| Library / Tipiṭaka / তিপিটক • Tipiṭaka / ৰজিরবুদ্ধি-টীকা • Vajirabuddhi-ṭīkā |
ইণাযিকদাসৰত্থুকথাৰণ্ণনা
Iṇāyikadāsavatthukathāvaṇṇanā
৯৬. পস্স মে পত্তচীৰরমত্তং, অহং ইদং দস্সামীতি সামীচি, যতো নত্থি আপত্তি। উপড্ঢুপড্ঢন্তি থোকং থোকং।
96. Passa me pattacīvaramattaṃ, ahaṃ idaṃ dassāmīti sāmīci, yato natthi āpatti. Upaḍḍhupaḍḍhanti thokaṃ thokaṃ.
৯৭. দেসচারিত্তন্তি সাৰনপণ্ণারোপনাদি তং তং দেসচারিত্তং। ‘‘দেৰদাসিপুত্তে ৰট্টতী’’তি লিখিতং। ‘‘আরামিকং চে পব্বাজেতুকামো, অঞ্ঞমেকং দত্ৰা পব্বাজেতব্ব’’ন্তি ৰুত্তং। মহাপচ্চরিৰাদস্স অযমিধ অধিপ্পাযো। ‘‘ভিক্খুসঙ্ঘস্স আরামিকে দেমা’’তি দিন্নত্তা ন তে তেসং দাসা। ‘‘আরামিকো চ নেৰ দাসো ন ভুজিস্সোতি ৰত্তব্বতো ন দাসো’’তি লিখিতং। তক্কাসিঞ্চনং সীহল়দীপে চারিত্তং। তে চ পব্বাজেতব্বা সঙ্ঘস্সারামিকত্তা। নিস্সামিকং দাসং অত্তনাপি ভুজিস্সং কাতুং লভতি। ‘‘দাসস্স পব্বজিত্ৰা অত্তনো সামিকে দিস্ৰা পলাযন্তস্স আপত্তি নত্থীতি ৰদন্তী’’তি চ লিখিতং। অত্তনো ৰা দাসো অস্স ভিক্খুনোতি অত্থো। নিস্সামিকস্স দাসস্স রাজা সামি, তস্মা রাজানং ৰা তস্মিং গামে মনুস্সে ৰা আপুচ্ছিত্ৰা পব্বাজেতব্বোতি একে। ‘‘ভুজিস্সং কত্ৰা’’তি লিখিতং। তস্স পরিহারং ভণন্তি ‘‘যথা ভুজিস্সো হোতি, তথা কত্তব্বো’’তি। এৰং সঙ্কপ্পেন ৰত্ৰা ‘‘পযোজনং নত্থী’’তি কেহিচি লিখিতং। ভুজিস্সং কাতুমেৰ ৰট্টতীতি ‘‘সচে পস্সন্তি, অনুবন্ধিস্সন্তী’’তি ৰুত্তং। আপত্তি নত্থি। ‘‘অসুদ্ধা কির মেতিপি তং সন্ধাযেৰ ৰুত্ত’’ন্তি ৰদন্তি।
97.Desacārittanti sāvanapaṇṇāropanādi taṃ taṃ desacārittaṃ. ‘‘Devadāsiputte vaṭṭatī’’ti likhitaṃ. ‘‘Ārāmikaṃ ce pabbājetukāmo, aññamekaṃ datvā pabbājetabba’’nti vuttaṃ. Mahāpaccarivādassa ayamidha adhippāyo. ‘‘Bhikkhusaṅghassa ārāmike demā’’ti dinnattā na te tesaṃ dāsā. ‘‘Ārāmiko ca neva dāso na bhujissoti vattabbato na dāso’’ti likhitaṃ. Takkāsiñcanaṃ sīhaḷadīpe cārittaṃ. Te ca pabbājetabbā saṅghassārāmikattā. Nissāmikaṃ dāsaṃ attanāpi bhujissaṃ kātuṃ labhati. ‘‘Dāsassa pabbajitvā attano sāmike disvā palāyantassa āpatti natthīti vadantī’’ti ca likhitaṃ. Attano vā dāso assa bhikkhunoti attho. Nissāmikassa dāsassa rājā sāmi, tasmā rājānaṃ vā tasmiṃ gāme manusse vā āpucchitvā pabbājetabboti eke. ‘‘Bhujissaṃ katvā’’ti likhitaṃ. Tassa parihāraṃ bhaṇanti ‘‘yathā bhujisso hoti, tathā kattabbo’’ti. Evaṃ saṅkappena vatvā ‘‘payojanaṃ natthī’’ti kehici likhitaṃ. Bhujissaṃ kātumeva vaṭṭatīti ‘‘sace passanti, anubandhissantī’’ti vuttaṃ. Āpatti natthi. ‘‘Asuddhā kira metipi taṃ sandhāyeva vutta’’nti vadanti.
ইণাযিকদাসৰত্থুকথাৰণ্ণনা নিট্ঠিতা।
Iṇāyikadāsavatthukathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi
৩৩. ইণাযিকৰত্থু • 33. Iṇāyikavatthu
৩৪. দাসৰত্থু • 34. Dāsavatthu
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā
ইণাযিকৰত্থুকথা • Iṇāyikavatthukathā
দাসৰত্থুকথা • Dāsavatthukathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / রাজভটাদিৰত্থুকথাৰণ্ণনা • Rājabhaṭādivatthukathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā
ইণাযিকৰত্থুকথাৰণ্ণনা • Iṇāyikavatthukathāvaṇṇanā
দাসৰত্থুকথাৰণ্ণনা • Dāsavatthukathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi
৩৩. ইণাযিকৰত্থুকথা • 33. Iṇāyikavatthukathā
৩৪. দাসৰত্থুকথা • 34. Dāsavatthukathā
