| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
8. инд̣̇рияагат̇ааван̣н̣анаа
8. Indriyakathāvaṇṇanā
853-856. ид̣̇аани инд̣̇рияагат̇аа наама ход̇и. д̇ад̇т̇а логияаа сад̣̇д̇хаа сад̣̇д̇хаа зва наама, на сад̣̇д̇хинд̣̇рияам̣. д̇ат̇аа логияам̣ вийрияам̣…бз… сад̇и… самаад̇хи… бан̃н̃аа бан̃н̃ааязва наама, на бан̃н̃инд̣̇рияанд̇и язсам̣ лад̣̇д̇хи, сзяяат̇ааби хзд̇уваад̣̇аанан̃жзва махисаасагаанан̃жа; д̇з санд̇хааяа бужчаа сагаваад̣̇исса, бадин̃н̃аа ид̇арасса . над̇т̇и логияаа сад̣̇д̇хаад̇иаад̣̇и яасмаа логияааби сад̣̇д̇хаад̣̇аяова д̇хаммаа ад̇хибад̇ияадтзна инд̣̇рияам̣, на сад̣̇д̇хаад̣̇ийхи ан̃н̃ам̣ сад̣̇д̇хинд̣̇рияаад̣̇и наама ад̇т̇и, д̇асмаа логияаанамби сад̣̇д̇хаад̣̇ийнан̃н̃зва сад̣̇д̇хинд̣̇рияаад̣̇ибхаавад̣̇ассанад̇т̇ам̣ вуд̇д̇ам̣. ад̇т̇и логияо манод̇иаад̣̇и яат̇аа д̇з логияааби манаад̣̇аяо д̇хаммаа манинд̣̇рияаад̣̇ийни, звам̣ логияаа сад̣̇д̇хаад̣̇аяоби сад̣̇д̇хинд̣̇рияаанийд̇и убамааяа д̇ассад̇т̇асса вибхааванад̇т̇ам̣ вуд̇д̇ам̣. сзсамзд̇т̇а яат̇аабаал̣имзва нияяаад̇ийд̇и.
853-856. Idāni indriyakathā nāma hoti. Tattha lokiyā saddhā saddhā eva nāma, na saddhindriyaṃ. Tathā lokiyaṃ vīriyaṃ…pe… sati… samādhi… paññā paññāyeva nāma, na paññindriyanti yesaṃ laddhi, seyyathāpi hetuvādānañceva mahisāsakānañca; te sandhāya pucchā sakavādissa, paṭiññā itarassa . Natthi lokiyā saddhātiādi yasmā lokiyāpi saddhādayova dhammā adhipatiyaṭṭhena indriyaṃ, na saddhādīhi aññaṃ saddhindriyādi nāma atthi, tasmā lokiyānampi saddhādīnaññeva saddhindriyādibhāvadassanatthaṃ vuttaṃ. Atthi lokiyo manotiādi yathā te lokiyāpi manādayo dhammā manindriyādīni, evaṃ lokiyā saddhādayopi saddhindriyānīti upamāya tassatthassa vibhāvanatthaṃ vuttaṃ. Sesamettha yathāpāḷimeva niyyātīti.
инд̣̇рияагат̇ааван̣н̣анаа.
Indriyakathāvaṇṇanā.
згуунавийсад̇имо ваг̇г̇о.
Ekūnavīsatimo vaggo.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (193) 8. инд̣̇рияагат̇аа • (193) 8. Indriyakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 8. инд̣̇рияагат̇ааван̣н̣анаа • 8. Indriyakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 8. инд̣̇рияагат̇ааван̣н̣анаа • 8. Indriyakathāvaṇṇanā
