| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
10. инд̣̇рияабхааванаасуд̇д̇аван̣н̣анаа
10. Indriyabhāvanāsuttavaṇṇanā
453. звам̣наамагзд̇и ‘‘г̇аж̇ан̇г̇алаа’’д̇и звам̣ ид̇т̇илин̇г̇авасзна лад̣̇д̇ханаамагз маж̇жхимабад̣̇зсасса марияаад̣̇адтаанабхууд̇з ниг̇амз. сувзл̣у наама нижаларугкод̇и вад̣̇анд̇и. д̇ад̇о ан̃н̃ам̣ зваад̇и бана ад̇хиббааязна ‘‘згаа ругкаж̇аад̇ий’’д̇и вуд̇д̇ам̣. жагкусод̇аанам̣ яат̇аасагависаяад̇о нивааран̣ам̣ д̣̇аманам̣ инд̣̇рияабхааванаа, д̇ан̃жа ко саб̣б̣асо ад̣̇ассанзна асаванзнаад̇и ааха – ‘‘жагкунаа руубам̣ на бассад̇и, сод̇зна сад̣̇д̣̇ам̣ на сун̣аад̇ий’’д̇и. сад̇и хи д̣̇ассанз саванз жа д̇аани ад̣̇анд̇аани абхаавид̇аанзваад̇и ад̇хиббааяо. жагкусод̇аани жа асамбад̇д̇аг̇г̇аахид̇ааяа д̣̇урагкид̇аанийд̇и б̣раахман̣о д̇зсам̣язва висаяаг̇г̇ахан̣ам̣ бадигкиби. асад̣̇исааяаад̇и ан̃н̃ад̇ид̇т̇ияасамаязхи асаад̇хааран̣ааяа. аалаяанд̇и гат̇зд̇угаамад̇аагааранд̇и ад̇т̇о.
453.Evaṃnāmaketi ‘‘gajaṅgalā’’ti evaṃ itthiliṅgavasena laddhanāmake majjhimapadesassa mariyādaṭṭhānabhūte nigame. Suveḷu nāma nicalarukkhoti vadanti. Tato aññaṃ evāti pana adhippāyena ‘‘ekā rukkhajātī’’ti vuttaṃ. Cakkhusotānaṃ yathāsakavisayato nivāraṇaṃ damanaṃ indriyabhāvanā, tañca kho sabbaso adassanena asavanenāti āha – ‘‘cakkhunā rūpaṃ na passati, sotena saddaṃ na suṇātī’’ti. Sati hi dassane savane ca tāni adantāni abhāvitānevāti adhippāyo. Cakkhusotāni ca asampattaggāhitāya durakkhitānīti brāhmaṇo tesaṃyeva visayaggahaṇaṃ paṭikkhipi. Asadisāyāti aññatitthiyasamayehi asādhāraṇāya. Ālayanti kathetukāmatākāranti attho.
454. вибассанубзгкаад̇и аарад̣̇д̇хавибассагасса вибассанаан̃аан̣зна лагкан̣ад̇д̇аяз д̣̇идтз сан̇каараанам̣ анижжабхааваад̣̇ивижинанз маж̇жхад̇д̇абхууд̇аа вибассанаасан̇каад̇аа убзгкаа. саа бана яасмаа бхааванаависзсаббад̇д̇ияаа хздтимзхи вибассанааваарзхи санд̇аа жзва бан̣ийд̇аа жа, баг̇зва жагкувин̃н̃аан̣аад̣̇исахаг̇ад̇аахи убзгкаахи, д̇асмаа ааха – ‘‘зсаа санд̇аа зсаа бан̣ийд̇аа’’д̇и. ад̇аббигаад̇и санд̇абан̣ийд̇абхааванаарасавасзна д̇ид̇д̇им̣ на ж̇анзд̇и. д̇знзвааха –
