| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
4. инд̣̇рияаб̣ад̣̇д̇хагат̇ааван̣н̣анаа
4. Indriyabaddhakathāvaṇṇanā
786-787. ид̣̇аани инд̣̇рияаб̣ад̣̇д̇хагат̇аа наама ход̇и. д̇ад̇т̇а д̣̇увид̇хам̣ д̣̇угкам̣ – инд̣̇рияаб̣ад̣̇д̇хам̣, анинд̣̇рияаб̣ад̣̇д̇хан̃жа. инд̣̇рияаб̣ад̣̇д̇хам̣ д̣̇угкавад̇т̇уд̇ааяа д̣̇угкам̣, анинд̣̇рияаб̣ад̣̇д̇хам̣ уд̣̇аяаб̣б̣аяабадибийл̣анадтзна ‘‘яад̣̇анижжам̣ д̇ам̣ д̣̇угка’’нд̇и сан̇г̇ахид̇ад̇д̇аа д̣̇угкам̣. имам̣ вибхааг̇ам̣ аг̇г̇ахзд̇ваа ‘‘яасса барин̃н̃ааяа бхаг̇авад̇и б̣рахмажарияам̣ вуссад̇и, д̇ам̣ инд̣̇рияаб̣ад̣̇д̇хамзва д̣̇угкам̣, на ид̇ара’’нд̇и язсам̣ лад̣̇д̇хи, сзяяат̇ааби хзд̇уваад̣̇аанам̣, д̇зсам̣ ид̇арассааби д̣̇угкабхаавам̣ д̣̇ассзд̇ум̣ инд̣̇рияаб̣ад̣̇д̇хан̃н̃зваад̇и бужчаа сагаваад̣̇исса, бадин̃н̃аа ид̇арасса. ат̇а нам̣ ‘‘яасмаа бхаг̇авад̇аа ‘яад̣̇анижжам̣ д̇ам̣ д̣̇угка’нд̇и вуд̇д̇ам̣, д̇асмаа инд̣̇рияаб̣ад̣̇д̇хзнзва д̇зна анижжзна бхавид̇аб̣б̣а’’нд̇и жод̣̇зд̇ум̣ инд̣̇рияаб̣ад̣̇д̇хан̃н̃зва анижжанд̇иаад̣̇имааха. нану анинд̣̇рияаб̣ад̣̇д̇хам̣ анижжанд̇и нану бат̇авийбаб̣б̣ад̇абаасаан̣аад̣̇и анинд̣̇рияаб̣ад̣̇д̇хамби анижжанд̇и ад̇т̇о.
786-787. Idāni indriyabaddhakathā nāma hoti. Tattha duvidhaṃ dukkhaṃ – indriyabaddhaṃ, anindriyabaddhañca. Indriyabaddhaṃ dukkhavatthutāya dukkhaṃ, anindriyabaddhaṃ udayabbayapaṭipīḷanaṭṭhena ‘‘yadaniccaṃ taṃ dukkha’’nti saṅgahitattā dukkhaṃ. Imaṃ vibhāgaṃ aggahetvā ‘‘yassa pariññāya bhagavati brahmacariyaṃ vussati, taṃ indriyabaddhameva dukkhaṃ, na itara’’nti yesaṃ laddhi, seyyathāpi hetuvādānaṃ, tesaṃ itarassāpi dukkhabhāvaṃ dassetuṃ indriyabaddhaññevāti pucchā sakavādissa, paṭiññā itarassa. Atha naṃ ‘‘yasmā bhagavatā ‘yadaniccaṃ taṃ dukkha’nti vuttaṃ, tasmā indriyabaddheneva tena aniccena bhavitabba’’nti codetuṃ indriyabaddhaññeva aniccantiādimāha. Nanuanindriyabaddhaṃ aniccanti nanu pathavīpabbatapāsāṇādi anindriyabaddhampi aniccanti attho.
