| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༨. ཨིནྡྲིཡཀཐཱཝཎྞནཱ
8. Indriyakathāvaṇṇanā
༨༥༣-༨༥༦. ཨིདཱནི ཨིནྡྲིཡཀཐཱ ནཱམ ཧོཏི། ཏཏྠ ལོཀིཡཱ སདྡྷཱ སདྡྷཱ ཨེཝ ནཱམ, ན སདྡྷིནྡྲིཡཾ། ཏཐཱ ལོཀིཡཾ ཝཱིརིཡཾ…པེ॰… སཏི… སམཱདྷི… པཉྙཱ པཉྙཱཡེཝ ནཱམ, ན པཉྙིནྡྲིཡནྟི ཡེསཾ ལདྡྷི, སེཡྻཐཱཔི ཧེཏུཝཱདཱནཉྩེཝ མཧིསཱསཀཱནཉྩ; ཏེ སནྡྷཱཡ པུཙྪཱ སཀཝཱདིསྶ, པཊིཉྙཱ ཨིཏརསྶ ། ནཏྠི ལོཀིཡཱ སདྡྷཱཏིཨཱདི ཡསྨཱ ལོཀིཡཱཔི སདྡྷཱདཡོཝ དྷམྨཱ ཨདྷིཔཏིཡཊྛེན ཨིནྡྲིཡཾ, ན སདྡྷཱདཱིཧི ཨཉྙཾ སདྡྷིནྡྲིཡཱདི ནཱམ ཨཏྠི, ཏསྨཱ ལོཀིཡཱནམྤི སདྡྷཱདཱིནཉྙེཝ སདྡྷིནྡྲིཡཱདིབྷཱཝདསྶནཏྠཾ ཝུཏྟཾ། ཨཏྠི ལོཀིཡོ མནོཏིཨཱདི ཡཐཱ ཏེ ལོཀིཡཱཔི མནཱདཡོ དྷམྨཱ མནིནྡྲིཡཱདཱིནི, ཨེཝཾ ལོཀིཡཱ སདྡྷཱདཡོཔི སདྡྷིནྡྲིཡཱནཱིཏི ཨུཔམཱཡ ཏསྶཏྠསྶ ཝིབྷཱཝནཏྠཾ ཝུཏྟཾ། སེསམེཏྠ ཡཐཱཔཱལི༹མེཝ ནིཡྻཱཏཱིཏི།
853-856. Idāni indriyakathā nāma hoti. Tattha lokiyā saddhā saddhā eva nāma, na saddhindriyaṃ. Tathā lokiyaṃ vīriyaṃ…pe… sati… samādhi… paññā paññāyeva nāma, na paññindriyanti yesaṃ laddhi, seyyathāpi hetuvādānañceva mahisāsakānañca; te sandhāya pucchā sakavādissa, paṭiññā itarassa . Natthi lokiyā saddhātiādi yasmā lokiyāpi saddhādayova dhammā adhipatiyaṭṭhena indriyaṃ, na saddhādīhi aññaṃ saddhindriyādi nāma atthi, tasmā lokiyānampi saddhādīnaññeva saddhindriyādibhāvadassanatthaṃ vuttaṃ. Atthi lokiyo manotiādi yathā te lokiyāpi manādayo dhammā manindriyādīni, evaṃ lokiyā saddhādayopi saddhindriyānīti upamāya tassatthassa vibhāvanatthaṃ vuttaṃ. Sesamettha yathāpāḷimeva niyyātīti.
ཨིནྡྲིཡཀཐཱཝཎྞནཱ།
Indriyakathāvaṇṇanā.
ཨེཀཱུནཝཱིསཏིམོ ཝགྒོ།
Ekūnavīsatimo vaggo.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༩༣) ༨. ཨིནྡྲིཡཀཐཱ • (193) 8. Indriyakathā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā / ༨. ཨིནྡྲིཡཀཐཱཝཎྞནཱ • 8. Indriyakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༨. ཨིནྡྲིཡཀཐཱཝཎྞནཱ • 8. Indriyakathāvaṇṇanā
