| Library / Tipiṭaka / д̇ибидага • Tipiṭaka / бан̃жабагаран̣а-анудийгаа • Pañcapakaraṇa-anuṭīkā |
16. инд̣̇рияабажжаяанид̣̇д̣̇зсаван̣н̣анаа
16. Indriyapaccayaniddesavaṇṇanā
16. ‘‘миссагад̇д̇аа’’д̇и ид̣̇ам̣ инд̣̇рияад̇ааяа руубааруубаж̇ийвид̇инд̣̇рияаанам̣ згаж̇жхам̣ гад̇ваа д̣̇зсид̇ад̇ам̣ санд̇хааяа вуд̇д̇ам̣, д̇асмаа миссагад̇д̇аад̇и руубаж̇ийвид̇инд̣̇рияамиссагад̇д̇аад̇и ад̇т̇о. ж̇ийвид̇инд̣̇рияанд̇и аруубаж̇ийвид̇инд̣̇рияам̣. на саб̣б̣зна саб̣б̣ам̣ важ̇ж̇ид̇аб̣б̣анд̇и яат̇аа бан̃хаабужчагз аруубаж̇ийвид̇инд̣̇рияам̣ миссагад̇д̇аа на г̇ахид̇ам̣, на звамид̇ха аруубаж̇ийвид̇инд̣̇рияам̣ аг̇г̇ахид̇анд̇и ад̇т̇о.
16. ‘‘Missakattā’’ti idaṃ indriyatāya rūpārūpajīvitindriyānaṃ ekajjhaṃ katvā desitataṃ sandhāya vuttaṃ, tasmā missakattāti rūpajīvitindriyamissakattāti attho. Jīvitindriyanti arūpajīvitindriyaṃ. Na sabbena sabbaṃ vajjitabbanti yathā pañhāpucchake arūpajīvitindriyaṃ missakattā na gahitaṃ, na evamidha arūpajīvitindriyaṃ aggahitanti attho.
аруубаанам̣ жагкувин̃н̃аан̣аад̣̇ийнам̣ бажжаяанд̇араабзгкаани ааваж̇ж̇анаарамман̣аад̣̇иан̃н̃абажжаяасаабзгкаани инд̣̇рияабажжаяаа сияум̣ жагкаад̣̇ийнам̣ руубааруубаанам̣ ан̃н̃аман̃н̃ам̣ гад̣̇аажиби авиниб̣бхуд̇д̇абхаавасса абхаавад̇о, бажжаяанд̇арасамод̇хаанаабзгкад̇ааяа жа. яо бана нирабзгкод̇и яат̇аа жагкаад̣̇ийни бажжаяанд̇арзсу саабзгкаани, звам̣ саабзгко ахуд̇ваа яо д̇ад̇т̇а нирабзгко инд̣̇рияабажжаяо ход̇и авиниб̣бхуд̇д̇ад̇хаммаанам̣ яат̇аа д̣̇увид̇хамби ж̇ийвид̇инд̣̇рияам̣, со ад̇д̇ано…бз… над̇т̇ийд̇и яож̇анаа. авиниб̣бхуд̇д̇аанам̣ д̇зсамби лин̇г̇аад̣̇ийнам̣ сияум̣ виниб̣бхуд̇д̇аанам̣ бажжаяуббаннаанам̣ инд̣̇рияабажжаяад̇аабхаавасса ад̣̇идтад̇д̇аа. нану жагкаад̣̇ийнам̣ виниб̣бхуд̇д̇аанам̣ инд̣̇рияабажжаяабхааво д̣̇идтод̇и? сажжам̣ д̣̇идто, на бана со самаанаж̇аад̇ияаад̇и д̣̇ассзнд̇о ‘‘на хий’’д̇иаад̣̇имааха. сад̇и жзванд̇и звам̣ вуд̇д̇аббагаарз самаанаж̇аад̇ияам̣язва авиниб̣бхуд̇д̇асса инд̣̇рияабажжаяабхаавз сад̇и ид̇т̇ибурисинд̣̇риязхи сад̣̇д̇хим̣. сахаяог̇з хи ид̣̇ам̣ гаран̣аважанам̣. яад̣̇иби ид̇т̇ибурисинд̣̇рияаани лин̇г̇аад̣̇ийнам̣ галалаад̣̇игаалз инд̣̇рияабажжаяад̇ам̣ на парзяяум̣ д̇зсам̣ д̇ад̣̇аа абхаавад̇о. яз бана руубад̇хаммаа д̇ад̣̇аа санд̇и, д̇зхи авиниб̣бхуд̇д̇аава, д̇зсам̣ гасмаа на паранд̇ийд̇и ааха ‘‘ан̃н̃зсам̣ банаа’’д̇иаад̣̇и. аб̣ийж̇абхаавад̇о анимид̇д̇абхаавад̇о. д̇ад̣̇ануруубаананд̇и галалаад̣̇иавад̇т̇аануруубаанам̣ ад̇т̇ид̇ам̣ ижчанд̇и, яад̇о ‘‘ид̇т̇ий, бурисо’’д̇и багад̇ивибхааг̇о вин̃н̃ааяад̇ийд̇и д̇зсам̣ ад̇хиббааяо.
