̣̇аваанам̣ бадибагкабхууд̇ааяа сад̇ид̇хаммавижаяавийрияабийд̇ибассад̣̇д̇хисамаад̇хиубзгкаасан̇каад̇ааяа д̇хаммасаамаг̇г̇ияаа арияасааваго б̣уж̇жхад̇и гилзсанид̣̇д̣̇ааяа удтахад̇и, жад̇д̇аари ваа арияасажжаани бадивиж̇жхад̇и, ниб̣б̣аанамзва ваа сажчигарод̇ийд̇и ‘‘б̣од̇хий’’д̇и вужжад̇и, д̇ассаа д̇хаммасаамаг̇г̇исан̇каад̇ааяа б̣од̇хияаа ан̇г̇аад̇и б̣ож̇жхан̇г̇аа жхаанан̇г̇амаг̇г̇ан̇г̇аад̣̇аяо вияа. яобзса вуд̇д̇аббагаарааяа д̇хаммасаамаг̇г̇ияаа б̣уж̇жхад̇ийд̇и гад̇ваа арияасааваго ‘‘б̣од̇хий’’д̇и вужжад̇и, д̇асса б̣од̇хисса ваа ан̇г̇аад̇иби б̣ож̇жхан̇г̇аа сзнан̇г̇арат̇ан̇г̇аад̣̇аяо вияа. д̇знааху бораан̣аа ‘‘б̣уж̇жханагасса буг̇г̇аласса ан̇г̇аад̇и б̣ож̇жхан̇г̇аа’’д̇и (сам̣. ни. адта. 3.5.182; вибха. адта. 466; бади. ма. адта. 1.1.25), ‘‘б̣од̇хааяа сам̣вад̇д̇анд̇ийд̇и б̣ож̇жхан̇г̇аа’’д̇иаад̣̇инаа (бади. ма. 2.17) наязнаби б̣ож̇жхан̇г̇адто взд̣̇ид̇аб̣б̣о.
Satta bojjhaṅgāti bodhiyā, bodhissa vā aṅgāti bojjhaṅgā. Yā hi esā dhammasāmaggī, yāya lokuttaramaggakkhaṇe uppajjamānāya līnuddhaccapatiṭṭhānāyūhanakāmasukhattakilamathānuyogaucchedasassatābhinivesādīnaṃ anekesaṃ upaddavānaṃ paṭipakkhabhūtāya satidhammavicayavīriyapītipassaddhisamādhiupekkhāsaṅkhātāya dhammasāmaggiyā ariyasāvako bujjhati kilesaniddāya uṭṭhahati, cattāri vā ariyasaccāni paṭivijjhati, nibbānameva vā sacchikarotīti ‘‘bodhī’’ti vuccati, tassā dhammasāmaggisaṅkhātāya bodhiyā aṅgāti bojjhaṅgā jhānaṅgamaggaṅgādayo viya. Yopesa vuttappakārāya dhammasāmaggiyā bujjhatīti katvā ariyasāvako ‘‘bodhī’’ti vuccati, tassa bodhissa vā aṅgātipi bojjhaṅgā senaṅgarathaṅgādayo viya. Tenāhu porāṇā ‘‘bujjhanakassa puggalassa aṅgāti bojjhaṅgā’’ti (saṃ. ni. aṭṭha. 3.5.182; vibha. aṭṭha. 466; paṭi. ma. aṭṭha. 1.1.25), ‘‘bodhāya saṃvattantīti bojjhaṅgā’’tiādinā (paṭi. ma. 2.17) nayenapi bojjhaṅgaṭṭho veditabbo.
арияо адтан̇г̇иго маг̇г̇од̇и д̇ам̣д̇ам̣маг̇г̇аваж̇жхзхи гилзсзхи аарагад̇д̇аа арияабхаавагарад̇д̇аа арияапалабадилаабхагарад̇д̇аа жа арияо. саммаад̣̇идтиаад̣̇ийни адтан̇г̇аани асса ад̇т̇и, адтан̇г̇ааниязва ваа адтан̇г̇иго. маарзнд̇о гилзсз г̇ажчад̇и, ниб̣б̣аанад̇т̇игзхи ваа маг̇г̇ийяад̇и, саяам̣ ваа ниб̣б̣аанам̣ маг̇г̇ад̇ийд̇и маг̇г̇од̇и звамзд̇зсам̣ сад̇ибадтаанаад̣̇ийнам̣ ад̇т̇авибхааг̇о взд̣̇ид̇аб̣б̣о.
