| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[423] 7. инд̣̇рияаж̇аад̇агаван̣н̣анаа
[423] 7. Indriyajātakavaṇṇanā
яо инд̣̇рияаананд̇и ид̣̇ам̣ сад̇т̇аа ж̇зд̇аванз вихаранд̇о бураан̣ад̣̇уд̇ияигаабалобханам̣ аараб̣бха гат̇зси. саавад̇т̇ияам̣ гирзго гулабуд̇д̇о сад̇т̇у д̇хаммад̣̇зсанам̣ суд̇ваа ‘‘на саггаа аг̇аарамаж̇жхз васанд̇зна зганд̇абарибун̣н̣ам̣ зганд̇абарисуд̣̇д̇хам̣ б̣рахмажарияам̣ жарид̇ум̣, нияяаанигасаасанз баб̣б̣аж̇ид̇ваа д̣̇угкассанд̇ам̣ гариссаамий’’д̇и гхарз вибхавам̣ буд̇д̇ад̣̇аарасса нияяаад̣̇зд̇ваа нигкамид̇ваа сад̇т̇аарам̣ баб̣б̣аж̇ж̇ам̣ яаажи. сад̇т̇аабисса баб̣б̣аж̇ж̇ам̣ д̣̇аабзси. д̇асса аажарияубаж̇жхааязхи сад̣̇д̇хим̣ бин̣д̣ааяа жарад̇о навагад̇д̇аа жзва бхигкуунам̣ б̣ахубхаавзна жа гулагхарз ваа аасанасаалааяа ваа аасанам̣ на баабун̣аад̇и, сан̇гханавагаанам̣ годияам̣ бийтагам̣ ваа палагам̣ ваа баабун̣аад̇и. аахаароби ул̣ун̇габидтзна гхаддид̇аа бхиннасид̇т̇агаяааг̇у ваа бууд̇исугкакаж̇ж̇агам̣ ваа жхаамасугкагууро ваа баабун̣аад̇и, яаабанабамаан̣ам̣ на ход̇и. со ад̇д̇анаа лад̣̇д̇хам̣ г̇ахзд̇ваа бураан̣ад̣̇уд̇ияигааяа санд̇игам̣ г̇ажчад̇и. ат̇асса саа бад̇д̇ам̣ г̇ахзд̇ваа ванд̣̇ид̇ваа бад̇д̇ад̇о бхад̇д̇ам̣ нийхарид̇ваа сусамбаад̣̇ид̇аани яааг̇убхад̇д̇асуубаб̣яан̃ж̇анаани д̣̇зд̇и. махаллаго расад̇ан̣хааяа б̣аж̇жхид̇ваа бураан̣ад̣̇уд̇ияигам̣ ж̇ахид̇ум̣ на саггод̇и. саа жинд̇зси ‘‘б̣ад̣̇д̇хо ну ко, нод̇и виймам̣сиссаами на’’нд̇и.
Yoindriyānanti idaṃ satthā jetavane viharanto purāṇadutiyikāpalobhanaṃ ārabbha kathesi. Sāvatthiyaṃ kireko kulaputto satthu dhammadesanaṃ sutvā ‘‘na sakkā agāramajjhe vasantena ekantaparipuṇṇaṃ ekantaparisuddhaṃ brahmacariyaṃ carituṃ, niyyānikasāsane pabbajitvā dukkhassantaṃ karissāmī’’ti ghare vibhavaṃ puttadārassa niyyādetvā nikkhamitvā satthāraṃ pabbajjaṃ yāci. Satthāpissa pabbajjaṃ dāpesi. Tassa ācariyupajjhāyehi saddhiṃ piṇḍāya carato navakattā ceva bhikkhūnaṃ bahubhāvena ca kulaghare vā āsanasālāya vā āsanaṃ na pāpuṇāti, saṅghanavakānaṃ koṭiyaṃ pīṭhakaṃ vā phalakaṃ vā pāpuṇāti. Āhāropi uḷuṅkapiṭṭhena ghaṭṭitā bhinnasitthakayāgu vā pūtisukkhakhajjakaṃ vā jhāmasukkhakūro vā pāpuṇāti, yāpanapamāṇaṃ na hoti. So attanā laddhaṃ gahetvā purāṇadutiyikāya santikaṃ gacchati. Athassa sā pattaṃ gahetvā vanditvā pattato bhattaṃ nīharitvā susampāditāni yāgubhattasūpabyañjanāni deti. Mahallako rasataṇhāya bajjhitvā purāṇadutiyikaṃ jahituṃ na sakkoti. Sā cintesi ‘‘baddho nu kho, noti vīmaṃsissāmi na’’nti.
ат̇згад̣̇ивасам̣ ж̇анабад̣̇амануссам̣ сзд̇амад̇д̇игааяа нхаабзд̇ваа г̇зхз нисийд̣̇аабзд̇ваа ан̃н̃збисса гад̇ибаяз бариваарамануссз аан̣аабзд̇ваа т̇огат̇огам̣ баанабхож̇анам̣ д̣̇аабзси. д̇з каад̣̇анд̇аа бхун̃ж̇анд̇аа нисийд̣̇им̣су. г̇зхад̣̇ваарз жа жаггзсу г̇он̣з б̣анд̇хаабзд̇ваа згам̣ сагадамби табаабзси, саяам̣ бана бидтиг̇аб̣бхз нисийд̣̇ид̇ваа буувз бажи. махаллаго ааг̇анд̇ваа д̣̇ваарз адтааси. д̇ам̣ д̣̇исваа зго махаллагабурисо ‘‘аяяз, зго т̇зро д̣̇ваарз тид̇о’’д̇и ааха. ‘‘ванд̣̇ид̇ваа ад̇ижчаабзхий’’д̇и. со ‘‘ад̇ижчат̇а, бханд̇з’’д̇и бунаббунам̣ гат̇зд̇вааби д̇ам̣ аг̇ажчанд̇ам̣ д̣̇исваа ‘‘аяяз, т̇зро на г̇ажчад̇ий’’д̇и ааха. саа ааг̇анд̇ваа саан̣им̣ угкибид̇ваа ологзд̇ваа ‘‘амбхо аяам̣ мама д̣̇аарагабид̇аа’’д̇и вад̇ваа нигкамид̇ваа бад̇д̇ам̣ г̇ахзд̇ваа г̇зхам̣ бавзсзд̇ваа баривисид̇ваа бхож̇анабарияосаанз ванд̣̇ид̇ваа ‘‘бханд̇з, д̇умхз ид̇хзва бариниб̣б̣ааяат̇а, маяам̣ зд̇д̇агам̣ гаалам̣ ан̃н̃ам̣ гулам̣ на г̇ан̣химха, асаамигз бана гхарз гхарааваасо на сан̣таад̇и, маяам̣ ан̃н̃ам̣ гулам̣ г̇ан̣хаама, д̣̇уурам̣ ж̇анабад̣̇ам̣ г̇ажчиссаама, д̇умхз аббамад̇д̇аа хот̇а, сажз мз д̣̇осо ад̇т̇и, камат̇аа’’д̇и ааха. махаллагасса хад̣̇аяапааланагаало вияа ахоси. ат̇а нам̣ ‘‘ахам̣ д̇ам̣ ж̇ахид̇ум̣ на саггоми, маа г̇ажча, виб̣бхамиссаами, асугадтаанз мз саадагам̣ бзсзхи, бад̇д̇ажийварам̣ бадижчаабзд̇ваа ааг̇ажчиссаамий’’д̇и ааха. саа ‘‘саад̇хуу’’д̇и самбадижчи. махаллаго вихаарам̣ г̇анд̇ваа аажарияубаж̇жхааяз бад̇д̇ажийварам̣ бадижчаабзнд̇о ‘‘гасмаа, аавусо, звам̣ гаросий’’д̇и вуд̇д̇о ‘‘бураан̣ад̣̇уд̇ияигам̣ ж̇ахид̇ум̣ на саггоми виб̣бхамиссаамий’’д̇и ааха. ат̇а нам̣ д̇з анижчанд̇ан̃н̃зва сад̇т̇у санд̇игам̣ нзд̇ваа ‘‘гим̣, бхигкавз, имам̣ анижчанд̇ан̃н̃зва аанаяид̇т̇аа’’д̇и вуд̇д̇з ‘‘бханд̇з, аяам̣ угган̣тид̇ваа виб̣бхамид̇угаамо’’д̇и вад̣̇им̣су. ат̇а нам̣ сад̇т̇аа ‘‘сажжам̣ гира д̇вам̣ бхигку угган̣тид̇осий’’д̇и бужчи. ‘‘сажжам̣, бханд̇з’’д̇и. ‘‘го д̇ам̣ угган̣таабзсий’’д̇и? ‘‘бураан̣ад̣̇уд̇ияигаа бханд̇з’’д̇и вуд̇д̇з ‘‘бхигку на ид̣̇аанзва саа ид̇т̇ий д̇уяхам̣ анад̇т̇агааригаа, буб̣б̣зби д̇вам̣ д̇ам̣ ниссааяа жад̇уухи жхаанзхи барихийно махаад̣̇угкам̣ бад̇ваа мам̣ ниссааяа д̇амхаа д̣̇угкаа мужжид̇ваа надтаж̇жхаанам̣ бадилабхий’’д̇и вад̇ваа ад̇ийд̇ам̣ аахари.
