| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੨. ਇਨ੍ਦ੍ਰਿਯਨਿਦ੍ਦੇਸੋ
2. Indriyaniddeso
੨੭. ਸਦ੍ਧਿਨ੍ਦ੍ਰਿਯਸ੍ਸ ਪਞ੍ਚ વਿવੇਕਾ, ਪਞ੍ਚ વਿਰਾਗਾ, ਪਞ੍ਚ ਨਿਰੋਧਾ, ਪਞ੍ਚ વੋਸ੍ਸਗ੍ਗਾ, ਦ੍વਾਦਸ ਨਿਸ੍ਸਯਾ। વੀਰਿਯਿਨ੍ਦ੍ਰਿਯਸ੍ਸ…ਪੇ॰… ਸਤਿਨ੍ਦ੍ਰਿਯਸ੍ਸ… ਸਮਾਧਿਨ੍ਦ੍ਰਿਯਸ੍ਸ… ਪਞ੍ਞਿਨ੍ਦ੍ਰਿਯਸ੍ਸ ਪਞ੍ਚ વਿવੇਕਾ, ਪਞ੍ਚ વਿਰਾਗਾ, ਪਞ੍ਚ ਨਿਰੋਧਾ, ਪਞ੍ਚ વੋਸ੍ਸਗ੍ਗਾ, ਦ੍વਾਦਸ ਨਿਸ੍ਸਯਾ।
27. Saddhindriyassa pañca vivekā, pañca virāgā, pañca nirodhā, pañca vossaggā, dvādasa nissayā. Vīriyindriyassa…pe… satindriyassa… samādhindriyassa… paññindriyassa pañca vivekā, pañca virāgā, pañca nirodhā, pañca vossaggā, dvādasa nissayā.
ਸਦ੍ਧਿਨ੍ਦ੍ਰਿਯਸ੍ਸ ਕਤਮੇ ਪਞ੍ਚ વਿવੇਕਾ? વਿਕ੍ਖਮ੍ਭਨવਿવੇਕੋ, ਤਦਙ੍ਗવਿવੇਕੋ, ਸਮੁਚ੍ਛੇਦવਿવੇਕੋ, ਪਟਿਪ੍ਪਸ੍ਸਦ੍ਧਿવਿવੇਕੋ, ਨਿਸ੍ਸਰਣવਿવੇਕੋ। વਿਕ੍ਖਮ੍ਭਨવਿવੇਕੋ ਚ ਨੀવਰਣਾਨਂ ਪਠਮਜ੍ਝਾਨਂ ਭਾવਯਤੋ, ਤਦਙ੍ਗવਿવੇਕੋ ਚ ਦਿਟ੍ਠਿਗਤਾਨਂ ਨਿਬ੍ਬੇਧਭਾਗਿਯਂ ਸਮਾਧਿਂ ਭਾવਯਤੋ, ਸਮੁਚ੍ਛੇਦવਿવੇਕੋ ਚ ਲੋਕੁਤ੍ਤਰਂ ਖਯਗਾਮਿਮਗ੍ਗਂ ਭਾવਯਤੋ, ਪਟਿਪ੍ਪਸ੍ਸਦ੍ਧਿવਿવੇਕੋ ਚ ਫਲਕ੍ਖਣੇ, ਨਿਸ੍ਸਰਣવਿવੇਕੋ ਚ ਨਿਰੋਧੋ ਨਿਬ੍ਬਾਨਂ। ਸਦ੍ਧਿਨ੍ਦ੍ਰਿਯਸ੍ਸ ਇਮੇ ਪਞ੍ਚ વਿવੇਕਾ। ਇਮੇਸੁ ਪਞ੍ਚਸੁ વਿવੇਕੇਸੁ ਛਨ੍ਦਜਾਤੋ ਹੋਤਿ ਸਦ੍ਧਾਧਿਮੁਤ੍ਤੋ, ਚਿਤ੍ਤਞ੍ਚਸ੍ਸ ਸ੍વਾਧਿਟ੍ਠਿਤਂ…ਪੇ॰… ਸਦ੍ਧਿਨ੍ਦ੍ਰਿਯਸ੍ਸ ਇਮੇ ਪਞ੍ਚ વਿવੇਕਾ, ਪਞ੍ਚ વਿਰਾਗਾ, ਪਞ੍ਚ ਨਿਰੋਧਾ, ਪਞ੍ਚ વੋਸ੍ਸਗ੍ਗਾ, ਦ੍વਾਦਸ ਨਿਸ੍ਸਯਾ।
Saddhindriyassa katame pañca vivekā? Vikkhambhanaviveko, tadaṅgaviveko, samucchedaviveko, paṭippassaddhiviveko, nissaraṇaviveko. Vikkhambhanaviveko ca nīvaraṇānaṃ paṭhamajjhānaṃ bhāvayato, tadaṅgaviveko ca diṭṭhigatānaṃ nibbedhabhāgiyaṃ samādhiṃ bhāvayato, samucchedaviveko ca lokuttaraṃ khayagāmimaggaṃ bhāvayato, paṭippassaddhiviveko ca phalakkhaṇe, nissaraṇaviveko ca nirodho nibbānaṃ. Saddhindriyassa ime pañca vivekā. Imesu pañcasu vivekesu chandajāto hoti saddhādhimutto, cittañcassa svādhiṭṭhitaṃ…pe… saddhindriyassa ime pañca vivekā, pañca virāgā, pañca nirodhā, pañca vossaggā, dvādasa nissayā.
વੀਰਿਯਿਨ੍ਦ੍ਰਿਯਸ੍ਸ…ਪੇ॰… ਸਤਿਨ੍ਦ੍ਰਿਯਸ੍ਸ…ਪੇ॰… ਸਮਾਧਿਨ੍ਦ੍ਰਿਯਸ੍ਸ… ਪਞ੍ਞਿਨ੍ਦ੍ਰਿਯਸ੍ਸ ਕਤਮੇ ਪਞ੍ਚ વਿવੇਕਾ? વਿਕ੍ਖਮ੍ਭਨવਿવੇਕੋ, ਤਦਙ੍ਗવਿવੇਕੋ, ਸਮੁਚ੍ਛੇਦવਿવੇਕੋ, ਪਟਿਪ੍ਪਸ੍ਸਦ੍ਧਿવਿવੇਕੋ, ਨਿਸ੍ਸਰਣવਿવੇਕੋ…ਪੇ॰… ਪਞ੍ਞਿਨ੍ਦ੍ਰਿਯਸ੍ਸ ਇਮੇ ਪਞ੍ਚ વਿવੇਕਾ, ਪਞ੍ਚ વਿਰਾਗਾ, ਪਞ੍ਚ ਨਿਰੋਧਾ , ਪਞ੍ਚ વੋਸ੍ਸਗ੍ਗਾ, ਦ੍વਾਦਸ ਨਿਸ੍ਸਯਾਤਿ।
Vīriyindriyassa…pe… satindriyassa…pe… samādhindriyassa… paññindriyassa katame pañca vivekā? Vikkhambhanaviveko, tadaṅgaviveko, samucchedaviveko, paṭippassaddhiviveko, nissaraṇaviveko…pe… paññindriyassa ime pañca vivekā, pañca virāgā, pañca nirodhā , pañca vossaggā, dvādasa nissayāti.
વਿવੇਕਕਥਾ ਨਿਟ੍ਠਿਤਾ।
Vivekakathā niṭṭhitā.
