| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. яагкасам̣яуд̇д̇ам̣
10. Yakkhasaṃyuttaṃ
1. инд̣̇агасуд̇д̇аван̣н̣анаа
1. Indakasuttavaṇṇanā
235. ад̇д̇ано барин̣ааяагад̇д̇зна инд̣̇о наама махзсагко, инд̣̇од̇и саман̃н̃аа ассаад̇и гад̇ваа ‘‘инд̣̇аго’’д̇иби вужжад̇и, д̇асса инд̣̇агасса. инд̣̇агуудз баб̣б̣ад̇з нивасад̇ийд̇и инд̣̇агууданиваасий, д̇асса инд̣̇агууданиваасино. б̣алигаммзхи яаж̇ид̇аб̣б̣ад̇о бууж̇ид̇аб̣б̣ад̇о яагко, д̇асса яагкасса. инд̣̇асса ниваасадтаанабхууд̇ам̣ гуудам̣ инд̣̇агууданд̇и яагкад̇о гуудзна наамам̣ лад̣̇д̇хам̣. инд̣̇агуудо инд̣̇о уд̇д̇арабад̣̇алобзна яат̇аа ‘‘гзлаасагуудо гзлаасо’’д̇и. инд̣̇о яагкод̇и гуудад̇о яагкзна наамам̣ лад̣̇д̇хам̣. на жзд̇т̇а ид̇арийд̇араниссаяад̣̇осо ан̃н̃аман̃н̃уубалагкан̣абхаавад̇о яат̇аа д̇ам̣ ‘‘гааяагаммадтаана’’нд̇и. руубанд̇и сагалам̣ руубагканд̇хамааха, на руубааяад̇ананд̇и. имам̣ сарийрам̣ бзжжа аяам̣ гинд̇и бадилабхад̇ийд̇и жод̣̇зд̇и.
235. Attano pariṇāyakattena indo nāma mahesakkho, indoti samaññā assāti katvā ‘‘indako’’tipi vuccati, tassa indakassa. Indakūṭe pabbate nivasatīti indakūṭanivāsī, tassa indakūṭanivāsino. Balikammehi yajitabbato pūjitabbato yakkho, tassa yakkhassa. Indassa nivāsaṭṭhānabhūtaṃ kūṭaṃ indakūṭanti yakkhato kūṭena nāmaṃ laddhaṃ. Indakūṭo indo uttarapadalopena yathā ‘‘kelāsakūṭo kelāso’’ti. Indo yakkhoti kūṭato yakkhena nāmaṃ laddhaṃ. Na cettha itarītaranissayadoso aññamaññūpalakkhaṇabhāvato yathā taṃ ‘‘kāyakammaṭṭhāna’’nti. Rūpanti sakalaṃ rūpakkhandhamāha, na rūpāyatananti. Imaṃ sarīraṃ pecca ayaṃ kinti paṭilabhatīti codeti.
гуд̇о ааг̇ажчад̇ийд̇и бараад̇хаараруубз ж̇ийвз ад̇д̇ани маад̇угужчимогганд̇з руубасса самбхавод̇и гуд̇о наама таанад̇о ааг̇ажчад̇и. д̇знааха ‘‘имаани жа адтийни имаа жа мам̣сабзсияо’’д̇иаад̣̇и. гат̇ам̣ нваяанд̇и аяам̣ гужчисан̇каад̇з г̇аб̣бхарз гат̇ам̣ саж̇ж̇ад̇ийд̇и бужчад̇и. ‘‘сийхаанам̣ва над̣̇анд̇аанам̣, д̣̇аатийнам̣ г̇ириг̇аб̣бхарз’’д̇иаад̣̇инаа (т̇зраг̇аа. нид̣̇аанаг̇аат̇аа) г̇аб̣бхаро жа гужчиваажаго ааг̇ад̇о. д̇знааха ‘‘г̇аб̣бхарасминд̇и маад̇угужчисми’’нд̇и. буг̇г̇алаваад̣̇ийд̇и ад̇д̇аваад̣̇убаад̣̇аано. яат̇аа хи мажчамам̣сам̣ бхуд̇д̇ам̣ пзн̣ам̣ вияа худ̇ваа вилийяад̇и, на жа бан̃н̃ааяад̇и сад̇д̇абхаавзна аббавад̇д̇анад̇о, звамзвам̣ яад̣̇и маад̇угужчисмим̣ г̇аб̣бхабхаавзна уббаннам̣ руубам̣ сад̇д̇о на бхавзяяа но вад̣дхзяяа, вилийяид̇ваа г̇ажчзяяа, бан̃н̃ааяад̇и жа д̇ам̣ руубам̣, д̇асмаа ж̇ийвод̇и имааяа лад̣̇д̇хияаа. звамаахаад̇и ‘‘руубам̣…бз… г̇аб̣бхарасми’’нд̇и звамавожа. батаманд̇и зд̇зсам̣ бан̃жаннам̣ батамам̣. д̇знааха ‘‘батамзна бадисанд̇хивин̃н̃аан̣зна сад̣̇д̇хи’’нд̇и. ‘‘ж̇аад̇иун̣н̣ам̣суухийд̇и ж̇аад̇изл̣агааяа ун̣н̣ам̣суухий’’д̇и вад̣̇анд̇и. ‘‘г̇аб̣бхам̣ паалзд̇ваа г̇ахид̇аун̣н̣аа ж̇аад̇иун̣н̣аа. д̇ассаа ам̣суухи д̇ийхи гад̇асуд̇д̇аг̇г̇з’’д̇и сам̣яуд̇д̇абхаан̣агаанам̣ ад̇хиббааяо.
