| Library / Tipiṭaka / д̇ибидага • Tipiṭaka / важ̇ираб̣уд̣̇д̇хи-дийгаа • Vajirabuddhi-ṭīkā |
ин̣ааяигад̣̇аасавад̇т̇угат̇ааван̣н̣анаа
Iṇāyikadāsavatthukathāvaṇṇanā
96. басса мз бад̇д̇ажийварамад̇д̇ам̣, ахам̣ ид̣̇ам̣ д̣̇ассаамийд̇и саамийжи, яад̇о над̇т̇и аабад̇д̇и. убад̣дхубад̣дханд̇и т̇огам̣ т̇огам̣.
96. Passa me pattacīvaramattaṃ, ahaṃ idaṃ dassāmīti sāmīci, yato natthi āpatti. Upaḍḍhupaḍḍhanti thokaṃ thokaṃ.
97. д̣̇зсажаарид̇д̇анд̇и сааванабан̣н̣ааробанаад̣̇и д̇ам̣ д̇ам̣ д̣̇зсажаарид̇д̇ам̣. ‘‘д̣̇звад̣̇аасибуд̇д̇з ваддад̇ий’’д̇и ликид̇ам̣. ‘‘аараамигам̣ жз баб̣б̣ааж̇зд̇угаамо, ан̃н̃амзгам̣ д̣̇ад̇ваа баб̣б̣ааж̇зд̇аб̣б̣а’’нд̇и вуд̇д̇ам̣. махаабажжариваад̣̇асса аяамид̇ха ад̇хиббааяо. ‘‘бхигкусан̇гхасса аараамигз д̣̇змаа’’д̇и д̣̇иннад̇д̇аа на д̇з д̇зсам̣ д̣̇аасаа. ‘‘аараамиго жа нзва д̣̇аасо на бхуж̇иссод̇и вад̇д̇аб̣б̣ад̇о на д̣̇аасо’’д̇и ликид̇ам̣. д̇аггаасин̃жанам̣ сийхал̣ад̣̇ийбз жаарид̇д̇ам̣. д̇з жа баб̣б̣ааж̇зд̇аб̣б̣аа сан̇гхассаараамигад̇д̇аа. ниссаамигам̣ д̣̇аасам̣ ад̇д̇анааби бхуж̇иссам̣ гаад̇ум̣ лабхад̇и. ‘‘д̣̇аасасса баб̣б̣аж̇ид̇ваа ад̇д̇ано саамигз д̣̇исваа балааяанд̇асса аабад̇д̇и над̇т̇ийд̇и вад̣̇анд̇ий’’д̇и жа ликид̇ам̣. ад̇д̇ано ваа д̣̇аасо асса бхигкунод̇и ад̇т̇о. ниссаамигасса д̣̇аасасса рааж̇аа саами, д̇асмаа рааж̇аанам̣ ваа д̇асмим̣ г̇аамз мануссз ваа аабужчид̇ваа баб̣б̣ааж̇зд̇аб̣б̣од̇и згз. ‘‘бхуж̇иссам̣ гад̇ваа’’д̇и ликид̇ам̣. д̇асса барихаарам̣ бхан̣анд̇и ‘‘яат̇аа бхуж̇иссо ход̇и, д̇ат̇аа гад̇д̇аб̣б̣о’’д̇и. звам̣ сан̇габбзна вад̇ваа ‘‘баяож̇анам̣ над̇т̇ий’’д̇и гзхижи ликид̇ам̣. бхуж̇иссам̣ гаад̇умзва ваддад̇ийд̇и ‘‘сажз бассанд̇и, ануб̣анд̇хиссанд̇ий’’д̇и вуд̇д̇ам̣. аабад̇д̇и над̇т̇и. ‘‘асуд̣̇д̇хаа гира мзд̇иби д̇ам̣ санд̇хааязва вуд̇д̇а’’нд̇и вад̣̇анд̇и.
97.Desacārittanti sāvanapaṇṇāropanādi taṃ taṃ desacārittaṃ. ‘‘Devadāsiputte vaṭṭatī’’ti likhitaṃ. ‘‘Ārāmikaṃ ce pabbājetukāmo, aññamekaṃ datvā pabbājetabba’’nti vuttaṃ. Mahāpaccarivādassa ayamidha adhippāyo. ‘‘Bhikkhusaṅghassa ārāmike demā’’ti dinnattā na te tesaṃ dāsā. ‘‘Ārāmiko ca neva dāso na bhujissoti vattabbato na dāso’’ti likhitaṃ. Takkāsiñcanaṃ sīhaḷadīpe cārittaṃ. Te ca pabbājetabbā saṅghassārāmikattā. Nissāmikaṃ dāsaṃ attanāpi bhujissaṃ kātuṃ labhati. ‘‘Dāsassa pabbajitvā attano sāmike disvā palāyantassa āpatti natthīti vadantī’’ti ca likhitaṃ. Attano vā dāso assa bhikkhunoti attho. Nissāmikassa dāsassa rājā sāmi, tasmā rājānaṃ vā tasmiṃ gāme manusse vā āpucchitvā pabbājetabboti eke. ‘‘Bhujissaṃ katvā’’ti likhitaṃ. Tassa parihāraṃ bhaṇanti ‘‘yathā bhujisso hoti, tathā kattabbo’’ti. Evaṃ saṅkappena vatvā ‘‘payojanaṃ natthī’’ti kehici likhitaṃ. Bhujissaṃ kātumeva vaṭṭatīti ‘‘sace passanti, anubandhissantī’’ti vuttaṃ. Āpatti natthi. ‘‘Asuddhā kira metipi taṃ sandhāyeva vutta’’nti vadanti.
ин̣ааяигад̣̇аасавад̇т̇угат̇ааван̣н̣анаа нидтид̇аа.
Iṇāyikadāsavatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
33. ин̣ааяигавад̇т̇у • 33. Iṇāyikavatthu
34. д̣̇аасавад̇т̇у • 34. Dāsavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā
ин̣ааяигавад̇т̇угат̇аа • Iṇāyikavatthukathā
д̣̇аасавад̇т̇угат̇аа • Dāsavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / рааж̇абхадаад̣̇ивад̇т̇угат̇ааван̣н̣анаа • Rājabhaṭādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā
ин̣ааяигавад̇т̇угат̇ааван̣н̣анаа • Iṇāyikavatthukathāvaṇṇanā
д̣̇аасавад̇т̇угат̇ааван̣н̣анаа • Dāsavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi
33. ин̣ааяигавад̇т̇угат̇аа • 33. Iṇāyikavatthukathā
34. д̣̇аасавад̇т̇угат̇аа • 34. Dāsavatthukathā
