| Library / Tipiṭaka / තිපිටක • Tipiṭaka / මහාවග්‌ගපාළි • Mahāvaggapāḷi |
33. ඉණායිකවත්‌ථු
33. Iṇāyikavatthu
96. තෙන ඛො පන සමයෙන අඤ්‌ඤතරො පුරිසො ඉණායිකො පලායිත්‌වා භික්‌ඛූසු පබ්‌බජිතො හොති. ධනියා පස්‌සිත්‌වා එවමාහංසු – ‘‘අයං සො අම්‌හාකං ඉණායිකො. හන්‌ද, නං නෙමා’’ති. එකච්‌චෙ එවමාහංසු – ‘‘මාය්‍යො, එවං අවචුත්‌ථ. අනුඤ්‌ඤාතං රඤ්‌ඤා මාගධෙන සෙනියෙන බිම්‌බිසාරෙන – ‘‘යෙ සමණෙසු සක්‍යපුත්‌තියෙසු පබ්‌බජන්‌ති, න තෙ ලබ්‌භා කිඤ්‌චි කාතුං; ස්‌වාක්‌ඛාතො ධම්‌මො, චරන්‌තු බ්‍රහ්‌මචරියං සම්‌මා දුක්‌ඛස්‌ස අන්‌තකිරියායා’’ති. මනුස්‌සා උජ්‌ඣායන්‌ති ඛිය්‍යන්‌ති විපාචෙන්‌ති – ‘‘අභයූවරා ඉමෙ සමණා සක්‍යපුත්‌තියා. නයිමෙ ලබ්‌භා කිඤ්‌චි කාතුං. කථඤ්‌හි නාම සමණා සක්‍යපුත්‌තියා ඉණායිකං පබ්‌බාජෙස්‌සන්‌තී’’ති. භගවතො එතමත්‌ථං ආරොචෙසුං . න, භික්‌ඛවෙ, ඉණායිකො පබ්‌බාජෙතබ්‌බො. යො පබ්‌බාජෙය්‍ය, ආපත්‌ති දුක්‌කටස්‌සාති.
96. Tena kho pana samayena aññataro puriso iṇāyiko palāyitvā bhikkhūsu pabbajito hoti. Dhaniyā passitvā evamāhaṃsu – ‘‘ayaṃ so amhākaṃ iṇāyiko. Handa, naṃ nemā’’ti. Ekacce evamāhaṃsu – ‘‘māyyo, evaṃ avacuttha. Anuññātaṃ raññā māgadhena seniyena bimbisārena – ‘‘ye samaṇesu sakyaputtiyesu pabbajanti, na te labbhā kiñci kātuṃ; svākkhāto dhammo, carantu brahmacariyaṃ sammā dukkhassa antakiriyāyā’’ti. Manussā ujjhāyanti khiyyanti vipācenti – ‘‘abhayūvarā ime samaṇā sakyaputtiyā. Nayime labbhā kiñci kātuṃ. Kathañhi nāma samaṇā sakyaputtiyā iṇāyikaṃ pabbājessantī’’ti. Bhagavato etamatthaṃ ārocesuṃ . Na, bhikkhave, iṇāyiko pabbājetabbo. Yo pabbājeyya, āpatti dukkaṭassāti.
ඉණායිකවත්‌ථු නිට්‌ඨිතං.
Iṇāyikavatthu niṭṭhitaṃ.
Related texts:
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā / ඉණායිකවත්‌ථුකථා • Iṇāyikavatthukathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / රාජභටාදිවත්‌ථුකථාවණ්‌ණනා • Rājabhaṭādivatthukathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / ඉණායිකදාසවත්‌ථුකථාවණ්‌ණනා • Iṇāyikadāsavatthukathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / ඉණායිකවත්‌ථුකථාවණ්‌ණනා • Iṇāyikavatthukathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi / 33. ඉණායිකවත්‌ථුකථා • 33. Iṇāyikavatthukathā