Arūpānaṃ cakkhuviññāṇādīnaṃ paccayantarāpekkhāni āvajjanārammaṇādiaññapaccayasāpekkhāni indriyapaccayā siyuṃ cakkhādīnaṃ rūpārūpānaṃ aññamaññaṃ kadācipi avinibbhuttabhāvassa abhāvato, paccayantarasamodhānāpekkhatāya ca. Yo pana nirapekkhoti yathā cakkhādīni paccayantaresu sāpekkhāni, evaṃ sāpekkho ahutvā yo tattha nirapekkho indriyapaccayo hoti avinibbhuttadhammānaṃ yathā duvidhampi jīvitindriyaṃ, so attano…pe… natthīti yojanā. Avinibbhuttānaṃ tesampi liṅgādīnaṃ siyuṃ vinibbhuttānaṃ paccayuppannānaṃ indriyapaccayatābhāvassa adiṭṭhattā. Nanu cakkhādīnaṃ vinibbhuttānaṃ indriyapaccayabhāvo diṭṭhoti? Saccaṃ diṭṭho, na pana so samānajātiyāti dassento ‘‘na hī’’tiādimāha. Sati cevanti evaṃ vuttappakāre samānajātiyaṃyeva avinibbhuttassa indriyapaccayabhāve sati itthipurisindriyehi saddhiṃ. Sahayoge hi idaṃ karaṇavacanaṃ. Yadipi itthipurisindriyāni liṅgādīnaṃ kalalādikāle indriyapaccayataṃ na phareyyuṃ tesaṃ tadā abhāvato. Ye pana rūpadhammā tadā santi, tehi avinibbhuttāva, tesaṃ kasmā na pharantīti āha ‘‘aññesaṃ panā’’tiādi. Abījabhāvato animittabhāvato. Tadanurūpānanti kalalādiavatthānurūpānaṃ atthitaṃ icchanti, yato ‘‘itthī, puriso’’ti pakativibhāgo viññāyatīti tesaṃ adhippāyo.
гусалаж̇аад̇ияанд̇и нид̣̇д̇хааран̣з бхуммам̣. яз бана ‘‘гусалаж̇аад̇ига’’нд̇и батанд̇и, д̇зсам̣ бажжад̇д̇згаважанам̣. висум̣ згаж̇аад̇и ваа бхууми ваа на ход̇и д̇ад̣̇згад̣̇зсабхаавад̇о. хзд̇уаад̣̇ийсубийд̇и аад̣̇и-сад̣̇д̣̇зна ‘‘агусалаахаарзсуби зсзва наяо’’д̇и звамаад̣̇игам̣ сан̇г̇ан̣хаад̇и. зса наяод̇и явааяам̣ ‘‘бхуумивасзна вуд̇д̇зсуу’’д̇иаад̣̇инаа аруубз алаб̣бхамаанасса инд̣̇рияабажжаяасса адтабанз ад̇т̇анаяо вуд̇д̇о, зса наяо яож̇зд̇аб̣б̣од̇и. д̇ат̇аа абарияаабаннагусалахзд̇у, д̇ат̇аа агусалахзд̇ууд̇и зд̇т̇ааби батамаабарияаабаннагусалахзд̇у д̣̇оманассасахаг̇ад̇аагусалахзд̇у жа висум̣ згаж̇аад̇и бхууми ваа на хонд̇ийд̇и ааруббз алаб̣бхамаанааби висум̣ на табид̇аад̇и яож̇зд̇аб̣б̣о. зса наяо ‘‘агусалаахаарзсуби зсзва наяо’’д̇и звамаад̣̇ийсу.
Kusalajātiyanti niddhāraṇe bhummaṃ. Ye pana ‘‘kusalajātika’’nti paṭhanti, tesaṃ paccattekavacanaṃ. Visuṃ ekajāti vā bhūmi vā na hoti tadekadesabhāvato. Hetuādīsupīti ādi-saddena ‘‘akusalāhāresupi eseva nayo’’ti evamādikaṃ saṅgaṇhāti. Esa nayoti yvāyaṃ ‘‘bhūmivasena vuttesū’’tiādinā arūpe alabbhamānassa indriyapaccayassa aṭṭhapane atthanayo vutto, esa nayo yojetabboti. Tathā apariyāpannakusalahetu, tathā akusalahetūti etthāpi paṭhamāpariyāpannakusalahetu domanassasahagatākusalahetu ca visuṃ ekajāti bhūmi vā na hontīti āruppe alabbhamānāpi visuṃ na ṭhapitāti yojetabbo. Esa nayo ‘‘akusalāhāresupi eseva nayo’’ti evamādīsu.