Kuto āgacchatīti parādhārarūpe jīve attani mātukucchimokkante rūpassa sambhavoti kuto nāma ṭhānato āgacchati. Tenāha ‘‘imāni ca aṭṭhīni imā ca maṃsapesiyo’’tiādi. Kathaṃ nvayanti ayaṃ kucchisaṅkhāte gabbhare kathaṃ sajjatīti pucchati. ‘‘Sīhānaṃva nadantānaṃ, dāṭhīnaṃ girigabbhare’’tiādinā (theragā. nidānagāthā) gabbharo ca kucchivācako āgato. Tenāha ‘‘gabbharasminti mātukucchismi’’nti. Puggalavādīti attavādupādāno. Yathā hi macchamaṃsaṃ bhuttaṃ pheṇaṃ viya hutvā vilīyati, na ca paññāyati sattabhāvena appavattanato, evamevaṃ yadi mātukucchismiṃ gabbhabhāvena uppannaṃ rūpaṃ satto na bhaveyya no vaḍḍheyya, vilīyitvā gaccheyya, paññāyati ca taṃ rūpaṃ, tasmā jīvoti imāya laddhiyā. Evamāhāti ‘‘rūpaṃ…pe… gabbharasmi’’nti evamavoca. Paṭhamanti etesaṃ pañcannaṃ paṭhamaṃ. Tenāha ‘‘paṭhamena paṭisandhiviññāṇena saddhi’’nti. ‘‘Jātiuṇṇaṃsūhīti jātieḷakāya uṇṇaṃsūhī’’ti vadanti. ‘‘Gabbhaṃ phāletvā gahitauṇṇā jātiuṇṇā. Tassā aṃsūhi tīhi katasuttagge’’ti saṃyuttabhāṇakānaṃ adhippāyo.
анаавилод̇и ажчо, суббасаннод̇и ад̇т̇о. звам̣ван̣н̣аббадибхааг̇анд̇и вуд̇д̇аббамаан̣асан̣таанасамбарижчиннам̣. галалам̣ самбавужжад̇ийд̇и ад̇д̇абхааво бхууд̇убаад̣̇ааруубасан̇каад̇о санд̇аанавасзна бавад̇д̇амаано галалам̣ наамаад̇и гат̇ийяад̇и.
Anāviloti accho, suppasannoti attho. Evaṃvaṇṇappaṭibhāganti vuttappamāṇasaṇṭhānasamparicchinnaṃ. Kalalaṃ sampavuccatīti attabhāvo bhūtupādārūpasaṅkhāto santānavasena pavattamāno kalalaṃ nāmāti kathīyati.
галалаад̇и яат̇аавуд̇д̇агалаларуубахзд̇у д̇ам̣ ниссааяа бажжаяам̣ гад̇ваа. мам̣сад̇хованауд̣̇агаван̣н̣анд̇и ван̣н̣ад̇о мам̣сад̇хованауд̣̇агаван̣н̣ам̣, сан̣таанад̇о бана вилийнад̇ибусад̣̇исам̣.
Kalalāti yathāvuttakalalarūpahetu taṃ nissāya paccayaṃ katvā. Maṃsadhovanaudakavaṇṇanti vaṇṇato maṃsadhovanaudakavaṇṇaṃ, saṇṭhānato pana vilīnatipusadisaṃ.
барибагганд̇и барибаагагалалабхаавад̇о барибаагам̣ г̇ад̇ам̣ субарибаагам̣ г̇ад̇ам̣. самуухад̇анд̇и самуухабхууд̇ам̣ сан̇г̇ад̇ам̣. виваддамаананд̇и барин̣аманд̇ам̣. д̇аб̣бхааванд̇и гаран̣з зд̇ам̣ убаяог̇аважанам̣, д̇аб̣бхаавзна барин̣аманд̇анд̇и ад̇т̇о. ниссаггз ваа убаяог̇аважанам̣, д̇аб̣бхаавад̇о галалабхаавад̇о галалам̣ вибарин̣аманд̇ам̣. аб̣б̣уд̣̇ам̣ наама ж̇ааяад̇и, аб̣б̣уд̣̇ам̣ наама самбаж̇ж̇ад̇ийд̇и ад̇т̇о.