454.Vipassanupekkhāti āraddhavipassakassa vipassanāñāṇena lakkhaṇattaye diṭṭhe saṅkhārānaṃ aniccabhāvādivicinane majjhattabhūtā vipassanāsaṅkhātā upekkhā. Sā pana yasmā bhāvanāvisesappattiyā heṭṭhimehi vipassanāvārehi santā ceva paṇītā ca, pageva cakkhuviññāṇādisahagatāhi upekkhāhi, tasmā āha – ‘‘esā santā esā paṇītā’’ti. Atappikāti santapaṇītabhāvanārasavasena tittiṃ na janeti. Tenevāha –
‘‘сун̃н̃ааг̇аарам̣ бавидтасса, санд̇ажид̇д̇асса бхигкуно;
‘‘Suññāgāraṃ paviṭṭhassa, santacittassa bhikkhuno;
амаанусий рад̇ий ход̇и, саммаа д̇хаммам̣ вибассад̇о’’д̇и. (д̇ха. ба. 373);
Amānusī ratī hoti, sammā dhammaṃ vipassato’’ti. (dha. pa. 373);
ид̇ийд̇и звам̣ вагкамаанаагаарзнаад̇и ад̇т̇о. аяам̣ бхигкууд̇и аяам̣ аарад̣̇д̇хавибассаго бхигкууд̇и яож̇анаа. жагкуд̣̇ваарз руубаарамман̣амхийд̇и жагкуд̣̇ваарз аабаат̇аг̇ад̇з руубаарамман̣з. манаабанд̇и манаабабхаавзна бавад̇д̇анагам̣. маж̇жхад̇д̇з манаабааманаабанд̇и идтамаж̇жхад̇д̇з манаабабхаавзна аманаабабхаавзна жа бавад̇д̇анагам̣ манаабааманаабам̣ наамаад̇и. д̇знааха (‘‘нзва манаабам̣ на аманааба’’нд̇и). иминаа манаабабхааво г̇ахид̇о, ‘‘нзва манааба’’нд̇и иминаа манаабабхааво маж̇жхад̇д̇о жа убхаяам̣ згад̣̇зсад̇о лаб̣бхад̇ийд̇и, ‘‘манаабааманааба’’нд̇и вуд̇д̇ам̣. звам̣ аарамман̣з лаб̣бхамаанависзсавасзна д̇ад̣̇аарамман̣асса жид̇д̇асса баагад̇игам̣ бавад̇д̇иаагаарам̣ д̣̇ассзд̇ваа ид̣̇аани д̇аббадисзд̇хзна арияасса винаяз ануд̇д̇арам̣ инд̣̇рияабхааванам̣ д̣̇ассзд̇ум̣, ‘‘д̇асса раж̇ж̇ид̇ум̣ ваа’’д̇иаад̣̇и вуд̇д̇ам̣. д̇ад̇рааяам̣ яож̇анаа – д̇асса жид̇д̇ам̣ идтз аарамман̣з раж̇ж̇ид̇ум̣ ваа анидтз аарамман̣з д̣̇уссид̇ум̣ ваа маж̇жхад̇д̇з аарамман̣з муяхид̇ум̣ ваа. ад̣̇ад̇ваад̇и нисзд̇хзд̇ваа. бариг̇г̇ахзд̇ваад̇и бариж̇аананавасзна н̃аан̣зна г̇ахзд̇ваа н̃аад̇ад̇ийран̣абахаанабарин̃н̃аахи бариж̇аанид̇ваа. вибассанам̣ маж̇жхад̇д̇з табзд̇ийд̇и ануггамзна вибассанубзгкам̣ ниб̣б̣ад̇д̇зд̇ваа д̇ам̣ сан̇каарубзгкам̣ баабзд̇ваа табзд̇и. жагкумаад̇и на басаад̣̇ажагкуно ад̇т̇ид̇аамад̇д̇аж̇од̇анам̣; ат̇а ко д̇асса ад̇исаязна ад̇т̇ид̇ааж̇од̇анам̣, ‘‘сийлаваа’’д̇иаад̣̇ийсу вияаад̇и ааха – ‘‘жагкумаад̇и самбаннажагку висуд̣̇д̇ханзд̇д̇о’’д̇и.