сад̇и сахаж̇аад̇абажжаяад̇д̇з уббаад̣̇агкан̣зби инд̣̇рияабажжаяад̇аа сияаад̇и гад̇ваа вуд̇д̇ам̣ ‘‘сахаж̇аад̇абажжаяад̇д̇аабхаавам̣ санд̇хааяаа’’д̇и. вуд̇д̇ан̃хи ‘‘уббаж̇ж̇амаано саха уббаж̇ж̇амаанабхаавзна убагаараго д̇хаммо сахаж̇аад̇абажжаяо’’д̇и (бадтаа. адта. бажжаяуд̣̇д̣̇зсаван̣н̣анаа). д̇асса бана сахаж̇аад̇абажжаяад̇д̇аабхааво яад̣̇иби адтагат̇ааяам̣ ‘‘сахаж̇аад̇абажжаяад̇аа бана д̇асса над̇т̇ий’’д̇и саруубзнзва д̣̇ассид̇о, д̇ат̇ааби д̇ам̣ анануж̇аананд̇о ‘‘уббаад̣̇а…бз… ниваарзд̇у’’нд̇и вад̇ваа ‘‘вагкад̇ий’’д̇иаад̣̇инаа д̇амад̇т̇ам̣ самад̇т̇зд̇и. гаммабажжаяасад̣̇исанд̇и хи зд̇зна д̇асса уббаад̣̇агкан̣з бажжаяабхааво багаасид̇о. бавад̇д̇зжаад̇и жа-сад̣̇д̣̇зна бадисанд̇хияан̃жа гадад̇д̇ааруубасса руубаж̇ийвид̇инд̣̇рияад̇о ан̃н̃о инд̣̇рияабажжаяо на хи ад̇т̇ийд̇и яож̇анаа. бадижжаваараад̣̇аяо самбаяуд̇д̇аваарабарияосаанаа ча ваараа уббаад̣̇агкан̣амзва г̇ахзд̇ваа бавад̇д̇аа ‘‘гусалам̣ д̇хаммам̣ бадижжа гусало д̇хаммо уббаж̇ж̇ад̇и хзд̇убажжаяаа’’д̇иаад̣̇инаа, на тид̇игкан̣анд̇и ад̇хиббааяо. зван̃жа гад̇ваад̇и уббаад̣̇агкан̣амзва г̇ахзд̇ваа бавад̇д̇ад̇д̇аа. зд̇зсууд̇и яат̇аавуд̇д̇зсу часу ваарзсу. гзжи бана ‘‘руубаж̇ийвид̇инд̣̇рияасса анубааланам̣ уббаад̣̇агкан̣з на баагадам̣ б̣алаван̃жа яат̇аа тид̇игкан̣з бажчааж̇аад̇аад̣̇ибажжаяалаабхад̇о т̇ирабхааваббад̇д̇ияаасса д̇ам̣ баагадам̣ б̣алаван̃жа, д̇асмаа ‘тид̇игкан̣з’д̇и вуд̇д̇а’’нд̇и вад̣̇анд̇и.
Sati sahajātapaccayatte uppādakkhaṇepi indriyapaccayatā siyāti katvā vuttaṃ ‘‘sahajātapaccayattābhāvaṃ sandhāyā’’ti. Vuttañhi ‘‘uppajjamāno saha uppajjamānabhāvena upakārako dhammo sahajātapaccayo’’ti (paṭṭhā. aṭṭha. paccayuddesavaṇṇanā). Tassa pana sahajātapaccayattābhāvo yadipi aṭṭhakathāyaṃ ‘‘sahajātapaccayatā pana tassa natthī’’ti sarūpeneva dassito, tathāpi taṃ ananujānanto ‘‘uppāda…pe… nivāretu’’nti vatvā ‘‘vakkhatī’’tiādinā tamatthaṃ samattheti. Kammapaccayasadisanti hi etena tassa uppādakkhaṇe paccayabhāvo pakāsito. Pavattecāti ca-saddena paṭisandhiyañca kaṭattārūpassa rūpajīvitindriyato añño indriyapaccayo na hi atthīti yojanā. Paṭiccavārādayo sampayuttavārapariyosānā cha vārā uppādakkhaṇameva gahetvā pavattā ‘‘kusalaṃ dhammaṃ paṭicca kusalo dhammo uppajjati hetupaccayā’’tiādinā, na ṭhitikkhaṇanti adhippāyo. Evañca katvāti uppādakkhaṇameva gahetvā pavattattā. Etesūti yathāvuttesu chasu vāresu. Keci pana ‘‘rūpajīvitindriyassa anupālanaṃ uppādakkhaṇe na pākaṭaṃ balavañca yathā ṭhitikkhaṇe pacchājātādipaccayalābhato thirabhāvappattiyāssa taṃ pākaṭaṃ balavañca, tasmā ‘ṭhitikkhaṇe’ti vutta’’nti vadanti.
инд̣̇рияабажжаяанид̣̇д̣̇зсаван̣н̣анаа нидтид̇аа.
Indriyapaccayaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / бадтаанабаал̣и • Paṭṭhānapāḷi / (2) бажжаяанид̣̇д̣̇зсо • (2) Paccayaniddeso
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 16. инд̣̇рияабажжаяанид̣̇д̣̇зсаван̣н̣анаа • 16. Indriyapaccayaniddesavaṇṇanā