Athekadivasaṃ janapadamanussaṃ setamattikāya nhāpetvā gehe nisīdāpetvā aññepissa katipaye parivāramanusse āṇāpetvā thokathokaṃ pānabhojanaṃ dāpesi. Te khādantā bhuñjantā nisīdiṃsu. Gehadvāre ca cakkesu goṇe bandhāpetvā ekaṃ sakaṭampi ṭhapāpesi, sayaṃ pana piṭṭhigabbhe nisīditvā pūve paci. Mahallako āgantvā dvāre aṭṭhāsi. Taṃ disvā eko mahallakapuriso ‘‘ayye, eko thero dvāre ṭhito’’ti āha. ‘‘Vanditvā aticchāpehī’’ti. So ‘‘aticchatha, bhante’’ti punappunaṃ kathetvāpi taṃ agacchantaṃ disvā ‘‘ayye, thero na gacchatī’’ti āha. Sā āgantvā sāṇiṃ ukkhipitvā oloketvā ‘‘ambho ayaṃ mama dārakapitā’’ti vatvā nikkhamitvā pattaṃ gahetvā gehaṃ pavesetvā parivisitvā bhojanapariyosāne vanditvā ‘‘bhante, tumhe idheva parinibbāyatha, mayaṃ ettakaṃ kālaṃ aññaṃ kulaṃ na gaṇhimha, asāmike pana ghare gharāvāso na saṇṭhāti, mayaṃ aññaṃ kulaṃ gaṇhāma, dūraṃ janapadaṃ gacchissāma, tumhe appamattā hotha, sace me doso atthi, khamathā’’ti āha. Mahallakassa hadayaphālanakālo viya ahosi. Atha naṃ ‘‘ahaṃ taṃ jahituṃ na sakkomi, mā gaccha, vibbhamissāmi, asukaṭṭhāne me sāṭakaṃ pesehi, pattacīvaraṃ paṭicchāpetvā āgacchissāmī’’ti āha. Sā ‘‘sādhū’’ti sampaṭicchi. Mahallako vihāraṃ gantvā ācariyupajjhāye pattacīvaraṃ paṭicchāpento ‘‘kasmā, āvuso, evaṃ karosī’’ti vutto ‘‘purāṇadutiyikaṃ jahituṃ na sakkomi vibbhamissāmī’’ti āha. Atha naṃ te anicchantaññeva satthu santikaṃ netvā ‘‘kiṃ, bhikkhave, imaṃ anicchantaññeva ānayitthā’’ti vutte ‘‘bhante, ayaṃ ukkaṇṭhitvā vibbhamitukāmo’’ti vadiṃsu. Atha naṃ satthā ‘‘saccaṃ kira tvaṃ bhikkhu ukkaṇṭhitosī’’ti pucchi. ‘‘Saccaṃ, bhante’’ti. ‘‘Ko taṃ ukkaṇṭhāpesī’’ti? ‘‘Purāṇadutiyikā bhante’’ti vutte ‘‘bhikkhu na idāneva sā itthī tuyhaṃ anatthakārikā, pubbepi tvaṃ taṃ nissāya catūhi jhānehi parihīno mahādukkhaṃ patvā maṃ nissāya tamhā dukkhā muccitvā naṭṭhajjhānaṃ paṭilabhī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса бурохид̇ам̣ бадижжа д̇асса б̣раахман̣ияаа гужчимхи ниб̣б̣ад̇д̇и. ж̇аад̇ад̣̇ивасз жасса сагаланаг̇арз аавуд̇хаани баж̇ж̇алим̣су, д̇знасса ‘‘ж̇од̇ибаалагумааро’’д̇и наамам̣ гарим̣су. со ваяаббад̇д̇о д̇аггасилааяам̣ саб̣б̣асиббаани уг̇г̇ан̣хид̇ваа ран̃н̃о сиббам̣ д̣̇ассзд̇ваа иссарияам̣ бахааяа ган̃жи аж̇аанаабзд̇ваа аг̇г̇ад̣̇ваарзна нигкамид̇ваа аран̃н̃ам̣ бависид̇ваа саггад̣̇ад̇д̇ияз гавидтагаассамз исибаб̣б̣аж̇ж̇ам̣ баб̣б̣аж̇ид̇ваа жхаанаабхин̃н̃ааяо ниб̣б̣ад̇д̇зси. д̇ам̣ д̇ад̇т̇а васанд̇ам̣ анзгаани исисад̇аани бариваарзсум̣, махаасамааг̇амо ахоси. со сарабхан̇г̇асад̇т̇аа наама ахоси, д̇асса сад̇д̇а анд̇зваасигаж̇здтагаа ахзсум̣. д̇зсу саалиссаро наама иси гавидтагаассамаа нигкамид̇ваа сурадтаж̇анабад̣̇з бурад̇т̇имаж̇анабад̣̇з саад̇од̣̇игааяа наама над̣̇ияаа д̇ийрз анзгасахассаисибаривааро васи. мзн̣д̣иссаро наама иси баж̇ж̇од̇агабан̃жааларан̃н̃о виж̇ид̇з галаб̣б̣ажуул̣агам̣ наама ниг̇амам̣ ниссааяа анзгасахассаисибаривааро васи. баб̣б̣ад̇о наама иси згам̣ адавиж̇анабад̣̇ам̣ ниссааяа анзгасахассаисибаривааро васи. гаал̣ад̣̇звило наама иси аванд̇ид̣̇агкин̣аабат̇з згаг̇гханасзлам̣ ниссааяа анзгасахассаисибаривааро васи. гисаважчо наама иси згагова д̣̇ан̣д̣агиран̃н̃о гумбхавад̇ийнаг̇арам̣ ниссааяа уяяаанз васи. анубияад̇аабасо бана б̣од̇хисад̇д̇асса убадтааго д̇асса санд̇игз васи. наарад̣̇о наама иси гаал̣ад̣̇звиласса ганидто маж̇жхимад̣̇зсз ааран̃ж̇араг̇иримхи баб̣б̣ад̇аж̇ааланд̇арз згагова згасмим̣ г̇ухаалзн̣з васи.
