| Library / Tipiṭaka / තිපිටක • Tipiṭaka / වජිරබුද්‌ධි-ටීකා • Vajirabuddhi-ṭīkā |
ඉණායිකදාසවත්‌ථුකථාවණ්‌ණනා
Iṇāyikadāsavatthukathāvaṇṇanā
96. පස්‌ස මෙ පත්‌තචීවරමත්‌තං, අහං ඉදං දස්‌සාමීති සාමීචි, යතො නත්‌ථි ආපත්‌ති. උපඩ්‌ඪුපඩ්‌ඪන්‌ති ථොකං ථොකං.
96. Passa me pattacīvaramattaṃ, ahaṃ idaṃ dassāmīti sāmīci, yato natthi āpatti. Upaḍḍhupaḍḍhanti thokaṃ thokaṃ.
97. දෙසචාරිත්‌තන්‌ති සාවනපණ්‌ණාරොපනාදි තං තං දෙසචාරිත්‌තං. ‘‘දෙවදාසිපුත්‌තෙ වට්‌ටතී’’ති ලිඛිතං. ‘‘ආරාමිකං චෙ පබ්‌බාජෙතුකාමො, අඤ්‌ඤමෙකං දත්‌වා පබ්‌බාජෙතබ්‌බ’’න්‌ති වුත්‌තං. මහාපච්‌චරිවාදස්‌ස අයමිධ අධිප්‌පායො. ‘‘භික්‌ඛුසඞ්‌ඝස්‌ස ආරාමිකෙ දෙමා’’ති දින්‌නත්‌තා න තෙ තෙසං දාසා. ‘‘ආරාමිකො ච නෙව දාසො න භුජිස්‌සොති වත්‌තබ්‌බතො න දාසො’’ති ලිඛිතං. තක්‌කාසිඤ්‌චනං සීහළදීපෙ චාරිත්‌තං. තෙ ච පබ්‌බාජෙතබ්‌බා සඞ්‌ඝස්‌සාරාමිකත්‌තා. නිස්‌සාමිකං දාසං අත්‌තනාපි භුජිස්‌සං කාතුං ලභති. ‘‘දාසස්‌ස පබ්‌බජිත්‌වා අත්‌තනො සාමිකෙ දිස්‌වා පලායන්‌තස්‌ස ආපත්‌ති නත්‌ථීති වදන්‌තී’’ති ච ලිඛිතං. අත්‌තනො වා දාසො අස්‌ස භික්‌ඛුනොති අත්‌ථො. නිස්‌සාමිකස්‌ස දාසස්‌ස රාජා සාමි, තස්‌මා රාජානං වා තස්‌මිං ගාමෙ මනුස්‌සෙ වා ආපුච්‌ඡිත්‌වා පබ්‌බාජෙතබ්‌බොති එකෙ. ‘‘භුජිස්‌සං කත්‌වා’’ති ලිඛිතං. තස්‌ස පරිහාරං භණන්‌ති ‘‘යථා භුජිස්‌සො හොති, තථා කත්‌තබ්‌බො’’ති. එවං සඞ්‌කප්‌පෙන වත්‌වා ‘‘පයොජනං නත්‌ථී’’ති කෙහිචි ලිඛිතං. භුජිස්‌සං කාතුමෙව වට්‌ටතීති ‘‘සචෙ පස්‌සන්‌ති, අනුබන්‌ධිස්‌සන්‌තී’’ති වුත්‌තං. ආපත්‌ති නත්‌ථි. ‘‘අසුද්‌ධා කිර මෙතිපි තං සන්‌ධායෙව වුත්‌ත’’න්‌ති වදන්‌ති.
97.Desacārittanti sāvanapaṇṇāropanādi taṃ taṃ desacārittaṃ. ‘‘Devadāsiputte vaṭṭatī’’ti likhitaṃ. ‘‘Ārāmikaṃ ce pabbājetukāmo, aññamekaṃ datvā pabbājetabba’’nti vuttaṃ. Mahāpaccarivādassa ayamidha adhippāyo. ‘‘Bhikkhusaṅghassa ārāmike demā’’ti dinnattā na te tesaṃ dāsā. ‘‘Ārāmiko ca neva dāso na bhujissoti vattabbato na dāso’’ti likhitaṃ. Takkāsiñcanaṃ sīhaḷadīpe cārittaṃ. Te ca pabbājetabbā saṅghassārāmikattā. Nissāmikaṃ dāsaṃ attanāpi bhujissaṃ kātuṃ labhati. ‘‘Dāsassa pabbajitvā attano sāmike disvā palāyantassa āpatti natthīti vadantī’’ti ca likhitaṃ. Attano vā dāso assa bhikkhunoti attho. Nissāmikassa dāsassa rājā sāmi, tasmā rājānaṃ vā tasmiṃ gāme manusse vā āpucchitvā pabbājetabboti eke. ‘‘Bhujissaṃ katvā’’ti likhitaṃ. Tassa parihāraṃ bhaṇanti ‘‘yathā bhujisso hoti, tathā kattabbo’’ti. Evaṃ saṅkappena vatvā ‘‘payojanaṃ natthī’’ti kehici likhitaṃ. Bhujissaṃ kātumeva vaṭṭatīti ‘‘sace passanti, anubandhissantī’’ti vuttaṃ. Āpatti natthi. ‘‘Asuddhā kira metipi taṃ sandhāyeva vutta’’nti vadanti.
ඉණායිකදාසවත්‌ථුකථාවණ්‌ණනා නිට්‌ඨිතා.
Iṇāyikadāsavatthukathāvaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi
33. ඉණායිකවත්‌ථු • 33. Iṇāyikavatthu
34. දාසවත්‌ථු • 34. Dāsavatthu
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā
ඉණායිකවත්‌ථුකථා • Iṇāyikavatthukathā
දාසවත්‌ථුකථා • Dāsavatthukathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / රාජභටාදිවත්‌ථුකථාවණ්‌ණනා • Rājabhaṭādivatthukathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā
ඉණායිකවත්‌ථුකථාවණ්‌ණනා • Iṇāyikavatthukathāvaṇṇanā
දාසවත්‌ථුකථාවණ්‌ණනා • Dāsavatthukathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi
33. ඉණායිකවත්‌ථුකථා • 33. Iṇāyikavatthukathā
34. දාසවත්‌ථුකථා • 34. Dāsavatthukathā