Itīti evaṃ vakkhamānākārenāti attho. Ayaṃ bhikkhūti ayaṃ āraddhavipassako bhikkhūti yojanā. Cakkhudvāre rūpārammaṇamhīti cakkhudvāre āpāthagate rūpārammaṇe. Manāpanti manāpabhāvena pavattanakaṃ. Majjhatte manāpāmanāpanti iṭṭhamajjhatte manāpabhāvena amanāpabhāvena ca pavattanakaṃ manāpāmanāpaṃ nāmāti. Tenāha (‘‘neva manāpaṃ na amanāpa’’nti). Iminā manāpabhāvo gahito, ‘‘neva manāpa’’nti iminā manāpabhāvo majjhatto ca ubhayaṃ ekadesato labbhatīti, ‘‘manāpāmanāpa’’nti vuttaṃ. Evaṃ ārammaṇe labbhamānavisesavasena tadārammaṇassa cittassa pākatikaṃ pavattiākāraṃ dassetvā idāni tappaṭisedhena ariyassa vinaye anuttaraṃ indriyabhāvanaṃ dassetuṃ, ‘‘tassa rajjituṃ vā’’tiādi vuttaṃ. Tatrāyaṃ yojanā – tassa cittaṃ iṭṭhe ārammaṇe rajjituṃ vā aniṭṭhe ārammaṇe dussituṃ vā majjhatte ārammaṇe muyhituṃ vā. Adatvāti nisedhetvā. Pariggahetvāti parijānanavasena ñāṇena gahetvā ñātatīraṇapahānapariññāhi parijānitvā. Vipassanaṃ majjhatte ṭhapetīti anukkamena vipassanupekkhaṃ nibbattetvā taṃ saṅkhārupekkhaṃ pāpetvā ṭhapeti. Cakkhumāti na pasādacakkhuno atthitāmattajotanaṃ; atha kho tassa atisayena atthitājotanaṃ, ‘‘sīlavā’’tiādīsu viyāti āha – ‘‘cakkhumāti sampannacakkhu visuddhanetto’’ti.
456. ийсагам̣ бон̣зд̇и маж̇жхз ужжам̣ худ̇ваа ийсагам̣ бон̣з, на анд̇анд̇зна ван̇гз. д̇знааха – ‘‘рат̇ийсаа вияа удтахид̇ваа тид̇з’’д̇и.
456.Īsakaṃ poṇeti majjhe uccaṃ hutvā īsakaṃ poṇe, na antantena vaṅke. Tenāha – ‘‘rathīsā viya uṭṭhahitvā ṭhite’’ti.
461. бадигуулзд̇и аманун̃н̃з аарамман̣з. аббадигууласан̃н̃ийд̇и на бадигууласан̃н̃ий. д̇ам̣ бана аббадигууласан̃н̃ид̇ам̣ д̣̇ассзд̇ум̣, ‘‘мзд̇д̇аапаран̣зна ваа’’д̇иаад̣̇и вуд̇д̇ам̣. д̇ад̇т̇а бадигуулз анидтз вад̇т̇усмим̣ сад̇д̇асан̃н̃ид̇з мзд̇д̇аапаран̣зна ваа д̇хаад̇усо убасам̣хаарзна ваа сан̇каарасан̃н̃ид̇з бана д̇хаад̇усо убасам̣хаарзна ваад̇и яож̇зд̇аб̣б̣ам̣. аббадигууласан̃н̃ий вихарад̇ийд̇и хид̇зсид̇ааяа д̇хаммасабхааважинд̇анааяа жа наббадигууласан̃н̃ий худ̇ваа ирияаабат̇авихаарзна вихарад̇и. аббадигуулз идтз вад̇т̇усмим̣ сад̇д̇асан̃н̃ид̇з гзсаад̣̇иасужигодтаасамад̇д̇амзваад̇и асубхапаран̣зна ваад̇и асубхад̇о манасигааравасзна. ид̣̇ам̣ руубааруубамад̇д̇ам̣ анижжам̣ сан̇кад̇анд̇и анижжад̇о убасам̣хаарзна ваа. д̇ад̇о зва, ‘‘д̣̇угкам̣ вибарин̣аамад̇хамма’’нд̇и манаси гаронд̇о бадигууласан̃н̃ий вихарад̇и. сзсабад̣̇зсууд̇и, ‘‘бадигуулз жа аббадигуулз жаа’’д̇иаад̣̇инаа ааг̇ад̇зсу сзсзсу д̣̇вийсу бад̣̇зсу. д̇ад̇т̇а хи идтаанидтавад̇т̇ууни згаж̇жхам̣ г̇ахзд̇ваа вуд̇д̇ам̣ яат̇аа сад̇д̇аанам̣ батамам̣ бадигуулад̇о убадтид̇амзва бажчаа г̇ахан̣аагааравасзна авад̇т̇анд̇арзна ваа аббадигуулад̇о убадтаад̇и. яан̃жа аббадигуулад̇о убадтид̇амзва бажчаа бадигуулад̇о убадтаад̇и, д̇ад̣̇убхаязби кийн̣аасаво сажз ааган̇кад̇и, вуд̇д̇анаязна аббадигууласан̃н̃ий вихарзяяа бадигууласан̃н̃ий ваад̇и.