Atīte bārāṇasiyaṃ brahmadatte rajjaṃ kārente bodhisatto tassa purohitaṃ paṭicca tassa brāhmaṇiyā kucchimhi nibbatti. Jātadivase cassa sakalanagare āvudhāni pajjaliṃsu, tenassa ‘‘jotipālakumāro’’ti nāmaṃ kariṃsu. So vayappatto takkasilāyaṃ sabbasippāni uggaṇhitvā rañño sippaṃ dassetvā issariyaṃ pahāya kañci ajānāpetvā aggadvārena nikkhamitvā araññaṃ pavisitvā sakkadattiye kaviṭṭhakaassame isipabbajjaṃ pabbajitvā jhānābhiññāyo nibbattesi. Taṃ tattha vasantaṃ anekāni isisatāni parivāresuṃ, mahāsamāgamo ahosi. So sarabhaṅgasatthā nāma ahosi, tassa satta antevāsikajeṭṭhakā ahesuṃ. Tesu sālissaro nāma isi kaviṭṭhakaassamā nikkhamitvā suraṭṭhajanapade puratthimajanapade sātodikāya nāma nadiyā tīre anekasahassaisiparivāro vasi. Meṇḍissaro nāma isi pajjotakapañcālarañño vijite kalabbacūḷakaṃ nāma nigamaṃ nissāya anekasahassaisiparivāro vasi. Pabbato nāma isi ekaṃ aṭavijanapadaṃ nissāya anekasahassaisiparivāro vasi. Kāḷadevilo nāma isi avantidakkhiṇāpathe ekagghanaselaṃ nissāya anekasahassaisiparivāro vasi. Kisavaccho nāma isi ekakova daṇḍakirañño kumbhavatīnagaraṃ nissāya uyyāne vasi. Anupiyatāpaso pana bodhisattassa upaṭṭhāko tassa santike vasi. Nārado nāma isi kāḷadevilassa kaniṭṭho majjhimadese ārañjaragirimhi pabbatajālantare ekakova ekasmiṃ guhāleṇe vasi.
ааран̃ж̇араг̇ирино наама авид̣̇уурз зго аагин̣н̣амануссо ниг̇амо ад̇т̇и, д̇зсам̣ анд̇арз махад̇ий над̣̇ий ад̇т̇и, д̇ам̣ над̣̇им̣ б̣ахуу мануссаа од̇аранд̇и. уд̇д̇амаруубад̇хараа ван̣н̣ад̣̇аасияоби бурисз балобхаяамаанаа д̇ассаа над̣̇ияаа д̇ийрз нисийд̣̇анд̇и. наарад̣̇ад̇аабасо д̇аасу згам̣ д̣̇исваа бадиб̣ад̣̇д̇хажид̇д̇о худ̇ваа жхаанам̣ анд̇арад̇хаабзд̇ваа нираахааро барисуссанд̇о гилзсавасам̣ г̇анд̇ваа сад̇д̇аахам̣ васид̇ваа нибаж̇ж̇и. ат̇асса бхаад̇аа гаал̣ад̣̇звило ааваж̇ж̇знд̇о д̇ам̣ гааран̣ам̣ н̃ад̇ваа аагаасзнааг̇анд̇ваа лзн̣ам̣ баависи. наарад̣̇о д̇ам̣ д̣̇исваа ‘‘гасмаа бхавам̣ ааг̇ад̇осий’’д̇и ааха. ‘‘бхавам̣ ‘агаллаго’д̇и бхаванд̇ам̣ бадиж̇аг̇г̇ид̇ум̣ ааг̇ад̇омхий’’д̇и. ат̇а нам̣ со ‘‘абхууд̇ам̣ гат̇ам̣ гат̇зси, алигам̣ д̇ужчам̣ гат̇зсий’’д̇и мусааваад̣̇зна ниг̇г̇ан̣хи. со ‘‘нзд̇ам̣ бахаад̇ум̣ ваддад̇ий’’д̇и саалиссарам̣ аанзси, мзн̣д̣иссарам̣ аанзси, баб̣б̣ад̇амби аанзси. ид̇ароби д̇з д̇аяо мусааваад̣̇зна ниг̇г̇ан̣хи. гаал̣ад̣̇звило ‘‘сарабхан̇г̇асад̇т̇аарам̣ аанзссаамий’’д̇и аагаасзнааг̇анд̇ваа д̇ам̣ аанзси. со ааг̇анд̇ваа д̇ам̣ д̣̇исваа ‘‘инд̣̇рияавасам̣ г̇ад̇о’’д̇и н̃ад̇ваа ‘‘гажжи наарад̣̇а, инд̣̇рияаанам̣ васам̣ г̇ад̇о’’д̇и бужчи. ид̇арзна д̇ам̣ суд̇ваава удтааяа ванд̣̇ид̇ваа ‘‘аама, аажарияаа’’д̇и вуд̇д̇з ‘‘наарад̣̇а, инд̣̇рияавасам̣ г̇ад̇аа наама имасмим̣ ад̇д̇абхаавз суссанд̇аа д̣̇угкам̣ анубхавид̇ваа д̣̇уд̇ияз ад̇д̇абхаавз нираяз ниб̣б̣ад̇д̇анд̇ий’’д̇и вад̇ваа батамам̣ г̇аат̇амааха –
Ārañjaragirino nāma avidūre eko ākiṇṇamanusso nigamo atthi, tesaṃ antare mahatī nadī atthi, taṃ nadiṃ bahū manussā otaranti. Uttamarūpadharā vaṇṇadāsiyopi purise palobhayamānā tassā nadiyā tīre nisīdanti. Nāradatāpaso tāsu ekaṃ disvā paṭibaddhacitto hutvā jhānaṃ antaradhāpetvā nirāhāro parisussanto kilesavasaṃ gantvā sattāhaṃ vasitvā nipajji. Athassa bhātā kāḷadevilo āvajjento taṃ kāraṇaṃ ñatvā ākāsenāgantvā leṇaṃ pāvisi. Nārado taṃ disvā ‘‘kasmā bhavaṃ āgatosī’’ti āha. ‘‘Bhavaṃ ‘akallako’ti bhavantaṃ paṭijaggituṃ āgatomhī’’ti. Atha naṃ so ‘‘abhūtaṃ kathaṃ kathesi, alikaṃ tucchaṃ kathesī’’ti musāvādena niggaṇhi. So ‘‘netaṃ pahātuṃ vaṭṭatī’’ti sālissaraṃ ānesi, meṇḍissaraṃ ānesi, pabbatampi ānesi. Itaropi te tayo musāvādena niggaṇhi. Kāḷadevilo ‘‘sarabhaṅgasatthāraṃ ānessāmī’’ti ākāsenāgantvā taṃ ānesi. So āgantvā taṃ disvā ‘‘indriyavasaṃ gato’’ti ñatvā ‘‘kacci nārada, indriyānaṃ vasaṃ gato’’ti pucchi. Itarena taṃ sutvāva uṭṭhāya vanditvā ‘‘āma, ācariyā’’ti vutte ‘‘nārada, indriyavasaṃ gatā nāma imasmiṃ attabhāve sussantā dukkhaṃ anubhavitvā dutiye attabhāve niraye nibbattantī’’ti vatvā paṭhamaṃ gāthamāha –
60.
60.