Paripakkanti paripākakalalabhāvato paripākaṃ gataṃ suparipākaṃ gataṃ. Samūhatanti samūhabhūtaṃ saṅgataṃ. Vivaṭṭamānanti pariṇamantaṃ. Tabbhāvanti karaṇe etaṃ upayogavacanaṃ, tabbhāvena pariṇamantanti attho. Nissakke vā upayogavacanaṃ, tabbhāvato kalalabhāvato kalalaṃ vipariṇamantaṃ. Abbudaṃ nāma jāyati, abbudaṃ nāma sampajjatīti attho.
вилийнад̇ибусад̣̇исаа сан̣таанавасзна, ван̣н̣авасзна бана сид̇аа арад̇д̇аава ход̇ийд̇и вад̣̇анд̇и. ман̣д̣анд̇и д̣̇ааригаанам̣ д̇ат̇аа бийл̣анад̇о ниб̣б̣ад̇д̇амарижабаггасса саарабхууд̇ам̣ расам̣. саб̣б̣абхааг̇зхи мужжад̇ийд̇и со ман̣д̣о габаалз алаг̇г̇о худ̇ваа д̇асса саб̣б̣абхааг̇зхи мужчид̇ваа бин̣д̣ид̇о худ̇ваа д̇идтад̇и. зваруубаа бзси ход̇ийд̇и саа бзси г̇аб̣бхаасаяз гад̇т̇ажи алаг̇г̇аа яат̇аавуд̇д̇аман̣д̣о вияа бин̣д̣ид̇о худ̇ваа д̇идтад̇и. д̇знааха ‘‘вилийнад̇ибусад̣̇исаа’’д̇и.
Vilīnatipusadisā saṇṭhānavasena, vaṇṇavasena pana sitā arattāva hotīti vadanti. Maṇḍanti dārikānaṃ tathā pīḷanato nibbattamaricapakkassa sārabhūtaṃ rasaṃ. Sabbabhāgehi muccatīti so maṇḍo kapāle alaggo hutvā tassa sabbabhāgehi mucchitvā piṇḍito hutvā tiṭṭhati. Evarūpā pesi hotīti sā pesi gabbhāsaye katthaci alaggā yathāvuttamaṇḍo viya piṇḍito hutvā tiṭṭhati. Tenāha ‘‘vilīnatipusadisā’’ti.
бзси ниб̣б̣ад̇д̇ад̇ийд̇и зд̇т̇а бзсийд̇и ниссаггз бажжад̇д̇аважананд̇и ааха ‘‘д̇ад̇о бзсид̇о’’д̇и.
Pesi nibbattatīti ettha pesīti nissakke paccattavacananti āha ‘‘tato pesito’’ti.
гханасса сан̣таанам̣. ниб̣б̣ад̇д̇ам̣ гаммабажжаяаад̇и д̇ам̣сан̣таанам̣ руубад̇хамманиб̣б̣ад̇д̇ияаа ж̇ааяад̇и. ‘‘ж̇араамаран̣ам̣ анижжам̣ сан̇кад̇ам̣ бадижжасамуббанна’’нд̇и (сам̣. ни. 2.20) хи вуд̇д̇ам̣.
Ghanassa saṇṭhānaṃ. Nibbattaṃ kammapaccayāti taṃsaṇṭhānaṃ rūpadhammanibbattiyā jāyati. ‘‘Jarāmaraṇaṃ aniccaṃ saṅkhataṃ paṭiccasamuppanna’’nti (saṃ. ni. 2.20) hi vuttaṃ.
бийл̣агаад̇и бийл̣агасад̣̇исаа мам̣сабин̣д̣аа ж̇ааяанд̇и.
Pīḷakāti pīḷakasadisā maṃsapiṇḍā jāyanti.
сад̇д̇амаад̣̇ийнийд̇и аад̣̇и-сад̣̇д̣̇зна адтамасад̇д̇аахад̇о бадтааяа яаава згажад̇д̇аалийсаа жад̇уд̇д̇им̣са сад̇д̇аахаани сан̇г̇ан̣хаад̇и. барин̣ад̇агааланд̇и г̇аб̣бхасса барин̣ад̇агаалам̣. навамаасад̇о б̣ахи барибагго наама ход̇и гзсаломаад̣̇иниб̣б̣ад̇д̇ид̇о. д̇знааха ‘‘д̣̇ваажад̇д̇аалийсз сад̇д̇аахз зд̇аани ж̇ааяанд̇ий’’д̇и.