461.Paṭikūleti amanuññe ārammaṇe. Appaṭikūlasaññīti na paṭikūlasaññī. Taṃ pana appaṭikūlasaññitaṃ dassetuṃ, ‘‘mettāpharaṇena vā’’tiādi vuttaṃ. Tattha paṭikūle aniṭṭhe vatthusmiṃ sattasaññite mettāpharaṇena vā dhātuso upasaṃhārena vā saṅkhārasaññite pana dhātuso upasaṃhārena vāti yojetabbaṃ. Appaṭikūlasaññī viharatīti hitesitāya dhammasabhāvacintanāya ca nappaṭikūlasaññī hutvā iriyāpathavihārena viharati. Appaṭikūle iṭṭhe vatthusmiṃ sattasaññite kesādiasucikoṭṭhāsamattamevāti asubhapharaṇena vāti asubhato manasikāravasena. Idaṃ rūpārūpamattaṃ aniccaṃ saṅkhatanti aniccato upasaṃhārena vā. Tato eva, ‘‘dukkhaṃ vipariṇāmadhamma’’nti manasi karonto paṭikūlasaññī viharati. Sesapadesūti, ‘‘paṭikūle ca appaṭikūle cā’’tiādinā āgatesu sesesu dvīsu padesu. Tattha hi iṭṭhāniṭṭhavatthūni ekajjhaṃ gahetvā vuttaṃ yathā sattānaṃ paṭhamaṃ paṭikūlato upaṭṭhitameva pacchā gahaṇākāravasena avatthantarena vā appaṭikūlato upaṭṭhāti. Yañca appaṭikūlato upaṭṭhitameva pacchā paṭikūlato upaṭṭhāti, tadubhayepi khīṇāsavo sace ākaṅkhati, vuttanayena appaṭikūlasaññī vihareyya paṭikūlasaññī vāti.
д̇ад̣̇убхаяам̣ абхиниваж̇ж̇зд̇ваад̇и сабхаавад̇о бхааванаанубхаавад̇о жа убадтид̇ам̣ аарамман̣ам̣ бадигууласабхаавам̣ аббадигууласабхаавам̣ ваад̇и д̇ам̣ убхаяам̣ бахааяа аг̇г̇ахзд̇ваа. саб̣б̣асмим̣ вад̇т̇усмим̣ бана, ‘‘маж̇жхад̇д̇о худ̇ваа вихарид̇угаамо гим̣ гарод̇ий’’д̇и, вад̇ваа д̇ад̇т̇а бадибаж̇ж̇анавид̇хим̣ д̣̇ассзнд̇о, ‘‘идтаанидтзсу…бз… д̣̇оманассид̇о ход̇ий’’д̇и ааха. ид̣̇аани яат̇аавуд̇д̇амад̇т̇ам̣ бадисамбхид̣̇аамаг̇г̇абаал̣ияаа вибхаавзд̇ум̣, ‘‘вуд̇д̇ам̣ хзд̇а’’нд̇иаад̣̇имааха. д̇ассад̇т̇о хздтаа вуд̇д̇анаяо зва. сад̇од̇и сад̇ивзбуллаббад̇д̇ияаа сад̇имаа. самбаж̇аанод̇и бан̃н̃аавзбуллаббад̇д̇ияаа самбаж̇аанагаарий. жагкунаа руубам̣ д̣̇исваад̇и гааран̣авасзна жагкууд̇и лад̣̇д̇хавохаарзна руубад̣̇ассанасамад̇т̇зна жагкувин̃н̃аан̣зна, жагкунаа ваа гаран̣абхууд̇зна руубам̣ бассид̇ваа. нзва сумано ход̇и г̇зхассид̇асоманассабадигкзбзна нзгкаммабагкигааяа гирияаасоманассавзд̣̇анааяа.