‘‘яо инд̣̇рияаанам̣ гаамзна, васам̣ наарад̣̇а г̇ажчад̇и;
‘‘Yo indriyānaṃ kāmena, vasaṃ nārada gacchati;
со барижжаж̇ж̇убхо логз, ж̇ийванд̇ова висуссад̇ий’’д̇и.
So pariccajjubho loke, jīvantova visussatī’’ti.
д̇ад̇т̇а яо инд̣̇рияаананд̇и наарад̣̇а, яо бурисо руубаад̣̇ийсу субхаагаарам̣ г̇ахзд̇ваа гилзсагаамавасзна чаннам̣ инд̣̇рияаанам̣ васам̣ г̇ажчад̇и. барижжаж̇ж̇убхо логзд̇и со мануссалоган̃жа д̣̇звалоган̃жаад̇и убхологз барижжаж̇ид̇ваа нираяаад̣̇ийсу ниб̣б̣ад̇д̇анд̇ийд̇и ад̇т̇о. ж̇ийванд̇ова висуссад̇ийд̇и ж̇ийванд̇оязва ад̇д̇анаа ижчид̇ам̣ гилзсавад̇т̇ум̣ алабханд̇о согзна висуссад̇и, махаад̣̇угкам̣ баабун̣аад̇ийд̇и.
Tattha yo indriyānanti nārada, yo puriso rūpādīsu subhākāraṃ gahetvā kilesakāmavasena channaṃ indriyānaṃ vasaṃ gacchati. Pariccajjubho loketi so manussalokañca devalokañcāti ubholoke pariccajitvā nirayādīsu nibbattantīti attho. Jīvantova visussatīti jīvantoyeva attanā icchitaṃ kilesavatthuṃ alabhanto sokena visussati, mahādukkhaṃ pāpuṇātīti.
д̇ам̣ суд̇ваа наарад̣̇о ‘‘аажарияа, гаамасзванам̣ наама сукам̣, зваруубам̣ сукам̣ гим̣ санд̇хааяа д̣̇угканд̇и вад̣̇асий’’д̇и бужчи. ат̇асса сарабхан̇г̇о ‘‘д̇зна хи сун̣аахий’’д̇и д̣̇уд̇ияам̣ г̇аат̇амааха –
Taṃ sutvā nārado ‘‘ācariya, kāmasevanaṃ nāma sukhaṃ, evarūpaṃ sukhaṃ kiṃ sandhāya dukkhanti vadasī’’ti pucchi. Athassa sarabhaṅgo ‘‘tena hi suṇāhī’’ti dutiyaṃ gāthamāha –
61.
61.
‘‘сукассаананд̇арам̣ д̣̇угкам̣, д̣̇угкассаананд̇арам̣ сукам̣;
‘‘Sukhassānantaraṃ dukkhaṃ, dukkhassānantaraṃ sukhaṃ;
соси бад̇д̇о сукаа д̣̇угкам̣, баадиган̇ка варам̣ сука’’нд̇и.
Sosi patto sukhā dukkhaṃ, pāṭikaṅkha varaṃ sukha’’nti.
д̇ад̇т̇а сукассаананд̇аранд̇и гаамасукасса ананд̇арам̣ нираяад̣̇угкам̣. д̣̇угкассаад̇и сийларагкан̣ад̣̇угкасса ананд̇арам̣ д̣̇иб̣б̣амаанусагасукан̃жзва ниб̣б̣аанасукан̃жа. ид̣̇ам̣ вуд̇д̇ам̣ ход̇и – наарад̣̇а, имз хи сад̇д̇аа гаамасзванасамаяз гаалам̣ гад̇ваа зганд̇ад̣̇угкз нираяз ниб̣б̣ад̇д̇анд̇и, сийлам̣ рагканд̇аа вибассанааяа гаммам̣ гаронд̇аа жа бана гиламанд̇и, д̇з д̣̇угкзна сийлам̣ рагкид̇ваа сийлаб̣алзна вуд̇д̇аббагаарам̣ сукам̣ лабханд̇и, ид̣̇ам̣ д̣̇угкам̣ санд̇хааяаахам̣ звам̣ вад̣̇аамийд̇и. соси бад̇д̇од̇и со д̇вам̣ наарад̣̇а, ид̣̇аани жхаанасукам̣ наасзд̇ваа д̇ад̇о сукаа маханд̇ам̣ гааманиссид̇ам̣ жзд̇асигад̣̇угкам̣ бад̇д̇о. баадиган̇каад̇и ид̣̇ам̣ гилзсад̣̇угкам̣ чад̣д̣зд̇ваа буна д̇ад̣̇зва варам̣ уд̇д̇амам̣ жхаанасукам̣ ижча бад̇т̇зхийд̇и.
Tattha sukhassānantaranti kāmasukhassa anantaraṃ nirayadukkhaṃ. Dukkhassāti sīlarakkhaṇadukkhassa anantaraṃ dibbamānusakasukhañceva nibbānasukhañca. Idaṃ vuttaṃ hoti – nārada, ime hi sattā kāmasevanasamaye kālaṃ katvā ekantadukkhe niraye nibbattanti, sīlaṃ rakkhantā vipassanāya kammaṃ karontā ca pana kilamanti, te dukkhena sīlaṃ rakkhitvā sīlabalena vuttappakāraṃ sukhaṃ labhanti, idaṃ dukkhaṃ sandhāyāhaṃ evaṃ vadāmīti. Sosi pattoti so tvaṃ nārada, idāni jhānasukhaṃ nāsetvā tato sukhā mahantaṃ kāmanissitaṃ cetasikadukkhaṃ patto. Pāṭikaṅkhāti idaṃ kilesadukkhaṃ chaḍḍetvā puna tadeva varaṃ uttamaṃ jhānasukhaṃ iccha patthehīti.
наарад̣̇о ‘‘ид̣̇ам̣ аажарияа, д̣̇угкам̣ д̣̇уссахам̣, на д̇ам̣ ад̇хиваасзд̇ум̣ саггомий’’д̇и ааха. ат̇а нам̣ махаасад̇д̇о ‘‘наарад̣̇а, д̣̇угкам̣ наама уббаннам̣ ад̇хиваасзд̇аб̣б̣амзваа’’д̇и вад̇ваа д̇ад̇ияам̣ г̇аат̇амааха –
Nārado ‘‘idaṃ ācariya, dukkhaṃ dussahaṃ, na taṃ adhivāsetuṃ sakkomī’’ti āha. Atha naṃ mahāsatto ‘‘nārada, dukkhaṃ nāma uppannaṃ adhivāsetabbamevā’’ti vatvā tatiyaṃ gāthamāha –
62.
62.
‘‘гижчагаалз гижчасахо, яо гижчам̣ наад̇ивад̇д̇ад̇и;
‘‘Kicchakāle kicchasaho, yo kicchaṃ nātivattati;
са гижчанд̇ам̣ сукам̣ д̇хийро, яог̇ам̣ самад̇хиг̇ажчад̇ий’’д̇и.
Sa kicchantaṃ sukhaṃ dhīro, yogaṃ samadhigacchatī’’ti.
д̇ад̇т̇а наад̇ивад̇д̇ад̇ийд̇и наанувад̇д̇ад̇и, аяамзва ваа баато. ид̣̇ам̣ вуд̇д̇ам̣ ход̇и – наарад̣̇а, яо гааяигажзд̇асигад̣̇угкасан̇каад̇асса гижчасса уббаннагаалз аббамад̇д̇о д̇асса гижчасса харан̣уубааяам̣ гаронд̇о гижчасахо худ̇ваа д̇ам̣ гижчам̣ наанувад̇д̇ад̇и, д̇асса васз авад̇д̇ид̇ваа д̇зхи д̇зхи убааязхи д̇ам̣ гижчам̣ абхибхавад̇и винаасзд̇и, со д̇хийро гижчасса анд̇имасан̇каад̇ам̣ нираамисасукасан̇каад̇ам̣ жхаанасукам̣ ад̇хиг̇ажчад̇и, д̇ам̣ ваа гижчанд̇ам̣ яог̇асукам̣ ад̇хиг̇ажчад̇и, агиламанд̇ова баабун̣аад̇ийд̇и.