Ariyo aṭṭhaṅgiko maggoti taṃtaṃmaggavajjhehi kilesehi ārakattā ariyabhāvakarattā ariyaphalapaṭilābhakarattā ca ariyo. Sammādiṭṭhiādīni aṭṭhaṅgāni assa atthi, aṭṭhaṅgāniyeva vā aṭṭhaṅgiko. Mārento kilese gacchati, nibbānatthikehi vā maggīyati, sayaṃ vā nibbānaṃ maggatīti maggoti evametesaṃ satipaṭṭhānādīnaṃ atthavibhāgo veditabbo.
сод̇аабаннод̇и маг̇г̇асан̇каад̇ам̣ сод̇ам̣ аабаж̇ж̇ид̇ваа баабун̣ид̇ваа тид̇о, сод̇аабад̇д̇ипаладтод̇и ад̇т̇о. сод̇аабад̇д̇ипаласажчигирияааяа бадибаннод̇и сод̇аабад̇д̇ипаласса ад̇д̇абажжагкагаран̣ад̇т̇ааяа бадибаж̇ж̇амаано батамамаг̇г̇адто , яо адтамагод̇иби вужжад̇и. сагад̣̇ааг̇аамийд̇и сагид̣̇зва имам̣ логам̣ бадисанд̇хиг̇г̇ахан̣авасзна ааг̇аманасийло д̣̇уд̇ияапаладто. анааг̇аамийд̇и бадисанд̇хиг̇г̇ахан̣авасзна гаамалогам̣ анааг̇аманасийло д̇ад̇ияапаладто. яо бана сад̣̇д̇хаанусаарий д̇хаммаанусаарий згаб̣ийж̇ийд̇и звамаад̣̇иго арияабуг̇г̇алавибхааг̇о, со д̇зсам̣язва бхзд̣̇од̇и. сзсам̣ вуд̇д̇анаяамзва.
Sotāpannoti maggasaṅkhātaṃ sotaṃ āpajjitvā pāpuṇitvā ṭhito, sotāpattiphalaṭṭhoti attho. Sotāpattiphalasacchikiriyāya paṭipannoti sotāpattiphalassa attapaccakkhakaraṇatthāya paṭipajjamāno paṭhamamaggaṭṭho , yo aṭṭhamakotipi vuccati. Sakadāgāmīti sakideva imaṃ lokaṃ paṭisandhiggahaṇavasena āgamanasīlo dutiyaphalaṭṭho. Anāgāmīti paṭisandhiggahaṇavasena kāmalokaṃ anāgamanasīlo tatiyaphalaṭṭho. Yo pana saddhānusārī dhammānusārī ekabījīti evamādiko ariyapuggalavibhāgo, so tesaṃyeva bhedoti. Sesaṃ vuttanayameva.
зд̇амад̇т̇ам̣ вид̣̇ид̇ваад̇и зд̇ам̣ ад̇д̇ано д̇хаммавинаяз мад̇агун̣абасад̣̇исзна д̣̇уссийлабуг̇г̇алзна сад̣̇д̇хим̣ сам̣ваасаабхаавасан̇каад̇ам̣ ад̇т̇ам̣ вид̣̇ид̇ваа. имам̣ уд̣̇аананд̇и имам̣ асам̣ваасаарахасам̣ваасаарахабхааваанам̣ гааран̣абарид̣̇ийбанам̣ уд̣̇аанам̣ уд̣̇аанзси.