Tadubhayaṃabhinivajjetvāti sabhāvato bhāvanānubhāvato ca upaṭṭhitaṃ ārammaṇaṃ paṭikūlasabhāvaṃ appaṭikūlasabhāvaṃ vāti taṃ ubhayaṃ pahāya aggahetvā. Sabbasmiṃ vatthusmiṃ pana, ‘‘majjhatto hutvā viharitukāmo kiṃ karotī’’ti, vatvā tattha paṭipajjanavidhiṃ dassento, ‘‘iṭṭhāniṭṭhesu…pe… domanassito hotī’’ti āha. Idāni yathāvuttamatthaṃ paṭisambhidāmaggapāḷiyā vibhāvetuṃ, ‘‘vuttaṃ heta’’ntiādimāha. Tassattho heṭṭhā vuttanayo eva. Satoti sativepullappattiyā satimā. Sampajānoti paññāvepullappattiyā sampajānakārī. Cakkhunārūpaṃ disvāti kāraṇavasena cakkhūti laddhavohārena rūpadassanasamatthena cakkhuviññāṇena, cakkhunā vā karaṇabhūtena rūpaṃ passitvā. Neva sumano hoti gehassitasomanassapaṭikkhepena nekkhammapakkhikāya kiriyāsomanassavedanāya.
имзсу жаад̇и ‘‘ан̃н̃ат̇аа жа банаананд̣̇а, арияасса винаяз ануд̇д̇араа инд̣̇рияабхааванаа ход̇ий’’д̇иаад̣̇инаа (ма. ни. 3.453), – ‘‘гат̇ан̃жаананд̣̇а, сзко ход̇и бадибад̣̇о’’д̇иаад̣̇инаа (ма. ни. 3.460); – ‘‘гат̇ан̃жаананд̣̇а, арияо ход̇и бхаавид̇инд̣̇рияо’’д̇иаад̣̇инаа (ма. ни. 3.461) жа ааг̇ад̇зсу д̇ивид̇хзсу наязсу. манаабам̣ аманаабам̣ манаабааманаабанд̇и зд̇т̇а манаабаг̇г̇ахан̣зна соманассаяуд̇д̇агусалаагусалаанам̣, аманаабаг̇г̇ахан̣зна д̣̇оманассаяуд̇д̇аагусалаанам̣, манаабааманаабаг̇г̇ахан̣зна д̇аб̣б̣ид̇хурубзгкааяуд̇д̇аанам̣ сан̇г̇ахид̇ад̇д̇аа батаманаяз ‘‘сам̣гилзсам̣ ваддад̇и, ниггилзсам̣ ваддад̇ий’’д̇и вуд̇д̇ам̣. батаманаяз хи бут̇уж̇ж̇анасса ад̇хиббзд̇ад̇д̇аа сам̣гилзсагилзсавиббаяуд̇д̇амби яуж̇ж̇ад̇и. д̣̇уд̇ияанаяз бана ‘‘со…бз… ад̣д̣ийяад̇ий’’д̇иаад̣̇иважанад̇о ‘‘батамам̣ сам̣гилзсам̣ ваддад̇ий’’д̇и вуд̇д̇ам̣. сзгкасса ад̇хиббзд̇ад̇д̇аа жасса аббахийнагилзсавасзна, ‘‘сам̣гилзсамби ваддад̇ий’’д̇и вуд̇д̇ам̣. д̇ад̇ияанаяз арахад̇о ад̇хиббзд̇ад̇д̇аа, ‘‘д̇ад̇ияам̣ ниггилзсамзва ваддад̇ий’’д̇и вуд̇д̇ам̣. сзгкаваарз бана ‘‘жагкумаа бурисо’’д̇иаад̣̇игаа убамаа згамзва ад̇т̇ам̣ н̃аабзд̇ум̣ ааха. д̇асмаа жагкуд̣̇ваарасса уббаннз рааг̇аад̣̇игз вигкамбхзд̇ваа вибассанубзгкааяа бад̇идтаанам̣ арияаа инд̣̇рияабхааванаад̇и. батаманаяо вибассагавасзна ааг̇ад̇о, д̣̇уд̇ияо сзгкасса васзна, батамад̣̇уд̇ияо жа сзгкабут̇уж̇ж̇анаанам̣ муулагаммадтаанавасзна, д̇ад̇ияо кийн̣аасавасса арияавихааравасзна ааг̇ад̇о. батаманаяз жа бут̇уж̇ж̇анасса васзна, д̣̇уд̇ияанаяз сзгкасса васзна гусалам̣ вуд̇д̇ам̣, д̇ад̇ияанаяз асзгкасса васзна гирияааб̣яаагад̇ам̣ вуд̇д̇анд̇и аяам̣ висзсо взд̣̇ид̇аб̣б̣о.