Tattha nātivattatīti nānuvattati, ayameva vā pāṭho. Idaṃ vuttaṃ hoti – nārada, yo kāyikacetasikadukkhasaṅkhātassa kicchassa uppannakāle appamatto tassa kicchassa haraṇūpāyaṃ karonto kicchasaho hutvā taṃ kicchaṃ nānuvattati, tassa vase avattitvā tehi tehi upāyehi taṃ kicchaṃ abhibhavati vināseti, so dhīro kicchassa antimasaṅkhātaṃ nirāmisasukhasaṅkhātaṃ jhānasukhaṃ adhigacchati, taṃ vā kicchantaṃ yogasukhaṃ adhigacchati, akilamantova pāpuṇātīti.
со ‘‘аажарияа, гаамасукам̣ наама уд̇д̇амасукам̣, на д̇ам̣ ж̇ахид̇ум̣ саггомий’’д̇и ааха. ат̇а нам̣ махаасад̇д̇о ‘‘наарад̣̇а, д̇хаммо наама на гзнажи гааран̣зна наасзд̇аб̣б̣о’’д̇и вад̇ваа жад̇уд̇т̇ам̣ г̇аат̇амааха –
So ‘‘ācariya, kāmasukhaṃ nāma uttamasukhaṃ, na taṃ jahituṃ sakkomī’’ti āha. Atha naṃ mahāsatto ‘‘nārada, dhammo nāma na kenaci kāraṇena nāsetabbo’’ti vatvā catutthaṃ gāthamāha –
63.
63.
‘‘на хзва гаамаана гаамаа, наанад̇т̇аа наад̇т̇агааран̣аа;
‘‘Na heva kāmāna kāmā, nānatthā nātthakāraṇā;
на гад̇ан̃жа ниран̇гад̇ваа, д̇хаммаа жавид̇умарахасий’’д̇и.
Na katañca niraṅkatvā, dhammā cavitumarahasī’’ti.
д̇ад̇т̇а гаамаана гаамаад̇и гаамаанам̣ гаамаа, вад̇т̇угаамаанам̣ бад̇т̇анааяаад̇и ад̇т̇о. наанад̇т̇аа наад̇т̇агааран̣аад̇и на анад̇т̇ад̇о на ад̇т̇агааран̣аа. на гад̇ан̃жа ниран̇гад̇ваад̇и гад̇ан̃жа нибпаад̣̇ид̇ам̣ жхаанам̣ нирам̣гад̇ваа. ид̣̇ам̣ вуд̇д̇ам̣ ход̇и – наарад̣̇а, на хзва вад̇т̇угаамабад̇т̇анааяа д̇хаммаа жавид̇умарахаси, згасмим̣ анад̇т̇з уббаннз д̇ам̣ бадиханид̇угаамо наанад̇т̇аа на ад̇т̇знаби гааран̣абхууд̇зна д̇хаммаа жавид̇умарахаси, ‘‘асуго наама мз ад̇т̇о уббаж̇ж̇иссад̇ий’’д̇и звамби ад̇т̇агааран̣ааби на д̇хаммаа жавид̇умарахаси, гад̇ам̣ бана нибпаад̣̇ид̇ам̣ жхаанасукам̣ нирам̣гад̇ваа винаасзд̇ваа нзва д̇хаммаа жавид̇умарахасийси.
Tattha kāmāna kāmāti kāmānaṃ kāmā, vatthukāmānaṃ patthanāyāti attho. Nānatthā nātthakāraṇāti na anatthato na atthakāraṇā. Na katañca niraṅkatvāti katañca nipphāditaṃ jhānaṃ niraṃkatvā. Idaṃ vuttaṃ hoti – nārada, na heva vatthukāmapatthanāya dhammā cavitumarahasi, ekasmiṃ anatthe uppanne taṃ paṭihanitukāmo nānatthā na atthenapi kāraṇabhūtena dhammā cavitumarahasi, ‘‘asuko nāma me attho uppajjissatī’’ti evampi atthakāraṇāpi na dhammā cavitumarahasi, kataṃ pana nipphāditaṃ jhānasukhaṃ niraṃkatvā vināsetvā neva dhammā cavitumarahasīsi.
звам̣ сарабхан̇г̇зна жад̇уухи г̇аат̇аахи д̇хаммз д̣̇зсид̇з гаал̣ад̣̇звило ад̇д̇ано ганидтам̣ овад̣̇анд̇о бан̃жамам̣ г̇аат̇амааха –
Evaṃ sarabhaṅgena catūhi gāthāhi dhamme desite kāḷadevilo attano kaniṭṭhaṃ ovadanto pañcamaṃ gāthamāha –
64.
64.
‘‘д̣̇агкам̣ г̇ахабад̇ий саад̇ху, сам̣вибхаж̇ж̇ан̃жа бхож̇анам̣;
‘‘Dakkhaṃ gahapatī sādhu, saṃvibhajjañca bhojanaṃ;
ахаасо ад̇т̇алаабхзсу, ад̇т̇аб̣яаабад̇д̇и аб̣яат̇о’’д̇и.
Ahāso atthalābhesu, atthabyāpatti abyatho’’ti.
д̇ад̇т̇а д̣̇агкам̣ г̇ахабад̇ийд̇и наарад̣̇а гхарааваасам̣ васанд̇аанам̣ г̇ахабад̇ийнам̣ бхог̇уббаад̣̇анад̇т̇ааяа аналасяачзгагусалабхаавасан̇каад̇ам̣ д̣̇агкам̣ наама саад̇ху, д̣̇агкабхааво бхад̣̇д̣̇аго. сам̣вибхаж̇ж̇ан̃жа бхож̇ананд̇и д̣̇угкзна уббаад̣̇ид̇абхог̇аанам̣ д̇хаммигасаман̣аб̣раахман̣зхи сад̣̇д̇хим̣ сам̣вибхаж̇ид̇ваа барибхог̇агаран̣ам̣ д̣̇уд̇ияам̣ саад̇ху. ахаасо ад̇т̇алаабхзсууд̇и маханд̇з иссарияз уббаннз аббамаад̣̇авасзна ахаасо ануббилаавид̇ад̇д̇ам̣ д̇ад̇ияам̣ саад̇ху. ад̇т̇аб̣яаабад̇д̇ийд̇и яад̣̇аа бана ад̇д̇ано ад̇т̇аб̣яаабад̇д̇и яасавинаасо ход̇и, д̇ад̣̇аа аб̣яат̇о агиламанам̣ жад̇уд̇т̇ам̣ саад̇ху, д̇асмаа д̇вам̣, наарад̣̇а, ‘‘жхаанам̣ мз анд̇арахид̇а’’нд̇и маа сожи, сажз инд̣̇рияаанам̣ васам̣ на г̇амиссаси, надтамби д̇з жхаанам̣ буна баагад̇игамзва бхависсад̇ийд̇и.
