| Library / Tipiṭaka / ਤਿਪਿਟਕ • Tipiṭaka / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi |
੩੩. ਇਣਾਯਿਕવਤ੍ਥੁਕਥਾ
33. Iṇāyikavatthukathā
੯੬. ਇਣਾਯਿਕੋ ਨਾਮਾਤਿ ਏਤ੍ਥ ਇਣਨ੍ਤਿ ਉਦ੍ਧਾਰੋ। ਸੋ ਹਿ ਯਸ੍ਮਾ ਏਤਿ વੁਦ੍ਧਿਂ ਗਚ੍ਛਤਿ, ਤਸ੍ਮਾ ਇਣਨ੍ਤਿ વੁਚ੍ਚਤਿ। ਤਂ ਗਣ੍ਹਾਤਿ, ਧਾਰੇਤੀਤਿ વਾ ਇਣਾਯਿਕੋ। ਯਂ વਾਤਿ ਜਨਂ વਾ ਆਠਪੇਤ੍વਾਤਿ ਸਮ੍ਬਨ੍ਧੋ। ਆਠਪੇਤ੍વਾਤਿ ਚ ਪੇਸਨਤ੍ਥਾਯ ਧਨਸਾਮਿਕਸ੍ਸ ਸਨ੍ਤਿਕੇ ਠਪੇਤ੍વਾਤਿ ਅਤ੍ਥੋ। ਆਕਾਰੋ ਹਿ ਪੇਸਨਤ੍ਥવਾਚਕੋ। ਸੋਪੀਤਿ ਪਿਸਦ੍ਦੋ ਪੁਰਿਮਜਨੇ ਅਪੇਕ੍ਖਤਿ। ‘‘ਧਾਰੇਤੀ’’ਤਿ ਇਮਿਨਾ ਆਯਿਕਪਚ੍ਚਯੋ ਧਾਰਣਤ੍ਥੇ ਹੋਤੀਤਿ ਦਸ੍ਸੇਤਿ। ਅਞ੍ਞੇਤਿ ਮਾਤਾਪਿਤੂਹਿ ਅਞ੍ਞੇ। ਹੀਤਿ ਸਚ੍ਚਂ, ਯਸ੍ਮਾ વਾ। ਤੇਤਿ ਅਞ੍ਞੇ ਞਾਤਕਾ, ਤਂ ਆਠਪੇਤੁਂ ਯਸ੍ਮਾ ਨ ਇਸ੍ਸਰਾ, ਤਸ੍ਮਾ ਨ ਇਣਾਯਿਕੋਤਿ ਯੋਜਨਾ। ਇਤਰਨ੍ਤਿ ਨਇਣਾਯਿਕਤੋ ਅਞ੍ਞਂ। ਅਸ੍ਸਾਤਿ ਜਨਸ੍ਸ। ਨਨ੍ਤਿ ਤਂ ਜਨਂ। ਤੇਸੂਤਿ ਞਾਤਿਸਾਲੋਹਿਤਾਦੀਸੁ। ਤਥਾਰੂਪਸ੍ਸਾਤਿ ਅਤ੍ਤਨੋ ਞਾਤਿਸਾਲੋਹਿਤਸ੍ਸਾਤਿ ਅਤ੍ਥੋ। ਆਰੋਚੇਤਬ੍ਬਾਕਾਰਂ ਦਸ੍ਸੇਨ੍ਤੋ ਆਹ ‘‘ਸਹੇਤੁਕੋ’’ਤਿਆਦਿ। ਤਤ੍ਥ ਸਹੇਤੁਕੋਤਿ ਭਬ੍ਬੋ। ਸੋਤਿ ਉਪਟ੍ਠਾਕੋ । ਪਟਿਪਜ੍ਜਤੀਤਿ ਪਟਿਦਦਾਤਿ। ਏਤਨ੍ਤਿ ਕਪ੍ਪਿਯਭਣ੍ਡਂ। ਅਜਾਨਿਤ੍વਾਤਿ ਇਣਾਯਿਕਭਾવਮਜਾਨਿਤ੍વਾ। ਪਸ੍ਸਨ੍ਤੇਨਾਤਿ ਇਣਾਯਿਕਂ ਪਸ੍ਸਨ੍ਤੇਨ। ‘‘ਅਪਸ੍ਸਨ੍ਤਸ੍ਸ ਗੀવਾ ਨ ਹੋਤੀ’’ਤਿ ਇਮਿਨਾ ਪਸ੍ਸਿਤ੍વਾ ਅਦਸ੍ਸੇਨ੍ਤਸ੍ਸ ਗੀવਾ ਹੋਤੀਤਿ ਦਸ੍ਸੇਤਿ।
96.Iṇāyikonāmāti ettha iṇanti uddhāro. So hi yasmā eti vuddhiṃ gacchati, tasmā iṇanti vuccati. Taṃ gaṇhāti, dhāretīti vā iṇāyiko. Yaṃ vāti janaṃ vā āṭhapetvāti sambandho. Āṭhapetvāti ca pesanatthāya dhanasāmikassa santike ṭhapetvāti attho. Ākāro hi pesanatthavācako. Sopīti pisaddo purimajane apekkhati. ‘‘Dhāretī’’ti iminā āyikapaccayo dhāraṇatthe hotīti dasseti. Aññeti mātāpitūhi aññe. Hīti saccaṃ, yasmā vā. Teti aññe ñātakā, taṃ āṭhapetuṃ yasmā na issarā, tasmā na iṇāyikoti yojanā. Itaranti naiṇāyikato aññaṃ. Assāti janassa. Nanti taṃ janaṃ. Tesūti ñātisālohitādīsu. Tathārūpassāti attano ñātisālohitassāti attho. Ārocetabbākāraṃ dassento āha ‘‘sahetuko’’tiādi. Tattha sahetukoti bhabbo. Soti upaṭṭhāko . Paṭipajjatīti paṭidadāti. Etanti kappiyabhaṇḍaṃ. Ajānitvāti iṇāyikabhāvamajānitvā. Passantenāti iṇāyikaṃ passantena. ‘‘Apassantassa gīvā na hotī’’ti iminā passitvā adassentassa gīvā hotīti dasseti.
