| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
৮. ইন্দ্রিযকথাৰণ্ণনা
8. Indriyakathāvaṇṇanā
৮৫৩-৮৫৬. ইদানি ইন্দ্রিযকথা নাম হোতি। তত্থ লোকিযা সদ্ধা সদ্ধা এৰ নাম, ন সদ্ধিন্দ্রিযং। তথা লোকিযং ৰীরিযং…পে॰… সতি… সমাধি… পঞ্ঞা পঞ্ঞাযেৰ নাম, ন পঞ্ঞিন্দ্রিযন্তি যেসং লদ্ধি, সেয্যথাপি হেতুৰাদানঞ্চেৰ মহিসাসকানঞ্চ; তে সন্ধায পুচ্ছা সকৰাদিস্স, পটিঞ্ঞা ইতরস্স । নত্থি লোকিযা সদ্ধাতিআদি যস্মা লোকিযাপি সদ্ধাদযোৰ ধম্মা অধিপতিযট্ঠেন ইন্দ্রিযং, ন সদ্ধাদীহি অঞ্ঞং সদ্ধিন্দ্রিযাদি নাম অত্থি, তস্মা লোকিযানম্পি সদ্ধাদীনঞ্ঞেৰ সদ্ধিন্দ্রিযাদিভাৰদস্সনত্থং ৰুত্তং। অত্থি লোকিযো মনোতিআদি যথা তে লোকিযাপি মনাদযো ধম্মা মনিন্দ্রিযাদীনি, এৰং লোকিযা সদ্ধাদযোপি সদ্ধিন্দ্রিযানীতি উপমায তস্সত্থস্স ৰিভাৰনত্থং ৰুত্তং। সেসমেত্থ যথাপাল়িমেৰ নিয্যাতীতি।
853-856. Idāni indriyakathā nāma hoti. Tattha lokiyā saddhā saddhā eva nāma, na saddhindriyaṃ. Tathā lokiyaṃ vīriyaṃ…pe… sati… samādhi… paññā paññāyeva nāma, na paññindriyanti yesaṃ laddhi, seyyathāpi hetuvādānañceva mahisāsakānañca; te sandhāya pucchā sakavādissa, paṭiññā itarassa . Natthi lokiyā saddhātiādi yasmā lokiyāpi saddhādayova dhammā adhipatiyaṭṭhena indriyaṃ, na saddhādīhi aññaṃ saddhindriyādi nāma atthi, tasmā lokiyānampi saddhādīnaññeva saddhindriyādibhāvadassanatthaṃ vuttaṃ. Atthi lokiyo manotiādi yathā te lokiyāpi manādayo dhammā manindriyādīni, evaṃ lokiyā saddhādayopi saddhindriyānīti upamāya tassatthassa vibhāvanatthaṃ vuttaṃ. Sesamettha yathāpāḷimeva niyyātīti.
ইন্দ্রিযকথাৰণ্ণনা।
Indriyakathāvaṇṇanā.
একূনৰীসতিমো ৰগ্গো।
Ekūnavīsatimo vaggo.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (১৯৩) ৮. ইন্দ্রিযকথা • (193) 8. Indriyakathā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ৮. ইন্দ্রিযকথাৰণ্ণনা • 8. Indriyakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ৮. ইন্দ্রিযকথাৰণ্ণনা • 8. Indriyakathāvaṇṇanā