Tattha dakkhaṃ gahapatīti nārada gharāvāsaṃ vasantānaṃ gahapatīnaṃ bhoguppādanatthāya analasyachekakusalabhāvasaṅkhātaṃ dakkhaṃ nāma sādhu, dakkhabhāvo bhaddako. Saṃvibhajjañca bhojananti dukkhena uppāditabhogānaṃ dhammikasamaṇabrāhmaṇehi saddhiṃ saṃvibhajitvā paribhogakaraṇaṃ dutiyaṃ sādhu. Ahāso atthalābhesūti mahante issariye uppanne appamādavasena ahāso anuppilāvitattaṃ tatiyaṃ sādhu. Atthabyāpattīti yadā pana attano atthabyāpatti yasavināso hoti, tadā abyatho akilamanaṃ catutthaṃ sādhu, tasmā tvaṃ, nārada, ‘‘jhānaṃ me antarahita’’nti mā soci, sace indriyānaṃ vasaṃ na gamissasi, naṭṭhampi te jhānaṃ puna pākatikameva bhavissatīti.
д̇ам̣ буна гаал̣ад̣̇звилзна наарад̣̇асса овад̣̇ид̇абхаавам̣ н̃ад̇ваа сад̇т̇аа абхисамб̣уд̣̇д̇хо худ̇ваа чадтам̣ г̇аат̇амааха –
Taṃ puna kāḷadevilena nāradassa ovaditabhāvaṃ ñatvā satthā abhisambuddho hutvā chaṭṭhaṃ gāthamāha –
65.
65.
‘‘зд̇д̇аавад̇зд̇ам̣ бан̣д̣ижжам̣, аби со д̣̇звило б̣рави;
‘‘Ettāvatetaṃ paṇḍiccaṃ, api so devilo bravi;
на яид̇о гин̃жи баабияо, яо инд̣̇рияаанам̣ васам̣ важ̇з’’д̇и.
Na yito kiñci pāpiyo, yo indriyānaṃ vasaṃ vaje’’ti.
д̇ассад̇т̇о – бхигкавз, зд̇д̇агам̣ зд̇ам̣ бан̣д̣ижжам̣ сояам̣ д̣̇звило аб̣рави. яо бана гилзсавасзна инд̣̇рияаанам̣ васам̣ важ̇ад̇и, ид̇о ан̃н̃о баабияо над̇т̇ийд̇и.
Tassattho – bhikkhave, ettakaṃ etaṃ paṇḍiccaṃ soyaṃ devilo abravi. Yo pana kilesavasena indriyānaṃ vasaṃ vajati, ito añño pāpiyo natthīti.
ат̇а нам̣ сарабхан̇г̇о ааманд̇зд̇ваа ‘‘наарад̣̇а, ид̣̇ам̣ д̇аава сун̣а, яо хи батамамзва гад̇д̇аб̣б̣аяуд̇д̇агам̣ на гарод̇и, со аран̃н̃ам̣ бавидтамаан̣аваго вияа сожад̇и барид̣̇звад̇ий’’д̇и вад̇ваа ад̇ийд̇ам̣ аахари.
Atha naṃ sarabhaṅgo āmantetvā ‘‘nārada, idaṃ tāva suṇa, yo hi paṭhamameva kattabbayuttakaṃ na karoti, so araññaṃ paviṭṭhamāṇavako viya socati paridevatī’’ti vatvā atītaṃ āhari.
ад̇ийд̇з згасмим̣ гаасиниг̇амз зго б̣раахман̣амаан̣аво абхируубо ахоси т̇аамасамбанно нааг̇аб̣ало. со жинд̇зси – ‘‘гим̣ мз гасигаммаад̣̇ийни гад̇ваа маад̇аабид̇уухи будтзхи, гим̣ буд̇д̇ад̣̇аарзна, гим̣ д̣̇аанаад̣̇ийхи бун̃н̃зхи гад̇зхи, ган̃жи абосзд̇ваа гин̃жи бун̃н̃ам̣ агад̇ваа аран̃н̃ам̣ бависид̇ваа миг̇з маарзд̇ваа ад̇д̇аанам̣язва босзссаамий’’д̇и? со бан̃жаавуд̇хасаннад̣̇д̇хо химаванд̇ам̣ г̇анд̇ваа наанаамиг̇з вад̇хид̇ваа каад̣̇анд̇о анд̇охимаванд̇з вид̇хавааяа наама над̣̇ияаа д̇ийрз г̇ирибаригкид̇д̇ам̣ маханд̇ам̣ баб̣б̣ад̇аж̇аалам̣ бад̇ваа д̇ад̇т̇а миг̇з вад̇хид̇ваа ан̇г̇аарз баггамам̣сам̣ каад̣̇анд̇о ваасам̣ габбзси. со жинд̇зси ‘‘ахам̣ саб̣б̣ад̣̇аа т̇аамасамбанно на бхависсаами, д̣̇уб̣б̣алагаалз аран̃н̃з жарид̇ум̣ на сагкиссаами, ид̣̇аанзва наанааван̣н̣з миг̇з баб̣б̣ад̇аж̇аалам̣ бавзсзд̇ваа д̣̇ваарам̣ яож̇зд̇ваа аран̃н̃ам̣ анаахин̣д̣анд̇ова яат̇ааружияаа миг̇з вад̇хид̇ваа каад̣̇иссаамий’’д̇и д̇ат̇аа агааси. ат̇асса гаалз ад̇игганд̇з д̇ам̣ гаммам̣ мад̇т̇агаббад̇д̇ам̣ д̣̇идтад̇хаммавзд̣̇анийяам̣ ж̇аад̇ам̣, ад̇д̇ано хад̇т̇абаад̣̇зхи на лабхи г̇анд̇ум̣, абараабарам̣ баривад̇д̇зд̇ум̣ наасагки, нзва гин̃жи каад̣̇анийяам̣ бхож̇анийяам̣, на баанийяам̣ басси, сарийрам̣ милааяи, мануссабзд̇о ахоси, г̇имхагаалз бат̇авий вияа сарийрам̣ бхиж̇ж̇ид̇ваа рааж̇ияо д̣̇ассзси, со д̣̇уруубо д̣̇уссан̣тид̇о махаад̣̇угкам̣ анубхави.
Atīte ekasmiṃ kāsinigame eko brāhmaṇamāṇavo abhirūpo ahosi thāmasampanno nāgabalo. So cintesi – ‘‘kiṃ me kasikammādīni katvā mātāpitūhi puṭṭhehi, kiṃ puttadārena, kiṃ dānādīhi puññehi katehi, kañci aposetvā kiñci puññaṃ akatvā araññaṃ pavisitvā mige māretvā attānaṃyeva posessāmī’’ti? So pañcāvudhasannaddho himavantaṃ gantvā nānāmige vadhitvā khādanto antohimavante vidhavāya nāma nadiyā tīre giriparikkhittaṃ mahantaṃ pabbatajālaṃ patvā tattha mige vadhitvā aṅgāre pakkamaṃsaṃ khādanto vāsaṃ kappesi. So cintesi ‘‘ahaṃ sabbadā thāmasampanno na bhavissāmi, dubbalakāle araññe carituṃ na sakkhissāmi, idāneva nānāvaṇṇe mige pabbatajālaṃ pavesetvā dvāraṃ yojetvā araññaṃ anāhiṇḍantova yathāruciyā mige vadhitvā khādissāmī’’ti tathā akāsi. Athassa kāle atikkante taṃ kammaṃ matthakappattaṃ diṭṭhadhammavedanīyaṃ jātaṃ, attano hatthapādehi na labhi gantuṃ, aparāparaṃ parivattetuṃ nāsakkhi, neva kiñci khādanīyaṃ bhojanīyaṃ, na pānīyaṃ passi, sarīraṃ milāyi, manussapeto ahosi, gimhakāle pathavī viya sarīraṃ bhijjitvā rājiyo dassesi, so durūpo dussaṇṭhito mahādukkhaṃ anubhavi.