788. на вад̇д̇аб̣б̣ам̣ инд̣̇рияаб̣ад̣̇д̇хан̃н̃зва д̣̇угканд̇и бан̃хз ааманд̇аад̇и бадин̃н̃аа сагаваад̣̇исса. анинд̣̇рияаб̣ад̣̇д̇хан̃хи д̣̇угкад̣̇оманассаанам̣ аарамман̣ам̣ ход̇и. ун̣хагааласмин̃хи аг̇г̇и сийд̇агаалз жа ваад̇о д̣̇угкасса аарамман̣ам̣, нижжамби бхог̇авинаасаад̣̇аяо д̣̇оманассасса. д̇асмаа винааби анижжадтзна анинд̣̇рияаб̣ад̣̇д̇хам̣ д̣̇угканд̇и вад̇д̇аб̣б̣ам̣. гаммагилзсзхи бана аниб̣б̣ад̇д̇ад̇д̇аа д̣̇угкам̣ арияасажжанд̇и на вад̇д̇аб̣б̣ам̣, д̇ат̇аа маг̇г̇зна абарин̃н̃зяяад̇д̇аа. яасмаа бана д̇ин̣агадтаад̣̇инирод̇хо ваа уд̇уб̣ийж̇аад̣̇инирод̇хо ваа д̣̇угканирод̇хам̣ арияасажжам̣ наама на ход̇и, д̇асмаа инд̣̇рияаб̣ад̣̇д̇хам̣ д̣̇угкан̃жзва арияасажжан̃жа, ид̇арам̣ бана д̣̇угкамзваад̇и ид̣̇ам̣ наанад̇д̇ам̣ д̣̇ассзд̇ум̣ бадиж̇аанаад̇и. яат̇аа инд̣̇рияаб̣ад̣̇д̇хассаад̇иаад̣̇иважанам̣ инд̣̇рияаб̣ад̣̇д̇хасса барин̃н̃ааяа б̣рахмажарияаваасам̣ барин̃н̃аад̇асса буна ануббад̇д̇им̣ д̣̇ийбзд̇и. д̇знзвзд̇т̇а сагаваад̣̇инаа бадигкзбо гад̇о. ‘‘яад̣̇анижжам̣ д̇ам̣ д̣̇угка’’нд̇и важанзна бана сан̇г̇ахид̇асса анинд̣̇рияаб̣ад̣̇д̇хасса д̣̇угкабхаавам̣ бадисзд̇хзд̇ум̣ на саггаад̇и, д̇асмаа асаад̇хаганд̇и.
788. Na vattabbaṃ indriyabaddhaññeva dukkhanti pañhe āmantāti paṭiññā sakavādissa. Anindriyabaddhañhi dukkhadomanassānaṃ ārammaṇaṃ hoti. Uṇhakālasmiñhi aggi sītakāle ca vāto dukkhassa ārammaṇaṃ, niccampi bhogavināsādayo domanassassa. Tasmā vināpi aniccaṭṭhena anindriyabaddhaṃ dukkhanti vattabbaṃ. Kammakilesehi pana anibbattattā dukkhaṃ ariyasaccanti na vattabbaṃ, tathā maggena apariññeyyattā. Yasmā pana tiṇakaṭṭhādinirodho vā utubījādinirodho vā dukkhanirodhaṃ ariyasaccaṃ nāma na hoti, tasmā indriyabaddhaṃ dukkhañceva ariyasaccañca, itaraṃ pana dukkhamevāti idaṃ nānattaṃ dassetuṃ paṭijānāti. Yathā indriyabaddhassātiādivacanaṃ indriyabaddhassa pariññāya brahmacariyavāsaṃ pariññātassa puna anuppattiṃ dīpeti. Tenevettha sakavādinā paṭikkhepo kato. ‘‘Yadaniccaṃ taṃ dukkha’’nti vacanena pana saṅgahitassa anindriyabaddhassa dukkhabhāvaṃ paṭisedhetuṃ na sakkāti, tasmā asādhakanti.
инд̣̇рияаб̣ад̣̇д̇хагат̇ааван̣н̣анаа.
Indriyabaddhakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (169) 4. инд̣̇рияаб̣ад̣̇д̇хагат̇аа • (169) 4. Indriyabaddhakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 4. инд̣̇рияаб̣ад̣̇д̇хагат̇ааван̣н̣анаа • 4. Indriyabaddhakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 4. инд̣̇рияаб̣ад̣̇д̇хагат̇ааван̣н̣анаа • 4. Indriyabaddhakathāvaṇṇanā
