| Library / Tipiṭaka / திபிடக • Tipiṭaka / வஜிரபு³த்³தி⁴-டீகா • Vajirabuddhi-ṭīkā |
இணாயிகதா³ஸவத்து²கதா²வண்ணனா
Iṇāyikadāsavatthukathāvaṇṇanā
96. பஸ்ஸ மே பத்தசீவரமத்தங், அஹங் இத³ங் த³ஸ்ஸாமீதி ஸாமீசி, யதோ நத்தி² ஆபத்தி. உபட்³டு⁴பட்³ட⁴ந்தி தோ²கங் தோ²கங்.
96. Passa me pattacīvaramattaṃ, ahaṃ idaṃ dassāmīti sāmīci, yato natthi āpatti. Upaḍḍhupaḍḍhanti thokaṃ thokaṃ.
97. தே³ஸசாரித்தந்தி ஸாவனபண்ணாரோபனாதி³ தங் தங் தே³ஸசாரித்தங். ‘‘தே³வதா³ஸிபுத்தே வட்டதீ’’தி லிகி²தங். ‘‘ஆராமிகங் சே பப்³பா³ஜேதுகாமோ, அஞ்ஞமேகங் த³த்வா பப்³பா³ஜேதப்³ப³’’ந்தி வுத்தங். மஹாபச்சரிவாத³ஸ்ஸ அயமித⁴ அதி⁴ப்பாயோ. ‘‘பி⁴க்கு²ஸங்க⁴ஸ்ஸ ஆராமிகே தே³மா’’தி தி³ன்னத்தா ந தே தேஸங் தா³ஸா. ‘‘ஆராமிகோ ச நேவ தா³ஸோ ந பு⁴ஜிஸ்ஸோதி வத்தப்³ப³தோ ந தா³ஸோ’’தி லிகி²தங். தக்காஸிஞ்சனங் ஸீஹளதீ³பே சாரித்தங். தே ச பப்³பா³ஜேதப்³பா³ ஸங்க⁴ஸ்ஸாராமிகத்தா. நிஸ்ஸாமிகங் தா³ஸங் அத்தனாபி பு⁴ஜிஸ்ஸங் காதுங் லப⁴தி. ‘‘தா³ஸஸ்ஸ பப்³ப³ஜித்வா அத்தனோ ஸாமிகே தி³ஸ்வா பலாயந்தஸ்ஸ ஆபத்தி நத்தீ²தி வத³ந்தீ’’தி ச லிகி²தங். அத்தனோ வா தா³ஸோ அஸ்ஸ பி⁴க்கு²னோதி அத்தோ². நிஸ்ஸாமிகஸ்ஸ தா³ஸஸ்ஸ ராஜா ஸாமி, தஸ்மா ராஜானங் வா தஸ்மிங் கா³மே மனுஸ்ஸே வா ஆபுச்சி²த்வா பப்³பா³ஜேதப்³போ³தி ஏகே. ‘‘பு⁴ஜிஸ்ஸங் கத்வா’’தி லிகி²தங். தஸ்ஸ பரிஹாரங் ப⁴ணந்தி ‘‘யதா² பு⁴ஜிஸ்ஸோ ஹோதி, ததா² கத்தப்³போ³’’தி. ஏவங் ஸங்கப்பேன வத்வா ‘‘பயோஜனங் நத்தீ²’’தி கேஹிசி லிகி²தங். பு⁴ஜிஸ்ஸங் காதுமேவ வட்டதீதி ‘‘ஸசே பஸ்ஸந்தி, அனுப³ந்தி⁴ஸ்ஸந்தீ’’தி வுத்தங். ஆபத்தி நத்தி². ‘‘அஸுத்³தா⁴ கிர மேதிபி தங் ஸந்தா⁴யேவ வுத்த’’ந்தி வத³ந்தி.
97.Desacārittanti sāvanapaṇṇāropanādi taṃ taṃ desacārittaṃ. ‘‘Devadāsiputte vaṭṭatī’’ti likhitaṃ. ‘‘Ārāmikaṃ ce pabbājetukāmo, aññamekaṃ datvā pabbājetabba’’nti vuttaṃ. Mahāpaccarivādassa ayamidha adhippāyo. ‘‘Bhikkhusaṅghassa ārāmike demā’’ti dinnattā na te tesaṃ dāsā. ‘‘Ārāmiko ca neva dāso na bhujissoti vattabbato na dāso’’ti likhitaṃ. Takkāsiñcanaṃ sīhaḷadīpe cārittaṃ. Te ca pabbājetabbā saṅghassārāmikattā. Nissāmikaṃ dāsaṃ attanāpi bhujissaṃ kātuṃ labhati. ‘‘Dāsassa pabbajitvā attano sāmike disvā palāyantassa āpatti natthīti vadantī’’ti ca likhitaṃ. Attano vā dāso assa bhikkhunoti attho. Nissāmikassa dāsassa rājā sāmi, tasmā rājānaṃ vā tasmiṃ gāme manusse vā āpucchitvā pabbājetabboti eke. ‘‘Bhujissaṃ katvā’’ti likhitaṃ. Tassa parihāraṃ bhaṇanti ‘‘yathā bhujisso hoti, tathā kattabbo’’ti. Evaṃ saṅkappena vatvā ‘‘payojanaṃ natthī’’ti kehici likhitaṃ. Bhujissaṃ kātumeva vaṭṭatīti ‘‘sace passanti, anubandhissantī’’ti vuttaṃ. Āpatti natthi. ‘‘Asuddhā kira metipi taṃ sandhāyeva vutta’’nti vadanti.
இணாயிகதா³ஸவத்து²கதா²வண்ணனா நிட்டி²தா.
Iṇāyikadāsavatthukathāvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
33. இணாயிகவத்து² • 33. Iṇāyikavatthu
34. தா³ஸவத்து² • 34. Dāsavatthu
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā
இணாயிகவத்து²கதா² • Iṇāyikavatthukathā
தா³ஸவத்து²கதா² • Dāsavatthukathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ராஜப⁴டாதி³வத்து²கதா²வண்ணனா • Rājabhaṭādivatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā
இணாயிகவத்து²கதா²வண்ணனா • Iṇāyikavatthukathāvaṇṇanā
தா³ஸவத்து²கதா²வண்ணனா • Dāsavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi
33. இணாயிகவத்து²கதா² • 33. Iṇāyikavatthukathā
34. தா³ஸவத்து²கதா² • 34. Dāsavatthukathā