звам̣ ад̣̇д̇хаанз г̇ад̇з сивирадтз сивирааж̇аа наама ‘‘аран̃н̃з ан̇г̇аарабаггамам̣сам̣ каад̣̇иссаамий’’д̇и амажжаанам̣ раж̇ж̇ам̣ нияяаад̣̇зд̇ваа бан̃жаавуд̇хасаннад̣̇д̇хо аран̃н̃ам̣ бависид̇ваа миг̇з вад̇хид̇ваа мам̣сам̣ каад̣̇амаано анубуб̣б̣зна д̇ам̣ бад̣̇зсам̣ бад̇ваа д̇ам̣ бурисам̣ д̣̇исваа бхийд̇оби сад̇им̣ убадтабзд̇ваа ‘‘госи д̇вам̣ амбхо бурисаа’’д̇и бужчи. ‘‘саами, мануссабзд̇о ахам̣, ад̇д̇ано гад̇агаммасса палам̣ анубхоми, д̇вам̣ бана госий’’д̇и? ‘‘сивирааж̇аахамасмий’’д̇и. ‘‘ат̇а гасмаа ид̇хааг̇ад̇осий’’д̇и? ‘‘миг̇амам̣сам̣ каад̣̇анад̇т̇ааяаа’’д̇и. ат̇асса со ‘‘ахамби махаарааж̇а, иминаава гааран̣зна ааг̇анд̇ваа мануссабзд̇о ж̇аад̇о’’д̇и саб̣б̣ам̣ вид̇т̇аарзна гат̇зд̇ваа ад̇д̇ано д̣̇угкид̇абхаавам̣ ран̃н̃о аажигканд̇о сзсаг̇аат̇аа ааха –
Evaṃ addhāne gate siviraṭṭhe sivirājā nāma ‘‘araññe aṅgārapakkamaṃsaṃ khādissāmī’’ti amaccānaṃ rajjaṃ niyyādetvā pañcāvudhasannaddho araññaṃ pavisitvā mige vadhitvā maṃsaṃ khādamāno anupubbena taṃ padesaṃ patvā taṃ purisaṃ disvā bhītopi satiṃ upaṭṭhapetvā ‘‘kosi tvaṃ ambho purisā’’ti pucchi. ‘‘Sāmi, manussapeto ahaṃ, attano katakammassa phalaṃ anubhomi, tvaṃ pana kosī’’ti? ‘‘Sivirājāhamasmī’’ti. ‘‘Atha kasmā idhāgatosī’’ti? ‘‘Migamaṃsaṃ khādanatthāyā’’ti. Athassa so ‘‘ahampi mahārāja, imināva kāraṇena āgantvā manussapeto jāto’’ti sabbaṃ vitthārena kathetvā attano dukkhitabhāvaṃ rañño ācikkhanto sesagāthā āha –
66.
66.
‘‘амид̇д̇аанам̣ва хад̇т̇ад̇т̇ам̣, сиви баббод̇и маамива;
‘‘Amittānaṃva hatthatthaṃ, sivi pappoti māmiva;
гаммам̣ виж̇ж̇ан̃жа д̣̇агкзяяам̣, виваахам̣ сийламад̣̇д̣̇авам̣;
Kammaṃ vijjañca dakkheyyaṃ, vivāhaṃ sīlamaddavaṃ;
зд̇з жа яасз хаабзд̇ваа, ниб̣б̣ад̇д̇о сзхи гаммзхи.
Ete ca yase hāpetvā, nibbatto sehi kammehi.
67.
67.
‘‘сохам̣ сахассаж̇ийнова, аб̣анд̇ху абарааяан̣о;
‘‘Sohaṃ sahassajīnova, abandhu aparāyaṇo;
арияад̇хаммаа абагганд̇о, яат̇аа бзд̇о д̇ат̇звахам̣.
Ariyadhammā apakkanto, yathā peto tathevahaṃ.
68.
68.
‘‘сукагаамз д̣̇угкаабзд̇ваа, аабанносми бад̣̇ам̣ имам̣;
‘‘Sukhakāme dukkhāpetvā, āpannosmi padaṃ imaṃ;
со сукам̣ наад̇хиг̇ажчаами, тид̇о бхаан̣умад̇аамиваа’’д̇и.
So sukhaṃ nādhigacchāmi, ṭhito bhāṇumatāmivā’’ti.
д̇ад̇т̇а амид̇д̇аанам̣ва хад̇т̇ад̇т̇анд̇и амид̇д̇аанам̣ хад̇т̇з ад̇т̇ам̣ винаасам̣ вияа. сивийд̇и рааж̇аанам̣ аалабад̇и. баббод̇и маамиваад̇и маад̣̇исо баабагаммзна баабун̣аад̇и, ад̇д̇анова гаммзна винаасам̣ баабун̣аад̇ийд̇и вуд̇д̇ам̣ ход̇и. гамманд̇и гасигаммаад̣̇ибхзд̣̇ам̣ ааж̇ийвасаад̇хагам̣ гижжам̣. виж̇ж̇анд̇и наанаббагаарагам̣ хад̇т̇исиббаад̣̇игам̣ сиббам̣. д̣̇агкзяяанд̇и наанаббагаарзна бхог̇уббаад̣̇анагосаллам̣. вивааханд̇и ааваахавиваахасамб̣анд̇хам̣. сийламад̣̇д̣̇аванд̇и бан̃жавид̇хасийлан̃жзва муд̣̇уважанам̣ хид̇агаамам̣ баабанивааран̣ам̣ галяаан̣амид̇д̇ад̇ан̃жа. со хи ид̇ха мад̣̇д̣̇авод̇и ад̇хиббзд̇о. зд̇з жа яасз хаабзд̇ваад̇и зд̇з зд̇д̇агз яасад̣̇ааяагз д̇хаммз хаабзд̇ваа жа. ниб̣б̣ад̇д̇о сзхи гаммзхийд̇и ад̇д̇ано гаммзхи ниб̣б̣ад̇д̇о. ид̣̇ам̣ вуд̇д̇ам̣ ход̇и – ахам̣, махаарааж̇а, имасмим̣ логз иссарияад̣̇ааяагам̣ гад̇д̇аб̣б̣аяуд̇д̇агам̣ гаммам̣ агад̇ваа сиббам̣ асигкид̇ваа убааязна бхог̇з ануббаад̣̇зд̇ваа ааваахавиваахам̣ агад̇ваа сийлам̣ арагкид̇ваа мам̣ агижжам̣ гаронд̇ам̣ баабанивааран̣асамад̇т̇з галяаан̣амид̇д̇з абхаж̇ид̇ваа имз зд̇д̇агз яасад̣̇ааяагад̇д̇аа ‘‘яасз’’д̇и сан̇кяам̣ г̇ад̇з логаббавад̇д̇ид̇хаммз хаабзд̇ваа чад̣д̣зд̇ваа имам̣ аран̃н̃ам̣ бависид̇ваа саяам̣ гад̇зхи баабагаммзхи ид̣̇аани мануссабзд̇о худ̇ваа ниб̣б̣ад̇д̇осмийд̇и.
