| Library / Tipiṭaka / တိပိဋက • Tipiṭaka / ပဉ္စပကရဏ-အဋ္ဌကထာ • Pañcapakaraṇa-aṭṭhakathā |
၈. ဣန္ဒ္ရိယကထာဝဏ္ဏနာ
8. Indriyakathāvaṇṇanā
၈၅၃-၈၅၆. ဣဒာနိ ဣန္ဒ္ရိယကထာ နာမ ဟောတိ။ တတ္ထ လောကိယာ သဒ္ဓာ သဒ္ဓာ ဧဝ နာမ, န သဒ္ဓိန္ဒ္ရိယံ။ တထာ လောကိယံ ဝီရိယံ။ပေ.။ သတိ။ သမာဓိ။ ပညာ ပညာယေဝ နာမ, န ပညိန္ဒ္ရိယန္တိ ယေသံ လဒ္ဓိ, သေယ္ယထာပိ ဟေတုဝာဒာနဉ္စေဝ မဟိသာသကာနဉ္စ; တေ သန္ဓာယ ပုစ္ဆာ သကဝာဒိသ္သ, ပဋိညာ ဣတရသ္သ ။ နတ္ထိ လောကိယာ သဒ္ဓာတိအာဒိ ယသ္မာ လောကိယာပိ သဒ္ဓာဒယောဝ ဓမ္မာ အဓိပတိယဋ္ဌေန ဣန္ဒ္ရိယံ, န သဒ္ဓာဒီဟိ အညံ သဒ္ဓိန္ဒ္ရိယာဒိ နာမ အတ္ထိ, တသ္မာ လောကိယာနမ္ပိ သဒ္ဓာဒီနညေဝ သဒ္ဓိန္ဒ္ရိယာဒိဘာဝဒသ္သနတ္ထံ ဝုတ္တံ။ အတ္ထိ လောကိယော မနောတိအာဒိ ယထာ တေ လောကိယာပိ မနာဒယော ဓမ္မာ မနိန္ဒ္ရိယာဒီနိ, ဧဝံ လောကိယာ သဒ္ဓာဒယောပိ သဒ္ဓိန္ဒ္ရိယာနီတိ ဥပမာယ တသ္သတ္ထသ္သ ဝိဘာဝနတ္ထံ ဝုတ္တံ။ သေသမေတ္ထ ယထာပာဠိမေဝ နိယ္ယာတီတိ။
853-856. Idāni indriyakathā nāma hoti. Tattha lokiyā saddhā saddhā eva nāma, na saddhindriyaṃ. Tathā lokiyaṃ vīriyaṃ…pe… sati… samādhi… paññā paññāyeva nāma, na paññindriyanti yesaṃ laddhi, seyyathāpi hetuvādānañceva mahisāsakānañca; te sandhāya pucchā sakavādissa, paṭiññā itarassa . Natthi lokiyā saddhātiādi yasmā lokiyāpi saddhādayova dhammā adhipatiyaṭṭhena indriyaṃ, na saddhādīhi aññaṃ saddhindriyādi nāma atthi, tasmā lokiyānampi saddhādīnaññeva saddhindriyādibhāvadassanatthaṃ vuttaṃ. Atthi lokiyo manotiādi yathā te lokiyāpi manādayo dhammā manindriyādīni, evaṃ lokiyā saddhādayopi saddhindriyānīti upamāya tassatthassa vibhāvanatthaṃ vuttaṃ. Sesamettha yathāpāḷimeva niyyātīti.
ဣန္ဒ္ရိယကထာဝဏ္ဏနာ။
Indriyakathāvaṇṇanā.
ဧကူနဝီသတိမော ဝဂ္ဂော။
Ekūnavīsatimo vaggo.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၁၉၃) ၈. ဣန္ဒ္ရိယကထာ • (193) 8. Indriyakathā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-မူလဋီကာ • Pañcapakaraṇa-mūlaṭīkā / ၈. ဣန္ဒ္ရိယကထာဝဏ္ဏနာ • 8. Indriyakathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-အနုဋီကာ • Pañcapakaraṇa-anuṭīkā / ၈. ဣန္ဒ္ရိယကထာဝဏ္ဏနာ • 8. Indriyakathāvaṇṇanā
