| Library / Tipiṭaka / တိပိဋက • Tipiṭaka / ဝဇိရဗုဒ္ဓိ-ဋီကာ • Vajirabuddhi-ṭīkā |
ဣဏာယိကဒာသဝတ္ထုကထာဝဏ္ဏနာ
Iṇāyikadāsavatthukathāvaṇṇanā
၉၆. ပသ္သ မေ ပတ္တစီဝရမတ္တံ, အဟံ ဣဒံ ဒသ္သာမီတိ သာမီစိ, ယတော နတ္ထိ အာပတ္တိ။ ဥပဍ္ဎုပဍ္ဎန္တိ ထောကံ ထောကံ။
96. Passa me pattacīvaramattaṃ, ahaṃ idaṃ dassāmīti sāmīci, yato natthi āpatti. Upaḍḍhupaḍḍhanti thokaṃ thokaṃ.
၉၇. ဒေသစာရိတ္တန္တိ သာဝနပဏ္ဏာရောပနာဒိ တံ တံ ဒေသစာရိတ္တံ။ ‘‘ဒေဝဒာသိပုတ္တေ ဝဋ္ဋတီ’’တိ လိခိတံ။ ‘‘အာရာမိကံ စေ ပဗ္ဗာဇေတုကာမော, အညမေကံ ဒတ္ဝာ ပဗ္ဗာဇေတဗ္ဗ’’န္တိ ဝုတ္တံ။ မဟာပစ္စရိဝာဒသ္သ အယမိဓ အဓိပ္ပာယော။ ‘‘ဘိက္ခုသင္ဃသ္သ အာရာမိကေ ဒေမာ’’တိ ဒိန္နတ္တာ န တေ တေသံ ဒာသာ။ ‘‘အာရာမိကော စ နေဝ ဒာသော န ဘုဇိသ္သောတိ ဝတ္တဗ္ဗတော န ဒာသော’’တိ လိခိတံ။ တက္ကာသိဉ္စနံ သီဟဠဒီပေ စာရိတ္တံ။ တေ စ ပဗ္ဗာဇေတဗ္ဗာ သင္ဃသ္သာရာမိကတ္တာ။ နိသ္သာမိကံ ဒာသံ အတ္တနာပိ ဘုဇိသ္သံ ကာတုံ လဘတိ။ ‘‘ဒာသသ္သ ပဗ္ဗဇိတ္ဝာ အတ္တနော သာမိကေ ဒိသ္ဝာ ပလာယန္တသ္သ အာပတ္တိ နတ္ထီတိ ဝဒန္တီ’’တိ စ လိခိတံ။ အတ္တနော ဝာ ဒာသော အသ္သ ဘိက္ခုနောတိ အတ္ထော။ နိသ္သာမိကသ္သ ဒာသသ္သ ရာဇာ သာမိ, တသ္မာ ရာဇာနံ ဝာ တသ္မိံ ဂာမေ မနုသ္သေ ဝာ အာပုစ္ဆိတ္ဝာ ပဗ္ဗာဇေတဗ္ဗောတိ ဧကေ။ ‘‘ဘုဇိသ္သံ ကတ္ဝာ’’တိ လိခိတံ။ တသ္သ ပရိဟာရံ ဘဏန္တိ ‘‘ယထာ ဘုဇိသ္သော ဟောတိ, တထာ ကတ္တဗ္ဗော’’တိ။ ဧဝံ သင္ကပ္ပေန ဝတ္ဝာ ‘‘ပယောဇနံ နတ္ထီ’’တိ ကေဟိစိ လိခိတံ။ ဘုဇိသ္သံ ကာတုမေဝ ဝဋ္ဋတီတိ ‘‘သစေ ပသ္သန္တိ, အနုဗန္ဓိသ္သန္တီ’’တိ ဝုတ္တံ။ အာပတ္တိ နတ္ထိ။ ‘‘အသုဒ္ဓာ ကိရ မေတိပိ တံ သန္ဓာယေဝ ဝုတ္တ’’န္တိ ဝဒန္တိ။
97.Desacārittanti sāvanapaṇṇāropanādi taṃ taṃ desacārittaṃ. ‘‘Devadāsiputte vaṭṭatī’’ti likhitaṃ. ‘‘Ārāmikaṃ ce pabbājetukāmo, aññamekaṃ datvā pabbājetabba’’nti vuttaṃ. Mahāpaccarivādassa ayamidha adhippāyo. ‘‘Bhikkhusaṅghassa ārāmike demā’’ti dinnattā na te tesaṃ dāsā. ‘‘Ārāmiko ca neva dāso na bhujissoti vattabbato na dāso’’ti likhitaṃ. Takkāsiñcanaṃ sīhaḷadīpe cārittaṃ. Te ca pabbājetabbā saṅghassārāmikattā. Nissāmikaṃ dāsaṃ attanāpi bhujissaṃ kātuṃ labhati. ‘‘Dāsassa pabbajitvā attano sāmike disvā palāyantassa āpatti natthīti vadantī’’ti ca likhitaṃ. Attano vā dāso assa bhikkhunoti attho. Nissāmikassa dāsassa rājā sāmi, tasmā rājānaṃ vā tasmiṃ gāme manusse vā āpucchitvā pabbājetabboti eke. ‘‘Bhujissaṃ katvā’’ti likhitaṃ. Tassa parihāraṃ bhaṇanti ‘‘yathā bhujisso hoti, tathā kattabbo’’ti. Evaṃ saṅkappena vatvā ‘‘payojanaṃ natthī’’ti kehici likhitaṃ. Bhujissaṃ kātumeva vaṭṭatīti ‘‘sace passanti, anubandhissantī’’ti vuttaṃ. Āpatti natthi. ‘‘Asuddhā kira metipi taṃ sandhāyeva vutta’’nti vadanti.
ဣဏာယိကဒာသဝတ္ထုကထာဝဏ္ဏနာ နိဋ္ဌိတာ။
Iṇāyikadāsavatthukathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝဂ္ဂပာဠိ • Mahāvaggapāḷi
၃၃. ဣဏာယိကဝတ္ထု • 33. Iṇāyikavatthu
၃၄. ဒာသဝတ္ထု • 34. Dāsavatthu
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝဂ္ဂ-အဋ္ဌကထာ • Mahāvagga-aṭṭhakathā
ဣဏာယိကဝတ္ထုကထာ • Iṇāyikavatthukathā
ဒာသဝတ္ထုကထာ • Dāsavatthukathā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / သာရတ္ထဒီပနီ-ဋီကာ • Sāratthadīpanī-ṭīkā / ရာဇဘဋာဒိဝတ္ထုကထာဝဏ္ဏနာ • Rājabhaṭādivatthukathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā
ဣဏာယိကဝတ္ထုကထာဝဏ္ဏနာ • Iṇāyikavatthukathāvaṇṇanā
ဒာသဝတ္ထုကထာဝဏ္ဏနာ • Dāsavatthukathāvaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ပာစိတ္ယာဒိယောဇနာပာဠိ • Pācityādiyojanāpāḷi
၃၃. ဣဏာယိကဝတ္ထုကထာ • 33. Iṇāyikavatthukathā
၃၄. ဒာသဝတ္ထုကထာ • 34. Dāsavatthukathā