Sattamādīnīti ādi-saddena aṭṭhamasattāhato paṭṭhāya yāva ekacattālīsā catuttiṃsa sattāhāni saṅgaṇhāti. Pariṇatakālanti gabbhassa pariṇatakālaṃ. Navamāsato bahi paripakko nāma hoti kesalomādinibbattito. Tenāha ‘‘dvācattālīse sattāhe etāni jāyantī’’ti.
д̇ассаад̇и г̇аб̣бхасзяяагасад̇д̇асса. маад̇ууд̣̇арабадалзна згааб̣ад̣̇д̇хо ход̇и яад̇о маад̇араа барибхуд̇д̇ааахааро аамаасаяз бад̇идтид̇з г̇аб̣бхасса наабхинаал̣аанусаарзна г̇аб̣бхаг̇ад̇асса сарийрам̣ самбад̇ваа аахаарагижжам̣ гарод̇и. аахаарасамудтаанаруубам̣ самудтаабзд̇ийд̇и г̇аб̣бхаг̇ад̇асса гааяз ож̇ааяа бажжаяо ход̇и. саа жа д̇ам̣ бажжаяам̣ лабхид̇ваа ож̇адтамагам̣ руубам̣ самудтаабзд̇и. звам̣ маад̇араа барибхуд̇д̇ааахаарабажжаязна г̇аб̣бхаг̇ад̇о д̣̇аса маасз яаабзд̇и ад̇д̇ано наабхинаал̣аанусаараг̇ад̇знзва д̇зна яаава аахаарасамудтаанасад̇д̇аахо, д̇ад̇о бадтааяа аахаран̣ад̇о. гзжи бана ‘‘маад̇араа барибхуд̇д̇ааахааро б̣аахираваг̇г̇о вияа д̇асса гааяам̣ абхисаннзд̇и барисаннзд̇и, д̇зна со яаабзд̇ий’’д̇и вад̣̇анд̇и. гужчиг̇ад̇ам̣ уд̣̇арабадалзна д̇ирохид̇ад̇д̇аа б̣ахи тид̇анд̇и вад̇д̇аб̣б̣ад̇ам̣ на арахад̇ийд̇и ‘‘гужчияаа аб̣бханд̇араг̇ад̇о’’д̇и ааха. маад̇угужчиг̇ад̇о народ̇и маад̇у д̇ирогужчиг̇ад̇о. звам̣ код̇и иминаа яат̇аавуд̇д̇аагаарзна аяам̣ сад̇д̇о…бз… ниб̣б̣ад̇д̇ад̇и, д̇асмаа руубам̣ на ж̇ийво. на хи д̣̇идтиг̇ад̇асса сад̇д̇аахаггамзна вуд̣дхиббад̇д̇о ижчид̇о анижжад̇аабад̇д̇ид̇о.
Tassāti gabbhaseyyakasattassa. Mātuudarapaṭalena ekābaddho hoti yato mātarā paribhuttaāhāro āmāsaye patiṭṭhite gabbhassa nābhināḷānusārena gabbhagatassa sarīraṃ sampatvā āhārakiccaṃ karoti. Āhārasamuṭṭhānarūpaṃ samuṭṭhāpetīti gabbhagatassa kāye ojāya paccayo hoti. Sā ca taṃ paccayaṃ labhitvā ojaṭṭhamakaṃ rūpaṃ samuṭṭhāpeti. Evaṃ mātarā paribhuttaāhārapaccayena gabbhagato dasa māse yāpeti attano nābhināḷānusāragateneva tena yāva āhārasamuṭṭhānasattāho, tato paṭṭhāya āharaṇato. Keci pana ‘‘mātarā paribhuttaāhāro bāhiravaggo viya tassa kāyaṃ abhisanneti parisanneti, tena so yāpetī’’ti vadanti. Kucchigataṃ udarapaṭalena tirohitattā bahi ṭhitanti vattabbataṃ na arahatīti ‘‘kucchiyā abbhantaragato’’ti āha. Mātukucchigato naroti mātu tirokucchigato. Evaṃ khoti iminā yathāvuttākārena ayaṃ satto…pe… nibbattati, tasmā rūpaṃ na jīvo. Na hi diṭṭhigatassa sattāhakkamena vuḍḍhippatto icchito aniccatāpattito.
инд̣̇агасуд̇д̇аван̣н̣анаа нидтид̇аа.
Indakasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. инд̣̇агасуд̇д̇ам̣ • 1. Indakasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. инд̣̇агасуд̇д̇аван̣н̣анаа • 1. Indakasuttavaṇṇanā