Imesu cāti ‘‘aññathā ca panānanda, ariyassa vinaye anuttarā indriyabhāvanā hotī’’tiādinā (ma. ni. 3.453), – ‘‘kathañcānanda, sekho hoti paṭipado’’tiādinā (ma. ni. 3.460); – ‘‘kathañcānanda, ariyo hoti bhāvitindriyo’’tiādinā (ma. ni. 3.461) ca āgatesu tividhesu nayesu. Manāpaṃ amanāpaṃ manāpāmanāpanti ettha manāpaggahaṇena somanassayuttakusalākusalānaṃ, amanāpaggahaṇena domanassayuttaakusalānaṃ, manāpāmanāpaggahaṇena tabbidhurupekkhāyuttānaṃ saṅgahitattā paṭhamanaye ‘‘saṃkilesaṃ vaṭṭati, nikkilesaṃ vaṭṭatī’’ti vuttaṃ. Paṭhamanaye hi puthujjanassa adhippetattā saṃkilesakilesavippayuttampi yujjati. Dutiyanaye pana ‘‘so…pe… aḍḍīyatī’’tiādivacanato ‘‘paṭhamaṃ saṃkilesaṃ vaṭṭatī’’ti vuttaṃ. Sekkhassa adhippetattā cassa appahīnakilesavasena, ‘‘saṃkilesampi vaṭṭatī’’ti vuttaṃ. Tatiyanaye arahato adhippetattā, ‘‘tatiyaṃ nikkilesameva vaṭṭatī’’ti vuttaṃ. Sekkhavāre pana ‘‘cakkhumā puriso’’tiādikā upamā ekameva atthaṃ ñāpetuṃ āha. Tasmā cakkhudvārassa uppanne rāgādike vikkhambhetvā vipassanupekkhāya patiṭṭhānaṃ ariyā indriyabhāvanāti. Paṭhamanayo vipassakavasena āgato, dutiyo sekkhassa vasena, paṭhamadutiyo ca sekkhaputhujjanānaṃ mūlakammaṭṭhānavasena, tatiyo khīṇāsavassa ariyavihāravasena āgato. Paṭhamanaye ca puthujjanassa vasena, dutiyanaye sekkhassa vasena kusalaṃ vuttaṃ, tatiyanaye asekkhassa vasena kiriyābyākataṃ vuttanti ayaṃ viseso veditabbo.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
инд̣̇рияабхааванаасуд̇д̇аван̣н̣анааяа лийнад̇т̇аббагаасанаа самад̇д̇аа.
Indriyabhāvanāsuttavaṇṇanāya līnatthappakāsanā samattā.
нидтид̇аа жа сал̣ааяад̇анаваг̇г̇аван̣н̣анаа.
Niṭṭhitā ca saḷāyatanavaggavaṇṇanā.
убарибан̣н̣аасадийгаа самад̇д̇аа.
Uparipaṇṇāsaṭīkā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 10. инд̣̇рияабхааванаасуд̇д̇ам̣ • 10. Indriyabhāvanāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 10. инд̣̇рияабхааванаасуд̇д̇аван̣н̣анаа • 10. Indriyabhāvanāsuttavaṇṇanā