Etamatthaṃ viditvāti etaṃ attano dhammavinaye matakuṇapasadisena dussīlapuggalena saddhiṃ saṃvāsābhāvasaṅkhātaṃ atthaṃ viditvā. Imaṃ udānanti imaṃ asaṃvāsārahasaṃvāsārahabhāvānaṃ kāraṇaparidīpanaṃ udānaṃ udānesi.
д̇ад̇т̇а чаннамад̇ивассад̇ийд̇и аабад̇д̇им̣ аабаж̇ж̇ид̇ваа бадижчаад̣̇знд̇о ан̃н̃ам̣ навам̣ аабад̇д̇им̣
Tattha channamativassatīti āpattiṃ āpajjitvā paṭicchādento aññaṃ navaṃ āpattiṃ
аабаж̇ж̇ад̇и, д̇ад̇о абаранд̇и звам̣ аабад̇д̇ивассам̣ гилзсавассам̣ ад̇ивияа вассад̇и. вивадам̣ наад̇ивассад̇ийд̇и аабад̇д̇им̣ аабанно д̇ам̣ аббадижчаад̣̇зд̇ваа виваранд̇о саб̣рахмажаарийнам̣ багаасзнд̇о яат̇аад̇хаммам̣ яат̇аавинаяам̣ бадигаронд̇о д̣̇зсзнд̇о вудтаханд̇о ан̃н̃ам̣ навам̣ аабад̇д̇им̣ наабаж̇ж̇ад̇и, д̇знасса д̇ам̣ вивадам̣ буна аабад̇д̇ивассам̣ гилзсавассам̣ на вассад̇и. яасмаа жа зд̇ад̣̇зва, д̇асмаа чаннам̣ чаад̣̇ид̇ам̣ аабад̇д̇им̣ виварзт̇а. звам̣ д̇ам̣ наад̇ивассад̇ийд̇и звам̣ санд̇з д̇ам̣ аабад̇д̇им̣ аабаж̇ж̇анабуг̇г̇алаанам̣ ад̇д̇абхаавам̣ ад̇ивиж̇жхид̇ваа гилзсавассанзна на вассад̇и на д̇змзд̇и, звам̣ со гилзсзхи анавассуд̇о барисуд̣̇д̇хасийло самаахид̇о худ̇ваа вибассанам̣ бадтабзд̇ваа саммасанд̇о ануггамзна ниб̣б̣аанам̣ баабун̣аад̇ийд̇и ад̇хиббааяо.
Āpajjati, tato aparanti evaṃ āpattivassaṃ kilesavassaṃ ativiya vassati. Vivaṭaṃ nātivassatīti āpattiṃ āpanno taṃ appaṭicchādetvā vivaranto sabrahmacārīnaṃ pakāsento yathādhammaṃ yathāvinayaṃ paṭikaronto desento vuṭṭhahanto aññaṃ navaṃ āpattiṃ nāpajjati, tenassa taṃ vivaṭaṃ puna āpattivassaṃ kilesavassaṃ na vassati. Yasmā ca etadeva, tasmā channaṃ chāditaṃ āpattiṃ vivaretha. Evaṃ taṃ nātivassatīti evaṃ sante taṃ āpattiṃ āpajjanapuggalānaṃ attabhāvaṃ ativijjhitvā kilesavassanena na vassati na temeti, evaṃ so kilesehi anavassuto parisuddhasīlo samāhito hutvā vipassanaṃ paṭṭhapetvā sammasanto anukkamena nibbānaṃ pāpuṇātīti adhippāyo.
имасмим̣ д̇хаммавинаяз адтажчарияагат̇ааван̣н̣анаа нидтид̇аа.
Imasmiṃ dhammavinaye aṭṭhacchariyakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / жуул̣аваг̇г̇абаал̣и • Cūḷavaggapāḷi / 3. имасмим̣д̇хаммавинаязадтажчарияам̣ • 3. Imasmiṃdhammavinayeaṭṭhacchariyaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / баад̇имогкуд̣̇д̣̇зсаяаажанагат̇аа • Pātimokkhuddesayācanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 1. баад̇имогкуд̣̇д̣̇зсаяаажанагат̇аа • 1. Pātimokkhuddesayācanakathā
