| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
33. ин̣ааяигавад̇т̇у
33. Iṇāyikavatthu
96. д̇зна ко бана самаязна ан̃н̃ад̇аро бурисо ин̣ааяиго балааяид̇ваа бхигкуусу баб̣б̣аж̇ид̇о ход̇и. д̇ханияаа бассид̇ваа звамаахам̣су – ‘‘аяам̣ со амхаагам̣ ин̣ааяиго. ханд̣̇а, нам̣ нзмаа’’д̇и. згажжз звамаахам̣су – ‘‘мааяяо, звам̣ аважуд̇т̇а. анун̃н̃аад̇ам̣ ран̃н̃аа мааг̇ад̇хзна сзниязна б̣имб̣исаарзна – ‘‘яз саман̣зсу сагяабуд̇д̇иязсу баб̣б̣аж̇анд̇и, на д̇з лаб̣бхаа гин̃жи гаад̇ум̣; сваагкаад̇о д̇хаммо, жаранд̇у б̣рахмажарияам̣ саммаа д̣̇угкасса анд̇агирияааяаа’’д̇и. мануссаа уж̇жхааяанд̇и кияяанд̇и вибаажзнд̇и – ‘‘абхаяуувараа имз саман̣аа сагяабуд̇д̇ияаа. наяимз лаб̣бхаа гин̃жи гаад̇ум̣. гат̇ан̃хи наама саман̣аа сагяабуд̇д̇ияаа ин̣ааяигам̣ баб̣б̣ааж̇зссанд̇ий’’д̇и. бхаг̇авад̇о зд̇амад̇т̇ам̣ аарожзсум̣ . на, бхигкавз, ин̣ааяиго баб̣б̣ааж̇зд̇аб̣б̣о. яо баб̣б̣ааж̇зяяа, аабад̇д̇и д̣̇уггадассаад̇и.
96. Tena kho pana samayena aññataro puriso iṇāyiko palāyitvā bhikkhūsu pabbajito hoti. Dhaniyā passitvā evamāhaṃsu – ‘‘ayaṃ so amhākaṃ iṇāyiko. Handa, naṃ nemā’’ti. Ekacce evamāhaṃsu – ‘‘māyyo, evaṃ avacuttha. Anuññātaṃ raññā māgadhena seniyena bimbisārena – ‘‘ye samaṇesu sakyaputtiyesu pabbajanti, na te labbhā kiñci kātuṃ; svākkhāto dhammo, carantu brahmacariyaṃ sammā dukkhassa antakiriyāyā’’ti. Manussā ujjhāyanti khiyyanti vipācenti – ‘‘abhayūvarā ime samaṇā sakyaputtiyā. Nayime labbhā kiñci kātuṃ. Kathañhi nāma samaṇā sakyaputtiyā iṇāyikaṃ pabbājessantī’’ti. Bhagavato etamatthaṃ ārocesuṃ . Na, bhikkhave, iṇāyiko pabbājetabbo. Yo pabbājeyya, āpatti dukkaṭassāti.
ин̣ааяигавад̇т̇у нидтид̇ам̣.
Iṇāyikavatthu niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / ин̣ааяигавад̇т̇угат̇аа • Iṇāyikavatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / рааж̇абхадаад̣̇ивад̇т̇угат̇ааван̣н̣анаа • Rājabhaṭādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / ин̣ааяигад̣̇аасавад̇т̇угат̇ааван̣н̣анаа • Iṇāyikadāsavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ин̣ааяигавад̇т̇угат̇ааван̣н̣анаа • Iṇāyikavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 33. ин̣ааяигавад̇т̇угат̇аа • 33. Iṇāyikavatthukathā