ਪੁਚ੍ਛਿਯਮਾਨੋਪੀਤਿ ‘‘ਕਿਂ ਤ੍વਂ ਇਣਾਯਿਕੋਸੀ’’ਤਿ ਪੁਚ੍ਛਿਯਮਾਨੋਪਿ। ਤਨ੍ਤਿ ਇਣਾਯਿਕਂ। ਤਤ੍ਥਾਤਿ ਅਞ੍ਞਸ੍ਮਿਂ ਦੇਸੇ। ਤਨ੍ਤਿ ਇਣਸਾਮਿਕਂ। ਸੋਤਿ ਇਣਸਾਮਿਕੋ। ਅਯਨ੍ਤਿ ਇਣਾਯਿਕੋ। ਅਯਨ੍ਤਿ વਚਨਾ। ਤਤ੍ਥਾਤਿ ਇਣਾਯਿਕਸ੍ਸ ਪਬ੍ਬਾਜਨੇ। ਸਾਮੀਚੀਤਿ ਅਨੁਧਮ੍ਮਤਾ।
Pucchiyamānopīti ‘‘kiṃ tvaṃ iṇāyikosī’’ti pucchiyamānopi. Tanti iṇāyikaṃ. Tatthāti aññasmiṃ dese. Tanti iṇasāmikaṃ. Soti iṇasāmiko. Ayanti iṇāyiko. Ayanti vacanā. Tatthāti iṇāyikassa pabbājane. Sāmīcīti anudhammatā.
ਨਨ੍ਤਿ ਇਣਾਯਿਕਂ। ਸੋਤਿ ਇਣਸਾਮਿਕੋ। ਅਸ੍ਸਾਤਿ ਥੇਰਸ੍ਸ। ਗੀવਾ ਨ ਹੋਤੀਤਿ ਸਮ੍ਬਨ੍ਧੋ। ਅਚ੍ਛਤੂਤਿ ਆਸਤੁ ਉਪવੇਸਤੂਤਿ ਅਤ੍ਥੋ। ਸੋਤਿ ਇਣਾਯਿਕੋ। ਈਦਿਸੋਤਿ ਸਹੇਤੁਕੋ વਤ੍ਤਸਮ੍ਪਨ੍ਨੋਤਿ ਅਤ੍ਥੋ। ਅਤਿਆਰਾਧਕੋਤਿ વਤ੍ਤਾਚਾਰੇਨ ਥੇਰਸ੍ਸ ਅਤਿਤੋਸਕੋ।
Nanti iṇāyikaṃ. Soti iṇasāmiko. Assāti therassa. Gīvā na hotīti sambandho. Acchatūti āsatu upavesatūti attho. Soti iṇāyiko. Īdisoti sahetuko vattasampannoti attho. Atiārādhakoti vattācārena therassa atitosako.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਗ੍ਗਪਾਲ਼ਿ • Mahāvaggapāḷi / ੩੩. ਇਣਾਯਿਕવਤ੍ਥੁ • 33. Iṇāyikavatthu
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਇਣਾਯਿਕવਤ੍ਥੁਕਥਾ • Iṇāyikavatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਰਾਜਭਟਾਦਿવਤ੍ਥੁਕਥਾવਣ੍ਣਨਾ • Rājabhaṭādivatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਇਣਾਯਿਕਦਾਸવਤ੍ਥੁਕਥਾવਣ੍ਣਨਾ • Iṇāyikadāsavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਇਣਾਯਿਕવਤ੍ਥੁਕਥਾવਣ੍ਣਨਾ • Iṇāyikavatthukathāvaṇṇanā