Tattha amittānaṃva hatthatthanti amittānaṃ hatthe atthaṃ vināsaṃ viya. Sivīti rājānaṃ ālapati. Pappoti māmivāti mādiso pāpakammena pāpuṇāti, attanova kammena vināsaṃ pāpuṇātīti vuttaṃ hoti. Kammanti kasikammādibhedaṃ ājīvasādhakaṃ kiccaṃ. Vijjanti nānappakārakaṃ hatthisippādikaṃ sippaṃ. Dakkheyyanti nānappakārena bhoguppādanakosallaṃ. Vivāhanti āvāhavivāhasambandhaṃ. Sīlamaddavanti pañcavidhasīlañceva muduvacanaṃ hitakāmaṃ pāpanivāraṇaṃ kalyāṇamittatañca. So hi idha maddavoti adhippeto. Ete ca yase hāpetvāti ete ettake yasadāyake dhamme hāpetvā ca. Nibbatto sehi kammehīti attano kammehi nibbatto. Idaṃ vuttaṃ hoti – ahaṃ, mahārāja, imasmiṃ loke issariyadāyakaṃ kattabbayuttakaṃ kammaṃ akatvā sippaṃ asikkhitvā upāyena bhoge anuppādetvā āvāhavivāhaṃ akatvā sīlaṃ arakkhitvā maṃ akiccaṃ karontaṃ pāpanivāraṇasamatthe kalyāṇamitte abhajitvā ime ettake yasadāyakattā ‘‘yase’’ti saṅkhyaṃ gate lokappavattidhamme hāpetvā chaḍḍetvā imaṃ araññaṃ pavisitvā sayaṃ katehi pāpakammehi idāni manussapeto hutvā nibbattosmīti.
сахассаж̇ийноваад̇и сахассаж̇ийнабурисо вияаад̇и ад̇т̇о. сваахам̣ саммаа бадибаж̇ж̇ид̇ваа бхог̇з уббаад̣̇зяяам̣, д̇зхи анзгасахассзхи бхог̇зхи ж̇ид̇од̇иби ад̇т̇о. абарааяан̣од̇и асаран̣о, ниббад̇идтод̇и ад̇т̇о. арияад̇хаммаад̇и саббурисад̇хаммад̇о. яат̇аа бзд̇од̇и яат̇аа мад̇о бзд̇о худ̇ваа уббаж̇ж̇зяяа, ж̇ийвамааноязва д̇ат̇аа мануссабзд̇о ж̇аад̇осмийд̇и ад̇т̇о. сукагаамз д̣̇угкаабзд̇ваад̇и сукагаамз сад̇д̇з д̣̇угкаабзд̇ваа. ‘‘сукагаамо’’д̇иби баато, саяам̣ сукагаамо барам̣ д̣̇угкаабзд̇ваад̇и ад̇т̇о. аабанносми бад̣̇ам̣ иманд̇и зваруубам̣ годтаасам̣ бад̇д̇осми. бат̇анд̇иби баато, ид̣̇ам̣ д̣̇угкасса бат̇абхууд̇ам̣ ад̇д̇абхаавам̣ бад̇д̇осмийд̇и ад̇т̇о. тид̇о бхаан̣умад̇аамиваад̇и бхаан̣умаа вужжад̇и аг̇г̇и, вийд̇ажжиган̇г̇аарзхи саманд̇аа баригин̣н̣о вияа сарийрз удтид̇зна махаад̣̇аахзна д̣̇аяханд̇о гааяигажзд̇асигасукам̣ на винд̣̇аамийд̇и вад̣̇ад̇и.
Sahassajīnovāti sahassajīnapuriso viyāti attho. Svāhaṃ sammā paṭipajjitvā bhoge uppādeyyaṃ, tehi anekasahassehi bhogehi jitotipi attho. Aparāyaṇoti asaraṇo, nippatiṭṭhoti attho. Ariyadhammāti sappurisadhammato. Yathāpetoti yathā mato peto hutvā uppajjeyya, jīvamānoyeva tathā manussapeto jātosmīti attho. Sukhakāme dukkhāpetvāti sukhakāme satte dukkhāpetvā. ‘‘Sukhakāmo’’tipi pāṭho, sayaṃ sukhakāmo paraṃ dukkhāpetvāti attho. Āpannosmi padaṃ imanti evarūpaṃ koṭṭhāsaṃ pattosmi. Pathantipi pāṭho, idaṃ dukkhassa pathabhūtaṃ attabhāvaṃ pattosmīti attho. Ṭhito bhāṇumatāmivāti bhāṇumā vuccati aggi, vītaccikaṅgārehi samantā parikiṇṇo viya sarīre uṭṭhitena mahādāhena dayhanto kāyikacetasikasukhaṃ na vindāmīti vadati.
зван̃жа бана вад̇ваа ‘‘ахам̣, махаарааж̇а, сукагаамо барам̣ д̣̇угкаабзд̇ваа д̣̇идтзва д̇хаммз мануссабзд̇о ж̇аад̇о, д̇асмаа д̇вам̣ баабам̣ маа гари, ад̇д̇ано наг̇арам̣ г̇анд̇ваа д̣̇аанаад̣̇ийни бун̃н̃аани гарохий’’д̇и ааха. рааж̇аа д̇ат̇аа гад̇ваа саг̇г̇абурам̣ буурзси. сарабхан̇г̇асад̇т̇аа имам̣ гааран̣ам̣ аахарид̇ваа д̇аабасам̣ сан̃н̃аабзси. со д̇асса д̇хаммагат̇ааяа сам̣взг̇ам̣ бадилабхид̇ваа д̇ам̣ ванд̣̇ид̇ваа камаабзд̇ваа гасин̣абаригаммам̣ гад̇ваа надтам̣ жхаанам̣ бадибаагад̇игам̣ агааси. сарабхан̇г̇о д̇асса д̇ад̇т̇а васид̇ум̣ ад̣̇ад̇ваа д̇ам̣ аад̣̇ааяа ад̇д̇ано ассамам̣ г̇ад̇о.
Evañca pana vatvā ‘‘ahaṃ, mahārāja, sukhakāmo paraṃ dukkhāpetvā diṭṭheva dhamme manussapeto jāto, tasmā tvaṃ pāpaṃ mā kari, attano nagaraṃ gantvā dānādīni puññāni karohī’’ti āha. Rājā tathā katvā saggapuraṃ pūresi. Sarabhaṅgasatthā imaṃ kāraṇaṃ āharitvā tāpasaṃ saññāpesi. So tassa dhammakathāya saṃvegaṃ paṭilabhitvā taṃ vanditvā khamāpetvā kasiṇaparikammaṃ katvā naṭṭhaṃ jhānaṃ paṭipākatikaṃ akāsi. Sarabhaṅgo tassa tattha vasituṃ adatvā taṃ ādāya attano assamaṃ gato.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз угган̣тид̇абхигку сод̇аабад̇д̇ипалз бад̇идтахи.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne ukkaṇṭhitabhikkhu sotāpattiphale patiṭṭhahi.
д̇ад̣̇аа наарад̣̇о угган̣тид̇абхигку ахоси, наг̇арасобхин̣ий бураан̣ад̣̇уд̇ияигаа, саалиссаро саарибуд̇д̇о, мзн̣д̣иссаро гассабо, баб̣б̣ад̇о ануруд̣̇д̇хо, гаал̣ад̣̇звило гажжааяано, анубияо аананд̣̇о, гисаважчо махаамог̇г̇аллаано, сарабхан̇г̇о бана ахамзва ахосинд̇и.
Tadā nārado ukkaṇṭhitabhikkhu ahosi, nagarasobhiṇī purāṇadutiyikā, sālissaro sāriputto, meṇḍissaro kassapo, pabbato anuruddho, kāḷadevilo kaccāyano, anupiyo ānando, kisavaccho mahāmoggallāno, sarabhaṅgo pana ahameva ahosinti.
инд̣̇рияаж̇аад̇агаван̣н̣анаа сад̇д̇амаа.
Indriyajātakavaṇṇanā sattamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 423. инд̣̇рияаж̇аад̇агам̣ • 423. Indriyajātakaṃ
